銀咖哩

營業中

休息中

一直都有聽講銀咖喱有個咖哩飯有1.5kg，咁就同朋友仔兩個人去試下味，有芝士、蛋、漢堡扒、吉列豬、每樣嘅料都好足，如果係女仔嘅話可以3個人食都好夠飽，呢個飯先至$102，如果係學生嘅話仲會送兩杯氣水，喺香港你兩個人食平均先至50幾蚊，仲要試到咁多款料，又有汽水飲都已經算係平價餐廳，加上以呢個價錢，個質素唔算差，性價比都幾高，如果真係咁啱想食咖喱，又唔想食咁貴嘅話銀咖喱都係一個唔錯嘅選擇😮‍💨！

點咗佢哋嘅招牌豬排飯，真係一次愉快嘅體驗！首先，價錢好合理，一份豬排飯連湯同小食，性價比真係唔錯。下午6點幾到訪，餐廳幾乎無人，環境清靜舒適，啱晒想靜靜地食飯嘅我。服務方面，店員態度親切有禮，仲好貼心咁問我要唔要加姜，感覺好窩心。講到主角豬排飯，咖哩香濃順滑，微辣嘅味道好開胃，配上炸得酥脆嘅豬排，外脆內嫩，咬下去仲有肉汁，實在滿足！飯量剛剛好，唔會太飽膩，加上湯同小份嘅配菜，成個餐平衡又豐富。整體嚟講，銀咖哩嘅豬排飯無論味道、份量定服務都令人滿意，特別係喺平日晚市咁少人嘅時段，感覺特別放鬆。

「銀咖哩」係香港較為平價抵食嘅日式咖哩飯，🍛，係學生時代恩物。今次就試下megabox呢間銀咖哩，我都好耐冇去megabox，我印象中呢間都新新地！咁多年嚟都冇勇氣試下佢嘅富士山咖哩飯，我今次都冇。芝士豬扒蛋包咖哩飯🧀🥩🍛，吉列豬扒size正常，配埋芝士真心邪惡。滑滑炒蛋包飯加上銀咖哩自己招牌咖哩汁，食得好開心！$54都真係抵啦！招牌吉列豬扒咖哩飯🍛只係$43！分別就係冇蛋同埋冇芝士，份量其實都足夠！簡簡單單一餐又好，懷緬一下又好，掛住日式咖哩嘅香味亦都好，銀咖哩真係一個唔錯嘅選擇！🙂

我點左蟹柳蛋包飯加$10沙律湯再加$3辣，朋友點左豬扒咖喱飯，加左三點辣粉就$3，不太好吃，朋友食一半就唔食，豬扒太柴太硬了，下次都係去返coco食。試一次無下次……………………………………………………………………………….