銀城海鮮酒家

諗住睇網上個個推薦話呢間野好食抵食，一坐低就係惡夢開始，全場食到成肚火🔥：1） 環境入到去，又污糟又臭，啲餐具、碗碟杯冇一隻乾淨整齊，崩口碗又崩盛…2）點餐；一到點餐好似chur你要快啲落單，sell埋啲垃圾又唔抵食嘅所謂「超值套餐」，想點點心又話呢樣冇果樣冇？隔離枱就食緊點心？香港人都想搵香港人笨弱智，想點單點小炒樣樣話時價，餐牌冇寫笑了，第一次聽話蝦仁炒蛋隻蝦都時價🤣，炒菜都時價，同佢餐牌個價完全唔同。3 ）叫半隻雞，等到埋單食完都未黎去埋單唔要（途中每隔10分鐘催咗2次），最後埋單走人佢話而家隻雞斬好，笑而不語🤣，想迫我地食同迫錢？4） 收銀時明明講咗雞冇來唔要隻雞，佢襯我無為意想收足全額，我問佢拎單佢先即扣減雞嘅錢😟，心諗洗唔洗咁肉酸，以為唔睇單直接啪卡俾錢咪益左你？總結來講，永遠唔會再去😵‍💫…查看更多

海鮮窩伊麵呢個海鮮窩伊麵口味偏清淡，但正正因為咁，先可以食到海鮮嘅原汁原味。魚香茄子煲魚香茄子煲嘅味道唔錯，茄子雖然唔夠軟，但依然入味。🍆 魚香醬汁香濃，帶有微微辣味，好開胃。生炒骨生炒骨真係香脆可口！🍖 排骨炸得外脆內嫩，醬汁嘅味道恰到好處，唔會太甜。蒜蓉粉絲蒸扇貝蒜蓉粉絲蒸扇貝真係鮮味十足！🐚 扇貝新鮮到彈牙，蒜蓉嘅香氣完全滲入扇貝肉入面，每一啖都係鮮味爆發！🧄雖然銀城海鮮酒家嘅菜式有啲一般，但都唔係完全冇亮點！🌟 如果你鍾意清淡健康嘅海鮮，呢度都係一個唔錯嘅選擇。…查看更多

知你係遊客一定要你點套餐，超級唔抵同埋難食，大家小心。。。。。。所謂海鮮套餐都係魷魚，扇貝普通嘢，一疊青菜連醬都無。質數普通但價錢貴過市區酒樓。考慮第二家好過。。…查看更多

行完瀑布和礦洞，好肚餓，就去咗銀城食晚餐。D員工都好nice，又鍾意狗。食物好味又夠大碟，我地叫咗3樣餸，$278/2個人，價錢可以接受。1) 蜜糖雞翼，$88/8隻，有點貴，味道咸，不過先炸後炒，有火候。2) 肉絲炒麵，好大碟，但味淡。3) 沙嗲牛肉粉絲煲，好大窩，好味。…查看更多

呢間野完全唔掂，一坐低地上面就係未掃乾淨既雞骨同用過既紙巾，張台都抺唔乾淨，其中一個落單既服務員好似欠左佢錢或者有仇咁，如果D 食物係好食又排哂隊既，我唔介意D 服務員咁跩，所有佢所謂既皇牌都唔好叫，蜜汁雞翼唔好話有蜜味，想有少少砂糖味都無，就係炸雞翼之後倒一大碗澱粉+水去勾芡，之後就係食到水同澱粉既味only，薯仔牛柳粒既牛柳粒超級柴，掉過對面海都可能唔爛，好似食香口膠咁，香蔥爆蠔爆到D 蠔焦哂之後先炒到黑色既，差評👎呢世都唔會再去…查看更多

20 June 2023 是日午餐係跟中心一天遊玩，通常跟團玩的午餐都係一般，冇想到這間酒家的食品係香味俱全，每一道菜都係即煮，所以出到嚟嘅餸菜都係好新鮮熱辣辣，通常個粟米羹係落好多生粉，令到個粟米羹杰撻撻，口感係唔好食嘅，食雞有雞味肉質嫩滑，最欣賞嘅咕嚕魚來代替咕嚕肉，估唔到魚都可以做到咕嚕肉咁嘅味道，真係好好食，整體來講每一道菜都係好好味👍🏼👍🏼👍🏼👍🏼👍🏼…查看更多

这家店的装修风格，我本来是很不待见的，这花花绿绿的风格，真的是乱了我的眼。但是，门口的菜单却吸引了我，决定就在这家解决晚饭啦～🦖环境：位置很多，大排档的style里面花花绿绿的，竟然让我有穿越到东北的感觉。还不如清清爽爽的来的好………💁服务：服务方面还行吧，就是吃的时候不会及时收空盘。买完单发现，竟然没有服务费，那就没什么好挑剔的了🦑出品：出品方面倒是不错，价格也相对适中。点了一个双人套餐额外加了一份鸡和主食。💰268的套餐包括： 🦑椒鹽鮮魷 很好吃啊，份量也很大，酥脆酥脆的 🍍菠萝咕噜肉 份量也ok，酸酸甜甜的，孩子们很喜欢🥬本地油菜 竟然也被孩子们吃完的，看来徒步➕划船🚣，真的把他们累坏了.🐔南乳吊烧鸡 💰88半只的量也都ok，价格实惠，味道也ok 星洲炒粉 💰605555本来点点炒牛河，但服务员说没有河粉了服务员没有提醒我这个咖喱有点儿辣🥵孩子们都不喜欢吃，我是不吃主食的后来就打包回家啦～.人均💰140，扶墙出，总体还ok下次家庭出行的话，还是会考虑这家就算是套餐，份量也真的也蛮足的。…查看更多

上星期嚟咗梅窩行山，由愉景灣行過嚟行咗4個鐘😵‍💫太攰臨上船之前見到呢一間餐廳，決定入嚟坐低食嘢飲杯嘢。我淨係叫咗一份豬扒包，加一杯椰汁仙草奶茶。豬扒包普通，但杯仙草奶茶，勁好飲！🤤除咗唔甜之外，茶底係用返港式奶茶，仙草係好滿嘅，一粒粒、成杯都係😍口感好正👍🏻😛…查看更多

到左夜晚時間一家三口就到處搵食:)大家都想食下小炒見到銀城海鮮酒家位置比較開揚店內都坐滿8成客人即管試試因為天氣太熱，我哋選擇室內冷氣房簡單選了優惠二人套餐 $268秘製椒鹽鮮魷 套餐中尚算最好味:)菠蘿咕嚕肉好一般外層好淋，配菜亦吾多本地油菜不過不失:)另外加碟地道豉椒炒蜆 $95份量多，但略嫌味道一般，蜆無味白飯 $11@1青島啤酒大支裝 $36鮮咸檸七 $25整體來講，好一般，應該冇下次埋單 $5xx 📸環境指數🌕🌕🌑🌑🌑🤵🏼‍♀️服務指數🌕🌕🌗🌑🌑👅味道指數🌕🌕🌗🌑🌑💰抵食指數🌕🌕🌗🌑🌑⭐️推介指數🌕🌕🌗🌑🌑…查看更多

梅窩懷舊風味小炒難得係梅窩住一晚就試試呢間酒家整體不過不失▫️啫啫雞煲份量都足料雞件，豬膶同大量乾蔥味道正常 ▫️黃金豆腐拼天婦羅茄子豆腐同茄子唔會好厚粉炸得脆口，入面口感嫩滑味道呢個有驚喜 ▫️啤酒🍻…查看更多

大約三點鐘，行完山經過餐廳門口，見到有下午茶餐牌，諗住食件西多士先搭車出東涌。洗哂杯問侍應佢先話無下午茶同點心，得返炒野同海鮮套餐。呆一呆都照食，叫左炒河同炒飯連飲品套餐。佢比我地張餐牌寫住我地要叫個樣係$53 & $58野飲另加錢。結果埋單變左$178（=（65+65+16+16)*1.1）問返職員點解價錢多了？職員聲稱改左價錢而餐牌未更新，另外公眾假期加一。我地比左錢就走人。我唔知間餐廳係無意定有心。首先，唔應該比舊價錢牌客人；其次，就算改唔切餐牌，落單時都需要告知客人更改了價錢吧？錢雖小，但明碼實價係做生意最基本的態度最後，幸好我哋冇聽侍應講叫海鮮套餐。 …查看更多

很少來大嶼山梅窩 ，今次來了這間 地道的銀城海鮮酒家， 單看門面也知道這裏與梅窩街坊一同成長。這裡特別之處是你可以不叫茶，單叫西式餐飲， 中西合璧，老少咸宜。叫了一個五十元的生炒骨飯， 酒樓價，有點回味中學時在大排檔的火候， 生炒骨分量一般，勝在新鮮即炒，酸甜適中， 完全沒有肥膩感覺 ，外脆內軟，鎖肉汁住。 天外白飯雖然已不太熱，但口感非常好 ，白飯粒粒完整，好有咬口。對面朋友叫了一碟鹹魚雞粒炒飯，單看賣相已經十分好，炒飯粒粒完整 ，沒有肥膩感覺， 下次都想試試。美中不足是對面行人路擺放了些垃圾桶， 有點阻礙景觀。 另小心麻雀 ，很多飛入店舖內。味道 環境 回頭 清潔 服務 性價 份量 …查看更多

平日喺梅窩飲茶就好似體驗緊退休日子咁，超級悠閒，好多公公婆婆去到都好似好熟絡，大家笑住打個招呼，飲啖茶，傾下計，就算啲野食好一般都唔會令到你嬲🍬❣️餐廳環境開陽，門口有花草樹木，仲貼咗張疑似係 #姜濤 嚟食過嘅相係門口，跟得上潮流吖！而餐廳內就有啲假花草裝飾，喺度飲茶仲要自己出去拎點心，充滿懷舊風味！不過野食方面，味道與份量就真係一般喇🤣✨如果想體驗下退休嘅悠閒生活，都可以嚟試一試✅🔘整體美味指數：❤️❤️❤🤍🤍…查看更多

今晚同朋友到來，找了一圈食飯地點，最終選擇哩間。點了以下菜單：豉椒炒蜆 - 唔新鮮，好多沙，蜆肉冇味，亦都唔熱，唯一可食係洋蔥，青椒。菜膽扒鮑螺片 - 勉強合格，夠熱， 可惜芡汁太傑。支竹牛腩煲 - 煲仔上，但只係微暖，完全唔入味，牛腩好碎，唔太淋。炸子雞 - 伴碟的蝦片好韌， 炸子雞皮居然唔脆。總括哩餐，非常令人失望。這餐連三枝啤酒，共 $505，一 d 都唔值。（職員仲話係全島最好食的一間🙄）…查看更多

呢度炒飯麵係ok，食過乾炒牛河同碎牛炒飯都無問題，但炸既野都好伏下，上次叫左個粟米斑塊，全部都係炸粉嚟，入面得超級少魚肉。今次叫咗咕嚕雞球，味道無問題，但又係得舊炸粉，全部碎濕濕，入面好似無肉咁。最過份係蠔餅，真的要分享一下這塊奇特蠔餅！！小妹見識少，第一次吃這樣的「蠔餅」🙃🙃，蠔仔落重炸粉炸，粉多過蠔，無蠔味，然後與蛋同煎？！莞茜及木薯粉均欠奉，改名叫炸蠔仔炒蛋算啦😭😭😭😭-廚師是否過於創新，竟然還放它上推介餐牌...…查看更多