開花結果 (已結業)

Lunch想食沙律，揀左香芒雞肉牛角酥、吞拿魚沙律，熱奶茶。牛角酥係烘過既，脆卜卜，夾埋芒果雞肉幾好食吞拿魚沙津不過不失，但係食到最後覺得有小小油膩，而奶茶就真係麻麻地喇，四十幾蚊似乎貴左小小。

今天中午12時45分，已至電叫一份三文治，加沙津要湯外賣。去到餐廳，已是1時10分，有成25分鐘，應該已弄好。去到餐廳我說之前已下order, 現來取，那姐姐再問我叫了什麼，我再重覆一次，付了款，在外邊等。我足足又再等了10分鐘，即已1時20分，才取得外賣。我真是想不明一份三文治外賣，究竟要做多久。由電話order 到取足足要35分鐘，一D都不合理。最激氣，在等候期間，有二個單身人士，我見證他們由等位，入坐到開始進食，都不用10分鐘。實在氣憤難平

由於我係茘枝角番工 平時tea time 肚餓又唔想食得咁heavy 我都會嗌佢既下午茶餐 或者淨係嗌沙律 單係沙律都有5款 另外有個叫"開花結果"就係新鮮生果 雖然價錢唔係特別平 但勝在健康如果大家喜歡食飽既話可以試佢啲牛角酥 好鬆脆好香 今次我lunch time order 咗佢既粟米墨魚餅蕃茄濃湯烏冬 個湯底超濃郁 仲有一粒粒薯仔carrot 蕃茄 好足料 味道較得唔錯我哥哥order咗金菇肥牛蕃茄濃湯烏冬 啲肥牛好有牛味 啲蕃茄湯完全咁滲入咗個肥牛度 真係正

因為近公司所以耐唔耐都會食呢間。佢野食幾好味、又健康，只係成日都好多人，叫外賣都要等下。所以今次特登預早半個中12點3打電話落order先，跟住行去拎，去到佢話等等，咁就等啦，一等又等多4個字，又問下佢有未，佢又再話等等，要知道...而家天氣好熱好焗，都算，明白午飯時間好多人，咁又再等，等等等，等到1點3，再問佢有未，佢就話，「啊，唔好意思，你地叫左咩」，我真係眼都突埋！！如果漏單，點解唔一早講，要我地企係門外面9個字，又曬又熱，已經流哂汗！先再我地講漏單，堂食D野食反而上得好快，咁我點解要預早打嚟落單先？？？激死人，結果食第2間！

炸雞肶餐做到累一累，最好叫個下午茶，慰勞一下自己個胃，嘿嘿😁😋！！一如以往，叫個炸雞肶餐，配薯條，另外再加一杯芋香珍珠奶茶。今次的雞肶肉炸得比以往老，可能是翻炸。。。。。。。吧！也沒有一如以往啖啖肉，肉汁都被炸乾了，可能堂食比較好吧，呵呵！至於薯條，不脆了，下次改叫鮮生果併盤好了而芋香奶茶就中規中矩，珍珠很有咬口！！！！今日真放肆，但吃完肚子滿滿，好滿足！

服務好差，同人搭檯，3個人逼埋一齊，都無問過隔離個客得唔得，食得好唔開心價錢同食物唔成正比，無下次!!!!!!!!!!!!!!!!!!!!!!!!!!!!!!

依個沙律小店其實主打食新鮮沙律，台式飲品仲有鮮榨果汁。當然都會有飯意粉。佢地一個餐可以點牛角包，麥包，法包，香草包再配香芒雞肉，火腿芝士，等等。款式好多好多。當你揀完個包同咩味仲可以加沙律，沙律有什果沙律，碎蛋沙律，吞拿魚火腿粟米，菠蘿火腿等等。每次食都可以揀2款沙律，所以黎到真係大大碟，食到你飽為止。份量中足，牛角酥脆脆的，一咬已經流晒芒果汁出黎，再加上雞肉好滑，唔講真係唔知自己係茶餐廳。火腿芝士牛角酥熱辣辣，忍唔住即刻咬。加上什果沙律有椰果蘋果我至愛整體黎講咁嘅價錢有依個水準真係值得你去食。

態度極差! 打去成日話等等! 餐都未叫已叫等3次,等咗成3,4分鐘都叫唔到! BLACK LIST!!!!!!!!!!!!!!!!!!!!!!!!!!!!!!

朋友曾經帶我食過一次，始終難忘佢的牛角包自己點的牛角包餐，開頭以為沙律是揀一款，點知可以選2款，一如既往牛角包好味男友揀香草包，比想像中的好味，一個男人食完都話飽，蔬菜也豐富揀左湯無揀飲品，但有點後悔，湯太濃，應該話係汁確切d，入面有牛肉但已經係絲了，感覺唔係番茄熬煮，係用茄膏茄汁，因為飲左會口渴。下次都會再食，不過會揀返飲品

有一日做嘢做到過左時，所以冇食lunch, 咁我同事就叫我不如等食下午茶啦，有間食牛角包好好食嫁。我諗左一諗，都覺得好似係唔錯嘅option, 所以我決定聽佢地講，就叫左個牛角包餐啦，其實就係一個包加一杯嘢飲。我叫左白汁碎蛋沙律牛角包，我同事話其實吞拿魚仲好食，不過我都係情傾碎蛋沙律。其實叫完之後，我又一直忙，份餐到左之後嘅兩個鐘我都冇時間食(呢個係唔好嘅示範，唔好學)本身以為都放左咁耐，一定唔脆口，會冇咁好食。但係值得推介嘅地方，真係因為佢放左兩個鐘，食落去都仲係好脆口，好好食。而且個碎蛋沙律好足料，成個麵包都有！十分好！

有次食飯見咁多人，心諗嘩好好食嫁?咁有日就去試左，勁多人丫，我拎走番公司食算!今次叫左田園沙律，花開結果，白汁碎蛋麥包。生果好新鮮，不過菜可以多番少少囉，白汁碎蛋都足料，套餐送飲品，非常飽!!整體都唔差，係要排下隊受下氣咁姐。

每次打外賣電話，一接聽就叫等等，有線入！好啦等左2分鐘，轉返線過黎，唔夠2秒，又話等等，有線入！到等3次，終於都叫到野食，未講地址，又叫我等等，有線入！到第4次，我未講野又叫我等，我嬲嬲地話，俾我講埋個地址，你由嗰邊等等啦 ！佢仲要話咁有人打黎嘛！啊姐，我唔係人？咩服務態度？講真，野食係好食，但態度差到咁，真係好難俾好評 ！堂食仲要室內，但無冷氣😑

每日返工前都會黎呢度食早餐，貪佢夠平又大份又飽肚。早餐個麵有得揀湯底，一係清雞湯一係蕃茄湯底，好多其他餐廳早餐都冇。仲有得揀兩個餸都唔過三十蚊。食完可以飽到一點都唔肚餓

呢間都係我近期最愛，新鮮生果沙律，唔係罐頭貨，並唔係度度有，有嘅唔係定價進取就係撈哂醬，再加上三文治，下午茶時間仲可以叫两款沙律，吞拿魚沙律醬汁太多，好鹹，真係應該叫veggie salad! 有飽，有生果，有埋吞拿魚沙律同一杯熱飲都係46，老實講好過食岀面茶記。

態度極差！！！差到忍不住要寫食評！以前經常食佢的外賣和堂食東西其實幾好食但聽電話的啊姐和樓面(相信是同一人)好像有情緒病一樣，經常要受她的氣！成日勁不耐煩和鬧人如果唔係同行友人或同事想食真的不想幫襯就算好食都係咁話食到一肚氣 幾好食都無味!!!