錦記打冷

出得嚟深水埗食餅，目標一定係抵食又高質嘅街坊老店。嚟到錦記食打冷，有最愛辣椒炒蜆同蠔餅之外，仲多咗份老闆娘嘅人情味。蜆肉做到粒粒無沙，大粒飽滿。炒嘅時候特別加咗肉碎，令油脂香氣大大昇華，超好味。跟住蠔餅上枱巨大一份！外面炸得超酥鬆，內裏軟綿，加埋豆瓣醬同蔥香，滿分。當然仲叫咗好多其他野食：蠔仔肉碎粥、豉油王草蝦 、腐乳通菜都有大排檔水準，碟碟份量之足係好似驚你唔夠飽咁，一大班人去食就啱晒。…查看更多

今日同幾個朋友放工之後，大家都話想食小炒打冷，於是就一齊去咗深水埗出名既「錦記打冷」。呢間舖頭好有歷史，成日都見到門口排隊，今日我哋都唔例外，等咗一陣先有位，不過等得值啦！我哋坐咗喺馬路邊，真係好有香港夜晚街頭feel——啲霓虹燈、車聲、同埋滿街人聲，成個氣氛好chill。一坐低，當然即刻叫咗幾味招牌菜：滷水紅腸拼墨魚 本身以為就係普通冷盤，點知上枱一睇，原來係連埋荷蘭豆一齊爆炒，仲有啲蔥花，成碟色香味俱全。紅腸炒到外皮微微焦脆，墨魚好彈牙，荷蘭豆爽甜，全部都吸晒滷水味，好入味之餘仲有少少鑊氣香，完全唔會齋冷盤咁悶。小炒皇 呢個必叫啦，份量超大，三個人share都夠。入面有魷魚、蝦仁、腰果、芹菜、甜椒同埋洋蔥，每樣料都炒得好乾身，食落啖啖都係新鮮料，最正係有啲微微焦香味，啲料仲保持到爽脆，成碟好有層次感。辣椒炒蜆 一上枱已經聞到勁香鑊氣，啲蜆大大隻，仲加咗粒粒肉碎同埋指天椒，辣得啱啱好。每一隻蜆都好入味，肉碎吸晒辣椒同蒜蓉香，食落又鹹又辣又有少少甜味，真係好惹味，忍唔住食多幾碟白飯。黑椒牛仔骨 呢個都唔錯，牛仔骨切得厚身，炒到外層有啲焦香，黑椒味好濃郁但唔會搶味，肉質唔會太韌，仲帶少少肉汁，同啲洋蔥一齊食真係好夾。食小炒，點可以唔配樽裝可樂？冰凍玻璃樽一開聲，飲落夠gas又解渴，配住熱辣辣小炒一流！總結：錦記打冷真係好有香港地道風味，無論味道、氣氛、份量都好滿意，最重要係價錢合理，食到勁飽都唔會肉赤。下次一定會再嚟，推介比鍾意夜晚吹水、食小炒嘅朋友！…查看更多

今日經過深水埗今晚見到一間打冷，於是忍唔住入去試一試！招牌椒鹽九肚魚一上枱已經聞到嗰陣椒鹽香，搶到呢！咬落去「咔嚓」一聲，外皮脆到不得了，入面啲魚肉仲係滑溜到好似豆腐花咁，一啲都唔鞋口。最正係佢哋啲椒鹽粉，香口得嚟又唔會死鹹，送啤酒真係一流！炒回鍋肉呢碟回鍋肉，夠鑊氣！啲五花肉切到薄薄哋，炒到微微捲起，帶少少焦香，肥瘦均勻，一啲都唔膩。加上啲椰菜同豆豉一齊爆炒，入味到不得了！滷水鵝掌佢哋個滷水汁真係無得彈，好香滷水味，但又唔會太濃搶咗鵝掌嘅原味。鵝掌滷到淋哂，啲骨膠原出哂嚟，食落去黏口得嚟又唔黐牙，啲筋位爽爽哋！錦記打冷 (深水埗)深水埗北河街33號地下6號舖…查看更多

這間位於深水埗的【錦記打冷】，主打多款鑊氣小炒，椒鹽系列等，還有些滷味，火鍋，價錢貼地且份量十足。薑蔥骨腩鯇魚骨腩走油至香脆，再加上薑葱爆炒，魚皮香脆，魚肉新鮮嫩滑，十分香口惹味。香辣炒滷大腸滷大腸本身都滷得入味，再加上辣椒花椒等炒至香脆惹味，入口外脆肉有咬口，送酒一流。黑椒牛仔骨牛仔骨加了洋葱、青椒等配菜，醃得入味之餘，肉質嫩腍。辣椒炒蜆炒蜆用了大蜆，全部都新鮮無沙，十分入味有鑊氣。蠔仔肉碎粥粥底綿滑，有大量脹卜卜的蠔仔肉，鮮甜好味。…查看更多

今日我哋嚟到深水埗一間隱藏嘅美食寶地，這間小店已經營超過30年，真係歷史悠久！一入門就感受到濃厚嘅潮州風味，牆上掛滿咗老照片，令人好有親切感。🌟 鎮店之寶：滷水花生雞腳不得不提嘅係佢哋嘅招牌滷水花生雞腳，滷得入味，雞腳軟滑，花生同時吸收咗滷水嘅香味，食落去真係好滿足！每一口都彷彿帶我穿越返到潮州，仲有微微嘅香料味，令人一試成主顧！🐟 炸多春魚常客必點嘅炸多春魚，外脆內嫩，炸得金黃香脆，每一口都可以感受到魚肉嘅鮮甜，配上一啖自製醬汁，簡直係無法抵抗的誘惑！🥬 腐乳通菜老闆娘推薦嘅腐乳通菜，通菜鮮嫩，搭配腐乳醬汁，味道獨特，香氣四溢，真係一個完美嘅配菜，無論配飯定係單食都一樣好味！🐚 豉椒炒蜆再來係豉椒炒蜆，蜆肉彈牙，豉椒嘅香氣令人食慾大增，仲有少少微辣，帶出蜆嘅鮮味，絕對係一個唔可以錯過嘅選擇！🦪 炸蠔餅最後，當然要試試佢哋嘅炸蠔餅，外脆內軟，蠔肉新鮮，口感豐富，簡直係一口接一口，根本停唔到！總結來講，這間小店真係一個充滿驚喜嘅地方，無論係食物嘅味道定係老闆娘熱情的服務，都令我哋感受到潮州文化嘅魅力！…查看更多

而家香港地好多食肆晚上10點就收工，想話搵個地方坐耐啲，傾吓偈都冇，不過今次比我遇到開業30幾年既「錦記打冷」（5pm開門-5am關門），真心爽，唔洗怕阻住人哋收工，食物夠鑊氣，食咗半小時，啲食物仲係暖，真係好堅。辣椒炒蜆 $118第一次見到有店會放肉碎同蜆一齊炒，加強咬口，蜆肉肥美鮮味十足，個豉椒汁無得頂👍🏻蓮藕鹹魚煎肉餅 $98蓮藕同肉餅溝得好勻循，食唔到蓮藕粒，形狀不規則，炸得幾香口，味道唔錯，可一可再。潮州炒米 $68用咗河原米粉，勁好食，夠入味，又有好多配菜，足料😋滕椒魚皮 $50魚皮非常爽口，麻辣味道好惹味，配啤酒一流👍🏻茄子炒豆角$65茄子上碟嘅時候係紫色嘅，豆角青BB，完全冇煮到老左，第一次食咁嘅配搭，效果唔錯👍🏻青島啤酒$23夠凍可樂$10夠凍…查看更多

錦記打冷 ☆║．．．．．．．．．．．．．║☆‼️ 深水埗地道風味，劈酒玩樂好地方✅ 呢度絕對係麻甩佬嘅聚腳點，夠晒大排檔風味。最正係可以同朋友喺度玩啤牌、劈骰盅，叫幾支啤酒，嗌幾個小菜，就係一個完美嘅晚上。‼️ 椒鹽鮮魷✅ 炸漿好薄好脆，魷魚新鮮彈牙，唔會炸到韌晒。椒鹽同炸蒜惹味到極，絕對係啤酒嘅最佳拍檔，一啖魷魚一啖啤酒，停唔到口。‼️ 啫啫通菜煲✅ 原個砂煲上枱，喳喳聲勁有氣勢。蝦醬味超香濃，通菜爽脆，充滿鑊氣。呢種重口味小菜，用嚟送飯一流，送酒更惹味。‼️ 薑蔥炒蠔✅ 蠔仔隻隻都好飽滿，食落完全唔腥。薑蔥爆得好香，蠔嘅鮮甜味同啤酒嘅麥香出奇地夾，係一種昇華嘅享受。‼️ 藤椒魚皮✅ 魚皮超級爽口，藤椒嘅麻香突出‼️ 潮式炒米✅ 飲酒必備嘅最佳「打底」。炒得夠乾身，鑊氣十足，食飽啲先可以同朋友繼續劈酒劈天光。📍 香港深水埗北河街33號地下6號舖☎️ 電話號碼 +852 27291983📷 Canon R8 + RF24-105mm f/4-7.1 IS STM📩喜歡我的文章，可以關注我及讚好以作鼓勵…查看更多

蠔餅$82蠔餅係呢度招牌菜，炸得特別金黃酥脆，蠔肉飽滿鮮嫩，同面糊融合得啱啱好，搭配酸甜醬料和香菜，口感層次豐富，份量十足，吃落好過癮🤣椒鹽九肚魚食評$138椒鹽九肚魚外皮酥脆入味，魚肉細嫩無骨，椒鹽味調得鹹香適宜，蘸上特製醬汁更是風味獨特，份量給得很實在，食落滿足感十足。錦記皇牌羊腩煲 $328（例牌）淨係例牌煲份量已經誠意滿滿，食材豐富，啊姨仲系咁添蔬菜比我地食！🤣羊腩軟韌度尚可，如果肉可以同汁更入味就更出色！食落好飽腹～第一次試幫襯，啲嘢我覺得最大特色係啲嘢超大大份！一間位於深水埗嘅打冷餐廳！見小本經營生存緊嘅餐廳不容易～🥹🥹請大家大大力支持！…查看更多

啲野食得好耐 嗌必食蠔餅都冇等左咁耐先知因為冇蛋廚房同侍應溝通嚴重不足要客等左1.5小時以上環境污糟污煙漳氣 有人係室內吸煙唔阻止一定冇下次建議大家小心唔好去食 。。…查看更多

早幾日同班friend嚟到深水埗食潮州打冷嘢，專登去試吓錦記依家舖頭，入面個環境真係好友街坊人情味，個老闆娘真係好有媽咪feel，食物嘅份量都好滿足，小弟最鍾意食嘅就係雞翼同埋炸魷魚🔥🙌🏻👍🏻…查看更多

友人談天 意猶未盡 搵地方食宵夜友人話食過羊腩煲 話🆗️ 嘅店面唔大幾張枱 路邊有幾枱客食&啤緊氣氛舒適輕鬆 坐街邊都冇要求啦地下乾淨 小店招呼熱情 開通宵 晚6pm ~ 6am (5點幾收)牆上&玻璃門 都貼咗食物&價錢(部份)餐牌舊&較殘 矇咗 睇唔倒幾錢所以每事問 唔好怕煩一定要問價 因為問咗都答唔倒 …… 要高層答埋單~張單左改右改 問價係啱食得安心呢度啲碗碟似係畀出面洗 乾乾淨淨仲有熱水可以再洗食物夠鑊氣 材料新鮮 大廚手藝 唔頸渴份量足 價錢都合理 蠔餅~ $78 脆 香 大份量 蠔仔脹卜卜焗魚腸~ $72 焗旦面香 但蒸旦水水魚腸唔腥但淡味唔香 魚肝少少碎碎似蒸滑旦 魚腸冇味 可試唔回味雞粥 $35 大大碗 料足食幾串 串燒 滿足 (隔離串燒檔)合味道 會再幫襯…查看更多