開花結果 (榮吉工業大廈) (已搬遷) 新店位置

係荔枝角呢頭食開野 都知呢間鋪頭長期都好多人無論外賣 堂食都好多每次堂食都要等兩三個字要齊人先可以入座黎到每次都食佢既沙律餐$56 包一個餐包 加兩款沙律我就揀左法包配煙三文魚 配雜果沙律同吞拿魚沙律 算係比較多沙律醬 奶茶偏甜 整體ok 勝價比高份量大大份 其實食完一個餐包加一份沙律都好飽平日係附近食開茶記炒粉麵覺得膩 都可以試下呢到既沙律 清新下味蕾埋單計埋凍飲加錢 大概都係六十蚊左右 不過坐位比較迫 建議外賣 會食得舒服啲

依間位於荔枝角工廈既小茶記，來頭一d都唔細! 每到中午已經人頭湧湧，不論堂食外賣一樣多人! 朋友見我食開草，推薦我一定要試下佢個沙律餐!🔸️皇牌經典套餐 $54（跟餐配一杯飲品）- 聽個名唔似沙律餐，但因為實在太多人叫! 已經成為名物! 餐內有可自選一款麵包+一款內餡+兩款沙律! 搭配款式超多!今次試左煙三文魚牛角酥配田園沙律及雜果沙律+凍奶茶煙三文魚牛角酥有手掌咁大，食完基本已經飽左6成!牛角酥超級鬆脆可口! 三文魚大大塊，口感滿滿!必食!沙律材料多，同時可選兩款絕對不怕只食草口淡淡~食完飽到癲~以依個價錢食到沙律同質素上剩，真心大推! 另有只食沙律的套餐，亦只是34蚊，適合低碳人士喔!🔸️5星⭐評分好食指數:⭐⭐⭐⭐⭐整體份量:⭐⭐⭐⭐⭐性價比:⭐⭐⭐⭐⭐打卡度:/餐廳環境:⭐⭐⭐✅低碳/生酮飲食人士#food #foodie #foodporn #foodphotography #foodpics #foodstagram #foodblogger #foodstylist #foodart #foodlove #foodshare #foodphotos

由石蔭到現加，我都係佢嘅忠實擁躉🥳 平時一直飲開珍珠奶茶🧋見啲食評有人飲木瓜奶，好似幾吸引🫣 今次都叫嚟試下👻 飲到真材實料嘅味道，雖然好似要加$10，但絕對值得，完全唔係水，係杰撻撻嘅🥳🥳 我最愛嘅煙三文魚牛角包🥐呑那魚&碎蛋沙律🥗🥳 佢份量係少咗，但依然係咁好食🥰 我仲會將啲呑那魚入牛角包咬😛碎蛋就咁食都好正，佢入面有菠蘿🍍加咗啲黑椒🥰 好好食😋 呑那魚就仲有火腿同粟米🌽 大家都要試下沙律餐🥰

某天，朋友相約在長沙灣工廠區等，去下午茶，心想... 這區還有什麼我喜歡食的呢？見到朋友後便被帶到一外面不起眼的店外，一幅大大的透明厚膠片，真係唔想入啊🤭，免強食一次啦！時已3點多，店內不太多人，坐了有一半客人。點看餐牌，還好有很多我喜歡食的，結果選了三文魚牛角包及鮮果沙律，好食，沙律鮮果新鮮，包及三文魚也很好食，感覺非常好。結果終於某日，特選星期三（因為有羊架午餐），噢！午餐時間人山人海，一點都不舒服，餐到時沙律還是很好，羊架意粉份量很多（三塊羊架），但那黑椒汁就太多了（記得下次要另上）。價錢我認為合理，但因應不同時間，員工服務態度都不同，可以有改善空間囉！

今日約左friend去荔枝角整cake，為免蛋糕整好之前先餓死，所以約埋一齊去醫飽個肚先，第一次幫襯呢間開花結果係一次去葵涌做嘢，由一個地膽帶路介紹去食嘅，當時呢間舖頭都仍然係一間地區人情味小店，附近好似只有住宅，唔係特登去都根本唔會食到，食完之後係會令人念念不忘果隻，當時知道佢會喺荔枝角開舖係開心到癲左，今次機會咁難得，一定要帶啲friend黎試下，雖然佢比起以前多左好多熱食，不過我都係依然鍾情佢個經典沙律套餐，我叫左個煙三文魚洋蔥包配粟米蘋果沙律+碎蛋沙律，佢啲煙三文魚一啲都唔菇寒，有兩塊大大塊中間仲會夾住生菜蕃茄，而兩個沙律都非常新鮮，平時出邊食嘅蘋果粟米沙律一定會成日遇到好多薯仔扮蘋果，但係呢度嘅蘋果沙律係可以食到人好滿足好滿足好滿足果隻，而佢嘅碎蛋沙律蛋香好重入口都十分creamy，唔係用好多沙律醬撈少少蛋果隻，整體而言，成個餐感覺都超健康！

成日都係食開花結果既皇牌餐(Salad+牛角包）其實除左佢既皇牌餐之外,我覺得佢其中一款lunch set都好唔錯佢既lunch set 係一至星期六每日都唔同款我鐘意既係佢既'羅馬羊架’💁🏻‍♀️🍽羅馬羊架 💰58Lunch可以揀飯,長通粉,螺絲粉兩件羊架都好大塊熟既程度剛剛好, 羊肉一d都唔韌羊架夠入味,個汁就類似燒汁伴菜有🥦西蘭花 🌽玉米粒 同🥕紅蘿蔔💰$58 有兩大件羊架,係超市就甘買兩件羊架都要呢個錢,個lunch仲包一杯飲品, 所以我覺得佢CP值係好高👍🏻⭐️P.s. 佢可以wtsapp落單,好方便

工廈隱世美食，曾經有一排冇開門做生意，而家又可以幫襯返、舌頭回憶又番番嚟👍🏻#《開花結果》招牌套餐維持水準最鐘意有得揀，包、饀同沙律都提供咗多種又吸引嘅款式。開花結果就係唔同嘅時令水果🍉，幾新鮮，除咗菠蘿生生哋、唔夠甜之外，其他都份量好多、味道唔錯。想食鹹味沙律就非常推介吞拿魚火腿。揀咗香草法包夾蜜桃火雞，包外面夠脆，襯埋蜜桃火雞片一流。#豬扒值得再試友人食嘅豬扒米線、蕃茄拉麵，味道唔差，豬扒唔會厚身，再切成一塊塊容易入口，煎得都幾香。

鋪頭落錯單送錯咗去第二度，跟住我打俾佢，佢話咁可以點？完全唔負責任！我同佢員工講話我唔覺得送錯咗我有責任跟住佢話: 送錯咗我都幫唔到你喎？你等吓先！就收線 最後不了了之我係需要自己搵翻送咗我外賣嘅公司自行去攞翻我嘅外賣食物質素幾好 但咁嘅態度 漏單 錯地址 自己錯但怪客人一句道歉 或者任何補償都無自己犯錯 要客人自己解決開花結果

今日嚟到荔枝角工廠區呢頭搵野食 俾個店名吸引咗 開花結果個寓意好似係啲嘢順利去到想要嘅結果咁🌻 非常正面冇諗過咁多人幫襯 可能呢頭多人返工 好彩我算早放lunch 所以啱啱好唔駛等位 但坐低大概五分鐘到 全店坐滿 非常犀利😺沙律除咗鮮果沙律之外 全部都冇得走沙律醬😮 皇牌經典套餐 我地揀咗煙三文魚法包 法包入面都有千島醬同番茄配煙三文魚 唔會好乾身🐟 再可選兩款沙律 吞拿魚沙律同埋菠蘿粟米蛋沙律 包括有菠蘿 粟米 碎蛋 沙律醬 沙律好足料 而且兩款沙律嘅份量都好多 簡直係顛覆咗我對沙律嘅想像😂吞拿魚沙律 入面有吞拿魚 火腿 粟米 生菜 沙律醬 同樣都係好足料 個人比較鍾意呢款 因為有好多好多吞拿魚 而且呢個單點嘅沙律份量多到好似碗飯咁多😧 真係嚇親 要食晒都要幾大胃口先做到除咗沙律之外 都有其他飯類嘅午餐可以選擇👻茉香珍珠奶綠 呢杯唔記得咗影😋 都只係加八蚊姐 唔會好甜 令呢餐午餐好滿足🧋

荔枝角少有’開花結果’呢一類既餐廳有飯,粉,面,仲有沙律餐好少會lunch堂食,因為食lunch時間通常同多人要等位開花結果有外賣服務,又無最低消費,所以通常都叫外賣,而且仲可以wtsapp落單,非常方便🍽 白汁吞拿魚三文治+木瓜奶三文治我揀左白麵包🍞,其實可以選擇轉其他包既例如法包,麥包... 其實佢最好味既係牛角酥,但卡路里實在太高,唔怕肥既會推薦牛角酥 🥐吞拿魚🐟+生菜🥬+番茄🍅+牛油, 幾足料,吞拿魚醬都幾多 下午茶分量剛好下午茶係包餐茶,+$8 有果汁 +$10奶類木瓜奶係鮮榨既,木瓜同奶本身都甜甜地,所以叫左走糖...都夠濃郁既,只係多左少少泡, $10杯都ok既👍🏻🉐健康下午茶之選

由上年12月開始就周不時會去呢間到買早餐,,因為好方便可以WAPP落單,,加上$30大大件早餐又好食確係唔錯.但唔知點解呢幾次既落單都係錯左..我叫通粉比左螺絲粉. 由$30一加價就加到上$33....咁都算...雖然佢張餐單係寫長通粉但我由一開始都係咁叫都無錯.....我覺得奇怪點解呢幾次先比錯..咁我就WAPP去問下...點知個回覆竟然係咁真係好過份....就算我係寫通粉..點都係長通粉接近過螺絲粉啦...你有短通粉比我揀咩???仲要係我一開始都係咁叫都無錯..係呢兩次叫先比錯都唔認衰..仲要咁同番個客講..真係乜野服務態度呀你地...你點好食都好啦我都唔會再去食..食個早餐啫做乜要受你地氣..而家D人完全唔知咩叫禮貎!!

男員工態度差，帶位女員工也是十分差，我已經食左一年，自從開分店後保持唔到質素，上次我叫個牛角包🥐黎到見到扁晒，我同帶位女員工反應，佢好似唔想幫我轉，比我感覺仲好唔耐煩，不會再食，仲有等位時安排不好，以為食開都安排好好，以前食物質素好好，食物有問題就會樂意轉，依家新員工就保持唔到 😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

啱啱叫咗炸雞加生果沙律 超驚喜 又大又脆又香 估你唔到 記得年頭食過一次炸雞髀都冇咁大隻 呢個下午茶食得好開心 😀 好想影張相分享 不過唔記得咗 另外叫咗開花生果 生果不嬲都幾新鮮 仲保持到水準👍🏻

員工嚟錯野飲仲怪客人唔check清楚就飲，一句道歉說話都冇就走左去。等左好耐都唔見佢送返杯岩嘅野飲嚟，就問下佢。點知佢話：冇架啦，你地飲左呢杯（但其實只係一啖，因為唔岩飲）雖然係幾番理論後，佢終於肯比返杯我地order嘅野飲嚟，但就真係比錢買難受。知道飲食界嘅服務態度不嬲都差，但真係好耐都未見過咁是非顛倒嘅員工了。呢間鋪頭生意係好好，可能佢地覺得唔憂做，對啲客點都得，正正係因為咁嘅態度唸法先令好多原本好好生意嘅店舖都會走下坡。

本人食過依間餐廳好多次。本身都感覺良好。但唔知係咪愈黎愈多人食。就開始口差。員工面口同態度都一次俾一個次差。我好少寫評語。但真係忍唔住。有幾次嗌外賣，漏野唔在講。仲要話又漏野。問完漏乜就cut左線。勁無品。