鐵飯碗咖啡屋 (已搬遷)

🐯旺角CP值高馬拉菜，紅毛榴槤味道如何？🐭 ⭐️按「更多」睇詳細食評😋懶惰二人組經過旺角鬧市，竟然見到一排彩色屋仔？望真啲原來係新開既馬來西亞菜餐廳，而且訂價又算係幾合理，於是就走食個晚餐！《梅子鹹菜燉鴨腿湯》$76懶惰鼠最愛就食鴨腿湯飯！不過鴨腿湯又好似冇咩點見高。咁特別，點都要試試！ 唔好睇佢望落去油油地，飲落有鴨肉既味道，再加上鹹菜既香味，惹味好飲！有老火湯既感覺，啲鴨油真係好香😜 不過梅子味道就唔係好出。《正宗檳城炒貴刁》$76用鑊仔上菜，又有埋葉墊底，有東南亞風情！好打卡able！用臘腸，鮮蝦等炒出黎，蝦都算係大隻而且爽口！味道比一般炒貴刁辣少少啦，但整體唔錯😋《馬來風光》$58啲菜比較硬身，食落好似生生地咁？！味道甜甜辣辣。《新鮮椰青》$38幾大隻同清新！《紅毛榴槤汁》$38唔！無榴槤味既？！懶惰鼠點呢個紅毛榴槤汁時，以為佢係「紅毛丹」加「榴槤」既特飲….點知係會錯意！😂問一問google大神，原來紅毛榴槤係番鬼荔枝！！！但都係特別既！味道清新？未有酒精飲品🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體 ❤️食物味道整體唔錯，性價比高。（除左個菜…差左少少啦）💚環境外觀係搶眼既，真係有啲似去到馬拉啲街。餐廳裏面位置都算係幾多，整齊清潔。💛服務方面，水要自助。要先用手機掃QR code點菜，同埋要先網上付款或到櫃檯先付款！Rating： 懶惰鼠😻😻😻😻懶惰虎 🤩🤩🤩🤩 （唔計個炒菜😂）📍鐵飯碗咖啡屋 Tiffin Kopi House旺角豉油街36-42號榮高大廈地舖至2樓💰人均消費：$140⏰營業時間：11:30-22:30 #懶惰在香港 #lazifooday #香港cafe #旺角美食 #旺角餐廳 #旺角馬拉菜 #hkfoodie #hkfood #hkig #hongkongrestaurant #hongkongtravel #香港馬來西亞菜 #hongkongfoodie  #香港好去處  #香港打卡 #打卡餐廳 #留港消費…查看更多

每日返工都好攰，會唸幾時先放假🏖️，好想出走去個旅行，間中夾到時間收工後會約出嚟食飯，今次朋友就帶我去食性價比馬來西亞菜🇲🇾🩵小食：秘製沙嗲烤雞串$76係我最鍾意嘅沙嗲雞串，沙嗲食落甜甜地，雞肉咬落Juicy嫩滑，作為餐前小食好正👍🏻🩵主食：馬來風光，秘製馬拉盞炒通菜$62比想像中大碟，通菜脆綠爽口，配上秘製馬拉盞去炒，帶有小小微辣，非常惹味😌🩵主食：正宗檳城蝦湯麵$72蝦湯麵底係米粉加油麵組合，配料有大蝦、魚片、豬肉、半熟蛋等，蝦湯底濃郁，越食越開胃🤤🩵主食：鐵飯碗砂煲伊麵$78真係成個砂煲搬上枱，配料有流心蛋、菠菜、大蝦、豬肉、魷魚等，將配料同伊麵撈勻，入味又掛汁😎🩵飲品：榴槤忘返$32好香榴槤味，飲落香濃帶有小小果肉，特飲同個名一樣，真榴槤忘返😛🩵飲品：冰極荔枝爽$28冰極荔枝爽簡直係為夏天而設，飲落冰冰涼涼，帶有荔枝甜味，真係解暑又解渴😆…查看更多

星期六(31/8)8點鐘左右係旺角見到呢間食馬拉野，被門口傳宣馬拉國慶九折,任何消費送凍薏米水吸引，見裝修又唔差又唔駛等咪試下，點知中伏!一行2人叫咗肉骨茶套餐同印尼炒飯，呢間野俾錢方法學足馬拉，掃QR code叫完餐，係電話用電子付款方式俾埋錢先叫落咗單，慌死你走數咁。但佢俾錢個度有D問題，本身諗住用visa，搞咗一輪都係話無法付款，最後只好用八達通俾。最初以為自己論盡，但跟住見隔離枱都係俾唔到。等咗陣，肉骨茶餐先到，見個杯說好了的凍薏米水未有，就問下個待應喇。點知佢話因為人多所以送晒喇。心諗星期六嘅8點都有大量吉枱，另外一層係冇人嘅，咁叫人多。咁算喇，佢幾粒薏米加水都要唔俾你，想招萊客人，結果就令人不愉快。薏米水都算喇，試下個餐先喇。真係未食過清湯一樣嘅肉骨茶，而且主要係骨，肉得一粒，真係好適合節食同三高人士食。然後到個印尼炒飯，由於心有不悅，忘記了相機先食，只能形容一下，真係咸到一個點，有腎病千祺唔好叫，佢個幾塊蝦片，真係應該叫蝦米片，每塊size大約3-4cm大小，似粟米片size，而且冇乜味仲要好似疏疏地氣咁。總括，整體用餐體驗很差，下次一定唔會再去!…查看更多

最近光顧了鐵飯碗，對於這家馬來西亞菜餐廳的印象非常差。雖然裝修得體，環境舒適，但自助點餐需要先付款，讓人感到非常匆忙和不便。我點的下午茶蔥油雞飯，結果雞肉幾乎全是骨比肉多，個人覺得味道一般。雖然價格相對便宜，但幾乎沒有任何優點。另外一份下午茶的魚蛋粉配沙嗲雞肉串，雞肉串較多燒焦部分，口感糟糕。若不是座位舒適，根本不會光顧這家店。總的來說，旺角的餐廳選擇繁多，未來也不會再光顧。希望能改善服務及菜品質量，吸引更多顧客。…查看更多

好唔容易又捱到星期五，心情大好當然要出街食晚飯啦:)旺角有間專食馬拉嘢嘅餐廳，有樓上雅座，好有馬拉風情平時食馬拉餐都係食喇沙，其實仲有好多麵種選擇，燜伊麵都係第一次見，佢又唔似港式伊麵，偏幼同爽彈啲，都好掛汁，裡面仲有大量魷魚、豬肉等等，夠晒驚喜大頭蝦真係好珍寶，巨到好似龍蝦咁，蝦頭都幾多膏，蝦身啖啖肉好有鮮香椰漿飯亦係馬拉菜嘅代表，用蕉葉晾住更有情調飯粒滿滿椰香，仲有脆脆花生、魚乾、青瓜、雞蛋同參巴醬，係南洋飯餐嘅神組合配埋好惹味嘅咖喱食仲正，裡面仲有嫩口牛腩同好綿嘅薯仔蕉葉飯就食過，蕉葉烤魚真係要體驗吓，咁都可以烤到條魚變得金黃焦脆，肉質就好嫩口，唧啲青檸汁更醒胃，點埋辣醬食，好似置身南洋沙灘咁再食埋旁邊嘅爽脆沙律，更係4D官感咖央多士一定走唔甩啦，每次必嗌，呢份仲要有夾埋榴槤，真係香到癲同鮮油完美交融，盡化於金脆麵包夾層之中榴槤忘返，就要飲返杯榴槤特飲，榴槤嘅香味極之突出，香綿無比班蘭拉茶都好有味道，班蘭同茶香因為相近，更加二合為一…查看更多

旺角間鐵飯碗好大間！座位有成兩層，仲要周圍啲裝修有啲古物作點綴，幾有特色。主要食馬來西亞野，見menu價錢好抵，我地都嗌得幾多野食下😝😝檳城白咖喱雞絲麵（$65)白咖喱微辣好香噴噴！係摻摻麵黎，麵量比預期中多！雞絲口感滑嫩，真心一啲都唔鞋，配料仲有雞蛋、白魚蛋、豆角、豆腐。拿督咖喱牛腩薯仔，香酥飛餅（$100)就咁睇個名唔知個咖喱係紅黃青邊款咖喱，但食左一啖發現呢款咖喱有驚喜！味道香濃，甜中又帶點辣，啲牛腩炆得好夠腍，牛腩同薯仔都超入味，推介一定要嗌個naan點黎食！秘製馬拉盞炒通菜（$62)又係比預期中大碟！通菜超脆綠爽口，秘製馬拉盞好香斑蘭咖央牛油多士（$38)一共有4塊，啲餡真係足料到你唔信，咬一啖咇會出黎果種😍熱情芒芒（$30)沙梨酸梅冰（$33)野飲有多款選擇，呢兩杯都唔會太甜架…查看更多

以馬來街頭為主題🇲🇾提供多款正宗特色的娘惹菜式🍴每一道菜都經由馬來西亞華僑總廚精心主理👨‍🍳串燒雞肉鮮嫩，燒得好惹味🔥點上濃濃的沙嗲醬，更加滋味😃咖椰多士夠脆口，內有甜甜咖椰漿🥪帶有椰香及蛋味🥥令西多士的味道更上一層🥰油條切厚片炸脆，加入新鮮彈牙墨魚滑🦑味道有驚喜🤩撈麵加上秘製醬汁🍜蝦餅熱辣辣炸得金黃😙肉骨茶帶有鮮濃的肉香🥩配上香料的獨特香味🌿加上慢慢滲出濃郁的藥材味道，塑造了肉骨茶令人難忘的特別濃香🤩…查看更多

今日去旺角PCCW辦事,順便晌E頭食飯，棟左E間鐵飯碗，叫咗一個肉骨茶配白飯同埋咖哩牛腩飯，要自己描碼兼要先付錢，肉骨茶味道太淡而牛腩就韌度咬唔落。餐廳環境OK都算寧靜，坐得都算舒服，可惜食物唔掂。…查看更多

尋晚同男朋友行到攰又咁岩行到呢間店門口咁就試下啦 ，結果 ： 食完呢次 無下次 🙃🙃QR Code 落單 唔緊要俾錢 一係自己行出去俾錢 一係電話電子俾錢 都唔緊要 但係佢收加一服務費 就唔應該囉斟水 落單俾錢 我都係自己做哂 憑咩收加一？不如唔爭在電話落單俾number 等叫飛自己出去拎餐啦 ！一坐底 因為 天氣熱就好快飲哂杯水職員就叫我地要自己出去斟水 但隔離枱叫佢俾多杯水又可以職員就去拎杯水俾佢 咁即係 我可以叫職員俾多杯我啦 而唔需要自己出去斟水啦叫左咖喱牛腩飯 ，海鮮炒飯，馬拉盞炒通菜，咖央多士，兩杯咖啡所有野都到齊 ，多士食哂 男朋友咖喱牛腩飯都食晒我碟海鮮炒飯都仲未有就問職員幫我睇睇單，覆返我要等5分鐘我諗 呢個應該係漏單 ？ 等咗咁耐都仲要等5分鐘唔係漏單，我諗唔到咩原因終於等到碟炒飯嚟 ，食落睇落同楊洲炒飯唔知有咩分別，一路我都有夾吓啲炒通菜食明明碟通菜仲有1/3份量個職員竟然想收走我碟通菜食物味道普通 唔算好好食 不過只會試一次就算啦 😮‍💨😮‍💨😮‍💨…查看更多

有特色正宗馬來西亞食物, 唔駛成日快餐店/茶餐廳.食完又可以飲返枝啤酒, 氣氛一流.冷氣大返D會更好.女侍應態度好Nice, 咖啡系同外面有分別, 10幾年前去過馬來西亞, 就系呢D味.…查看更多

逛旺角時發現了新開的娘惹菜，於是便到這裡嚐鮮。裝潢以南洋老街為主題，配搭復古霓虹燈裝飾，散發異國風情。馬來榴槤咖央多士($45）多士酥脆，夾著厚厚的牛油和榴槤咖央醬，非常邪惡！秘製沙嗲烤雞串 (6串)（$76）秘製沙嗲醬用來蘸點雞串同吃，更添美味。馬來風光・秘製馬拉盞炒通菜（$62）通菜爽脆，鹹香辛辣，惹味十足。海南燒雞飯套餐（$88）海南雞傳統做法是浸雞，餐廳選擇做成燒雞，甚具特色。香氣十足，雞肉味道濃郁，嫩滑可口。榴槤忘返（$32）入口散發榴槤香氣，濃郁的味道充斥口腔。…查看更多

呢間位於旺角嘅特色娘惹菜～經過人流湧湧的街頭抬頭一望就很容易發現到這家店超級搶眼的特色壁畫🩷💚餐廳由外至內都充滿着壁畫🎨～打卡位滿滿✅店面足足有兩層～環境非常寬敞坐得亦舒服👌🏻而食物方面亦都很有質素呢👍🏻😋-🍜正宗檳城蝦湯麵 / $72這碗很推薦～湯底很惹味！麵底是米粉x油麵的組合超級掛湯！-🥘鐵飯碗招牌咖喱魚柳 / $78可以自選加配油飯或者絲苗白飯～最後決定加配香酥飛餅（+$18）！配咖喱一齊食非常之惹味！魚柳份量亦都很多！底層還有野菜～果然係招牌菜！-🍤馬來特式炸蝦串（6串）/ $76可以整串吃掉！配上辣醬超級香口惹味！-🫓手打馬蹄墨魚餅 / $52粒粒馬蹄再配上濃濃的墨魚香～很爽口呢！-🥬馬來風光秘製馬拉盞炒通菜 / $62 這碟炒通菜份量蠻多的！-🍹羅漢果龍眼冰 / $18微甜微甜的很養生～夠凍又解渴！…查看更多

無服務員帶位，qr code落單，qr code比錢，水要自助斟，上菜仲要執埋位比佢上，但係收加一👎🏻出個餐汁個枱就要收加一？？？啲待應行行企企，拎埋電話企係到玩👎🏻服務態度大快活仲好過衣到👎🏻個咖央多中間牛油淋到食爛屎咁👎🏻👎🏻👎🏻杯唔知咩奶茶甜到漏👎🏻👎🏻👎🏻一碟菜98蚊，手掌咁大，洋蔥多過菜，仲要生洋蔥👎🏻👎🏻👎🏻其他食物毫無特別👎🏻慘過食蠟👎🏻👎🏻👎🏻食M記都無咁嬲👎🏻性價比零👎🏻…查看更多

今日來到旺角，驚喜發現依間打卡一流嘅馬來西亞菜餐廳😆❤️ 裡面裝修極之用心，採用嘅風格和飾品，充滿著馬拉嘅地道特色👍 每一處都好值得影相留念🌟 首先㨂咗一份店家推薦嘅蕉葉椰漿飯配咖喱雞😋 椰漿飯超香椰汁味😋 食落甜甜香香非常美味🫶 跟飯附有魚干仔、沙爹醬、青瓜等伴食，攪勻一齊食滋味無與倫比🤤 咖喱雞辣度恰到好處，煮得香濃又滑嫩👍 㨂咗兩款香口小食❤️ 馬來特式炸蝦串配搭經典泰式酸辣醬送上，原條鮮蝦炸得又酥又脆，連殼食都無問題🥴 非常惹味可口👍 鮮果油條蝦採用炸蝦和鮮果嘅配搭，令油膩感得以被中和，食落清新又鮮美，好有特色好值得一試❤️ 當然唔少得地道經典嘅斑蘭咖央牛油多士😍 多士焗得脆卜卜好香口✅ 中間塗滿甜美甘香嘅斑蘭咖央醬，加上邪惡油香嘅牛油，滋味滿分👍 飲品㨂咗冰極荔枝爽同埋新鮮椰青🫶 荔枝爽漸變色澤好迷人，飲落清爽又解膩🤩 椰青原個送上超級大個❣️ 入口清香又沁涼，解暑一流😙 …查看更多

Weekday Dinner 旺角新開的娘惹菜，裝修充滿特色，處處有不同的可愛壁畫，色彩繽紛，印尼炒飯 $98印尼炒飯很豐富，香濃炒飯上有太陽蛋，伴酥脆雞翼、惹味沙嗲雞串燒、香脆蝦片及青瓜。祖傳秘方肉骨茶 $82份量十足的肉骨茶，配白飯及香脆油條，有鮮濃的肉香，配上藥材的獨特香味，有豆卜、枝竹、冬菇、排骨、豬手及豬肚等等入味的材料，暖胃滋補。如果喜歡再濃味一點的人，可以加入碎紅椒和生蒜蓉，或者沾點醬油，有另一番風味。馬來風光秘製馬拉盞通菜 $62爽脆的通菜加入香辣馬拉盞調味，鹹香惹味，而家表面更灑上豬油渣，增加口感與香氣。班蘭咖央牛油多士 $38邪惡的半融牛油配搭香甜班蘭咖央及香脆麵包，是滿足的飯後甜品。文冬薑母茶 $22養生的朋友表示薑味濃郁，喝完有一股暖流🤣🤣新鮮椰青 $38椰青冰凍清甜，椰肉嫩滑，配娘惹菜一流。…查看更多