鍋心粥底火鍋 (順寧道)

營業中

休息中

第一次食粥底火鍋 覺得幾新奇有趣叫咗個set有大約十款海鮮上枱嘅時候部分海鮮仲有郁吓應該真係好新鮮每一款海鮮佢都有教你要淥幾耐分毫不差 淥得啱啱好嘅海鮮真係好正好鮮甜最後食晒海鮮會有個粥煲出嚟好滿足 好飽會想再食

耐唔耐就會想食吓粥底火鍋 每次既首先都係鍋心 因為佢又平又好食 仲好足料 唔會因為人少就比少啲份量你 次次都會食到好滿足好飽一去到就會比張紙你揀要邊幾款海鮮同肉佢好貼心有寫每款海鮮要擺幾耐 可以跟返佢指引做 最後食哂啲嘢就會整個粥底 大家真係要留肚食個粥 真係好好味 前面海鮮嘅精華sok晒落個粥度 真係好正

一開頭揀好哂食d咩之後 就會上返人頭既份量海鮮大致上都幾新鮮 而且都幾貼心有埋海鮮煮熟時間既教學除左海鮮都仲有牛 都不過不失不過我就對d海鮮期望高d最後食哂所有野就整左個粥底加埋最愛既油炸鬼😍總括依然係食到飽都係人均200幾炸😍

海鮮非常新鮮 好鮮甜🤍算幾多選擇 除咗海鮮仲可以揀八樣餸 我地揀左各種丸同埋肥牛豬肉魚皮餃等等 大推雞骨丸！！好特別而且好好味 餸嘅份量亦都唔少 食得好飽好滿足🥳 最後梗係個粥底 個湯底有曬海鮮嘅鮮味 十分鮮甜 再加埋其他配料 個粥真係好甜好好味😝 店員好有心機同耐性幫我地整好個粥 而且仲非常有禮貌～👍🏻👍🏻

上次同個friend去食飯，佢就推薦食鍋心粥底火鍋，作為火鍋控嘅我梗係9秒9話好，我哋就即刻沖左去食。一入到去，好嘈好熱鬧，有啲大排檔嘅feel，都幾迫吓，但估唔到啲員工服務超級好，係真係超好！海鮮睇落都幾新鮮，份量唔算好多，但都叫過口癮，推薦一定要嗌蟹，因為到時煲粥就有蟹香味啦！然後就嗌d打邊爐小食，都係自己揀幾款咁樣，最後就落粥，係真係幾好食。食足兩個鐘食得幾滿足，其實佢規定食兩個鐘係唔夠喉㗎🤣一個人$200又有海鮮食，服務態度又好，都算係咁，下次我想再探索下其他粥品火鍋！

-餐廳:鍋心粥底火鍋🍴-P1 肉蟹🦀超多蟹膏然後又甜啖啖肉🤤P2 花甲啲花甲好鮮甜重點係冇沙🤫P3 鮑魚同天鵝蚌鮑魚好鮮個蚌都好彈牙好正🤭P4 象仔蚌爽脆鮮甜仲有整30秒就食得😏P5 肥牛🐂好淋但冇乜牛肉味P6 雞骨丸 小籠包 蟹子丸 牛丸牛丸多汁 其他都幾好味 不過勁推牛丸🤙🏽個雞骨丸幾好食中間有啲雞軟骨有咬口P7 粥底料P8 粥最後個粥唔洗點調味都好正因為海鮮啲鮮味已經夠哂甜🤪❤️-評分CP值 : 8/10好味😋: 8/10賣相 ：7/10人均消費$200/1人

平時經過鍋心都是坐滿人，未試過即日打去能訂到位的，受歡迎程度可想而知。早前openrice有半價coupon，即買！我們剛好在6pm後還可堂食的最後一天光顧，幸運地安排到卡位，成件事印象好好。選好海鮮和火鍋配料後，首先上海鮮，牆上有貼上提示不同海鮮所需時間，不怕過熟或未熟。今次我們選了 1) 肉蟹和蜆 - 蟹有肉地，平時唔明人哋食個蓋點會有肉，原來有膏好好味的。蜆也ok，無沙2)鮑魚 - 生猛，仲郁緊3)蠔 - 肥美4)蝦 - 份量好像比平常少5)大尾尤 - 新鮮6)象拔蚌 - 大隻，鮮甜海鮮之後就開始火鍋配料，大致上都是平常火鍋有的肥牛、梅頭、芝士包之類，質素都ok，不是任食的level。我們每次必選鮮淮山，淥耐點更好味。最後加上南瓜、粟米和芋頭餚粥，再加入豬油渣和菜脯，這個粥是繼海鮮後我們最期待的，分量和手勢好像有點難控制，不同人整結果都不同，有時比較濃稠好味一點，今次海鮮味沒以前重，可能因為太早完成蟹的關係，沒有那麼像蟹粥。總括而言，鍋心從來都沒令我們失望，希望將來晚市回復正常後也能保持水準，不會將貨就價。

今次第二次黎食鍋心，因為個粥好好食印象深刻。前排見openrice有出半價餐飲券就買左同男朋友一齊食，因為10點後無堂食，所以而家變左兩個時段，我早放工揀左食頭輪，頭輪5:45開始，一放工就去諗住早d入座坐個靚位😝好彩去到仲有卡位，餐廳好好安排左我地坐卡位，卡位闊落兩個人坐得好舒服，枱面大又夠位擺食物。一入座，店員好快手就擺好個鍋又送黎醬料。落單揀好海鮮同配料，食物好快送上枱，上餐速度快。總共有7款海鮮，沙白蜆、花甲同刀貝都無沙，蝦好生猛，肉蟹同蟶子都唔細隻，鮑魚仲識郁架，厚肉口感一流😍。餐廳有寫清楚每款需時幾耐時間煮熟，確保品嘗到海鮮最佳的鮮味同口感，仲比埋計時器方便睇時間👍🏻。食完海鮮就打邊爐啦，先放南瓜、芋頭同粟米比時間煮溶為完美的精華海鮮粥作準備再放配料，養顏必嗌花膠第一時間放左先因爲要滾到最後先軟綿綿需要時間，食到最後啱啱好，手打雞骨丸唔係到到都有，入面有雞軟骨好有咬口，如果更彈牙更好食。食到最後加入豬油渣、芫茜、菜脯粒、大頭菜同冬菜製成精華海鮮粥，感覺今次粥冇上次鮮味，應該係因為上次四個人海鮮多d令到粥更有鮮味😛，實在太飽食左一碗粥，其餘剩低就打包做早餐。要讚一讚店員做野勤

哩間海鮮蒸鍋好多人食過都大讚 我一直都好想去食 終於有機會💕海鮮種類算多 有7款 啱哂我哩啲海鮮控 食物按人頭每人一份 每款都試到😋 夾埋份量都幾多架 食到好飽好滿足🤪海鮮好新鮮 吾點醬都好好味 行開街市都知道新鮮海鮮好貴 6隻扇貝要百幾蚊 肉蟹2隻 閑閑哋收百五啦🙈 而家💰200/位 幫你處理埋洗埋 所以計落其實好抵🤗套餐包括有： 2款特選海鮮 （肉蟹/龍蝦 （+$20）&沙白蜆）5款時令海鮮 （鮑魚，鮮魷🦑，蝦🦐，扇貝，蟶子）8 款火鍋配料3 款粥底配料（芋頭粒，南瓜粒，粟米🌽）鋪頭既staff都好好人 會幫你睇時間提你起海鮮 時不時跟進度煮粥底😚見我哋開吾到隻蟹鋼 幫我哋扑開佢 老闆又夠幽默 仲比左張coupon我地😆 係歡迎再次光臨既意思😂Anyway 整體黎講 食得好開心 滿意☺️CP :♨️♨️♨️♨️♨️😋: ♨️♨️♨️♨️回購: ♨️♨️♨️♨️

每次海鮮癮起都會黎呢度encore原因好簡單 因為佢價錢公道 食材新鮮 店員服務好疫情期間好掛住佢於是就試佢個外賣自取強烈建議帶架車仔去拉因為真係好重下全部材料分好哂一盒盒乾淨整齊本身驚焗住啲海鮮會冇咁新鮮點知到食果刻 啲蝦同鮑魚都仲郁緊架佢地既海鮮唔洗多講全部都係中上水平另外想重點讚下佢既雞件 同 雞軟骨丸雞件係大大隻雞脾啖啖肉 煮完仲好嫩滑joicy雞軟骨丸食倒一粒粒軟骨口感好正係屋企食海鮮永遠都係最爽完全唔先理食相有幾核突可以盡情咁食我決定以後都外賣返屋企慢慢嘆鍋心粥底火鍋深水埗順寧道29-39號新寧閣A-C號地舖

又係到食生日飯既時間，4人限聚，依然食得好開心，因為食物質素好，坐得舒服😌要下讚鮑魚真係好好味，要跟佢時間一夠鐘就拎上黎，好可惜再加30一隻都加唔到，店員講因為第二輪可能唔夠貨，瞓咗教既又唔俾得客人。唯有下次再叫過👍🏻Book左枱，佢地都會再打俾你confirm一次，我覺得好好，唔會哂大家時間，一去到就會有枱。我6點到，已經有一半人入座，0545開始俾人入，都算好旺場。我諗都係因為新鮮呢兩個字。

抗疫期間，屋企又諗住食餐好。妹妹就提議一齊外賣鍋心鍋心份量係以人頭計，因此食物份量適中，不會過量浪費。外賣鍋心交足功課，並無失望，食物果然新鮮！海鮮的鮮味十足，套餐有魚石班、鮑魚、海蝦、蟹、扇貝、蜆⋯烹調時間可參照鍋心社交平台page呢！除咗海鮮外，特別推薦手打雞肉丸，雞肉滑，粒粒親手製作，真係好好食如果喜歡食蔬菜、肥牛嘅朋友，建議自己準備定，因為鍋心加菜略貴㗎咁樣就可以享受一餐豐富嘅新鮮海鮮邊爐

早排某日放工同幾個同事去咗打邊爐，粥底火鍋都食過兩三次，但就未幫襯過鍋心。佢喺Office附近有分店，放工行過去就有得食，勁方便我哋😊。我印象中餐廳勁高人氣，上年閒日Walk-in無位，但今次我哋晚上六點半鐘去到就直接入得，仲有位剩。餐廳分3️⃣三輪用膳時間，分別係(A)18:00-20:30、(B)20:30-23:00以及(C)23:00-02:00；店員係會好準時清場的！現時政府防疫措施對營業時間有所影響，應該做得兩輪。餐廳收費好簡單，就如佢哋所講「喺鍋心絕無海鮮價！」，按人頭劃一收費$200，唔需要另收加一服務費同醬料費👍。不過留意番價錢就唔包飲品，另外亦有每日精選特價海鮮可以追加。店員先遞上調味架，比我哋溝醬油🥢。首先要揀選嘅係粥底鮮味靈魂二選一，肉蟹🆚波士頓龍蝦(每位加$20)，而沙白蜆係必點項目。我哋四個人每款各嗌二，每人份量為半隻，即合共一隻蟹同一隻龍蝦🦀。肉蟹，真係好好肉，特別係個蟹鉗，但蟹肉愈好食，個蟹殼普遍都愈硬。就算用工具都要出盡九牛二虎之力😭。波士頓龍蝦，雖然係過份包裝，但肌肉亦非常發達。蝦身同鉗都有肉食，而且波士頓品種無咁多刺，易剝啲😜。自選海鮮七選五，我哋好有

呢間餐廳已經去過好多次，每逢生日同朋友聚會都會嚟食呢間。成日都推介比啲朋友食🥰 重點佢嘅食材依然好新鮮，水準亦都保持得非常好！服務都唔錯！👍🏻一開始你可以揀要肉蟹半隻定龍蝦半隻（+$20）再配沙白蜆，再揀是日海鮮（五款）。 佢哋嘅海鮮都非常新鮮尤其是係蝦😂 會係咁跳出來所以一定要用蓋嵌着。蜆亦都無沙😚 之後你就可以再揀你喜歡既八款打邊爐材料。 最推介雞軟骨丸😍（諗起都想食🤤） 口感好特別，食落會有小小軟骨 口感好豐富🥰，另外牛丸都唔錯多汁，有牛味！🥰最後就會有人手耐心地幫你整個粥底，因為海鮮嘅原因所以個粥底係非常鮮甜所以一定要留肚食呀！⚠️不過呢間真係好多人book所以都要提前book定位先好去！⚠️如果想食龍蝦嘅最好係book嘅時候同佢講聲，如果唔係就有機會賣晒。（利申：試過一次😭）

外賣每位$200，龍蝦🦞+20/人，超級抵食！我以前食過堂食所以知佢份量超足！朋友食完個外賣係whatapps度推介，所以我即刻試吓，海鮮好ok多款又多火鍋配料，可以揀～我推介小花膠丶手打丸👍🏻我呢度係3人份量，3個大人+1個小朋友根本食唔食曬！大推！除了外賣要自取外，我諗唔到佢有咩缺點！