閩味千里香餛飩皇

營業中

休息中

🐾 閩味千里香餛飩皇 (觀塘) 🐾-招牌福建滷面$45✔️各式小餛飩麵$30✔️韭菜鮮肉煎餃子$35✔️灼菜心$12✔️-招牌福建滷面:入面豬肉、干貝、蝦仁同埋菜等等👍🏻材料都幾豐富嘅，不過個湯有少少淡，同埋啲面唔係我哋平時食開個隻😂-各式小餛飩麵：都算係皮薄餡靚，個餡都好大同埋都好夠味，不過個湯真係超淡😂完全唔啱重口味人士🤣🤣🤣-韭菜鮮肉煎餃子：呢個就要推薦啦，因為雖然係煎嘅佢入邊一啲都唔乾而且仲有肉汁，仲濺到個面脆卜卜真係好好食👍🏻——————————————(非專業,完全跟據個人口味☺)食物:7/10環境:6/10服務:5/10人均消費:$50———————————————▪店舖名稱: 閩味千里香餛飩皇 (觀塘) ▪店舖地址:🔸 觀塘康寧道34號地舖你

我今日叫咗一個全家福小雲吞15隻，因為今日得自己一個人食，叫嘅份量唔多，但係樣樣都好想試下，所以點呢個全家福嘅小雲吞有咁多種味道，粟米鮮肉、薺菜鮮肉、韭菜鮮肉、冬菇鮮肉等等，的確好啱一個人食黎點既食物。每一粒雲吞都係細細粒，而且肉同菜嘅比例啱啱好，對女仔來講可以食到好多種唔同嘅口味的確係好正！一個人黎食都可以推介既餐廳。我記得好細個嘅時候响大陸食過一間雲吞專賣小店，佢嘅雲吞都係細細粒，一啖一粒，菜同肉嘅比例又係啱啱好，好啱健康人士食。順帶一提，呢間舖頭響下午茶會有九折優惠。

只要你click入我嘅profile，你就知道我係餃子控，基本上我每星期都會諗起想要食餃子，今日喺官塘附近想食，就黎到呢間，價錢合理，比太子果啲人氣店平成$10咁多，但質素確係唔同嘅！$37就有10隻韮菜肉餃，但係細啲，味道方面可能係閩味關係，韮菜味不足，大概因為包有蘿蔔絲，少韮菜，但又不能以別家做法做好味準則嘅，畢竟係閩味道嘛！其實好抵食嘅，呢個價錢加$3有熱飲，加$5有凍飲，廿一世紀邊度搵！唔夠食咪加$10加個麵底囉

水餃店有好多，我認為呢間係值得推薦，三十幾蚊有個大水餃面，粒粒都勁大粒勁足料，面既湯底夠清淡，岩而家流行食淡d，另外煎餃都係三十幾蚊比十粒你，食完碗面再食埋d煎餃飽到行唔到，雲吞無試因為個人比較鍾意食水餃，最緊要係佢真係清淡得黎好食，同類專賣水餃既店有好多，有好多都好伏，由其深水埗果d吹到隱世食店，係得呢間又平又好食，唯一挑剔既係樓面阿姐態度一般，不過未至於去到差所以都無咩所謂，想要好服務我會選擇去酒店，同埋佢成間野真係就得水餃同雲吞食，如果遲下加多些少選擇生意應該會再好d

嗰日經過康寧道好肚餓，附近我們間間都唔啱食，見到有間餃子頂住先啦。下午茶時間冇下午茶，我銅鑼灣食神都有啲嬲。嘢食係完全唔平，樣樣4-50。又沒有本半份叫。我心諗叫兩款咪百蚊落樓。咁嘅價錢我想去酒店食啦。咁唯有乖乖地叫咗個全家福，加杯凍華田啦。全家福即係幾種水餃雲吞有齊，食落去有水準。但無餐/冇下午茶食得盡。如果唔睇價錢我都推介，但真心下午茶一碗野一杯嘢飲成$60有啲貴！如果睇錢我絕對唔推介，就係冇餐有啲嬲嬲豬！

呢間餃子店一直都係我最愛！成日冇食一排又會心思思想食！最主要係因為佢價錢平，而且性價比超超超高！先講餃子，佢係非常juicy，一咬啲肉汁即刻湧出黎，個餃子皮又唔會覺得好粉好厚！仲要係連煎餃都係超級juicy架！炸醬麵都好好食，成日唔夠飽都會叫一個同朋友share，或者唔肚餓時叫一個就夠飽！最最最要推介係個辣椒油，其實只係好少辣，都好好食，非常惹味，落左又係另一番風味！

自己由細到大，都好鐘意食餃子。最近，無意之間搵到呢間餛飩餃子店。鋪頭唔算太大，不過唔算坐得迫。唯一油煙味有少少大😏餐牌有小餛飩，水餃，煎餃主食。餡料有香港少有既薺菜，因為係手工關係，薺菜味幾香。小餛飩喺放湯既，試左全家福，五種餛飩味道都有，最鐘意韮菜豬肉，薺菜豬肉兩種味道，香菇豬肉就嫌冇咩香菇味。煎餃，就叫左韮菜豬肉。餃子煎得香脆，內餡仍然濕潤。薺菜水餃，餃子皮唔厚，薺菜夠香，湯底有少少芜茜，芹菜碎，好味。

門口寫學生送汽水，但收銀扮唔知，連問都唔問！回應態度極差，全程黑面！！！🌚🌚🌚特別係收銀，影響心情！極度不推薦，態度差態度差態度差態度差態度差態度差態度差

繼百方雲集之外，好耐都冇試過係出面食餃子🥟因為有媽媽的愛心餃子，真係好耐都未試過喺出邊食餃子。有時晏晝唔想食飯又唔想食粉面，咁啱見到呢間餃子店，入面都幾多人幫襯除咗有餃子之外，呢度仲有小雲吞供應，不過黎得呢度當然要食啲香口嘅野喇！同男朋友一人叫咗一款，叫咗煎餃以及小雲吞係出面食煎餃風味真係好唔同，香口又惹味，叫左少有食到既雲耳白菜豬肉煎餃，入面仲要好多餡料！呢間食落唔會覺得好重口味，有d似家的感覺本身應該點醋，不過我中意點豉油多d😋😋😋全家福小雲吞，叫咗20粒，不過小雲吞一口一粒，所以20粒份量唔算多。全家福有晒所有嘅味道，小雲吞嘅味道比煎餃清淡，不過食落都唔錯！有時唔想食飯，清清地食個餃子都係個唔錯選擇

我今日收工等BB食飯，但係因為我五點就已經收咗工呀，但係我BB要八點先收工，只好去行下街睇吓有冇嘢買啦，點知行完惠康出返去望去對面見到松記，本身諗住去松記食碗湯圓，因為真係好凍仲要有啲餓添，但行都松記嘅時候,旁邊就有間專賣雲吞水餃嘅店，近期有勁想食雲吞水餃喎，所以就入去食啦我見到佢寫小雲吞15粒$28 ，想食多一款加兩蚊，咁我梗係食兩款啦，點知我又咁鬼蠢囉，揀咗鮮肉小雲吞同埋齊菜小雲吞，因為齊菜小雲吞係$30，所以最後咩我買單就$32 ，但係其實都好平嘅，同埋啲雲吞嘅肉好新鮮，個皮好滑同埋係即叫即煮嘅，老闆力sales我飲豆漿，但係我冇叫到啊，因為我仲要約BB食晚飯所以唔敢食咁飽，下次我要食埋佢啲水餃，而家諗返起都覺得回味無窮但係呢間鋪都有一個缺點，大陸味好重，同埋枱面唔係咁乾淨雖則我覺得佢應該係新開嘅，即係枱面會有一啲食淨左嘅菜炸水餃皮啊嗰啲污糟野喺度，所以呢個都係一個好大嘅缺點

自問我對食野唔高要求，亦經常去呢間幫襯。今日第一次叫野飲，職員話：試下佢地d豆漿，自己整架，好靚！我見熱熱飲都係加3蚊，都一試無妨😃 出左單，原來加7蚊，佢話其他熱野先加3蚊，豆漿要加7蚊既。咁都無所謂，自家製，7蚊都抵既。第一樣野黎度就係豆漿，一飲，一浸好燶燒燶煲既苦臭味。好想同職員反映，但人流都算多，幾爆場，一個人都搵唔到⋯⋯好👌🏻咁到比錢，直接同老闆反映：你地今日煲燶豆漿呀，飲都飲唔到。老闆眼都無望我回應：係咩？從來未試過比負評，知道個個都係做生意，有佢地既難處。但我真心忍唔住！燶晒既苦臭味，我都無要求你換你退，你咁樣既態度比反應🙄 定係你地根本知道d豆漿有問題？唉，好失望一試無妨，再試投降！！P.S 餃子雲吞佢係做得ok不過都係負評～做生意，有時多份同理心，你會賺多d！

晚上11點突然想清清地食餃子 但係呢個鐘數除左新之食同八方都唔知重有咩揀？諗起上星期晚喺港記食糖水見到呢間好似未閂門 於是打電話去問下啦 佢真係未閂 開到凌晨一點半我今次就外賣自取叫佢十隻全家福餃子 味道唔錯 款款都幾好食 真係食到入面咩材料 而且都幾大隻抵食 男仔黎講十隻剛剛好 個湯就冇咩特別 普通味精湯加兩條生菜咁啦 一定唔會係太子嗰d餃子店咁有老火湯做底 四十幾蚊黎講我覺得合格有餘 亦算係觀塘少有開到咁夜既餐廳之前重試過佢個擔擔麵 不過真心麻麻 冇花生醬味同埋d麵勁吸水 而且味精都幾重手下環境就普通 佢新開冇耐但感覺好舊 同埋抽氣系統唔多好 坐最入有d焗 總括黎講我覺得麵類麻麻 餃子穩陣 不妨一試

唔知大家中意中意食餛飩呢😋尋日無意中喺觀塘行街發現到一間幾特別的店舖。店舖主打係食餃子🥟同小餛飩，小餛飩可叫15/20只，餃子就可以叫8/10只，絕對唔驚食唔曬。#鮮肉小餛飩+熱奶茶☕️ （$34）⭐️下午茶時段有九折優惠⭐️⭐️跟餐加$3 有熱飲👍都算平⭐️小餛飩食落啖啖肉，非常足料👍啲肉醃得夠入味👍皮薄，唔會有鹼水味👍$35有20只都算幾抵食😋☕️杯奶茶都有茶記水準 👍臨走仲見到店員喺度努力包餃子，睇得出真係好新鮮👍下次會再試埋餃子🥟！好味指數：😋😋😋😋😋（五分最高）

福建菜，在本地說老實是沒有甚麼市場，您看在外頭市面上可以找到的閩菜館數目，十隻指頭也數得完便得知一二了。所以若要看到它們的出現，而且還要是新開的，也就好應該要支持一下....在這裡，很遺憾地找不到甚麼閩式的大菜，其所主打的是一系列不同饀料的小餛飩，最多就加多款傳統的滷麵及炸醬麵，僅此而已....這類閩式小雲吞，size袖珍，以小弟的一個血盤大口，閒閒哋一次過吞三四隻入去，一點也並不稀奇....既然如此，光食一碗小餛飩當然不會夠喉，實行要加多碗麵才可以....兩碗小餛飩，兩款不同口味。我個人還是最愛原味的鮮肉小餛飩。這種鮮肉雲吞要好吃很簡單，肉新鮮及沒渣沒筋就可以了。這裡的，就能成功做到了....餛飩皮薄，入口滑嘟嘟；肉夠甜鮮亦不會乾爭爭。一口一甚至兩只，三扒兩撥就吃光一整碗餛飩....麵條也挺不錯，有咬勁不黏口....加入了粟米粒的小餛飩，咬進口自然甜上加甜了....城中的閩食小店，數目已越來越少，執了一間又一間。難得見有新力軍加入，而且水準又不俗，當然是要支持一下的....

剛從上海回來，係個邊日日都食小餛飩，超好味，但。。。。返到香港唔見有得食係勁失望之際，竟俾我地揾到這間新開的，老公話試過好味，點知，真係唔錯喎仲要我女勁鐘意食，細細粒，一口一啖，岩曬我3歲女食