銀龍茶餐廳

話說有時在沙田時，也會去銀龍，也不是第一次去食。其實在它上面有間茶記，可惜不知道是租約問題還是其他原因，沒有了。而朋友有一天說，他們的下午茶份量多了，那就在那茶記不在後。環境空間就是足夠大和明亮，奶茶檸茶都有一定水平，叫了男人的浪漫（豆腐火腩飯）後，發現又真的飯飯多了，茶又多了，連汁水都足夠。味道標準，可以。店名：銀龍。地址：全香都有分店掛。費用：中位如想看更多食評，在個人主頁點擊選看，希望有金主課金支持，連優惠券也沒有QQ…查看更多

火腿奄列配牛角包真係一個完美嘅早餐選擇！火腿奄列鬆軟滑口，配上香脆嘅牛角包，咬一口就感受到濃郁嘅奶香，簡直好幸福！而沙爹牛肉麵就係另一種享受，牛肉嫩滑，沙爹醬香濃，麵條吸收咗所有味道，真係好味道…查看更多

蒸滑雞飯真係好正！雞肉蒸到滑溜溜，咬落去好嫩，完全冇柴味。飯粒又香又Q，仲吸咗雞汁，食一口就停唔到。配埋啲醬油或者蒜蓉，味道更加升級！有時加埋啲青菜，色香味俱全，真係一碗好滿足嘅飯！無論係午餐定晚餐都係我好鐘意嘅一道餸…查看更多

石門一帶，飲食的確是方便。但要講到要辦事，尤其係要去銀行。最近都要去到碩門邨才有一個沒有職員的理財中心。然而，辦好事之後，在碩門邨一帶，又不愁找不到地方食午飯既。而這一天，我決定試試《銀龍茶餐廳》。《銀龍茶餐廳》，給我的感覺其實好一般。不過，快靚正，而且不多花巧又是間唔中令我覺得 "附近冇咩啱胃口就入去食啦" 既感覺。這分店的午餐，是包餐湯的。當店員問我想要西湯定中湯時，亦得知西湯是羅宋湯之後，我就決定要一個紅湯來伴我的中式午餐。而這一種配搭，真係只有茶餐廳才可以咁配。這羅宋湯雖似唔係幾足料 (包許店員只端了 "湯" 給我)，但味道算是夠濃的，加少許胡椒，辣辣的，感覺OK! 我的午餐是傳統的梅菜扣肉飯。扣肉肥美，梅菜夠多而且非常之香口，伴以白飯既好味又邪惡。當然，一份中午餐，令你我食得飽飽，係好開心既一件事。奶茶，是有水準的啊。濃濃的，香香的，充滿了奶同茶的味道，滿意。簡單，沒花巧的茶餐廳午餐，總算是滿意啦。…查看更多

前日老闆話請今日（13-9-2024 Fri）下午茶慶中秋，佢就話叫呢間，咁我哋就自己揀啦。我就揀咗$40.00嘅10號餐，生炸雞髀薯條，飲凍檸水。送到嚟我哋就分好開餐喇，睇見嘢色仍好‘’企理‘’，冇乜漏，隻雞髀size正常大，薯條唔多，雞髀皮唔脆係正常，但味道啱啱好，唔會太鹹，但唔算好juicy。4分薯條腍晒，味道淡，一般。3分凍檸水就正常冇問題。3分詳細評分係：味道 3.33分， 環境 3分， 服務3分， 衛生 3分， 抵食2.7分 OK…查看更多

響沙田做嘢因為係比較接近工業區，所以搵嘢食會有啲困難，大家亦都唔係好想午飯時間一齊出去迫，所以結果都係叫外賣，純粹最簡單諗住搵間比較近又方便嘅餐廳，跟住有人提議叫銀龍。淨係諗住簡單乾淨快靚正，跟住見佢話個炒飯係熱賣食品，所以就叫你試吓，全名叫做大蝦仁楊州炒飯。分量來講叫做不過不失，正常覺得應該會裝滿個盒多啲，的而且確有好幾隻大蝦仁嘅，冇呃人。味道方面就有啲淡，同埋唔係淨係我一個人覺得淡，可能要加番啲鹽或者豉油先至正常返啲。炒飯方面好難形容，飯粒本身唔算太乾身，但係食落口嘅時候覺得成個炒飯好dry，好想要飲水先至吞到嗰種感覺。個人嚟講呢個感覺唔算太好。…查看更多

石門多餐廳選擇，人氣茶記冰室都有，有時想食便宜些，就會去銀龍楊州炒飯色香味都有米飯粒粒分明都有些叉燒粒，蛋都炒得剛剛好紅豆冰算幾多紅豆為炎炎夏日帶來一絲清涼去茶記必點酸菜魚米線酸辣爽口不算太勁易入口魚肉間唔中有骨幾喜歡佢有薑片…查看更多

今次喺銀龍茶餐廳叫咗個下午茶粉麵😚✨叫左碗魚蛋米線同凍檸茶🍲🤓魚蛋米線嘅加分位絕對係塊炸魚皮🥹作為米線愛好者😋佢嘅米線竟然有驚喜🤩米線偏滑溜雖然係下午茶但份量唔細🥹成個餐都只係30幾蚊好抵食🤩🤩🤩喺沙田食嘢咁貴🥲佢都算係僅存嘅平價茶餐廳…查看更多

今日行咗嚟石門呢邊，入咗碩門邨個商場，係樓下間銀龍食嘢，係午餐同下午茶時間交界，叫咗一個午餐同一個下午茶。叫咗個午餐係因為朋友想食蒸魚，佢話個鼓汁蒸鯇魚味係幾好，但可能過咗午市，放耐咗嚟坐熱，一來唔夠熱，二來食落魚肉有d老下次早點叫會好點。餐湯不過不失，正常餐仔湯一個。我個菠蘿生炒骨飯就好新鮮，賣相唔錯，食得好開胃。環境正常，作為沙田友佢印咗沙田大家都熟嘅地方名燈牌都幾有親切感，整體唔錯，嚟開都會再幫襯嘅。…查看更多

內部裝修很好，唔會覺得擠迫，服務態度良好；今日試牛腩麵，偏油，麵底沒有驚喜，我還是喜歡吃豉椒排骨飯，第二樣我喜歡嘅係星州炒米（一定要夠乾身先好食），另外我發現奶茶比咖啡好味😋…查看更多

銀龍茶餐廳、沒有上市的連鎖店，有各樣各類不同類的粉麵飯菜、供客戶選擇。食物味道、口感、熱度、以及份量，平均有90份。石門店地方不大、仍然能給人舒服，輕鬆的街坊店！…查看更多

銀龍已經開咗咁多年 其實周圍都已經有佢分店我都食過好多間 但係上面呢間真係好失望 我只係叫個平民早餐沙爹牛肉麵 咁經典嘅面 居然係一間咁經典嘅茶餐廳裏面係難食 牛肉暗冇味 個麵淋曬 湯底都唔好食， 唯一可以讚 凍檸茶不過不失…查看更多

碩門邨開咗好多間唔同嘅食店，呢間銀龍集團ok啦，裝修以沙田屋邨特色為主打。早餐除了一般粉麵通粉外，都可以叫潮洲粉麵，牛雜類要等十一點半之後先可以叫。早餐沙爹牛麵餐廿幾蚊抵食，想加其他麵包、炒蛋及火腿加錢就有啦，最唔抵就係個金妹火腿炒蛋，份量真係好細。最欣賞係佢嘅熱奶茶，茶夠熱，味道夠香濃，飲到真正嘅奶茶香。 這家茶餐廳午餐晚餐都會有不同嘅地道炒粉麵飯，這間仲會有蒸魚，相信不少家庭都會喜歡這個小菜套餐。…查看更多

等咗十年, 碩門邨終於有第一間茶餐廳出現, 仲要係咁出名茶記, 當然要幫襯下啦~睇佢裝修都係幾沙田feel, 望入去都整哂沙田d屋邨名, 冇一般茶記咁簡單, 叫做有少少特式, 而坐位都以卡位為主, 應該會坐得幾舒服~無論乜嘢新餐廳開, 總會新屎坑, 所以我都靜候咗成個月, 先決定幫襯, 但每逢假期前夕的晚飯時間, 總會坐滿, 而且我又唔鍾意搭枱, 咁唯有叫外賣返歸食, 佢仲要外賣自取有9折, 咁就更加唔駛諗, 一定外賣自取, 夠哂抵食呀~不過睇勻佢張外賣紙, 款式選擇其實唔多, 晚飯小菜都只係得十款八款選擇, 不過第一次食, 總會諗到食乜嘢~電話落單後, 阿姐話15分鐘左右, 但其實我10分鐘左右去到, 都已經有得拎, 絕對符合香港人乜都要快~  是日例湯老黃瓜湯, 對於我地嚟講係好正, 因為飲到淡淡老黃瓜味之餘又唔會太濃, 因為太濃會覺得落咗"師傅", 尤其是响茶記~ 瑞士汁豬軟骨煲外賣當然唔會有煲比你啦~ 不過都同個圖差不多, 都係有菜墊底, 如果堂食真係用煲的話, 我估佢個煲應該都幾細, 因為佢份量唔算多, 要用煲仔去裝, 先會覺得唔會太少囉~豬軟骨好入味, 炆得好淋, 淋到d軟骨係化咁濟, 一pet gel咁樣, 唔講仲以為係肥膏, 不過瘦肉部份就鞋咗少少, 如果連d瘦肉都淋都化就正~墊底d娃娃菜吸哂d精華, 正到冇得頂, 不過就略嫌油咗少少~ 沙薑雞係例牌份量, 被分配到有1只雞翼連尖, 幾舊胸肉同後背骨肉, 如果話1人份量係算OK, 但佢個外賣盒能夠配合到佢咁薄身, 就真係冇得一頂~雖然d雞全部都係瘦肉, 但都唔算好鞋, 但味道濃咗d, 我覺得係偏鹹少少~ 濃湯浸菜呢個係送的, 冇得選擇, 明明落單果陣佢話計送杞子娃娃菜, 但廚房改咗送蒜子菜心, 呢個反而仲合心水, 不過份量就少咗d, 味道就好入味, 如果頭先唔係飲咗湯, 都會飲埋佢呢個聲稱係濃湯的湯~ 白飯預咗冇飯味, 只要唔係一pet爛飯就已經接受了~ 熱菜蜜兩杯似係兩個人沖, 打開一睇, 好明顯見到一杯深色d, 一杯淺色d, 我選擇咗淺色d果杯, 但都已經好濃, 其實深色d果杯絕對可以沖多一杯嚟飲~如果佢keep住外賣自取有9折, 我諗都會keep住幫襯, 其實都係間中一至兩星期食一次, 就算款式唔多, 次次都係例牌, 應該都唔會咁快厭掛?…查看更多