銀咖哩

營業中

休息中

第一次食銀咖喱,望下個餐牌,覺得都幾貴好多飯都$27蚊以上,仲要冇野飲(野飲要加$6)最後決定唔嗌野飲,試左個芝士咖哩蛋包飯嗌完野食坐埋位等一陣,會有侍應拎埋比你一黎都覺得個碟好似監獄d碟咖哩汁好足夠,因為個碟太淺,食得唔好好易漏哂出黎本身搵唔到D芝士響邊食食下發覺D芝士已經融入哂D汁入面食每一啖都有好香既芝士味唔知佢點整既呢!缺點係間野真係太細座位太少,好多人都搵唔到位,同埋好迫

唔開心… 一次比一次差..有個員工唔知點解可以做咁耐……女員工;動作較慢..，有次叫野食見佢拎唔穩，差ｄ整濕其他人。好彩杯野唔係熱je. 如果唔係都唔知點算..食野方面我都算喇！女仔就夠食,但男既就應該唔夠..而我最不滿既地方就係我叫一個最普通既銀咖哩飯都要等25分鐘！根本實在太慢！ 我唔會再食第二次.. 極度失望。

上星期於大埔中心見到有新食店 (日式 curry) , 蝦子餅一見是咖喱便嚷着要試, 所以便去吃午餐。 他點了牛肉咖喱加辣 (地獄鬼辣 + $2) 連1杯汽水, 約$25我點了吉列豬扒咖喱飯, 加汽水+雜菜沙津 ($27 +$6) 另外加$3加1隻蛋, 共$36 。味道一般以此價錢是可接受, 經濟呀! 蝦子餅話加辣係ok, 見佢食到個鼻出汗, 豬扒是薄切, 咖喱汁足夠, 呢個 price 係咁上下, 唔可以同的過百元的食店比, 但可否不用鐵碟上呢? 相信蝦子餅過一陣有會去吃, 佢鐘意辣呀!

早排睇到呢一度有新野開, 重要係日色咖哩, 當然要去考試試佢啦~其實我都唔會係抱好大既期望入去食, 因為始終人地都係$25-$30左右一碟飯,當然不可能和其他一百幾十元的餐廳相比...點知去到, 要自己等位, 重要係都唔知D位有冇人坐....又無人帶位....ORDER左一個吉列豬排飯...個賣相就OK啦.....點知食落真係......個汁好淡....個豬排好THIN...無肉味.....食完好快就走了.........呢度係平食所謂"正宗"日本咖哩既好去處....不過 平的好不了, 好的平不了

放工行街行到攰, 臨走時見到一間新店, 「銀咖哩」好明顯就係間食咖哩嘅專門店, 7點多未見有好多人, 就入去試吓, 門外餐牌d相影得幾靚, 好多野都想試, 見到一個名為「招牌吉列豬扒咖哩飯」, 心想就試個招牌, 如果招牌都唔掂, 其他食物都可不試門口櫃檯落完order, 揸住號碼牌自己入去搵位, 新張期有汽水送, 等咗6分鐘左右, 侍應哥哥送來咖哩飯, 銀碟載著, 望落好似好大碟, 睇真d 嚿飯整成一個欖形狀, 鋪上即炸豬扒, 又淋一大殼汁, 其實份量唔算好多, 女士食夠飽肚, 男士就可能唔夠...(唔知點解隻碟洗完唔抺乾佢, 好多水點)面炸到金黃, 豬扒唔係厚切果種, 薄身咗d, 仲有d離殼, 吉列望落有d油油地, 但食落就唔覺, 飯都可接受, 正常, 唔會俾d cheap米你食, 但又唔係靚果隻, 而主角「咖哩」, 老實講, 唔辣, 睇到已知唔係行馬來風味, 偏向日式, 但唔香....., 吉x島買的 $9.9即食咖哩仲有辣度揀, 講真好食過佢好多, 只可以講佢個咖哩毫無特色, 好難俘虜食客, 或者再食嘅衝動唔會有先, 食完成餐飯, 唔....就係食完碟頭飯...飽肚...但唔

果日因為工作需要而去左大埔,一到步都兩點幾,就緊係搵野食醫下肚,行行下見到有間野新開!!仲要係日式咖哩,好!咁就入去試下啦....點知原來係快餐店..要買飛先...唔理啦醫肚緊要,咁我就叫左個咖哩芝士蛋包飯!!係等緊個餐到既時候,我就一路望住間鋪d員工.....3個企埋一堆係度玩同吹水...已經覺得d伙記唔係好掂....當佢捧個餐埋黎果陣..仲驚....好驚成杯汽水車落黎....算啦!我黎食野.理得佢d態度係點,好食就得啦!!點知個蛋包飯..變左咖哩芝士蛋鋪飯....一塊奄烈就咁撻左係個白飯上面..完全有被騙既感覺!!d咖喱同我係青衣ive出面間日本餐廳食果d出品90%一樣....冇驚喜...............等我仲以為專門店會好食d............得個平字only....冇咩必要 唔會再食

經過見到呢間舖頭新開張, 有花牌有剪綵.我就急不及待返屋企搵埋daddy黎一試~~呢間好似快餐形式, 要買票先, cashier小姐新黎, 好緊張, 放鬆d啦, 年青人...仲有位樓面既小姐廚房有兩個靚仔廚師打關 見到有個大鐵板, 不過好似炒緊洋蔥而已.dad揀左招牌吉列豬扒咖喱飯, 加美蓮達+雜菜沙津 ($27+6)吉列豬扒冇因為咖喱汁而變軟, good~~ 豬扒味道不錯, 果然係招牌雜菜沙津, 好細盤, 普通生菜, 唔值加$6囉我本來想試下炸蝦既下午茶餐, 但佢地話已經冇哂炸蝦搵有試下芝士蛋包咖喱飯+汽水($24)個menu寫加汽水要加4蚊, 再加沙津就$6, 但唔知係咪新開張, 我加汽水都冇加我錢, 張飛寫明免費~~因為佢話個蛋包海鮮咖喱飯既海鮮只係蜆肉, 蝦仔, 呢d, 本人覺得唔多吸引.黎到好大盤, 蛋包飯, 並不是真係包飯, 只係蓋飯...裡面仲要係白飯, 可能因為有咖喱汁啦... 因為其他餐廳既蛋包飯用既通常係有料有汁既飯. 飯好多, 一過因為得咖喱, 齋左d~~炸蝦咁受歡迎, 下次再試下先~~

是晚同朋友行完街,諗住隨便搵個地方醫肚因為時間都唔早,大埔既選擇亦唔太多.所以就隨行邊揀.行到大埔中心見到呢間新野,所以就望下望個Menu都ok,雖然選擇唔太多但都幾吸引,所以就試一試佢.日式快餐:先Order比$ ,坐低等有Waiter送餐PS:可能新開業,有點混亂Waiter送得餐,又唔夠時間執拾清潔需要增加人手,因為我食左半小時都只係望到一個女仔做.海鮮咖喱飯:飯少,配料唔多,但咖喱汁好多仲意外地,比我食到(生米),即係未煮熟既飯.芝士咖喱海鮮蛋飯:一塊半溶既芝士,一隻煎蛋少飯,少汁,少配料.炸薯餅:即叫即炸,要等耐少少,味道ok...大件又抵食總括:價錢夠平,但咖喱汁麻麻,唔夠香,又唔夠味對男生來說應該會唔夠飽,份量較少.