鍋霸吃到飽台式養生火鍋 (創興廣場)

營業中

休息中

嘆火鍋當然是無限時食最過癮!旺角鍋霸有得揀2小時任食又或是加錢享受無限時，慢慢食慢慢嘆，食火鍋就應該要係咁! 鍋霸有好多款火鍋湯底任揀，亦可以選擇雙併，我地就揀咗辣和唔辣各一款 – 蕃茄濃湯豆腐雜菌涮涮鍋及台灣麻辣牛肉涮涮鍋， 蕃茄湯底好香濃，朋友最愛蕃茄湯就啱哂佢口味，而台灣麻辣亦夠哂辣，滿足哂愛吃辣的我，2種不同湯底都超足料，勁豐富，就算大家唔同口味都同樣食得盡興~打邊爐就緊係唔小得食牛肉，呢度有好多款不同款的牛，當中必讚安格斯肥牛，大大塊一淥即熟，保留牛味之餘配埋濃湯夠哂惹味，另外西班牙黑毛豬肉片，打邊爐必備好Juicy啖啖肉真係好滿足，除咗肉，仲有好多海鮮呀丸類蟹柳等真係應有盡有，連炸物凍食都有幾款揀，真係性價比奇高。食飽後每人仲有一款雪糕做甜品，何其滿足的一餐，下次想打邊爐又有一個落腳點啦！

天氣凍，又係狂打邊爐嘅季節。創興廣場任飲任食嘅放題多不勝數，中午我哋就揀選咗一間無限時任食嘅打邊爐放題 - 霸鍋食到飽台式養生火鍋，啱晒一班大胃王同埋我呢啲食嘢食得慢又要吹水嘅人。佢嘅午市時段可以食足4.5小時（中午12點至下午4:30)最適合就係一大班朋友去聚會，慢慢烚，慢慢傾。我哋揀咗Level 2任食美國Prime Grade 牛肩胛肉， 淨係湯底都有20款可以揀，心大心細，+$48選咗鴛鴦鍋（藥膳椰子雞涮涮鍋及田園蕃茄濃湯牛肉涮涮鍋）值得稱讚是他們的湯底絕不馬虎，湯底非常濃郁。椰子雞湯底用嚟涮海鮮及菜非常鮮甜，蕃茄濃湯烚牛肉簡直味道一流。套餐嘅火鍋配料多達60幾款，淨丸類都有分手打丸(手工，黑松露墨魚丸，手工梅菜豬肉丸，手工麻辣牛丸等)及不同台灣高質靚丸(金沙魚丸，爆漿流心芝士牛丸，麻辣貢丸，魷魚羹等）全部可以無限追加，見到佢加$40有得再升級高級配料及海鮮（游水海蝦，花甲，花膠片，黑毛肚，墨魚仔等）出面自助飲品區飲品數量多不勝數，除咗一般嘅凍飲及台式飲品🥤仲非常貼心有熱櫃放左一些熱飲🍵最後食飽飽嘆返杯雪糕作為結尾，雪糕種類也絕不馬虎，各大品牌款都有Movenpick, Hag

間鋪呢個時間冇乜人，一個大鍋慢慢嘆。我哋叫咗Level 2嘅美國prime牛肩胛肉，雖然肉類選擇比較少，但係質素都OK，牛味濃。火鍋配料都好正，有幾樣自家製包括手打黑松露墨魚滑、三寶丸、爆汁牛丸，仲有好少見嘅芫荽燒賣同芝士小籠包送菜速度都快，而且湯底可以自己加，台灣嘅特色養生湯底，打邊爐之前仲可以飲番幾碗先，每個湯底都會有配菜，例如藥膳雞、豆卜同木耳飲品好多選擇，有自家製冬瓜檸檬茶好飲，仲有啲氣泡水、解茶同埋柑橘汁等，除咗凍飲仲竟然有熱飲，真係好貼心最後可以一人叫一個雪糕，我哋就揀咗好少見嘅Movepick椰子味，大推呀

呢家牛肉火鍋，真係俾我好大嘅驚喜🥳都冇諗到人均兩百幾蚊，就可以實現牛肉火鍋自由！仲系牛肉好新鮮嗰種🤩平時好貴嘅一碟，喺度食到飽~重點係真係無限量，簡單回本啦！即刻約埋家人朋友去😉高品質美國Prime Grade 牛肩胛肉，🐮肥瘦適中嘅薄片，🥩只需涮8秒就得，同埋鴛鴦鍋湯底搭配都好啱呀！入口香滑，新鮮肥美。手工三寶丸：牛肉🐮豬肉🐷墨魚丸，牛肉打成嘅肉丸，一望上去就好新鮮，咬一口，真係爽口又彈牙，食咗又想再食！足八寸長蟹棒，長度XXL😍😍碌熟之後口感好厚，吸收湯底的麻辣味，既有蟹柳的鮮甜，又有麻辣的清香🌶️

旺角創興廣場出晒名多火鍋放題選擇，我哋今日就嚟試吓 呢一間😋我哋揀咗美國Pʀɪᴍᴇ Gʀᴀᴅᴇ 極上牛頸脊及西班牙伊比利亞黑毛豬套餐，$373一位，120分鐘任食，但原來加$40就可以無限時，咁就梗係加啦，慢慢食可以食多啲呀嘛🫢有成20個湯底比你揀，我哋就加咗$48要鴛鴦鍋，揀咗藥膳養生花膠雞同藥膳沙茶牛肉，好足料，大大舊牛腩同雞件🤩 而且啲牛腩都幾好食嘅🤣每枱都會送碟Sʜᴀᴋᴇ Sʜᴀᴋᴇ炸物，有花枝丸同鹽酥雞，佢仲有幾款Sʜᴀᴋᴇ Sʜᴀᴋᴇ粉一早放咗係枱面度，有海苔、梅子、香辣、芝士，好惹味😋除咗肉嫩嘅牛頸脊任食之外，仲有勁多配料可以叫，有坊間比較少有嘅八吋長蟹柳、深海魚柳、鮮蝦等等，另外啲手工丸都值得一點，有黑松露墨魚丸、潮汕豬肉丸同麻辣牛丸，每款都值得一試😙最後仲有每人一杯Hᴀᴀɢᴇɴ-Dᴀᴢ或者Mᴏᴠᴇɴᴘɪᴄᴋ嘅雪糕，真係飽到捧住個肚走🤣而家每4位額外仲送一碟Prime Grade手切牛頸脊，你都唔好話唔抵玩😆

半天工作之後搵朋友聚一聚，朋友介紹旺角任食4.5小時火鍋放題，中午12時開始入座就可以食到4點半，朋友12點到先開位叫壽喜燒湯底及點食物，我遲10分鐘到所有食物已到齊，朋友點選Lv3，西班牙伊比利亞黑毛豬餐。自助區有醬料及多款罐裝紙包冷熱飲品可供選擇，其餘所有食物都係電話落單方便又衛生。美國牛肩胛肉，係餐廳取基本牛肉，相對其他放題高質得多，牛肉油脂豐富切得薄，有脂肪香牛味又濃，有啲嚼勁唔會韌。伊比利亞黑毛豬，半肥瘦食落一點也不油膩，肉味甘香而爽彈。追加海鮮，食幾個鐘加40蚊追加海鮮有海蝦、花膠、鱔片、墨魚仔、帆立貝等，海鮮都好新鮮，值得追加。另外叫咗啲丸類，手打三寶丸，牛百葉，餃類，炸物全部質素基本同散叫式火鍋店一樣高質。以Lv3套餐為例閒日$218-任食4.5小時，兩點後入座仲有88折，價錢非常優惠。除任飲任食，每人可任選各大品牌雪糕一杯作為甜品。

記得之前試過呢間既lunch 時段，食足4個半鐘好爽！今次再訪我地揀左最平嘅Prime Grade 美國安格斯肥牛套餐湯底: 壽喜燒 x 蕃茄牛肉湯美國安格斯肥牛肉質尚算軟熟，口感不錯👍🏻西班牙無激素豬肉都幾好食肉類仲有豬大腸、豬耳、豬肚、雞髀、牛栢葉等要讚下個雞髀，肉質鮮嫩多汁👍🏻海鮮類非常多，有海蝦、脆鯇魚片、脆骨腩、白鱔片、新鮮魚雲、深海魚柳、花膠片、帆立貝、八吋長蟹棒等必叫既爆醬濃芝牛丸！一咬開啲芝士標晒出黎😍仲有每枱一袋shack shack 魚皮，有4包粉揀，分別係香辣、芝士、梅子同海苔味，非常惹味😋自助區有各款自家製茶飲，飲返杯清下熱👍🏻最後每人可以揀一杯雪糕，Hagendaz Movenpick 同Dryers 都有得揀😍好飽好滿足☺️

今天下午，我们去到旺角創興廣場4樓鍋霸吃到飽台式養生火鍋(旺角)午餐。侍應告訴我們 ，午市火鍋優惠，由12點至下午4:30，食足四個半鐘；兩點後入座仲有八八折。 我們入座剛剛過了兩點，可以享有88折優惠，正。我們點了美國Prime Grade牛肩胛肉套餐， 配上養生花膠雞涮涮鍋。這道鍋物，選用Prime Grade美國安格斯肥牛，肉質鮮嫩，令人垂涎。此外，西班牙無激素豬肉片，更是健康之選，讓人吃得安心。配料方面，響鈴卷、手工三寶丸和手工黑松露墨魚滑，增添了鍋中的風味。當然，手工韮菜餃、白蘿蔔、萵荀和金菇菜等新鮮蔬菜也必不可少，讓整體口感更加豐富。特別推薦加入台灣鴨血和脆鯇魚片，增添獨特口感。麻辣手拍青瓜則是清爽的開胃菜。最後，嘗試了Haagen Dazs的曲奇雲呢嗱和草莓雪糕，作為完美的甜點。這裡的服務也非常周到，讓每位顧客都有賓至如歸的感覺。

今天中午，我到名叫「鍋霸吃到飽台式養生火鍋」的餐廳是任食的，讓我期待已久。我點了田園蕃茄濃湯豆腐雜菌涮涮鍋，接著，我選擇了多款肉類和海鮮，包括西班牙伊比利亞黑毛豬、美國安格斯肥牛、游水海蝦、花膠片等，每一樣都新鮮無比，口感極佳。特別是手工黑松露墨魚滑，鮮香四溢，讓我回味無窮。此外，我還點了手工三寶丸和足八吋長蟹棒，這些配料的搭配使火鍋更加豐富。飲品任飲，為了解渴，我選擇了燒仙草爽，清涼感十分合適。最後，甜品是Dreyer's芒果雪糕，清新的口感令這豐盛的午餐更完美。整體來說，這次用餐經驗非常愉快，讓我流連忘返，期待下次再來享受美味的火鍋！

最近天氣越嚟越凍，打邊爐就真係啱晒啦😙今次我哋就去咗佐敦嘅鍋霸食佢哋嘅台式火鍋🍲佢哋嘅位置又方便，選擇都好多🥰仲有泊車優惠！🚗佢哋嘅台式湯底有成20款咁多🤣我哋日日都想試，最後就加咗$48轉佢哋嘅鴛鴦湯底😆我哋揀咗藥膳沙茶雞配麻辣蕃茄牛肉肉唰唰鍋😗佢哋有好多種唔同嘅火鍋配料🥰可以透過手機落單，想要幾多就幾多😍上菜嘅速度都好快！除咗火鍋店之外，出面都仲有好多多種唔同嘅飲品🍸凍熱都有，相當細心😋🐮 美國牛肩胛肉油花好靚好均勻✨牛味好重！淥一淥就食得😗我哋encore 左好多碟！🤣🐷西班牙伊比利亞黑毛豬豬肉肥瘦適中😙會太肥膩，食落口都好滑身！🍡手工三寶丸鍾意呢度除咗有唔同嘅台式丸之外，最特別莫過於係佢哋嘅手打丸😎仲要有好多唔同種類添，誠意十足😚🦀八吋長蟹柳棒呢度嘅蟹柳棒，唔係平時嗰啲蟹柳咁簡單😋仲要係勁長嘅八吋長蟹柳😍吸收晒湯底嘅精華佢哋仲有好多唔同種類嘅海鮮可以選擇㗎！除咗海鮮之外，佢哋呢度最特別嘅就係每台會附送四包Shake Shake粉😆俾我哋可以加埋花枝丸同埋鹽酥雞嚟食🌈

前排天氣凍左又想打邊爐喇～～有好多款湯底可以揀，fafafoodie揀左#藥膳竹笙雜菌鍋 😙藥膳味唔重既，係清甜既湯底～呢個湯底有埋竹笙😛如果額外點竹笙要HKD58/12pc架🙈仲揀左麻辣蕃茄牛肉鍋（小辣）蕃茄味唔重，麻辣味較重🌶️淥完啲肉同丸都勁入味😗重口味之選😌今次揀左Lv2餐，包prime grade 牛肩胛肉同西班牙無激素豬肉片🤓兩樣肉質都偏瘦，但係唔鞋口😎岩晒怕肥肉既我😜火鍋配料有超多選擇🤩私心推介 #爆漿濃芝牛丸 🧀🧀拉絲芝士加juicy牛味濃既牛丸❣️仲有 #芋頭貢丸 😍芋頭控必點‼️芋頭粒好香🤤仲有多款手工丸/自家製餃子/蔬菜/海鮮/麵類～推介羽衣甘藍🥬鮮腐竹好嫩滑☺️仲有台式火鍋必備既王子麵🙆🏻‍♀️除咗凍飲，仲貼心提供咗暖飲品櫃🤗提供冷泡茶、台式茶飲、韓式飲品等等😬推介烏梅山楂茶😉最後仲可以每人點一款雪糕🍦HaagenDazs/Movenpick/Dreyers D collection😍竟然有Dreyers既開心果味😋仲有焙茶甜筒🫢加一服務費#鍋霸吃到飽台式養生火鍋#旺角#fafafooodie_旺角

🔥午市火鍋放題-美國Prime Grade 牛肩胛肉($188/$198）🔥任食4.5小時/♨️20款台灣養生湯底✅養生花膠雞涮涮鍋足量花膠和厚滑雞塊🐔還有其他足量藥膳配料和配菜湯底味道鮮甜滋潤🥰.🚘每格設有獨立配料車架可以一次過點很多配材😚不怕不夠位置放車架還會掛著備用湯底不夠湯隨時加 超方便貼心💓.♨️無限點靚肉🐮 美國Prime Grade安格斯肥牛富有牛味 肥瘦均勻肉質細軟 很不錯😋點了幾轉後 仍然保持到牛的質素 正👍🏻🐷西班牙無激素豬肉片.♨️無限點數款海鮮🌊海蝦 花膠片 白鱔片 黑毛 墨魚仔等等.♨️無限點10款+前菜及肉類💥響鈴 💥炸魚皮 💥麻辣手拍青瓜:香辣爽脆💥滷水豬耳: 有嚼勁 挺入味👂🏻🐣台式雞件🐮沙茶牛肉.♨️無限點10款+自家制手工配料💥手工三寶丸 💥潮汕豬肉丸 💥麻辣牛丸💥黑松露墨魚滑💥數款手工餃子- 韭菜餃: 皮薄餡足 好吃💥脆鯇魚片 💥深海魚柳.♨️無限點20款+自家制手工配料🐠脆鯇魚片 🐠深海魚柳💥各款丸類 💥腸類💥8吋長蟹棒: 不易散💥其他特色配料.🍡自選甜品🌟10+款雪糕/甜筒🍦Haagen Dazs Movenpick Dreyers都有呢.🥤自助任拎飲品區

又嚟食性價比好高嘅「鍋霸」😍 主打無限時任食，好正呀😆 上次食過晚市，今次同朋友試埋午市套餐，好抵食～全部食材用QR code落單，好方便😚我哋揀咗 level 2 美國Prime Grade 牛肩胛肉及西班牙無激素豬肉片，由12:00至下午4:30，可以食足四個半鐘頭😆湯底揀咗蕃茄濃湯豆腐雜菌涮涮鍋食物內容同晚市一樣，有豐富肉類、海鮮、丸類、蔬菜等，特別推薦手工三寶丸（墨魚丸、豬肉丸、牛丸）、生猛海蝦、脆骨腩、爆醬濃芝牛丸（流心）😍最後仲有自選雪糕一杯，好滿足！

終於捱到禮拜六放假啦， 即刻約朋友去輕鬆下，去左創興廣場～鍋霸～ 食邊爐放題。呢度勁爽，可以由晏晝十二點食到四點半， 雖然話食唔到咁耐但係吹水真係可以吹幾個鐘，口乾又可以出去大大個飲品櫃拎嘢飲，好鍾意佢哋自家製嘅茶飲品， 黑糖冬瓜檸檬茶、烏梅山楂茶。藥膳胡椒豬肚雞鍋，滾咗之後，先飲碗湯再食嫩雞，成個人即刻暖曬。揀左LV3 套餐，個西班牙伊比利亞黑毛豬好好味，juicy 入口即溶。除咗呢幾款肉外，仲有好多配料任點，蔬菜、丸、餃子等，每人仲有一款雪糕或甜筒。成班朋友都鐘意食海鮮，梗係加錢食埋，40蚊抵呀，魚片，蜆同蝦我哋都叫咗好多轉，蜆肉大粒鮮甜，魚片嫩滑。小食鹽酥雞&花枝丸，熱辣辣好香口，用埋啲調味粉shake下，又有另一番風味。

餐廳位置方便, 位於旺角市中心, 行完街肚餓就可以即刻黎食, 而且無論湯底火鍋配料定飲品, 選擇都有好多, 唔怕唔岩食😎先講湯底, 有成16款咁多, 台式日式蕃茄麻辣藥膳養生樣樣有, 真係一黎就選擇困難症發作, 好彩有得揀鴛鴦鍋, 就揀左個麻辣蕃茄牛肉配藥膳椰子雞🐂🐔麻辣蕃茄牛肉當然就係濃味d嘅選擇, 打得邊爐緊係想食重口味, 我覺得呢個鍋就岩晒, 個湯底顏色濃到接近黑色, 有幾舊蕃茄, 仲有幾舊台灣牛肉麵既牛肉, 大舊得黎都算淋, 落配料之前飲左啖湯, 真係濃到不得了, 超級惹味🤤藥膳椰子雞就用黎平衡返個濃味, 清清地得黎又有陣陣椰子香味, 入面一樣有幾舊嫩雞, 食落一d都唔嚡, 多肉少骨, 都唔錯👍火鍋配料選擇一樣有好多, 仲有啲出面較少見既, 例如爆漿芝士牛丸, 花膠片, 帆立貝, 黑松露墨魚丸等等, 平時任食打邊爐都食唔到幾多粒丸, 因為多數都大大粒, 佢地自家製既手工丸size做到細細粒, 可以試多幾款都唔怕好快食飽晒😛飲品方面, 都係樽裝茶, 涼茶, 汽水, 紙包飲品之類, 都係大路款式, 有度值得一讚係佢有兩個暖櫃, 提供埋熱飲品, 絕對係女士們冬天既恩物😆