鉄火堂 (厚福街)

營業中

休息中

午市同晚市時間都比較多人，但等候時間唔算好長。店內座位有d迫，舒適度一般。不過呢度嘅刺身丼價錢都唔貴，一般都係百零蚊就有。而最抵食一定係拖羅刺身再配自選4款餸嘅丼自選餐主要分小中大拖羅唔同價，最平嘅只需$105，除咗拖羅之外，可以自己揀4款唔同嘅餸。另外再配一個麵豉湯。刺身黎講唔算係好高質，但都算新鮮，算係性價比高。推介蟹膏同燒左口魚邊前者好香濃，餸飯真係一流後者非常香口，但比較薄身。另外可以無限添飯，啱晒大食嘅朋友

無諗過魚生飯都可以自選咁自由。比較少來尖沙咀搵食，朋友介紹可以試試呢間，中意食咩餸自己點。午餐時間有啲多人，不過無計啦，性價比高，咁既價錢，咁既質素，等一等都抵。份量唔算太多，對我黎講岩岩好。

一直都有聽聞呢間魚生飯CP值高今次終於嚟食一次晚餐（午市仲抵食啊🤤！）呢到仲可以免費添飯 最適合愛飯之人啦！💗厚切藍鰭吞拿魚＋4 款自選配料 $105每款都有一至兩件，size唔會太細太薄❣️第一碗叫左壽司飯🤤除左厚切藍鰭吞拿魚，配料有三文魚、火灸三文魚腩、劍魚腩、帆立貝，魚生味道都唔錯，無雪藏味。第二碗叫左壽司飯🤤除左厚切藍鰭吞拿魚，配料有三文魚、帆立貝、火众三文魚腩、甜蝦👅甜蝦特別鮮甜。整體而言，呢個價錢好抵食，有學生證仲有九折添🤪整體美味程度：👅👅👅/5CP值：⭐️⭐️⭐️⭐️/5📍鉄火堂 尖沙咀厚福街10號地舖

鐵火堂在中午的時候才會有刺身飯任選四樣餸 先係60蚊12:00已經開始有勁多人排隊而我自己就挑選左蟹膏、帶子、三文魚、同埋三文魚子我自己就最鍾意將啲蟹膏撈埋啲飯度食一啖飯一啖蟹膏感覺非常良好而鐵火堂三個字的玉子 係額外送所以大家都不需要寫玉子了

如果自己一個嚟到尖沙咀，又想食日式嘢食嘅話，通常都會諗起呢間餐廳，因為佢嘅選擇非常之多，無論係自己一個定係一班人去食都非常之適合。魚生丼飯有preset好嘅，如果唔啱你心水嘅話你仲可以自行選擇配料，特定製造一個你覺得最match嘅配科combo。如果唔想食丼飯，仲有壽司同埋其他日式小食可以揀。可能因為性價比比較高，所以晚餐時間成日都見到人哋排隊，就知呢度幾咁受歡迎😛 地理位置亦都非常之方便，地鐵站行幾步路就到。

去左尖沙咀呢間分店，午市都算多人，但好在早去唔駛等位，自選don飯$68四款刺身，包麵豉湯，性價比高。麵豉湯就比較淡味，正正常常，重點都係放在刺身飯上。上菜速度快，飯量算多，而且暖暖地，唔錯。刺身選擇了赤蝦、帶子、吞拿魚腩蓉、和吞拿魚。坦白講，呢到刺身真係唔係厚切亦都唔係大件，但食落係新鮮既，赤蝦好食，火炙左口魚邊都肥美又入口即溶咁。呢個價錢食四種刺身係性價比高既，平食黎講算係無咩好挑剔，值得一試！

放工約左兩個朋友食呢間日本餐廳 鉄火堂叫左三個丼 同埋一個小食我揀左既係御海丼😍😍飽魚好新鮮，咬落好爽口彈牙，鰻魚冇細骨，大大舊，好好味，入口有溶化既感覺🤣另外兩個丼，沙律風火炙丼, 好多蟹子同埋三文魚好多塊之餘，仲係好大塊。同埋海膽碎蔥吞拿魚丼，d 吞拿魚蓉鋪滿晒成個飯，海膽又係大大舊。朋友話呢兩個都好好味，大家都食到好滿足。小食就叫左黃金香芋丸，外面脆脆，內面軟軟既芋泥，大家都覺得好味，同埋好飽🤣🤣

9點鐘先到厚福街，見鐵火堂終於唔使點排隊就入到去，又有啲丼飯做緊特價，所以就即刻入咗去😋-💛黃色商家-🐟厚切五色藍鰭吞拿魚丼 (特價$188)吞拿魚腩嘅脂肪分布幾靚同幾均勻，不過如果可以有多啲高油脂部位嘅魚肉就更好喇，因為赤身食落味道同口感都相對遜色啲👀同埋魚肉可以再鮮甜啲，炙燒嗰款魚肉有少少過熟🤨另外個飯都有跟少少中華沙律、青瓜同醃蘿蔔嚟中和油膩感，整體而言以呢個價錢嚟講算係不錯😋-🦪築地極上海鮮丼 (特價$188)入面嘅油甘魚唔會好腥，而且口感幾好，咬落唔會覺得太淋☺️不過吞拿魚茸冇乜吞拿魚味，仲有幾塊魚鱗係入面，呢個真係要扣分🥲三文魚子唔算太鹹，鮑魚係有少少調味，唔係刺身而係燒熟咗嘅鮑魚，食落幾有咬口!隻蝦就冇乜蝦味，size適中，不過蝦腸去得幾乾淨，至於帶子就夠晒大粒厚身鮮甜😋飯同海鮮比例啱啱好，唔會有太多飯太少餸嘅情況出現~-之前已經食過幾次鐵火堂，唔同分店嘅味道都差唔多，不過每次去無論咩時間都會有人排緊隊，就算係夜晚九點到都等咗5分鐘先入到去坐🥲味道方面我覺得未去到話真係好好食，不過勝在選擇夠多，同埋仲可以免費添飯😋餐廳都有俾口罩袋，員工服務態度正常，不過佢地好似成日都好趕時

呢間唔洗介紹都好多人知😂可以自己揀野餸😍今次叫左個吞拿拿魚 加4餸碎蔥吞拿魚正到喊😭勁好食 入面仲有吞拿魚粒 唔係搞融晒唔知似咩個啲😂三文魚正常發揮😎不過大少少會開心啲😂油甘魚都唔錯🤔魚香味重嘅劍魚腩😂我個人唔太鍾意 下次會揀其他😂😂全部都好新鮮😋仲可以任加飯😍我就食一碗夠😂朋友加左半碗飯同男仔fd去食唔洗驚佢哋唔飽🤣🤣要食早少少去食🥺🥲如果唔係排好耐😭學生有折記得用啊

叫咗兩個「鉄丼家」，每碗都有五種配料，連飯底都任你揀～～～🔸厚切藍鰭吞拿魚+4️⃣款自選配料 $105🔸厚切藍鰭中拖羅+4️⃣款自選配料 $120兩碗嘅自選配料都無重複，咁就一次過食到10種配料+兩種飯底😎。🍚飯底叫左冬菇飯同黑椒三文魚飯，全熟嘅三文魚都係麻麻地，再加埋飯係白飯，硬係唔似食緊刺身丼咁；冬菇飯係醋飯，加埋冬菇粒更多一種口感👍🏻。藍鰭吞拿魚同藍鰭中拖羅以外嘅八種配料分別叫左碎蔥吞拿魚蓉、穴子、火炙三文魚腩、甜蝦、赤蝦、帆立貝、蟹膏、松葉蟹鉗。每款都新鮮，味道唔錯：吞拿魚唔會有酸味；但中拖羅唔太夠油潤肥美；松葉蟹鉗食用唔夠方便，味道上亦唔鮮甜，係唯一一樣我唔會再encore 嘅配料。💛雖然前路茫茫，可能仲有一點黑暗同崎嶇，但我信你一定撐得過，因為我哋係香港人！

行完街想食少少嘢先返屋企, 本來想去近尖東鐵火堂(感覺少d人)不過可惜佢哋只做立食同外賣, 建議我哋返厚福街比較好彩我地入完座後已經要排長隊, 朋友唔太餓,叫左幾款壽司,而我就叫左吞拿魚丼配自選四款配料 (兩份赤蝦, 吞拿魚蓉同火炙左口魚), 份量唔算好大份同飯比其他食過丼專門店為乾,刺身方面新鮮度可以,吞拿魚片比較細不過鮮甜,而左口魚燒完後油脂感好好味🤤見到隔離枱加咗隻溫泉蛋 蛋漿滲入返飯到好似好好味...下次都要咁叫先

🧚🏽‍♀️厚切五式藍鰭呑拿魚丼($158)有5款呑拿魚~包括碎蔥呑拿魚,藍鰭呑拿魚,2款藍鰭中拖羅同藍鰭大拖羅🤤每款大約2-3塊~大拖羅油脂分布好平均 入口即溶😍抵食！.🧚🏽‍♀️厚切藍鰭呑拿魚+4款自選配料($99)自選配料揀咗:火炙三文魚腩,三文魚子,火炙左口魚邊,赤蝦另外加左$15叫多款配料: 油甘魚🤤一個飯+6款魚生都係$114~抵啊💛仲要每款都好鮮甜 而且仲有舊招牌玉子燒跟飯~.需要加一.📍鉄火堂 (厚福街) (尖沙咀)尖沙咀厚福街10號地舖

鉄火堂 出名平靚正. 係一眾尖沙咀打工仔既飯堂$60-70已經有碗魚生飯重可以自己揀餸真係邊道搵🥰我好怕set死咗餸款既魚生飯. 每碗都梗係有啲好想食又有啲唔食既魚生🥢麵鼓湯原來中午個飯重會送麵豉湯. 個湯調味好好唔會咸. 有好多海帶同豆腐😋🥢蟹肉忌廉薯餅個蟹肉忌廉薯餅熱辣辣. 我食得太心急辣到個口🤭炸到好脆又無咩油. 忌廉好多好正🥢魚生飯揀咗火炙三文魚腩同火炙藍鰭吞拿魚.2份火炙左口魚. 油甘魚 外加三文魚腩😝一見到碗魚生飯即刻嚇親我. 咁大碗既😳今次大獲火炙左口魚油香好重. 加上淡淡火炙味真係好正.底下既飯都有油香火炙藍鰭吞拿同火炙三文魚腩一樣香噴噴. 同油甘魚一樣都好肥美額外加既三文魚腩好大片🤤好厚咁食法都係百零蚊..性價比高到呢..我食到反哂肚… 返到office完全坐唔到係道🤦🏼‍♀️

餐牌好多款任揀，例如自選魚生飯、特選魚生飯、炸物小食、沙律前菜系列、單件壽司（更設有藍鰭吞拿魚專區）是日試左款一. 築地極上海鮮丼$198(優惠價）魚生勁足料，帶子極厚，三文魚籽好甜🥳 反轉睇原來鮑魚切開咗一半，略帶鮮味，但睇得出好貼心🥰二. 四式山葵醬油漬魚生丼$120鮮味十足，個碗同份量明顯比上面貴價版細份，果然一分錢一份貨😂兩個set都送埋麵豉湯（配埋豆腐粒粒）好飽肚😚自私評分：🟡🟡🟡🟡🟡自私評論：下次會再試，午時有lunch set應該會仲抵食🤩，食完感覺好似身處日本東京咁😝😝

💛鉄火堂·我之前試過同同事係首都廣場個間買外賣 但係最後發現都係堂食豐富D好味D😈😈·自選魚生飯 $62(4款) l $72(5款)佢呢度係白飯任添既 不過我自己叫少飯已經好夠😌佢個帶子幾甜 幾新鮮 個三文魚籽份量都好多 而且調味岩岩好😎😎個鰻魚都唔錯既 無咩骨而且個鰻魚汁好好味 不過就細舊少少🤭佢個吞拿魚食落就似赤身多D 佢口感唔錯既 不過就唔算話好肥美 個火炙三文魚就偏淡少少 但係整體黎講性價比都好高既🤑🤑·#rbyeat#rby日本菜#rby💛#rby尖沙咀 #rby旺角·📍尖沙咀厚福街10號地舖📍尖沙咀漆咸道南61-65號首都廣場地下5號舖📍旺角登打士街36號恆威商業中心地下1-2號舖