阿土伯鹽水雞 (東廣場)

營業中

休息中

之前食過係幾好食既，所以今次係附近做完facial 就去幫襯下啦，去到因為都夜晚8:30，好多野都賣晒店員態度一般嗌左一個一人餐同半隻雞餐（半隻雞+三款配菜）自己就另外加多左一款配菜（+$8）點知番到屋企食左兩啖先知佢比少咗一款配菜，仲要係加左錢既😑😑整體既調味就唔差既但啲雞比起以前鞋左好多，雞胸真係好難食同埋感覺係冇半隻雞咁多配菜份量偏少麵既份量都係偏少男士一個一人餐係唔飽既我自己就食完半隻雞都感覺好空虛可能我大食啦🫠🫠經過今次都唔會再試了

想食台式鹽水雞 呢一間真係一個唔錯嘅選擇👍而且佢一人餐抵食之餘又夠飽肚😗首先有一大兜雞 都幾嫩滑🐔仲可以揀三款配菜 唔夠飽仲可以加埋面底 份量相當之大😍而且營養均衡 幾健康🤓

有日經過東廣場見到呢間「阿土伯鹽水雞」，有啲掛住台灣味道，所以買咗嚟試一試！😋⛄️買咗一人餐$43，1/4隻雞🐔，加三個配菜，我揀咗芭樂、鳳梨🍍、洋蔥🧅、走辣❌🌶！🐔雞肉嫩肉，🍍鳳梨清甜、芭樂清香，🧅洋蔥爽脆，加咗🧂椒鹽做調味，鹹度適中，So Yummy!😋

叫咗一人餐雞胸雞腿各一半，返到屋企沖完涼，準備食嘅時候先發現俾咗雞翼，同2粒雞胸碎我，雞髀就一舊都冇，而我由細到大都係唔食雞翼嘅。 聯絡觀塘店店員，竟然仲理直氣壯咁覺得搭啲雞翼落去冇問題，仲串77咁講: 【介意嘅話就下次落單之前講聲，幫你抽返隻雞翼出嚟。唔食雞翼嘅話下次落單之前講聲。】 我心諗: 你個Menu有雞胸雞髀，或者雞翼俾人揀，我落單嘅係雞胸雞髀，做乜要無啦啦同你講我唔食雞翼？？？唔係應該由店員提醒一下，如果唔夠雞嘅話會搭雞翼？ ummm…作為一個食客，睇Menu叫餐，你俾咗啲唔係我叫嘅嘢我，仲怪返客人唔落單之前講唔食嗰樣野😅 成件事好簡單 Menu:【雞胸腿各一半，或雞翼三隻】我: 胸腿各一半吖唔該 返到去見到係雞翼問店員 店員: 你落員之前唔講你唔要雞翼？下次講返聲我幫你抽返起隻雞翼啊下 黑人問號？？？？

之前一路想試呢間鹽水雞都冇機會 今日去野餐終於可以買黎試下✨半隻雞+杏飽菇+西蘭花+甜不辣+拉麵 (中辣）$87材料份量都唔少嘅 都食到幾多雞 不過啲雞肉就有啲鞋🙈🙈 同埋個辣味我覺得好似食緊KFC 嘅辣雞味咁🙈 雖然食到流鼻涕但我覺得中辣對平時食開譚仔三小嘅我都啱啱好 可接受 拉麵質感都唔錯嘅 其他配料都正正常常 整體黎講不過不失 🙈 唔會特別想再食味道❤️❤️❤️價錢❤️❤️❤️服務 (外賣）環境 (外賣）💰午餐人均～$45❌再幫襯

工作需要偶然來到翠屏邨，附近餐廳不多，所以打開了deliveroo看看有甚麼外賣餐廳可以送餐，便找到這間阿土伯鹽水雞。其實之前已經食過幾次了，通常都是堂食的，這次在APP上點了二人餐🤤二人餐(2拉麵) — 半隻雞 + 拉麵x2 + 配菜x5 $138選了阿土醬（微辣）配料選了皮蛋﹑海帶﹑小黃瓜﹑馬鈴薯﹑凍豆腐半隻雞相信應該有不同部份，但不論是雞翼或雞脾全都去骨了👍🏼蒜蓉醬非常多，吃完後蒜蓉味在口中久久不能散去🤣配料份量亦相當多，而且新鮮，蔬菜類如小黃瓜﹑馬鈴薯都爽脆。兩個麵的份量是一個長方形外賣盒，起初以為不夠吃，怎知最後加上雞肉和其他配料，兩個女仔已經飽😝

一直想試吓各種台灣夜市嘅地道美食，見觀塘有得食鹽水雞，聽講算係營養比較均衡嘅選擇，就決定晚餐去試吓👀🍗 1人餐 - 胸腿各一半 + 芭樂、小黃瓜、黑木耳 (原味) $45💯 評分：🌕🌕🌕🌗🌑 (3.5/5)💬 雞肉俾得幾夠，肉質都算滑；芭樂相對冇咁多，有幾嚿細細嘅，酸酸甜甜中和返鹽水雞嘅鹹味；小黃瓜水分足，好脆好爽口；黑木耳亦都脆卜卜，唔錯👍椒鹽味幾香幾吸引，少味已經好足夠，走哂蔥、蒜同辣仍然有層次，份量多返少少會更優勝！😁

.又黎到觀塘多好野又多良心小店💛今次黎到一間多區有分店既台灣美食🇹🇼食落好有台灣夜市風味既平價鹽水雞😋.🥢 套餐3餸加胸脾各一半拉麵 $45阿土醬初初食落好特別好好食🍜但食多幾啖就覺得有啲喊🧂建議要小味會好啲🐣鹽水雞好滑好好味 連雞胸都好滑🥒秋葵本身就冇乜味🍏蘋果估唔到酸酸甜甜都幾開胃🐷豬耳食落大大舊 好爽好正🫒豆乾本身我覺得好有台灣風味 唔會太硬🦶🏻鳳爪根我覺得太硬 加上本身仲有啲骨 好怕牙都崩.

好掛住台灣嘅鹽水雞都係唯有食住香港嘅鹽水雞先啦 呢間嘅味道都做得幾好我揀咗一人餐 可以揀雞胸雞腿各一半 又或者揀三隻雞翼冷健康既關係😂咁所以揀咗雞胸雞腿今日配原味 + 辣🤭如果想再健康啲嘅朋友 點餐係可以揀「少味」一人餐係包左三款配菜嘅 如果想再加嘢就$8一款揀咗芭藥 （ 好有個台灣既感覺😋） 秋葵花枝丸 - 台灣嘅花枝丸不嬲都唔會令人失望🤤我覺得係啲蔬菜都算新鮮 同埋出街食外賣 一個飯盒能夠食到幾款蔬菜係難而呢個餐係唔包飯或者麵可以加$7 有拉麵 同鹽水雞仲有配菜撈埋晒👍🏻唔知點解無飯揀呢 🧐 如果有嘅話我都想配白飯

有留意既朋友🙈係呀又係觀塘🙊#阿土伯鹽水雞#🐣$45 可以揀胸腿各一半或者三隻雞翅再加三個配菜我呢次揀左秋葵、滷蛋、金菇做gym 前食啲邪惡之物😇有三個醬揀：原味/芝士/阿土醬我直選芝士但感覺一平 唔夠野味如果食得辣既朋友可以揀辣🌶或者阿土醬 再話我知係咪真係咁好食但今次我覺得麻麻 應該係我配搭揀得唔好🌟評分：2.5/5

觀塘星期日午飯在這個”工廠區”竟然是這樣的繁忙，周圍都排長龍等位！唯有改為買外賣。誰知外賣都很多人呢！於是揀了一家外賣隊比較短的一家，就是這家，從舖外看還可以的，台灣菜我又喜歡，於是便決定這裡了。.餐牌選擇不算多，店舖不大，小店經營。.👇皇牌套餐 (1/4雞) $55另包兩個小份餸，我選了米血糕、蓮藕 ⭐️⭐️⭐️💫 (3.5分).👇古早飯⭐️⭐️⭐️💫 (3.5分)味道一般，沒有什麼特別。幸好不太油和鹹。.總體而言屬一般般，份量較細少少，可能需要加甜品或珍珠奶茶之類填飽啲個肚。

1人餐加拉麵 ($52) - 阿土伯鹽水雞1人餐 ($45) 包左雞（胸腿各一半）同自選三款配菜，小編揀左西蘭花、凍豆腐同杏鮑菇，on top再加7蚊加左個拉麵。有菜有蛋白質又有拉麵，份量唔算多但有種番左台灣既感覺。呢個年頭，好耐無去旅行，有種思鄉情懷。The meal set for 1 person (HKD $45) includes chicken (chicken breast and leg, half and half), served with 3 sides of your choice. I chose broccoli, tofu and king oyster mushroom, with a serving of ramen for HKD $7. With veggies, protein and ramen, although the serving size is not, well, large, I got a feeling of going to Taiwan. I miss Taiwan.

呢幾日天氣勁翳焗，今日仲要去觀塘，又多人又迫成個蒸籠咁，一定要食返啲凍嘢cool down吓。。。對於fatc9嚟講，除咗三哥之外，鹽水雞就係我第二位嘅comfort food(或者係酸辣粉/麻辣燙嘅，好難決定啊~)！同係三哥叫嘅餸一樣，食鹽水雞通常我都會叫木耳絲，再加芋絲、蓮藕同埋雞腳筋，呢度就大約$60到。今次叫咗大辣多蒜，low carbs多protein少油，惹味之餘其實幾健康！呢餐鹽水雞講唔上係啲咩驚為天人嘅美食，不過就同譚仔一樣，係平淡中嘅幸福囉~美味指數：7/10性價比：7.5/10推薦指數：7/10

🌈 觀塘系列🌈🔸️ 口痕想食啲重口味嘅嘢，今次我哋揀咗鹽水雞👫－－－－－－－－－－－－－－－－－⭐ 半隻雞餐 ＄80🔸️ 可以選擇三款配料我哋揀咗：芭樂、翠玉瓜、杏鮑菇🔸️ 呢三款都好食👍蔬菜爽口新鮮不過翠玉瓜比較薄如果厚啲會更加入味👅🔸️ 加＄7配粗麵我哋兩個人一齊食👫加埋杯嘢飲 都有七成飽👍🧸推薦指數：⭐⭐⭐⭐－－－－－－－－－－－－－－－－－㊙️總括而言，都有八成台灣嘅感覺🤗不過鐘意重口味嘅朋友會略嫌有啲唔夠重口味🙈❗－－－－－－－－－－－－－－－－－阿土伯鹽水雞觀塘成業街7號東廣場地下23號舖

個人好鐘意食 味道係唔錯 但係成日漏野 份量好少 漏咗蓮藕 加多甜不辣配料份量又少😔😔😔😔😔😔😔😔😔😔😔😔😔😔😔😔😔😔😔😔😔😔