銀咖哩 (已結業)

是夜到吉之島買沙律菜開始減肥大計，原本打算到商場上面食，但係未行到上去已經比勁大堆頭0既咖喱飯吸引住。本著食埋今餐再減0既精神，對腳不由自主咁行左入去......買左之後就坐響度等妹妹仔拎餐過黎喇~點知個妹妹仔放底就走人，餐具都唔比一份我地，難道要我地用手食?唔細心~不過咁0既價錢冇得期望咁多野~1.5公斤富士山咖喱飯:一睇~嘩！！好大個!!飯面上有隻蛋，蛋上面既芝士溶得七七八八，芝士上面有肉餅~仲有腸仔同吉列豬扒......肉餅真係好juicy!好香既肉味，中間仲有肉汁，唔似m記乾爭爭，唔錯！隻蛋仲係太陽蛋，蛋白係鼻涕狀，我唔係咁0岩=..=，但係撈埋d芝士汁同醬汁一齊，第一二三啖都覺得好好味，第四啖開始就覺得好膩囧...仲要開始食到鼻涕狀蛋白，真係有d不安......吉列豬扒就鞋左些少。d飯係珍珠米，所以比較黏口，個咖哩汁料頭唔多，得薯仔(唔知係唔係我地黑仔)，不過個味都幾香，甜甜地，但係冇咩辣味。我同朋友仔兩個人都食唔晒呢個1.5公斤既富士飯，我諗三個人share就0岩0岩好喇。食完今餐之後，呢半年都唔會再食咖哩喇......因為實在太大堆頭＝　＝

好耐之前學生話我知呢間咖哩幾好食，所以lunchtime 試過同同事同男友去食呢度既咖哩當然唔係我食過最好食既日式咖哩啦，不過廿零蚊我覺得已經好抵喇又免費添飯添汁試過食炸魚同炸豬扒，兩樣都okay反而有次男友食餃子有d 失望冬天我應該會再多d幫趁店員們好親切，值得一讚

和大豬女友, 只叫了個最平的SET 做下午茶.標準的豬扒SET .加大辣係要另加錢的, 只叫了正常的加辣!好怕日式咖哩係甜的呢.即整的, 5分鐘有得食.豬扒幾油, 飯略硬, 但D 辣粉都幾辣, 落少少已好勁!如果豬扒好D 就會笑, 但真係太肥了....腸好似自己煎的... 配搭有點怪...薯條好好食, 勁熱, 注意!服務很好. 大家都好落力.

第1次黎呢間野食咖哩飯~咖哩味道唔錯~~~價錢經濟~重可以免費加大飯! very good..除左咖哩飯之外仲加左個salad 同埋炸薯角~炸薯角炸得幾脆~不過杯野飲就少左d..相中杯野係未飲過的.....比少左好多..要扣分

薯角剛炸好的! 熱熱脆! 好薯芯! 餃子咖哩飯餃子好普通的…煎過…有點油…咖哩飯個味都調得幾好…好香的日式口味… 又唔係好甜喎…又冇辣的感覺…看到小朋友都吃得津津有味…吉列海鮮薯餅咖哩飯真係有幾多魷魚仔架喎…彈彈地牙…MATCH 番個薯蓉餡的淋淋口感…珍珠米開胃…咖哩有D薯仔粒配料…呵呵…3道菜都有薯呀!!!小店自助式…木CHAIR排排坐…幾有風味…但係個銀鐡碟成日係度自轉…食得唔係好方便…

當某種外來食品傳入一個國家時，多多少少都會因應當地情況而有所轉變，甚至會衍生出另一種獨有的風味出來，我們港式的奶茶蛋撻是其中一個例子，日本方面更甚，很多來路的飲食文化已被「和風化」，其中一樣，就是源自印度的咖喱。著名食家說過日本咖喱是全世界最難吃的咖喱，難吃倒是說不上，不過味道上則有點曖昧，說辛辣是完全不達標，香料味也不夠其他國家濃烈，反而著重偏向甜味，除了用上黃薑粉之外，和「咖喱」實在扯不上太大關係，不過亦知這味道亦有一批愛好者，有如那些Kawaii女孩一樣，各花入各眼。說完廢話後就轉入正題，位於禾峰商場的吉之島附近有幾間食肆，其中一間名叫「銀咖喱」，還以為和特攝片有若干關係，說穿了原來用了銀色的餐碟來奉餐，花了廿七元買了一碟招牌的咖喱炸豬扒飯，素知日本人不太嗜辣，其醬汁有一種獨有的香甜之味，應該加了鮮果來熬製，內有些許雜菜，用來撈飯是不錯的。其實很多超市都有日式的咖喱磚或汁包出售，弄出來的味道和食肆出品也是相差無幾，不過我承認有點懶；配料有吉烈豬扒一大件，以這價錢也不奢求甚麼優質黑豚，論肉質是鬆化的，外層呈金黃色，論口感是有點硬，這「硬」字倒和香脆有點差異，論味道還不算差，只是差了

叫左淨咖喱飯加件漢堡扒以日式咖喱黎講，甜味稍有不足，但係咖喱味都好香，有少少辣，味道唔錯漢堡扒有肉味，起碼唔係冰到無晒味，我喜好偏淡，唔太鹹啱我飯底係珍珠米，合格Total $25 ，我會返吃！

今日無野做同女朋友去左吉之島行街, 見到銀咖哩就入去食下午茶叫左個咖哩豬排飯 $27 + $6 有埋可樂及薯角 ~~~~抵豬排外脆, 內面仲有肉汁, 而且豬排係即炸薯角唔會太乾兩個人食一個餐for下午茶 ok 啦下次可能試埋蛋包飯

岩岩行過見到有間食咖哩既餐廳向來都鐘意食咖哩既我今日就同朋友去試一試佢有幾好食去到...店長就推介我食富士山咖哩飯$62蚊足足有1.5kg..佢話2個人食都夠學生仲送氣水咁就叫左呢個啦...要等5分鐘左右等左陣佢整好就拎到你面前仲叫我食得開心d一黎到都覺得好似幾多咁咖哩入口都幾香...有咖哩味...唔會好淡我同個fd岩岩好一人一半食哂....都ok夠食....呀店長過唔夠仲可以加飯都算係一間唔錯既咖哩店起碼平先丫我會再去的

哩間嘢計埋今日食，我食咗兩次。我第一次黎係食吉烈魚柳飯，魚柳都OK，咖喱汁真係唔多掂，唔預佢似東南亞咖喱咁香咁辣，但都無諗過佢係無味無道。不過都算啦。咖喱魚柳飯：$24因為第一次我個朋友想食佢地個咖喱芝士蛋包飯，但原來要兩點後先有，所以我地今次晏啲去，再食過。今次嘅經驗真係令我有啲驚訝。我兩位朋友都點咗咖喱芝士蛋包飯，我自己就點咗個咖喱吉烈雞扒飯。根據上次經驗，今次我地試下加大辣，試下個味道會唔會係好啲。我畀錢嗰時，個職員都話：可能要等兩個字喎，因為個雞扒係即炸架。OK，即炸咪好囉。兩個蛋包飯上先，奇怪在，一個上面有黑椒，一個就無喎。不過佢地兩個都話哩個飯認真麻麻。到我個飯黎喇，塊雞扒被切開4塊。我食咗頭兩塊都無乜嘢，不過味道麻麻，因為個雞扒無乜味，而個所謂加咗大辣嘅咖喱繼續係無味（加咗=無加），所以由頭到尾都係無乜味。到第三塊......嘩！唔係嘛......生架喎......但我自己都食咗大半飯喇，所以都唔叫佢地換，不過都有向佢地提出，希望佢地下次注意下啦。咖喱吉烈雞扒飯：$27咖喱芝士蛋包飯：$24

劣食咖喱店咖喱都未識熟, 就開咖哩專門店!店員玩玩下~食物求求其~$27一個咖喱豬扒飯,加埋可樂收$31絕對唔貴,亦都唔平~雖然唔會預好食, 但亦不應如此難食!此劣食咖喱,絕對冇下次!

8點x pm...坐左1/3位,,,大把位..點知好多人叫蛋包既咖哩飯,,so等左10mins up...蛋包咖哩飯 24$ ,..海鮮蛋包咖哩飯就31$...叫左後者,,再+3隻雞翼9$ total 40$小食度有7$既 鐵板燒海鮮..睇落好抵..其實正正係自己叫碟飯上面所加既送就當形成海鮮蛋包咖哩飯...有點搵老襯之嫌...黎度果真見到一粒咬落無乜味既蝦,,5~7粒蜆仔..幾粒白尤魚仔..都係好simple...係等時望入去見到,,,有些在拎雪櫃中的雞翼..即場炸,..有些在煲白飯,,,有個白衫高級就唔知係度做乜..結果雞翼一般水準,,只是加返小小墨魚丸都有既黑色汁,,,而飯就送方面唔駛講平平無奇...咖哩汁就比起平時d日式咖哩算中上..但本身唔太好日式既咖哩,,始終唔夠惹味...lastly,份量黎講係夠既...奇怪之處某個位食落去既飯有d擬似洗潔精味..嘿...勁!服務方面出自純真既新丁..所以幾好...太多機械式唔係咁好既...

是日午餐試了這間新開的銀咖哩. 中午時間學生好多,所以要等位而且間鋪唔係好大,坐位大約30個左右. 走動的開間也唔係好多.同埋有1個唔好既地方係要自己行埋去等位, 間鋪細, 2個人過都要讓1讓 要自己買飛,然後店員會上餐. 店內人手大約5,6個. 多人既時候佢地真係好忙因為好多人試既關係,有好幾款都賣清 = = 價錢around $15~$60幾都有 最後叫左個 吉列魚柳咖哩飯, $24 新張期間送免費汽水.唔係等左好耐就有得食, 但咖哩好似唔係太熱 辣就好似一d都唔辣. 但都OK既^^飽就岩岩好既,但可能大食既人會覺得唔係好夠 希望下次可以試下其他款.