長洲角酪

營業中

休息中

喺長洲行完小長城後，就即刻到訪哩間特色小店。一黎到門口，除了見到長長的人龍之外，就係一幅好特別的打卡牆📸。小店主要賣梳打🍹、自家製乳酪、果花茶、卷蛋。我地今次試左佢的百香果角酪、桃桃梳打同埋大馬士革茶卷蛋。💕百香果角酪 ($36) (⭐️⭐️⭐️⭐️⭐️) 🍦哩杯百香果角酪好有驚喜，每一啖都飲到酸酸的百香果籽，配埋自家製乳酪，好醒神又開胃。桃桃梳打 ($36) (⭐️⭐️⭐️) 🍹行到又熱又攰，飲返杯有氣的桃味梳打真係好正，入面真係有桃肉!讚!大馬士革茶卷蛋 ($45) (⭐️⭐️⭐️⭐️⭐️) 🍰全店得兩款卷蛋，一款係打卡之選的角酪卷蛋，係碟豆花配乳酪士多啤梨CREAM；而身為抺茶控的我，梗係要試下佢每日限量的大馬士革茶卷蛋。卷蛋係好有茶香味的大馬士革綠茶，配上有回甘的蜂蜜綠茶CREAM，味道啱啱好又唔會太甜! 最正係仲有芝士奶蓋的topping，好邪惡!但好好味呀!

終於嚟到長洲飲一次長洲角酪週末嚟到都真係人頭湧湧大家可以先落咗單 行一陣再返嚟攞...咁IGable嘅呢杯叫做甘露角酪 ($45)以楊枝甘露做配料包括芒果 金柚 西柚(不過呢款就可能唔啱啲怕酸嘅朋友 建議佢地可以考慮叫番果莓類嘅乳酪)足料水果都佔咗三份一杯非常清新健康乳酪唔需要叫少甜都唔會太甜完全唔會有罪疚感

終於嚟到長洲角酪啦平日嚟到都見到好多人排隊可惜今次大馬士革同角酪卷都賣哂 冇機會試🥺最後揀咗芒芒角酪🥭就咁睇杯嘢飲都覺得賞心悅目😍杯底有好多新鮮芒果蓉仲有乳酪同埋紫糯米店員都有提醒我哋要攪拌均勻先好飲飲落去乳酪味好濃 質地比較creamy但係芒果味就冇想像中咁突出整體味道都好清甜 解暑 健康☺️飲品唔鍾意太甜嘅朋友就可以一試啦👍🏻之前都試過莓莓角酪我覺得莓莓角酪既士多啤梨味就突出啲～好清甜既草莓配乳酪仲有啲果肉😆

相信好多人都一定見過人post長洲地鐵站嘅相片，原來就係嚟自呢間長洲角酪店舖入面嘅牆壁，買完杯飲品之後，緊係要係幅牆打個卡先值回票價，唔買嘢飲想打卡，應該都冇人理，因為呢日平日入嚟，店舖都人頭湧湧，排長龍，杯飲品都要等15-20分鐘。店舖內只有3-4張枱可以坐低飲，不過其實5分鐘內已經飲完，好快有位坐，除非啲人坐係度仲要慢慢再影相。叫咗杯莓莓角酪，$40唔係好大杯，加上比較稠，好快幾啖就飲晒，味道普通，乳酪味唔算濃厚，草莓味就ok，粒草莓都甜。而佢menu上寫住自己可能係全香港最好飲嘅乳酪，我就有保留，覺得唔夠濃厚同香。不過都係sell打卡sell噱頭，初次到訪，一試無妨。

承上一篇食評今日係因為工作關係黎到長洲一定要寓工作於娛樂橫點入到黎 點都周圍食下好西咁上網搜尋一下呢一間 《長洲角酪》都好似有少少出名咁就要黎試一試！黎到門口 係非常之多人！等左都有成 20 分鐘出品程序 同 時間都有待提升莓莓角酪用士多啤梨 薄片貼於杯邊主體係乳酪同 攪拌後的士多啤梨乳酪味正常 唔會好酸好難入口味道亦唔會好甜直頭唔太甜 唔會好似廢水咁死甜感覺幾清新健康士多啤梨味唔夠重一啖飲落去 85% 乳酪味 15%士多啤梨味如果可以再增強一點士多啤梨甜味同香味就好了

難得家人平日放假，入去長洲行吓，行到小巷見到呢間個‘’長洲站‘’打卡位好靚，門口望入去唔多人決定試試。😍入到去竟然冇人排隊，側邊有幾個人坐喺度飲嘢打卡，超期待啦。埋去櫃檯落單，兩個職員喺水吧見到我企喺度但冇反應，要我講咗‘’唔該order‘’其中一個先行過來，奇怪職員仲要全程黑面，由叫嘢俾錢到攞嘢飲，只講咗價錢同只收現金，多謝就更加都冇啦，如果係假日好忙冇停手，我都明白好辛苦，但嗰日平日明顯店又唔忙，心稔我做錯咩～🥲算啦杯嘢ok又打埋卡都冇所謂，但我嗰杯蜜桃乳酪，到手個質地好“稀”，個顏色灰灰白白有啲桃碎，飲落去真係好唔討好，試埋個味道更加大失所望，可以想像係好似牛x公司嗰啲樽裝乳酪嘢飲，但係溝咗水同加咗冰，飲咗兩啖已經完全唔想再飲。話哂放假好心情，自我安慰係叫錯嘢飲，或者其他選擇好味呢～不過稔起好飲極都仲要受氣，下次又何必再試，長洲仲有好多美食啫！

終於有機會試呢間係ig見過好多次嘅人氣飲品店🤣舖頭主打健康乳酪，水果選擇都好多，最後都係揀返最打卡able嘅苺苺角酪🍓yoghurt都幾濃厚，士多啤梨味都好出，$40黎講足料又健康過飲廢水🤣但少少偏甜，下次試下少甜先🤌🏻

本身淨係試過尖沙咀嘅角酪🤤已經念念不忘終於得閒入長洲試下本店✨假日非常多人炎炎夏日買外賣都可以留係店內等候💛雖然店面有少少逼🤣證明生意好到爆🍓莓莓角酪招牌果然係招牌✨就算唔係當季嘅士多啤梨都唔會好酸🍓乳酪嘅甜度都啱啱好底有加入紫米🤣個人認為加少啲會比較好但紫米好有咬口好香✨放落乳酪度意外地夾🍰角酪卷超好味✨✨係個唔係淨係得外表嘅蛋糕內餡係士多啤梨乳酪，食落清新又唔膩，甜度啱啱好幾分鐘內就可以完食❤️

長洲真係好多好野食，天氣咁熱去左呢間小店買左杯人氣莓莓角酪。佢最出名就係呢個長洲「地鐵站」名，因為冇長洲站，但係竟然有一個好似地鐵站咁嘅路牌，真係好得意，所以好多人會特登嚟呢度打卡。之前一直都好想試吓佢哋嘅人氣精選，呢日見人少少唔使排隊，當然要試吓啦。莓莓角酪真係好香濃，即刻解暑，同埋裏面好靚，有粒士多啤梨喺度，粉紅色真係充滿少女心。見到呢日都好多一班朋友一齊嚟飲乳酪，呢度仲有地方可以坐，平日去應該會容易啲等位。

係長洲好中意周圍行唔同小店 行過見到間好靚既舖頭 以藍白為主既裝修💙🤍於是就被吸引入去(｡･ω･｡)ﾉ見好多人推薦酸奶 個陣又有少少餓 所以就叫左一杯試下！ ⭕️甘露角酪($42) 入面係有西柚同芒果果肉既乳酪 唔會太酸或者太甜 飲完一啖就飲唔停口🤤最後飲曬有少少飽腹感 好滿足( ´▽｀) 雖然價錢唔算平 但覺得質素唔差 仲有幅靚靚既打卡牆🚇 入到長洲既話 行到攰又想搵地方坐下飲下野 可以考慮下呢間！

.長洲🏘長洲角酪❤️百香果角酪 $36飲品內有百香果籽，豐富嘅口感，不過偏酸。如果鍾意飲酸嘅飲品，百香果係唔錯嘅選擇！🤩莓莓角酪 $38杯中有兩個士多啤梨心心，用嚟打卡就真係啱晒！❤️❤️士多啤梨無百香果咁酸，酸酸甜甜咁，真係好好味😋！唉，不過服務態度真係有待改善！五星⭐️為最高食物：⭐️⭐️⭐️⭐️抵食：⭐️⭐️⭐️⭐️環境：⭐️⭐️⭐️服務：⭐️

長洲愈開愈多特色小店，長洲角酪最近係尖沙咀都開左分店，店鋪位置鄰近落船位，依間飲品店有一幅必打卡既地鐵站🚉牆，主打乳酪飲品同卷蛋，食物賣相、顏色都係可愛風。鋪頭細細間，長期有人排隊，等待飲品時間亦比較長，今次卷蛋又賣哂，唯有下次再黎試過。——————————————♥———————————————- - - - - - - - - - - - - - - - - - - - - - - - - - - - - - - - - - - - ♥️ 莓莓角酪🍓 $40招牌飲品，粉嫩顏色好吸晴，用新鮮草莓加乳酪製成，酸甜度適中，唔會假甜，加入左煙煙韌韌既紫米增添口感，整體黎講又有外表又有內涵👍🏻- - - - - - - - - - - - - - - - - - - - - - - - - - - - - - - - - - - -——————————————♥———————————————

夏日炎炎....今年香港的夏天真的對人十分不友善到訪長州的行程就是不斷想找地方坐下及補充水份長州角酪以前亦有買過~的確是好喝的乳酪甜度適中，紫米咬口十足即使叫桃味乳酪亦不會太甜是淡淡桃香 (亦可能有人覺得太淡)

呢個係長洲必到嘅打卡位，有一排係咁上網見人放呢張相睇到以為長洲真係有個地鐵站😂去到現場發現係一塊俾你打卡嘅牆。咁都俾佢諗到真係好嘢👏🏽但原來呢間嘢唔係靜係打卡咁簡單，佢啲嘢都好好食。不過如果舖頭大間啲就好，因為座位唔係好多都要等下位。

Before going to Cheung Chau, as a foodie, I have done a lot of restaurant research and I found many recommend this 長洲角酪.I am a big yogurt of fan, but I don’t like sweet. It is Saturday so there are lots of people here, but the waiting time is not very long. I order an original flavor. Honestly, its so normal and nothing special. If you ask me to line up and wait for that, I wont!