鐵板工房

之前嗰次差評！今日係好評！好食就俾返個讚你！自上次差評後，其實都有幫襯過，總之嗰位染紫紅頭的女孩不在先敢買。新年期間買過幾次日式炒麵，啲細路都滿意，連朋友個仔係台灣返黎都一定要食下，好彩無令佢失望。今日試多個鰻魚炒飯，叫佢多汁真係有加料，夠味。叫得咩汁炒飯炒麵，其實都係想要個味道既姐，真係唔好慳嗰少少…$45個飯唔係話貴但都唔係平，個飯無再生米呢個好基本！但叫了多汁，佢夠味之餘唔會淋patpat ，即個飯本身都煮得夠乾爽！俾錢都係想食個正常、熱辣辣既飯，請保持！不要驚嚇或驚喜，謝～…查看更多

試過打落店，長響無人聽架，唔好話我唔反影！老公經常點這個飯，一向都無咩問題… 平時係個男仔炒既。今日見個男仔都係度，但好似係轉咗女仔炒，我唸都無事吧… 點知攞到返屋企一打開完全唔同樣，啲豬肉放面？飯一陀既！唉，都係食咗先講啦！希望係錯覺… 食咗幾啖真係食唔落去… 點呀，我真係好唔久先食一次飯都咁對我… 飯未熟照炒，中間係硬既，粒粒都係咁！仲要黐埋一堆，未熟得黎濕既，五花腩變柴豬肉… 其實好嬲囉！我想食個飯姐，如果無五花腩咪出聲囉，又唔講，叫我轉嘛！如果最基本一個炒飯都做唔好，唔應該賣囉。…查看更多

夜麻麻男朋友話肚餓，又唔想開爐煮嘢食，睇吓網上外賣平台仲有冇餐廳開0030見到呢一間鐵板工房話收2359 ，但係仲可以落單，唔理啦，試吓落單先結果話0100-0120送到，無俾人取消我哋叫咗八個金菇肥牛卷，同埋黃金海鮮炒飯。我以為黃金海鮮炒飯係有鹹蛋黃先叫，點知原來係冇鹹蛋黃，我懷疑佢哋嘅黃金係指粟米，但都唔係好多粟米金菇肥牛卷都好普通，其實金菇肥牛卷都好難難食得去邊😂😂啲金菇出咗好多水，所以啲汁雖然有味，但係好水…查看更多

這是一個40元的豬軟骨飯只有一塊。。。然後肉又吾捻你還會買嗎？一次比一次失望從牛皮紙兜食到包裝盒都改埋。飯多到40蚊係買個飯，個主角就。。。。。已經吾知可以講咩,40蚊吾值咯。完。…查看更多

開左咁多年，今次都係第一次幫襯。估唔到又幾有驚喜👍🏻😎煙三文魚蟹籽炒飯$44🍱返到屋企開都仲熱辣辣，味道香而唔腥。盒飯嘅份量超多，一個大人+一個小朋友食都好夠。唔怪得之平時都見幾多人等拎外賣🥡🥢🧀芝士蘑菇讓雞翼 $22/2 隻；$36/4 隻買兩隻試下。只可揀同一款味道。雞翼食果時有拉絲😋小朋友超鍾意食。炸物 $40/5 款；個list 都幾多野揀。炸帶子，蟹鉗炸得比較燶，無咁好。炸薯餅，咖哩角，地瓜圓好味。…查看更多

小店是在街市里，街市裏很有秩序，衛生條件也挺好的。今天買了炸薯餅、洋蔥圈、炸帶子。雖然薯餅給拿成了薯條。但是這三個都味道完美。油炸食品，但並不油膩，洋蔥圈味道好好，帶子外酥裏嫩。三种一共27元，好吃不貴。大家快來試一試！買吧！！…查看更多

之前食過一次海鮮炒麵，都覺得正正常常，於是今次再幫襯，不過就試其他嘢食。今次叫咗個「黑椒牛肉炒飯」，可能因為疫情關係，唔係太多人買嘢食，等咗唔駛10分鐘就已經有得拎。一打開個盒，聞到好勁黑椒味，同埋見到盒飯都幾多黑椒粒，鍾意食味濃嘅朋友應該會啱食。佢啲飯有少少濕，不過而家無得堂食，焗住喺個飯盒入面，無計，唔關間餐廳事，係無得堂食做成。食落都幾多牛肉，同埋都有肉味及有咬口，唔似一般茶記啲生炒牛飯咁，啲牛肉細細粒，同埋用鬆肉粉「嗱」到唔似牛肉。而且盒炒飯都唔貴，可以下次再試其他食物。…查看更多

1.先講講500無得找都萛了，態度不是很好的回答2.豬扒炸到黑到呢，炸到過哂龍黑哂都照比我3.咖哩偏咸重口味4.飯有的生米雖然話價錢決定質素，但你都起碼比返的正常野人地食呀我食左半盒真係頂唔順丟棄左了下次都唔會幫襯…查看更多

之前聽人講話恆安街市美食雲集， 今日咁啱行開就試下啦😊其中一間食日式炒麵，好似唔錯，就試下海鮮炒烏冬先……賣相唔錯喎，餡料都幾多，有魷魚啦、獅子狗啦、蟹柳啦、蝦啦！味道唔錯，都只不過係34蚊……抵…查看更多

本人作為一個日式炒麵控，真係絕對吾會錯過任何一個追求完美日式炒麵的機會，所以一先到店家有日式炒麵就一定會點。恆安街市呢間小食店的炒麵一點麵吾貴，三十幾蚊就有交易。📍日式海鮮炒麵（$38）🔸份量非常大🔸海鮮配料亦頗多🔸炒麵炒得幾香🔸日式炒麵的醬汁吾夠多吾夠濃，但可接受。P.S另外呢間小店麵有好多野食選擇，而且麵抵食，下次黎到馬鞍山可以一試。😋味道：7/10🙃回頭：7/10💰消費：$34…查看更多

又來到呢個宵夜必去嘅地方💕今次就試咗另外一間餐廳鐵板工房1️⃣日式炒麵 $34上面有啲柴魚片喺度飛下飛下，好治癒啊🤤佢嘅炒麵上面仲有沙律醬，洋蔥片，粟米粒，蘿蔔條，椰菜，紫菜絲同炒豚肉🐷。超級惹味，而且師傅係即場炒，好有鑊氣🔥，有少少似去咗日本食鐵板燒咁。炒麵都非常入味，深夜食就最啱啦🥳！唯一唔好嘅地方係沙律醬有少少搶咗味🙈🙆🏻‍♀️美味指數:8.32/10💡整體來講，性價比超高，呢個鐵板燒嘅質素極高!鐵板工房…查看更多

雖然我唔係住恆安，但都會特登去恆安街市到幫襯下啲食店，可謂美食沙漠既一點清泉。今次試左鐵板工房既日式海鮮炒烏冬外賣，即叫即炒，所以拎到返屋企都仲熱的。味道係濃左少少，而且海鮮都只係蟹柳魷魚仔幾粒細小既蜆，賣$38，抵唔抵就見人見智，但係連所店林立既市場多數都$4x一個餐既情況下，我覺得可以接受既，而且會做優惠俾學生。支持小店繼續努力。…查看更多

炒烏冬太細碟,味道偏咸,也要3x元.份量太少不能視作正餐咁飽肚3倍日式燒餅也是好薄,size好細,饀料欠奉,似老麥熱香餅,價格偏高。不能與正宗的日式燒餅相提並論。香蕉pancake味道尚可但好油膩,吃完滿咀也是油。簡簡單單一個炒米粉硬到似食鐵缐,硬!不足料.算是最伏之食品 仲要收人22元。職員好生手咁.即叫即整所以好慢,要預時候等等等,因没有票據,繁忙時間試過漏單。肚餓想開餐,又想划算不如幫襯别的。…查看更多

從來對香蕉的制成品不太有興趣,,,有次經過鐵板工房見到$20 決定試試 餐牌有香蕉脆班戟,芝士火腿班戟,菠蘿火腿班戟我就揀左香蕉黎試試,,,本身不太好甜野,,,不過因為去泰國個陣係街頭見到擺檔 但個時食就覺得甜甜地有香蕉味 其實冇咩特別 至少我冇諗住下次去會再食 於是想睇下有咩分別 點知一試愛上了 老實講個賣相比相簿的吸引好多羅 加埋啲煉奶同朱古力醬黑+白 好令牙😍😍😍 第一口咬落去 外脆內軟👍👍👍 出面層皮勁脆 有聲嫁 入面勁多香蕉 我見到佢地落左成半條香蕉落去嫁 而唔係3-4片咁 即刻覺得好抵食😂😂😂 切左4塊 最岩朋友一齊分享 一人一舊唔洗爭 而我係食完一塊再一塊嘅😋😋😋 因為食完之後仍然想再食! 唔錯唔錯 中意食芝士嘅朋友可以試試芝士火腿 我見到隔離有人食緊啲芝士係拉絲嫁😍😍😍 等我下次加多2蚊試下芝士火腿先🤗🤗🤗🤗…查看更多

自從因為恆安街市拯救咗馬鞍山呢個美食沙漠基本上我一星期都至少去一次食野嗰種掃街人情味個感覺真係好好食到其實好多個老細都認得我其中呢一間嘅路我哋特別啱傾兩個後生仔滿懷夢想一腔熱血咁去做真係好值得支持最緊要係啲嘢好食呀嘛炒麵一向係必食嘅一樣野佢哋不斷改良餐牌而家炒麵同燒餅都可以自選今次特別加左兩隻燒蠔佢哋嘅醬汁沙律醬紫菜木魚加埋真係好無敵真係夾得好好好好食又會覺得太膩反而有種清新感覺麵質亦好有咬口，炒得好一條條分明有時候為食都會叫埋燒餅如果你認為佢係一般銅鑼燒咁你就大錯特錯佢係用粉整左個餅底然後加上唔同嘅自選菜再加芝士同少少粉漿係面最後加上醬汁雖然表面睇同炒麵係一樣味但絕對係兩種食法同出面嘅亦唔一樣追求健康嘅我食菜當然都好緊要因為同老闆熟咗所以基本上我係自選炒菜分量多少都係由我話事三個字冇得彈！大家都黎支持下年輕老闆打打氣啦…查看更多