銀咖哩

營業中

休息中

一向喜歡日式咖哩，蛋包飯又係另一心水。平日去開既鋪頭，一個豬扒蛋包飯閒閒地過百蚊，難得呢間銀咖哩，咖哩吉列豬扒飯先$3x蚊豬扒飯本身冇蛋既，要另外加錢買。但好奇怪，只係得芝士蛋奄列，冇齋蛋奄列，結果店員姐姐教我買芝士奄列走芝士。 豬扒大大塊，咖哩汁睇落有d小，但都足夠撈哂成個飯。咖哩汁甜甜地，差不多完全唔辣，亦唔算杰，裡面有小小肉碎，幾小塊薯仔紅蘿蔔。蛋煎得有點老，但勝在份量足。豬扒非常香脆，但脆漿比豬扒厚，但因為炸得夠脆，配搭咖哩飯仍然很美味。唯一美中不足既係，飯量很細，女士還好，男士一定唔夠喉。

銀咖哩一間帶比你正宗日式咖哩的日式飯店， 我由2012年開始認識到而家， 味道從未變過， 每次都將我的味蕾由香港帶到日本。每逢同朋友揾食時經過銀咖喱， 我都一定會推介比朋友， 叫佢地試下芝士吉豬蛋包飯同漢堡包餐前者 - 芝士吉豬蛋包飯飯上放上奄列蛋， 蛋上放上吉豬， 再蓋上芝士， 並加上咖喱汁。吉豬入口非常香脆， 濃郁既芝士溶入吉豬的脆皮上，更能帶出吉豬既味道，混合少甜既日式咖哩汁並加少少奄列蛋飯，真係以為自己去左日本。後者-漢堡包餐 餐內有飲品，薯皇同份量適中既漢堡 ， 非常扺， 只需$28 賣相方面真係非常不吸引， 但食落非常真材實料， 係有心做既漢堡作品， 既叫既整包應該係嘉頓面包， 上面有芝麻果款內裏既漢堡有一定既厚，內裏肉汁豐富，一路食肉汁一路流， 絕非m 快餐店內既超薄，乾身牛肉乾， 淋了少少醬汁， 加入雞蛋芝士一齊食正到冇朋友

銀咖喱.... 無言。蛋包飯 = 擺塊蛋係飯上面。 咖喱真係無咩咖喱味，都唔系正宗咖喱來。 rubbish！美式炸雞芝士咖喱蛋包飯，個名好吸引，但係出到來... 炸雞就ok普通，芝士同咖喱就一d都唔夾，是但dum 一塊芝士上去就等於加左芝士，一d誠意都無。蛋包飯，首先個蛋就無包住個飯既，跟住蛋又無味，飯又無味，食乜野啊喊出來？炸雞都叫ok有一塊比你食，日式烤雞就切粒，數過啦，total 7-8粒配一兜飯，搵人教我點食，小弟唔識。裝修，餐牌，服務都幾好，點解d野食要咁難食，價錢都仲要貴貴地，都唔明之前點解會hit，仲四圍開分店。到e家已經無咩人幫襯，我lunch過去，加埋我地先得3張檯有人。 老老實實，出面食肆價格，但低過大學canteen水平，大家三思。

想食一間正宗印式咖哩飯。去咗銀咖喱食日式炸雞咖哩飯。我點左五分鐘左右就有得食。間餐廳只提供百士可樂。碟咖喱飯係用銀碟上，好有印度feel。個飯有一半係咖喱，另一半係白飯。個賣相好有太極feel。拌勻咖喱汁，飯同炸雞一齊食。個炸雞切粒易入口。炸雞好爽口，雞肉新鮮。咖喱汁唔辣。正宗印度咖哩一D都唔辣。雞肉份量足夠。 可惜只有百士可樂，本人飲唔慣。日式炸雞咖哩飯值得推介俾大家。

我點了個美式炸豬扒咖喱芝士旦包飯。先讚一下，份量夠晒大碟，一定飽肚。芝士也很香。但話明係咖喱飯，咖喱冇乜味。日式咖喱內既薯仔和甘筍，少到差啲揾唔到。反而內含很多肉碎，我估係牛。不吃豬和牛的朋友，請先問清楚店家。總括來說，$44一碟飯還有一杯汔水，若要求唔高，都係不錯既開飯選擇。

星期六的中午，又跟E先生先來到大埔超級城吃午餐，經過銀咖喱剛好沒人等位，於是便走進去了。以為銀咖喱會跟其他的日式咖喱專門店大同小異，但原來餐廳採用半自助形式，客人要自行找座位，然後排隊點餐付款，食物即點即做，做好了才由點員送到餐檯上。坐下後，我們就看餐牌選食物，然後E先生就去排隊買餐。芝士野菌蛋包咖哩喱 $30看到這份咖喱飯的賣相，胃口馬上大打折扣，一塊蛋皮蓋在咖喱飯上面，蛋皮上還有一片芝士，而蘑菇則隨意放在蛋皮上，不能引起客人食慾之餘，更有點倒人胃口。既然點了就沒理由浪費食物，硬著頭皮先嚐一下咖哩，味道只屬一般，蛋皮入口較乾，上面的芝士更加一點誠意都沒有，更別提那格格不入放在上面的冷冷蘑菇了，邊吃邊想盡快離開此地而已。招牌吉列豬扒咖喱飯 $29E先生的招牌吉列豬扒咖喱飯比起我的那個看起來賣相好得多，但咖喱汁偏少，而且質地頗稠，吉列豬扒皮肉分離的情況嚴重，吉列不香脆，老實說，我們的確很久沒吃過如此質素的食物了。  

一見到就忍唔住叫左個"1.5KG富士山咖哩飯"我地兩個人食, 希望會食得曬哇...個waiter捧到來, 真係好大其實食呢個富士山就可以試曬銀咖哩既所有野食喇呢個富士山有:腸, 炸豬排, 煎太陽蛋, 炒蛋, 芝士, 超多飯, 好多咖哩汁先講個汁, 係日式咖哩, 唔辣嫁, 唔錯呀腸就是普通腸講真豬排唔係幾得, 皮肉分離, 又薄, 麻麻地太陽蛋唔流王, 太熟了炒蛋加埋塊芝士又唔錯喎在我來講就係幾普通下不過兩個人食一個, 先70幾蚊, 係好平啦重有桌面個樽酸酸地唔知咩來既野其實幾好食, 爽爽地咁, 可以試下混埋咖哩一齊食不過朋友話味道似海底椰標止咳露XD我覺得真係好多好大唔知夠唔夠1.5KG但係兩個人食都飽到爆

銀咖喱係大埔開左好一段時間，但今次先係第一次幫襯~之前唔幫襯係因為怕D食物好煎炸好熱氣，但今次打算吃後去買枝雞骨草，咁走豁出去LA叫左個茶餐，好多野食的~兩塊牛肉薯餅+薯角+煎蛋 配咖喱飯及汽水 ($2X)牛肉薯餅有少少牛肉在內，即炸好吃~薯角也是即炸，現成貨，味道正常~煎蛋唔夠熱，一般~咖喱飯內裡有些牛肉粒，唔係淨咖喱來的，但我唔係咁鐘意食咁樣既咖喱。雖然價錢係好平，但我擰原比多D錢去COCO食，嗰度既咖喱真係好好味

2012-8-16那天我在銀咖喱點了一客招牌吉列豬扒咖喱飯加薯角這個招牌吉列豬扒咖喱飯真是非常好吃味道非常好吃 令人胃囗大增 本人推介咖喱飯裏有肉、薯仔等.....招牌吉列豬扒咖喱飯的賣相不錯!!!服務又好!!!環境ok! 好好好抵食!!

早有聽聞 銀咖喱 係日式咖哩幾好食 但事實唔係....但唔知關唔關係小分店事 野食真係唔得 服務態度.... 去到衛生都...首先講下個咖哩豬扒蛋包飯差問題...咖哩豬扒蛋包飯 我睇重的除左咖哩 就係豬扒我一用叉 插入去 外面的炸粉 立馬全條散開.... 變左豬 同炸粉 立即分開... 炸粉又不爽脆 明顯係油溫不足..主力咖哩 還是不錯 濃縮剛好其次蛋包飯 我曾經 有一絲希望是真真正正的蛋包圍的飯可惜不是 只是普通的蛋 放在飯上...蛋不是全熟太老 我聽說有蛋汁 其他人有沒有我不知 但是 我的是沒有汽水 要加6 太貴....服務方面 可能我3點多去到 買餐位冇人在 要行入少少叫人出去....服務問題我想說一下 我覺得是大問題 本身那裡工作的都是人 當然要小休一下但是我看到有2個工作人員 在店的一角打情罵俏 兩口了擁在一起..... 不知我這些客人在這店 該如何自處 除了這都沒多少問題... 衛生方面 地面有點黑黑的.....最後想說一下店的樓面設計 不太行見到在廚房準備的工作人員不時要迂迴的行去點餐的位置點餐的位置很奇怪是自成一角 沒有打通後面的廚房 在最入2行的桌可以看到小小廚房

咖哩係本人嗜好之一想當年第一次食係o係禾輋分店，賣點係最平o既$15咖哩飯。果時覺得真係好抵食，咖哩亦好好味，食得多同個經理熟落佢重會請我同朋友食野。我差唔多所有款都試過晒。但冇耐個經理走左，禾輋店亦開始越做越差了。當知道大埔會分店既時候，會開心食野又多個選擇了。但係俾過一次又一次既機會，大埔店真係好差！咖哩味道一如以往係唔錯的，但服務真係差得過份！要多飯冇多過，要多汁冇多汁，要加辣冇加到！總知就咩到試過晒！我好想講免費多飯、加辣係你提供架，你做唔到俾我就唔好提供啦！一係就改晒做要加錢！好啦，係最近呢次幫襯發覺加價了，百物騰貴，實屬無可奈何，所幸加幅亦不大。但，多汁要加錢！重要係唔記得加$5定$6！！！純粹個人意見，做得咖哩鋪，咖哩汁就係靈魂，所以好多時客人會要求多汁，正因為佢地想食既就係咖哩！So，你同我講要加錢？ok，唔需要了，我亦決定以係唔再幫襯了。

話說東港城最近開左間新既分店之後就諗住同朋友去試下啦叫左個外賣招牌吉列豬扒咖哩飯見到佢合到有得加配料之後就加左個太陽蛋再加3蚊轉最辣同埋叫埋加飯仲有飲可樂,可樂本身要加6蚊先有一杯但係新開張,拎住傳單可以免費有野飲之後拎到外賣返屋企食啦一打開,個賣相已經唔吸引叫左加飯,但感覺上就好似冇加到咁因為對比起我朋友果盒冇加飯既咖哩跟本冇分別佢個餐牌到話,可以免費加到400G,仲有得+$14升到800G我心諗,值唔值14蚊?之後睇下D咖哩,叫左要最辣,估唔到居然只係放左D辣椒粉上去去,仲要冇「溝暈」如果只係俾多D辣粉我,連溝都唔幫我溝下,我一定唔會叫佢加,因為D辣椒粉一舊舊咁,見到都唔開胃外加既果隻太陽蛋,穿左仲熟哂...唉....而且咖哩汁既份量都唔係好夠本來仲以為新開張佢地會做得好食D真係失望

今晚唔想煮飯!!但係唔知食咩好,行下行下去左大中,睇到醫間舖又未食試下啦,叫左一個咖喱豬扒飯同咖喱蛋包飯!!!!!首前講咖喱係唔辣,但又岩食唔到太辣的人!豬扒方面睇落好似無落鬆肉粉,不過都好食,蛋包飯方面,蛋係半生熟加上咖喱真係好好食!!!!真係不錯

今日溫完書，出街自己同自己撐枱腳，搵好野食。係大埔中心走黎走去，諗黎諗去都諗唔到食邊間好，本身好想去試下樓上果兩間新鋪頭，叫老董牛肉麵同天橋立鐵板燒，點知兩間都仲味開張=[失望而回，走左落下邊，見到間我成一個月冇食嘅銀咖哩，唔知點解有種動力推左我入去。店舖裝修得唔錯o架，幾有古典風味，只不過細間左少少。係門口見到咁多人，我唔想等位，咁就索性買外賣算。向收銀叫左個吉烈雞扒咖哩飯，加一包薯角和一杯汽水。 (這間店鋪是有學生優惠的，出示學生證，買飯是可以送汽水的。)不過，唔知係咪每位店員都工作得很累，不但是門面和收銀，或是廚房的，每位都神情呆滯，好似唔係咁友善。叫左餐之後，企係門口，就一直等呀等，等呀等，等呀等。唔知點解，堂食果啲啲餐黎得好快，有個慢過我叫餐的堂食人士都比我快，好快就有野食。而且，外賣的人都只不過兩三個，但候餐時間就好似耐左少少。 (所以如果趕時間嘅，個人建議都係堂食好啲)拎左餐後，就急忙回家品嘗了，因為這間餐廳的咖哩飯一向都唔錯。一打開包薯角，竟然發覺冇比茄醬我。(因為每次叫薯角，佢都一定會比茄醬落去，除非顧客要求唔落)不過好彩，味道還好，只係冇左茄醬爭左少少。食落去好有薯

人有好多時對一份久違了的味道特別容易感動這年間東走西吃，每當去到日式咖哩店吃到的再不是日式原統咖哩而是廣式化的咖哩，有次更可怕的是入到一家日式料理店內的咖哩是青咖哩來的說慢慢已對在香港找到日式咖哩的希望已到沒寄望的地步。今天神推鬼撞的情形下，和朋友閒逛時發現這家店，其實起初想吃原自於今天很想吃咖哩後來看到有芝士海鮮蛋包飯感覺很吸引，最後和朋友就進去吃，這家店要出外買票後才到座位上等送餐來，起初光看餐盤時期望並不大，就當一份熟識的日本咖哩味僕鼻而來時感覺就份外精神及開胃，那一刻不是說誇張我已把這家店打滿分了，真的久違了的日式元咖哩呀，可能對現在尋找創意及咖哩有多辛辣的食家來說不是什麼好東西，可是對很難才到日本一次的我及在以前香港平常吃到的日式元咖哩變得少之又少之後，這家店可以尋回反撲歸真的感覺實是難得。說完對咖哩的感覺，現在到主菜，材料非常新鮮，會彈口而有鮮甜味的蝦再配上茄汁及蛋汁真是一絕，但下次還是點沒芝士的好了，只是本人喜好的關係，總感覺出來有點怪怪的，但整體來說是一家味道滿正宗的日式咖哩店，真希望這樣的日式味道的店長久下去，說實在近來日式味道的店一不轉變成港式都生存不下去，我覺得十