阿元來了 (鴻圖道)

營業中

休息中

已經食過好多次，次次都想試吓新嘢不過都係忍唔住要返魯肉飯🤣魯肉有分大同細size , 大既有滷水蛋同菜。我通常都係嗌細 跟住再另外嗌小食。雖然都幾油 但佢啲肥肉恰到好處，撈飯好正，好有係台灣食嘅感覺。而且碗飯夠熱都係重點！同埋好鍾意個一片醃蘿蔔😁鹽酥雞 鹽酥雞扒 鹽酥魷魚 3樣試過晒都勁好食 。應該係即叫即炸 夠晒熱辣辣 又脆！ 仲有台式香腸都係必點！另外今日試咗大腸米線我就覺得一般 唔夠濃味。d 蚵仔都一般般。嘢飲就冇試過呢間嘅台式飲品通常都係飲熱咖啡。

原本上星期日打算試下呢間「阿元來了」，去到先見大門深鎖，原來呢間餐廳星期日係唔開門！😅今日再接再勵星期六下午六點就到，鋪頭里面已經九成滿，好彩唔使等位就即刻可能入坐。嗌左以下3樣食品試下。阿元滷肉飯$43 滷肉夠肥夠味，送飯一流，對一般男士黎講可能細份d，但價錢ok，可以一試。☺️台東擔仔麵$37肉醬分量唔係好夠，我都係撈埋滷肉一齊食，湯頭味道唔夠濃，面頭浮左一層油，食落有d油。份量都係少左d。😅無骨鳳爪$32因為平時食開都係泰式鳳爪或者酒樓豉汁鳳爪，呢個鳳爪好有驚喜，滷水夠味得黎又爽脆彈牙。最推薦呢樣小食。👍

📸 阿元來了 @yuanishere @yuansmarket好耐無去台灣 去開觀塘就即刻揀咗阿元試吓6點半去到 人唔算多 未需要等位住叫咗幾款野食試吓 errrrr有時真係唔好有期望🍴雞肉飯太陽蛋煎得剛剛好蛋汁可以用嚟撈飯雞絲份量都幾多 本身配咗醬油汁唔知問題係雞肉定個汁食落一陣油膉味 餐廳配咗酸菜解膩 但唔知係咪太碎完全無酸味🍴蚵仔煎蚵仔份量非常多🤪但唔知係咪唔新鮮 好腥食完一啖真係食唔落蛋漿同木薯粉既比例有少少唔平均調味又唔夠木薯粉食落似橡筋 身為煙韌控 呢個口感都幾唔吸引🥶#wwh中伏了 #wwh食勻觀塘#wwh食勻牛頭角✨

台灣野食真係冇乜邊個唔鐘意。今次黎到一直好受歡迎嘅阿元來了，由台灣人開嘅人氣小店：裝修好有心思，主打懷舊台灣夜市風，充滿人情味當日下奏3點左右，等左15分鐘左右就有位，仲有好多人外賣。阿元滷肉飯阿元滷肉飯比普通滷肉飯多隻滷蛋同菜，滷肉半肥瘦，都幾入味，可能因為半肥瘦同比較少油嘅關係，唔夠台灣嘅滿足磁焢肉飯幾塊厚切腩肉加少量滷肉，相對會乾身小小，岩鍾意啖啖肉嘅朋友鹽酥雞想像中嘅味道，不過不失，係唔夠熱同脆身肉鬆起司蛋餅黎到有d嚇親，因為真係超大舊超足料，滿滿肉鬆同芝士仲有少少辣醬係側邊，食落惹味又無咁濟

今晚去左阿元來了食晚飯，第一次黎整體感覺一般吧，而且用餐時間好急，我地大約7點到，8點半開始趕我地走，但其實冇乜客等入枱😅😅用餐1.5hrs。餐牌只有2頁紙，一頁飲品一頁食品，當中主食主要2款:滷肉飯同湯麵線，之後都係小食⭐️如果想食玉子蛋卷要5:30前，晚餐係冇架😂😂滷肉飯份量一小碗，性價比比較低，味道吾會太咸整體冇特別。擔仔棵條湯，麵條其實係幼身湯河加滷蛋滷肉同一隻蝦，湯底清甜少湯汁。甜不辣拼盤，係原味+辣味，份量大概8-9條，口感爽彈可口，雖然冇醬汁但味道本身夠。蚵仔煎，蠔仔較少，餅比較痴底而且送上黎吾熱，吾知係咪放左一段時間？？另外點左2杯飲品，珍珠奶茶茶味較淡。整體來說，價錢可以接受，但性價比吾高。

以前西營盤已經有食開, 一間食物正常發揮嘅餐廳.我8:55pm 入去, 個接待員話冇問題叫我哋快啲order比錢先就得, 咁我5分鐘order好比錢坐低咗, 大約5-10分鐘啲嘢食到晒, 我哋2個人都order咗4樣嘢食, 我見我哋最尾五六台咁我已經盡量食快啲, 不過真係李老闆！我食咗幾分鐘 嗰個阿姐走過嚟同我講”你哋可唔可以食快啲!” 其實淨係比幾分鐘我食, 不如一開頭就同我講要閂門！ 我睇吓隻錶嗰陣係9:18pm, 跟住佢哋真係同你玩熄燈走人 ….. 我知你哋出名, 其實招呼唔到咪叫人叫外賣或者唔好做, 好簡單~ 人哋唔會怪你~不過又要賺埋又唔願service! 最後我哋夾硬倒晒落個口度頂住晒禁走！ 做餐飲業做到咁其實對得住個客人咩？食物 ** 態度令我覺得食咗屎咁環境 **** 係特別嘅服務 * 如果有得比負* 佢負4* 簡直對唔住個餐飲業界衛生 *** 正常觀塘水平抵食 * 比完錢唔比時間人食 點話你抵 價錢一般

想食台灣嘢嘅話，阿元來了一直都係我嘅首選。佢哋唔單止食物種類多，而且每一樣食物都好有水準，性價比都幾高。今次去叫咗我最鍾意食嘅爆蛋雞肉飯同埋海鮮煎。爆蛋雞肉飯嘅雞肉輕輕醃過，雞肉撕成一條條，配上酸菜同埋蛋汁，撈埋落啲雞油飯度，食落好香口，好滿足。海鮮煎入面有蚵仔，蝦仁同埋帶子，海鮮算新鮮，海鮮煎煎到金黃色，粉漿嘅濃度調配恰當，配埋特製嘅甜醬同辣醬，好有台灣夜市風味♥️都唔知幾時先有得再去台灣，唯有食阿元來了頂住當先啦😭

.1️⃣奧利奧咖啡餅($12)⭐️⭐️⭐️(3/5)2️⃣花生麻糬餅($13)⭐️⭐️⭐️(3/5)3️⃣芋圓珍珠餅($16)⭐️⭐️(2/5)4️⃣芋頭肉鬆餅($14)⭐️⭐️⭐️(3/5)🌙口味新穎🌙每啖都有餡料！🌙奧利奧咖啡會有成塊oreo係底😆🌙花生麻糬大路配搭！不過不失～✖️芋圓珍珠配搭太奇怪😣兩種過糯嘅甜品唔適合放入車輪餅✖️芋頭肉鬆餅嘅肉鬆味唔夠明顯.5️⃣玉米起司蛋餅($32)⭐️⭐️⭐️(3/5)🌙蛋皮唔會過厚🌙玉米起司餡料啱啱好✖️蛋餅唔算香脆～差少少火候.6️⃣甘梅粉雞排($45)⭐️⭐️⭐️(3/5)🌙夠晒脆！🌙雞排算大份～而且都有肉汁！✖️唔太食得出甘梅粉🤨🎡阿元來了地址：觀塘鴻圖道28號地下後座(港鐵牛頭角站 B6 出口, 步行約4分鐘)

以前喺觀塘返工，間中都會去阿元來了食 lunch，呢度個入口好隱蔽，好簡陋。不過一入到去，即刻別有洞天，成間店裝修好靚，充滿濃厚嘅台風。先嚟碗台南擔仔麵，再加碗福州魚丸湯，擔仔麵魯肉肥美，貢丸，蝦同滷蛋就正常水準，其他芽菜，蔥同芫茜樣樣齊全，不過湯底略嫌淡咗少少；個湯情況一樣，魚丸大大粒彈牙味濃有油脂，不過湯底都係淡咗啲。小食方面，我最鍾意甘梅粉雞排，炸得香脆之餘又唔會太油，肉質亦唔太乾，蘸埋酸酸哋嘅甘梅粉一齊食，好正。豪華海鮮煎即係蚵仔煎個 friend，口感一樣，餡料就有蚵仔，蝦仁同帶子，不過個人覺得蚵仔煎好食啲，因為蝦仁同帶子嘅味道較淡，冇蚵仔咁突出。至炸甜不辣拼盤有兩款，淺色較腍嘅係平時食開嗰種，深色煙韌啲嘅比較少見，兩種味道差唔多，唔錯。

想念台灣的味道， 我就來了阿元來了。鋪頭裝修有台灣味道， 而且懷舊， 可以打卡，正。 食物方面都正常， 價錢合理， 平民推介。 餐牌有很多選擇， 我最喜歡食大腸面線，因為不多地方有，有興趣的可以試吓， 重點價錢相宜， 當然份量不算多，如果份量多一點較好。 大腸面線驚喜蛋餅魯肉粿條雞排共$160 😋😋😋😋#foodorientalhk#foodoriental#美食#香港美食#觀塘美食#foodiehk#hkfood#travelhk#hkfoodguide#hongkong#wanchai#cusine#搵食#食lunch#晚飯#teatime#下午茶

4月21日開始可以晚市， 22日5：30pm 可以堂食， 放工時段人唔太多， 只有幾枱客。我一個人叫左細台式魯肉飯$33 細細粒五花腩肉， 夠林唔太肥，我覺五香粉唔夠香， 可以再濃郁d, 加少少辣會味更出。 細細碗，一人份量已足夠。基隆炸雞卷$30唔似雞肉， 太多馬蹄粒， 卷炸得唔太脆及熱。食落感覺好麻麻。阿元來了， 台式食品出名， 而最愛它紅豆餅， 麻糬餅。 order 左4個， 買3送1。洋蔥起司培根餅好特別oreo 咖啡餅必食推介總評： 7分

看到open rice食客的推介，上星期午飯時間打算去光顧，不過輪候入座的人人太多了，結果到今天不用等位才有機會光顧。這次點了迷你魯肉飯加熱芝士奶蓋紅茶，魯肉飯多汁、魯肉不是肉碎，是小塊小塊的肉，軟軟腍腍，很入味；熱芝士奶蓋紅茶不太甜，味道剛好。店舖門口雖然不起眼，但裏面裝修很復古，吃得舒服！

今次大概等咗10幾分鐘就入到去食啦 今次試咗以下幾道菜:1. 滷肉飯(細碗) 2. 皮蛋豆腐3. 柯仔煎4. 梅子雞扒滷肉飯好好味 推介👍 皮蛋豆腐 點解打爛咗嘅?😅 鍾意食平時嗰種多啲 柯仔煎幾好味 唔會好腥 梅子雞排好脆好多汁 可以落多啲梅子粉😋

阿元來了一間我一定會再回頭的餐廳。😍食物很有水準，而且環境好似去左旅行咁，哈哈😆，呃得幾耐得幾耐那怕係一餐飯既時間。每款份量少少的，最岩眼闊肚窄既我。新竹貢丸湯$20貢丸香濃彈牙，重有我最喜歡既芹菜粒做湯底。夠香香菇肉羹米粉 ＄48其實原本係係想叫蚵仔大腸麵線，𣎴過賣哂好慯心，所以叫左依款，好讓我懷念一下去台灣旅行既日子。哎，都好好味呢，湯底夠稠，岩岩好香菇湯汁掛新竹米粉，肉羹分量十足。原完係台灣的味道。玉米芝士蛋餅$30見到特別注名，蛋餅由台灣直送所以叫。少少蛋香，芝士味唔算好出，餅皮夠薄身有Q彈口感，食落唔會油膩不過味道比較淡可能叫肉鬆起司會岀色啲。塩酥雞$37熱辣辣，剛剛炸起非常脆口，好juicy，調味剛剛好，炸粉唔會太厚，口感吾會好油膩，而且份量好足，好香好好味😋芋泥麻糬餅$13我既最愛芋泥蓉又香又吾會太甜，即叫即做。真係好好食，我食完後再order 多個！真係好好味。好食到我自己都好想開一間😄食完依個post…我已經想再去食喇😚

好耐冇去過台灣旅行，真係好掛住台灣嗰啲平靚正嘅嘢食想喺香港識到平靚正嘅台灣野，其實選擇都唔少，不過阿元來了嘅飾物款式選擇都比較多，同埋貪佢全部細細份，可以叫好多款嚟食，而且個裝修真係好有台灣復古味道次次嚟都一定食佢嘅滷肉飯，今次試咗個肉羹，可能因為本身都鍾意食湯羹類嘅嘢，佢個味道都幾令我喜出望外菇味同肉味都配合得好好另外仲叫咗個滷味拼盤，呢個就不過不失啦。台灣手搖來講珍珠奶茶，其他水果茶都係20幾蚊，未到仲拍得住出面幾十蚊一杯，真係夠晒滿足