鎔記潮州飯店

跟同事路過見到呢間傳統潮州飯店，於是一試卻換來一餐極度失望嘅晚餐。鹵水鵝，鹹雞，味道似隔夜餸，完全唔新鮮，川椒雞鷄肉充滿雪味（估計係雪藏雞扒）味道亦不是川椒雞味道，牛丸湯牛丸大約12粒加芫荽湯$149-以為新鮮手打牛丸，上菜時牛丸心還是冰凍😳疑似係街市凍肉店貨色（只怪自己沒有問清楚）其他菜式也只是一般。唯獨是蠔仔粥較為似樣，蠔仔新鮮飽滿，味道也正宗👍🏻店舖陳舊，招呼還可以，價錢屬中上。本人一向支持本地小店，飯店整晚客人不多過十個，這樣的體會，叫客人怎會回頭！😔…查看更多

一入舖頭坐低…洗緊杯碟已經係咁催你落單！坐位逼夾唔好坐…枱與枱之間完全冇空間！落單之後…部份餸冇耐就到…但食完枱面餸之後…仍有部份食物仍未到…於是催促店員…店員只係敷衍煮緊好快到…又話已經整緊唔俾取消，起碼催促五次以上…最後才送到嚟！由落單，直至到最尾嗰個餸送到已經係一個鐘…所以要預時間！起菜速度十分慢…所以趕時間嘅真係要諗諗！而餸菜嘅質素十分普通…出面有好多舖頭都好食過佢！所以幫襯之前真係要諗清楚…我就唔會encore…查看更多

上菜速度慢，反沙芋等咗成粒鐘呢度反沙芋係沙糖包芋頭，佢話要浸熟，所以要咁耐 108川菽雞，好濕，好重酒味 98糖酷面，糖加酷，自己撈，加個一面有煎一面冇煎既燈色抄面 108炸蠔餅都幾大份 98蠔仔粥都正常 108茶芥10蚊位白飯 20一碗另收服務費…查看更多

老闆娘知道我仔仔要去外國讀書，特別安排廚師煮黃金骨…. 好感動🥹仲有潮州蠔餅，韭菜豬紅，鵝片仲係入口即溶…一個字 ‘正’….真心值得推介👍👍👍真係感受到人間有情有義🥰…查看更多

👨🏻‍🍳今日心血來潮想食點家鄉味，就揀了「鎔記潮州飯店」詳細嚐嚐。我實話實說，佢地啲「滷水鵝片」真係絕了！想像下，鵝肉厚切得啱啱好，帶點滑溜溜嘅皮，咬落去即刻感受到啲肉汁四溢，微微嘅草本香氣喺喉嚨間舒服游走，夠曬解膩！✨話說返「大腸、鵝腸、墨魚」，這個組合得嚟好創意，勁正嘅！墨魚彈牙得嚟唔韌，個鵝腸同大腸都係清清地，一啖一啄都覺得過癮，痛痛快快！再者，我就實在無法抗拒「小炒王」帶來嘅那種鮮、香、脆嘅口感，每樣食材都咁有性格，一盤物超所值！而「汕頭白菜煮魚蛋」就話你知咩叫做健康又美味，湯頭清甜，魚蛋咁Q彈，同白菜切工好，食落去簡直是清新與滋味嘅完美結合，相當適合追求輕盈口感嘅你！最後啲嘢夠味夠香，可以話係潮州菜嘅驕傲啦！🍲心情開心嘅我，仲特別推介你，想食地道潮洲滋味，記得要mark低呢間餐廳喇！👍🏻…查看更多

第一次黎，好有潮州風味，老闆好攪笑。食左7餸一湯埋單唔使$1000，真係平靚正。其中有滷水鵝片、鵝腸豬腸墨魚三併、胡椒豬肚湯、煎蠔餅、糖醋麵、韭菜豬紅、黃金蝦和反沙芋。…查看更多

通常冇咩嘢唔會打食評，點估到 一間係九龍城開左咁耐嘅餐廳居然可以做到咁嘅出品… 今次應該係咁耐以來係九龍城食嘢最差嘅一次… 有苦味嘅鵝腸， 同餐廳講，廚房話冇事 我地D鵝腸就係咁。 叫7樣嘢 1） 鹵水拼盤 （唔好食）2） 蠔唔知咩煲 （好腥）3）韭菜豬紅 （冇投訴） 4） 咕嚕肉 （全晚最正） 5） 麻辣魚皮 （好食） 6） 金銀蛋白菜 （賣相肉酸） 7）椒鹽豆腐 （第一次食倒咁難食） 總結： 唔會再有下一次。 嘢食： 冇驚喜 嘢飲： 茶係OK嘅所以…. 唔好難為自己喇…查看更多

九龍城除了以「小泰國」見稱 更有「小潮州」的封號 可以找到不少售賣潮州食品及糕餅甜點之商店 當然亦少不了潮洲打冷菜餐廳 與朋友久久一聚相約於九龍城 想食蠔仔粥 見朋友推介 決定試下鎔記潮州飯店近餐廳門口 擺放了包上保鮮紙的潮州小菜 種類繁多 亦可以看見師傅在斬滷味的身影 充斥住有滿滿的潮州風味滷水拼盤$118滷水拼盤可以一次過試到不同的滷味 鵝肉肥美但多碎骨 墨魚爽口 鵝腸爽脆有咬口 豆腐同芽菜墊底 吸收了大量滷水汁 好入味 每樣滷味都非常香濃又不死鹹 值得一試蠔仔粥 $68蠔仔大大粒 十分飽滿 觧而不腥 有豐富的海鮮味道 粥底鮮味十足 粥仍可以見到一粒粒米 加上莞茜和薑蔥 鮮甜美味 十分推薦金銀蛋白菜仔$88出街食飯 總覺得需要叫一個菜 減低外食的罪惡感 皮蛋 鹹蛋及鹹蛋黃同白菜仔 食材簡單美味 不過當然沒有前兩者那麼出色 整體評分：食物味道: 8/10餐廳環境: 7/10服務質素: 7/10…查看更多

位處九龍城嘅潮州打冷老店相約友人到九龍城晚飯，友人朋友介紹呢間多年老店，對打冷啤酒有份喜好嘅我哋都決定一試我哋坐二樓，上樓前要經一度唔知係門嘅門上去！係成間店最有驚喜嘅地方一行四人點咗五樣菜鹵水鵝拼盤、韮菜豬紅、蠔仔粥、辣酒煮花螺、糖醋麵幾款嘢食都不過不失，蠔仔粥有驚喜，無腥味而且蠔仔都肥美糖醋麵反而最令人期待，因為等咗應該超過半個鐘，但店員話呢樣菜式係需要等，結果無令我哋失望，煎得香脆可口！👍🏻下次會想試蠔餅，見人哋個蠔餅炸到非常脆口！因為肚唔夠位，下次再試！…查看更多

九龍城又點止得泰國野食！捐窿捐罅，喺泰國店臨中搵到一間傳統正宗潮洲菜！就好似漆黑裏面嘅螢火蟲一樣，發光發亮⭐️韭菜豬紅超大碗！喺呢度必點嘅嘢食！豬紅同埋韭菜分量多到一個點！滷水鵝又係份量極有誠意！滷水汁味道香濃！只有老店才吃到的味道！肉厚又有！重點係豆腐，吸收了滷水汁嘅精華！豉椒炒蜆夠晒鑊氣！隻隻都開口！鮮甜豉椒味重！一粒沙都無！吐得好乾淨！自己家中做不到的！炸蠔餅潮州菜名物！傳統嘅潮州菜係要炸到脆卜卜，外脆內軟！蠔肉新鮮，夠juice !傳統潮州飯店買少見少!九龍城呢間老店抵食，又好食!…查看更多

潮州炸蠔餅🥢食潮州野點可以冇蠔餅🤩好鍾意炸到脆卜卜，蠔仔都好大隻，蠔嘅份量仲超多👍🏻整塊蠔餅有我塊面咁大😂😂😂好好味呀⋯⋯😋😋😋豉椒炒聖子🥢聖子係bb版好嫩滑，用豉椒炒真係好惹味食埋三色椒🫑好鬼正。西蘭花炒鮮魷🥢例牌會點嘅餸，簡簡單單已經好好味😋滷水拼盤🥢樣樣都想食😆就點個細拼盤，有豬腸、腩肉、墨魚、鵝腸、紅腸、豆腐、芽菜等等…樣樣都好入味，必點的👍🏻👍🏻👍🏻…查看更多

今日去咗九龍城食潮州菜，原本想食蠔餅，但朋友突然話不如吃炸蝦棗…那麽就跟朋友去咗位於城南道嘅鎔記潮州飯店食🤭 滷水鵝，豆腐墊底，滷水鵝好入味，肉質軟腍🤗墊底嘅豆腐都好滑！滷水拼盤鵝腸，生腸，紅腸，腐乳芽菜底.. 滷水咸淡適中，鵝腸新鮮爽口！墊底嘅腐乳芽菜味道又幾夾幾好味👍🏻啫啫芥蘭煲-好夠鑊氣，芥蘭炒得好鮮嫩，又冇乜苦澀味，跟肉碎蝦乾炒埋一齊食好惹味！炸蝦棗，炸得外脆內軟，口感Q彈，味道鮮味！果然不錯👍🏻…查看更多

#九龍城 @yungkeechiuchow自從有西鐵, 我便多了到九龍城晚餐! 因我喜愛吃鵝, 所以潮州滷水鵝是我喜愛的餸菜之一! 西鐵宋王臺站B3出口, 隔離街便是了, 很方便的! 一入門口, 便看見師傅在斬滷水鵝, 一系列潮州打冷小菜整齊擺放, 全包上保鮮紙, 乾淨衛生!✨滷水鵝片 $138 ~ 我最愛, 啖啖肉! 鵝肉緊緻結實, 肉質嫩滑無羶味, 紋理細膩有彈性! 鵝片切得均勻, 薄薄的一片盡顯刀功, 底層舖了豆腐及花生, 搭配醋同食, 酸酸的更開胃! 齒頰留鵝香✨紅腸拼墨魚 $88 ~  墨魚新鮮彈牙超爽口, 同樣切得薄薄的, 底層是爽口大豆芽菜, 吸收滷水汁更覺爽甜! 必須醮上辣椒油, 滋味更進一步提升, 潮州辣椒油就是讚! ✨魚香茄子煲 $88 ~ 滋滋的響, 新鮮熱辣! 白飯小偷這名字可不是隨便亂改的, 咸咸香香的味道, 惹味非常, 佐飯一流! 辣辣的很開胃!✨糖醋麵 $108 ~ 亦稱兩面黃, 把麵煎至兩面金黃香脆, 再澆上糖及醋同食, 酸酸甜甜的, 開胃又飽肚, 重點是完全沒有油膩感, 層次豐富, 超讚!再來杯汽水或啤酒, 滿足的一餐! …查看更多

九龍城一向係泰菜同潮洲菜的集中地，今次試了一間潮洲菜，經歷幾年疫情都能夠屹立於九龍城食肆林立的地方，證明味道出色。果然食物質素不錯，店員服務好，老闆娘又爽朗又好客，推薦大家來食。🔸韭菜豬紅🐷豬紅經過處理同滷製後，一點豬腥味都沒有，而且豬紅充滿秘製的醬汁味，質感嫩的來很實，不會太散，配上鮮嫩的韭菜，很出色。🔸汕頭白菜煮魚蛋🐟店主挑選了高質魚蛋，很彈牙同重魚味，白菜好甜，雖然係湯煮菜，但食得出經過爆炒，很有鍋氣。🔸辣酒煮花螺🐚樣子看似很辣，實際上味道並不辣，而且陣陣酒香煮花螺很入味，要讚賞花螺很新鮮、大顆，老闆娘更指只會用新鮮花螺，真心讚賞👍🏻👍🏻🔸砂鍋魚頭煲 湯汁濃郁，魚頭鮮嫩，砂鍋魚頭的汁充足，食到淡淡燒酒香，配上豆腐，成個菜都好下飯。…查看更多

其實中式嘢嚟講我真係好鍾意食潮州菜，琴日就試咗呢間位於九龍城城南道37號嘅鎔記潮州飯店。入門口位置已經見到好多名人嘅相，即刻好有信心，果然名不虛傳。咁我就點咗三道菜。滷水雜拼呢樣嘢一定必食啦！啲鵝腸整得好脆身，好少可以咁爽又煙靭，就連紅腸都好好味。魷魚就更加唔使講熟得嚟又係好煙韌。滷水汁味道鮮香，真係絕配。黃金蝦老闆娘話啲蝦係每日新鮮送到，我完全食得出，就好似喺街市自己買咁新鮮。潮州蠔餅呢樣嘢都一定要食，同平時嗰啲蠔餅唔同，呢間嘅蠔餅係粒粒都係大蠔，絕對唔係蠔仔！鍾意食蠔嘅人一定要試！…查看更多