銘陽車仔麵

繼續學人寫食評😎😎尋晚無意中周老公發現左lee間車仔麵，心思思入去食咗，初初都擔心唔好食，因為本身都係想食好西！哈哈，一入去到就有張卡位，開心ing！坐低望望張車仔餸子，都算幾多選擇😛😛！今次我叫左麻辣金錢肚、魚皮餃、醉辣肉碎、瑞士雞翼尖、腩汁中辣米線。我老公就叫蘿白、木耳餃同牛筋，腩汁火線！想講講既係每個餸都好好味！好特別！先講下麻辣牛肚唔係得個辣味，係食到牛肚既香味，而且羶味架😋😋，另外居然食到魚皮餃既鮮味🥰🥰！瑞士雞翼尖嘅瑞士汁都相當之濃郁，正正正啦最後講吓木耳餃，店主係寫住必食，木耳餃🥟🥟本身爽爽地皮都算薄，好有口感，最後我哋仲叫咗個小食添啊，就係椒鹽金沙骨，賣相同味道都唔錯啊，脆脆嘅金沙骨帶點肉汁嘅香味，雖然鹹咗少少但送落個面度都相當唔錯，值得一去！本公主下次會再去😚😚🥰🥰#食評 #食好西系列 #車仔麵…查看更多

今晚冇咩胃口就去左食車仔麵🤔食左一段時間外賣今日終於有時間堂食喇😆10點左右去食唔洗排隊但差唔多每張枱都有坐人我同朋友一人叫左一碗麵加一個小食同一碟菜再加兩杯飲品店員態度正常都會提你量左體溫先入座朋左叫左一碗幼麵配雞翼尖，紫菜同金莎骨佢就覺得幼麵太淋冇乜咬口，金莎骨就正正常常冇特別但啲肉都唔會好"鞋"而我就叫左一碗油麵配豬紅，木耳同支竹豬紅唔會係腥個啲味，都幾岩我口味🙈木耳我就覺切得太過碎，支竹都有啲剪得太碎不過都吸到湯既我叫左中辣加腩汁，好鍾意佢個辣味夠辣得黎仲食到我細個食開個個辣味唔知點話比大家個係咩味😂不過對我黎講係一種兒時既味道所以我都幾鍾意佢個辣之後我地仲叫左一個墨魚春卷小食，雖然望落好似炸得有啲過左火，因為都幾深色但食落外皮脆脆地幾香口👍🏻都唔錯架飲品方面我地都叫左珍珠奶茶🥤但唔知點解啲珍珠有小小苦味又有小小仙草咁既味唔知係咪食慣出面個啲手搖飲品店，通常都係甜既珍珠所以唔慣呢間啲珍珠我試左就咁飲啲奶茶冇吸啲珍珠，奶茶味道又冇問題喎👀仲幾岩我個人口味不過佢出杯飲品個陣就係為快而快，就咁倒晒啲材料入去就算杯飲品上到枱店員叫我地自己搞下佢，一拎起小小支飲管就發現啲糖漿痴晒係飲管到🥴如果可以改善呢個情況整好先出比客人就會更好喇🙆🏻‍♀️個人認為客人唔多既時候應該花小小時間做好呢啲工作💪🏻…查看更多

路德圍附近真係好多黃店之前就已經介紹韓閣同元朗燒賣皇后今次就嚟到銘陽車仔麵食完個麵之後仲可以去埋珍煮丹買杯野飲🙈湯底好濃郁，加左佢個辣醬之後好惹味我就嗌左咖哩魷魚、豬紅同雞翼每個餸都好足料，好入味而且佢有好多小食同台式飲品揀不過因為嗰日太飽所以就淨係試左個車仔麵推薦👍🏻👍🏻👍🏻 同埋依間銘陽車仔麵佢係標榜無味精啲咁食個時都真係冇味精味同個湯底都好濃即使食完都唔會好口乾平均一面3餸都係大概$4x左右🤤🤤…查看更多

堅記素來鐘意喺荃灣搵食，皆因地方近、選擇多，呢日咁啱身處荃灣，咁啱路過呢間銘陽車仔麵，又咁啱下午茶時間，咁就梗係唔好諗咁多，車個麵先再講🍜😎。傳統車仔麵店都係自己拎張點餐紙圈圈畫畫咁樣樣，店員安排入座之後，當然第一時間睇下有咩好嘢食先。餸同麵類嘅選擇都算多款，俾我到佢有個招牌鮮切麵，話到明係招牌嘢，我就諗都唔諗一嘢圈落去，而餸方面，我就揀咗豬紅豬皮牛筋。而嘢飲方面，都有好多選擇，有好多台式飲品，珍珠或者水果茶，果然係下午茶嘅好地方，堅記鐘情抹茶，就揀咗杯抹茶奶茶試試佢。因疫情關係，堂食嘅客人比較小，於是乎呢頭落完單，唔使幾耐果頭就上餐。麵一上，識食嘅當然係第一時間整啖湯先，而我為咗試真佢嘅湯，我特意冇order加任何腩汁或辣汁之類。首先湯頭比較重，濃香，但又唔係死咸，可接受，如果食開重味嘅朋友會覺得超正。之後到個麵，望落去好似淋patpat，堅記最怕食淋過毛巾嘅麵，但係唔嚟都嚟咗，唔好諗咁多啦，拎起筷子一嘢夾落去，咦？又幾實淨喎，唔會係一夾就斷嘅朋友。一啖啪落去，非常彈牙，口感有啲似日式手打烏冬，煙煙韌韌咁樣樣，果然係招牌，厲害厲害，驚喜驚喜！而餸方面，首先牛筋同豬紅係非常入味，牛筋燜得夠哂林，非常軟滑，但係又唔會話燜到爛哂咁樣，豬紅亦都冇話一夾就散，好食！再嚟就係豬皮，非常爽口，唔會話硬邦邦，非常乾淨冇豬毛，索一索啲湯然後一嘢啪入口………嘩！爽呀！最後就係杯抹茶奶茶，由於台式飲品一般都係偏甜嘅，而堅記又唔飲得太甜，於是乎就揀咗少甜，味道調校得幾好，正是我心目中想要的甜度，不錯不錯。總括而言，呢間車仔麵可以話係抵食得嚟又好食，同相類似嘅車仔麵店，價錢大同小異，但係佢份量就多多。今次就試住咁多先，下次一定會再去試埋其他麵類或者小食😋👍👍…查看更多

🍜招牌鮮切麵+自製醬汁+大麻辣醬🌶️麵質🍜可彈牙。。醬汁好特別。酸酸甜甜。🌶️夠麻夠辣🐖瑞士豬軟骨。炭燒金沙骨🐷。咖哩魚蛋🍢。鴛鴦🥤瑞士汁豬軟骨🍖可大件。。好多軟骨。。好軟綿炭燒金沙骨🐖好好味。。有啲似鳳爪排骨嘅醬汁。。好特別😋😋魚蛋🍢都好入味又夠彈牙正宗鴛鴦🥤山西刀削麵🍜。腩汁。大麻辣醬🌶️麵質好粗身夠彈牙😋。。🌶️夠麻夠辣秘製牛筋🐂。味極豬脷🐖。紅腸。哈密瓜🍈冰茶牛筋🐂炆得好腍又夠大件。。哈密瓜🍈冰茶好特別環境好闊。。仲好有防疫意識tim👍👍👍👍…查看更多

💛 銘陽車仔麵 💛..............................因為👦🏻👧🏻太窮 所以想食間100蚊内搞掂嘅dinner😭新記呀光榮呀 呢啲平民黃店就食得多啦所以就決定試吓啲新野 揀左呢間車仔麵🍜.🔅想知黃店原因請Pm💛..............................🍽自選2餸車仔麵 (腩汁+小辣辣醬) $31。公仔麵 $10、午餐肉 $9 、味極豬脷 $12（👏🏻7/10）.首先個湯底同麵講底就普普通通 講唔出有咩特別但呢間嘅餸同小食都幾高質喎🤤午餐肉無煎到好香所以扣左啲分😣但個豬脷就好好食啦 煮到入味仲保留到咬口🐷👅.👏🏻自選2餸車仔麵 (腩汁+小辣辣醬) $36。油麵 $10、鹵水豬大腸 $9 、炭燒豬頸肉 $12（👏🏻7/10）.另外嗌咗碗油麵食 車仔麵黎講都算幾多🤩鹵水豬大腸好彈牙 洗得好乾淨 鹵到好入味😋個炭燒豬頸肉係偏向爽口 同埋真係有炭火香味！.🍽脆炸墨魚卷 $28/4條（👏🏻7.5/10）.呢個炸墨魚卷真係驚喜之作🦑🐙🤩佢叫墨魚卷 但👦🏻👧🏻都覺得似蝦春卷多啲😂但撞鬼囉 我地一致覺得佢係食唔停口之作係普通拎貨墨魚卷 但又幾得我心啵衰鬼🤤呢個如果口痕真係推薦 可以試下🤪...............................🎈銘陽車仔麵荃灣路德圍40號地舖..............................   …查看更多

路德圍劣食好多，呢間車仔麵算係其中嘅清泉。老闆好好人，食完麵仲會有下次食嘅現金卷，仲有送口罩！而且開到好夜，方便啲夜貓。車仔麵味道幾好，沙嗲醬一定要加，蘿蔔，甜酸齋我最愛。另外我會加配小食滷水雞翼尖$20，份量都幾多有好多隻雞翼尖，抵食！…查看更多

9-8-2020 (Sun)晏晝,同老公落荃灣食晏,今次到佢唔餓,咁到下午茶時間喇,食車仔麵啦,多寡可自己控制嘛.記得呢間係黃店,而且又未試過,於是嚟試.坐低後睇完menu,我就要蠔皇冬菇,香菇貢丸,爽口豬皮油麵,要沙爹醬,飲水蜜桃冰茶,共$47.00.我老公就要下午茶嘅,餸嘅份量係少啲嘅,佢揀咗咖哩辣魷魚,牛柏葉,韭菜餃, 爽口豬皮招牌鮮切麵,要小辣辣醬,飲豆漿,共$56.00.好快,所有嘢都到齊.沙爹醬香而不辣,啱我,香菇貢丸唔爽口豬皮真係爽口同冇砂; 蠔皇冬菇夠入味,佢同油麵嘅口感亦啱啱好;湯底鹹淡適中.杯水蜜桃冰茶呢?啲冰太少喇,我食完麵至入已溶晒兼唔凍,呢個兩者味道都啱啱好.老公嘅麵呢?小辣嘅辣醬都幾辣,樣樣嘢都正常冇問題.我就冇試過豆漿,佢話甜度適中.…查看更多

💛 #銘陽車仔麵 💛 #荃灣 荃灣超多餐廳食肆，尤其係米線車仔麵 呢間低調既車仔麵好有水準 首先個湯底係特別熬製，甜甜地甘 小編覺得唔叫沙嗲醬/麻辣醬都得，辣醬都好辣好刺激下 - 瑞士豬軟骨幾多塊又大大舊，煎得好靚仲餣得好入味 招牌餃子既餡料幾特別，咬落爽口，但個皮略嫌厚左D 五香牛肚香味十足，一咬三椒八角既味道就沁出黎 𡁻落仲有果隻爽勁 牛筋好大舊，滑得黎都爽口，一D都唔肥 - 豬紅既醬汁未到好濃郁，但味道甜得黎帶有少少咸香味 韭菜比較難咬開，煮耐D會更加好 P.S. 哈哈！呢排仲要食夠$60蚊送2個高質口罩！😍…查看更多

7月28日,呢一日係禁全日堂食前一天,咁就黎食個最後下午茶啦當時係未知會2天就取消既銘陽車仔麵 Ming Yeung ‘s Noodles無味精車仔麵,下午茶份量OK抵食30幾蚊就搞掂一餐 選了一個牛肚,咖哩魷魚 蘿蔔 另一碗豬皮牛腩幼麵特飲加$3~下午茶雙拼$33 三拼麵$38配料自己製作,唔係用來貨,食得出真材實料先講咖哩魷魚,辣度勁,久久不散,辣勁強而有力,唔食得辣要留意蘿蔔有驚喜,相當清甜多汁另外牛肚滷得好入味,五香味濃郁,食車仔麵真係貪佢夠重味道豬皮爽身,牛腩就比較一般,但夠肥,腩同脂都有,而且無斬到碎上特飲解辣,大大杯抵飲荃灣路德圍40號地舖G/F, 40 Lo Tak Court, Tsuen Wan…查看更多

呢間食店堅出色，為咗佢我真係要奉獻我第一次嘅食評俾佢🙃今晚咁啱去開荃灣，諗住買埋外賣先返屋企啦，唔駛食嚟食去嗰幾間咁悶，然後我本身諗住去另一間嘅，點知收咗舖，諗起路德圍有間黃車仔麵，諗住試吓支持下啦，去到門口我諗住寫紙嗰陣，其實我老公已經感覺間嘢伏伏哋，叫我去隔離嗰間買，不過我同佢講，黃店嚟，支持下啦，點知唔試由自可，一試真係永世難忘🤢喺我由落單到攞到外賣嘅成個過程，樓面阿姐全程都係掛住講電話，就算佢話我知冇河粉都係手語指示，如果唔係佢攞住個電話，我爭啲以為佢係啞嘅🤐 仲要入入吓單有位貌似整嘢食定洗碗阿姐物體都忍唔住出嚟幫佢手入單，跟住佢就繼續專注講電話🙄黃藍是政見，好食是良知，呢間嘢嘅良知直頭係負數嘅程度🤯我就嗌咗山西刀削麵，炭燒豬頸肉、酸齋、紅腸，腩汁底。首先個湯底呢，有色無味，然後個豬頸肉係完全冇炭燒過，我望住佢好耐都睇唔出係豬頸肉，只係灰啡色嘅叉燒嚟，仲要又乾又硬，而個酸齋都係有色無味，好彩個紅腸係正常咋😩 個刀削麵呢，淋哂，冇咬口，仲有杯凍檸茶真係一絕，我叫少甜，但我飲過咁多間食肆嘅少甜凍檸茶，我未飲過一杯係咁怪味嘅🤮我未試過飲一杯檸茶，飲咗三啖就飲唔落去！基於我本人係唔鍾意做大嘥鬼嘅，但杯檸茶真係搞唔掂....搞到我之後要飲返包維X檸檬茶平衡返..至於我老公嗰個都好出色，佢叫咗台式肉燥雞扒飯，啲雞扒乾到柴咁，個飯個汁根本係平時食燒味飯啲豉油味嚟，完全食唔到有咩台式嘅味道，最正係啲飯，最少。有。一。半。都！係！生！㗎！！而佢杯凍啡又係怪味啡🤢如果以佢咁嘅質素，我真係唔明點解佢仲可以喺路德圍生存到幾年咁耐？！我本身對食嘅要求真係好低好低，好多時老公話難食嗰啲我都覺得冇乜嘢啫，但係呢間，難食程度嚟講，我真係服到佢五體投地！！我真心想支持黃圈，但可唔可以唔好俾啲垃圾人哋食呀？？！！呢間車仔麵，我無論如何都唔會有下次！！…查看更多

每次落開荃灣做野都會去路德圍搵食，見熱熱地想搵碗湯面食下，記得之次試過有間車仔麵唔錯，跟住就順路幫襯下。叫左個三餸麵，豬腸好入味，肥瘦方面岩我口味，蘿蔔超甜，之前聽老細講要好多功夫，聽完就算了😁，雞翼都好入味，但如果可以滑番少少就完美。三餸加凍飲$53，質素對得住價錢。…查看更多

因為黃，所以撐因為好耐無食車仔面，所以食😂😂呢間選擇好多，除左車仔而，仲有小食同台式飲品，好多元化我今次叫左牛筋同魷魚米線都ok 喎牛筋唔會話太un咬唔開而最驚喜既係湯底，夠曬濃郁😍😍…查看更多

WFH其間已經叫過四五次外賣㗎啦，車仔麵非常出色，試過米粉和刀削麵送到屋企依然夠彈口(加多幾元叫左湯另上)，Ｄ餸好入味，試過雞翼呀豬紅呀同埋呢個牛丸呀，全部都非常出色。最驚喜係奶茶咖啡，比一般茶餐廳更好。外賣包裝非常扎實和保溫。…查看更多

呢間車仔麵位於荃灣路德圍😗 周圍都有黃店😌 食完車仔麵再去隔離買珍煮丹都幾好😝 車仔麵每個配餸都係$8-$13，2餸起😬🍜 牛筋豬腸牛柏葉豬紅韭菜- 米粉配腩汁 $63叫咁多餸先$63😧 仲要每個餸都唔少😯牛筋夠入味，牛柏葉豬紅韭菜米粉索晒腩汁好吃😗 不過豬腸太多肥膏，唔敢食太多🥵🍜 牛筋咖喱辣魷魚- 幼麵配咖哩汁 $36超多魷魚🦑，湯底都好夾幼麵😬 不過如果有薯粉就好了～ 😗而家做緊店舖優惠，幫襯夠$60仲送兩個口罩😷 支持～…查看更多