影片
營業時間
今日營業
11:00 - 22:30
星期一至四
11:00 - 22:30
星期五至六
11:00 - 23:00
星期日
11:00 - 22:30
以上資料只供參考, 請與餐廳確認詳情
餐廳：阿木台灣麵地點：旺角豉油街菜式：台灣菜餐牌：午市套餐，下午茶餐，阿木牛肉麵，台式便當，阿木拌麵，老台灣腌菜，台灣小吃，蛋餅同飯。飲品有古早味，芝士岩鹽奶蓋，珍珠奶茶，冷泡茶，台灣紅茶，四季春青茶。落單用QR code。番茄牛肉牛筋麵（片切） $80大大碗番茄牛肉牛筋麵熱辣辣上枱。片切即係牛腱心肉質比例較多，一共有兩大件超厚身件，明顯係半筋半肉，牛味又濃，厚身啖啖肉，好味道。有好幾條牛筋，入口即化，滿滿骨膠原。麵條係白色拉麵，都有咬口，份量適中。伴有鹹菜同蔥花，可以叫多鹹菜同多蔥花。個湯甜甜地，味道好濃番茄味，真係見到新鮮番茄，配麵好夾，唔會油膩。滷牛筋 $62滷牛筋一客8條，滿嘴都比骨膠原張住，滷得好入味，微微辣。面頭灑上蔥花。芝士岩鹽奶蓋炭燒烏龍茶 $20我叫左芝士岩鹽奶蓋炭燒烏龍茶，微甜同無冰，微甜係剛好甜度，帶微微茶味，加上面頭厚厚鹹香奶蓋真係好夾。轉外賣杯加$1。方便邊行邊飲。今餐食物飲品質素唔錯，而家搬左過隔離分店更大更舒適。
繼續閱讀
這家台灣菜簡直是我的最愛了，定期來吃的一家店！地理位置也很方便，就在旺角和油麻地中間！主食一定是要點紅燒牛肉牛筋麵，這個牛肉湯好濃郁，牛肉香味突出，麵條也很筋道，這家的辣椒醬也好好吃，可以加一點吃！我自己是加大辣椒，好香～牛肉煮得很滑嫩，一點都不怕柴。牛筋也是好嫩，膠原蛋白滿滿的😊加了一個炸雞排，新鮮炸出來的，好香，是古早味的炸法！鹽酥粉可以多撒點！而且雞肉也是滑嫩，外脆內軟，而且份量其實很大，誠意滿滿的，好好吃！黑糖珍珠奶茶必點一個，喜歡喝台灣奶茶的要試試，我直接來了一個全糖的，很好喝👍非常推薦
繼續閱讀
經過旺角見到呢間餐廳獲獎無數🏆🎖️，一睇之下原來靚靚老闆娘係位嫁到泥香港嘅台灣人，家族係台灣經營餐廳多年，到旺角鬧市開台灣菜都親自打理，對食材質素及處理方式好講究。誓要將台灣菜原汁原味帶到泥香港。價錢又親民，份量勁多，CP值爆棚！📌芝士肉鬆蛋餅多芝士🧀🥚🌮蛋香同蔥味濃郁，內裡芝士同肉鬆塞滿滿，肉鬆香口唔乾，配搭鹹香嘅芝士拉絲，富有台味📌炸雞排便當🐔🍱一塊巨型雞排，皮脆肉嫩，咬落去好Juicy！記得要加D阿木嘅鹽酥雞粉，夜市風味即刻爆棚！便當仲有肉燥飯，飯用咗台梗九號米，粒粒分明又煙韌，肉燥肥瘦均衡入味！仲有三款台灣醃菜，今日係醃小黃瓜、菜脯同紅豆絲，酸酸甜甜又解膩，味道層次豐富！📌凍芝士岩鹽奶蓋炭燒烏龍茶🧊🧀🍼🍵加咗珍珠Q彈得嚟又有嚼勁，奶蓋濃郁同炭燒茶嘅香氣match，飲落去清新又唔膩，仲可以即場買茶包返去自己泡
繼續閱讀
好耐之前食過阿木牛肉麵，聽朋友講佢哋裝修咗所有嘢乾淨好多，今日同朋友一齊去試吓蕃茄牛肉牛筋麵🍜 牛筋煮得軟腍入味，牛肉鮮嫩多汁，蕃茄湯酸甜開胃，麵條彈牙，湯底濃郁鮮甜，好有家鄉味！古早味炸排骨🍖 外皮炸得香脆金黃，肉質多汁不乾，鹹香帶點微甜，令人一啖接一啖停唔落口！韭菜蚵仔煎蛋🥚🦪 韭菜鮮嫩，蚵仔鮮甜多汁，煎蛋香滑微焦，鹹香味足，口感豐富又開胃。芝士鹽奶蓋燒烏龍茶🧋🧀 烏龍茶香濃，頂層芝士鹽奶蓋濃郁滑順，甜鹹平衡，飲一口即刻回甘，好特別又好飲！
繼續閱讀
我記得之前阿木台灣麵喺旺角唔係呢個位置 搬咗位之後第一次嚟食 呢個舖位大間咗又坐得舒服掙扎咗好耐食咩湯底 最後還原基本步食返紅燒牛肉麵😆▫️紅燒牛肉麵（角切）最鍾意呢度係有得選擇角切定係片切 分別是片切即是牛腱心 肉質比例比較多；角切即是牛腱頭 根位部份比較多個人最喜愛是角切 連埋筋位但係質地仍然軟腍 口感非常正 麵底都係非常出色的 絕對唔會腍身 仲好有趙口 而且都有少少掛湯能力 今次新發現係旁邊的自家製麻辣醬 原來同個牛肉麵好夾！辣辣地連埋牛肉食會提升了另外一個層次 如果鍾意的話喺櫃檯係有得買一樽返屋企的▫️芝士肉鬆蛋餅芝士肉鬆蛋餅鹹香夠味 蛋餅煎得香脆 芝士有微微拉絲好滿足▫️芝士岩鹽奶蓋炭燒烏龍茶（凍）點了微糖少冰 茶香濃郁 面頭的芝士岩鹽奶蓋帶有咸香 食完碗牛肉麵飲埋杯茶就啱啱好發現原來星期一至五有下午茶好抵食！下次有機會可以試吓
繼續閱讀
您可能會有興趣的...