金麥泰泰國菜館

營業中

休息中

📍金麥泰泰國菜館📮九龍城南角道34號地下.相信大部分香港人應該聽過九龍城出名好多好味既泰國餐廳 🇹🇭主要原因係呢頭有好多賣泰國香料, 食材, 醬料既地方, 近水樓台自然拎到最新鮮既材料, 加上好多泰國人係呢區活動, 對泰國菜既要求固然更高.單單一條南角道已經有好幾間泰國餐館, 競爭激烈😏weekday收工過到黎7點幾, 金麥泰座無虛席, 好彩咁岩有枱起身, 唔係都可能要等返陣先有位.泰式生蝦刺身 HKD88餐廳放左冰係蝦上面保持著蝦既溫度, 食落蝦肉冰凍鮮甜, 肉質厚身爽口, 絕對唔係急凍果種越南鳳尾蝦刺身, 沾埋個酸酸辣辣既醬汁, 令人食唔停口😙泰式串燒雞肉/ 牛肉 （串）HKD12/ HKD14串燒例牌有雞牛豬, 而今次我地試左雞肉同牛肉串😌雞肉嫩滑, 牛肉味濃, 即叫即燒, 配埋秘製沙嗲醬更加惹味泰式燒豬頸肉沙律 HKD76燒豬頸肉惹味爽口, 加上大量生洋蔥, 蕃茄, 沙律菜, 芹菜, 平衡返肉既膩, 最緊要當然唔少得酸酸辣辣既醬汁, 愈食愈開胃🤭冬陰公湯（小）HKD75食泰國菜點可以少左冬陰公湯🧐呢度既版本比較大眾化, 唔會過酸過辣, 椰香味重, 而且入面仲有大蝦同秀珍菇, 二

第二次光顧，上次試過海南雞，覺得麻麻地。不過佢價錢係幾平嘅，所以試多次。今次嚟食午市，星期六唔算好多人，唔需要等位。午市套餐 由48—78元， 包飲品都算幾抵。 泰式乾炒雞肉河炒河正常，唔算好多油，雞肉質地柔軟， 成碟炒河 中規中矩，唔算好咸。 豬頸肉沙律 (散叫唔係跟餐)因為我唔食得辣，落單嘅時候已經同侍應講，要走辣。點知一食，辣到飛起。但因為我趕時間，等唔到佢再整一碟畀我，所以焗住食，食得好辛苦。 除咗辣味，洋蔥、芹菜、番茄都係爽脆嘅，豬頸肉肉質好柔軟，係好味嘅。不過實在太辣喇。蓋過曬其他味道。食完呢餐我只係記得個辣字。奶茶唔係港式奶茶，係泰國奶茶，係幾好飲嘅。

金麥泰泰國菜館📍九龍城🍤泰式炸拼盤(小) $92拼盤一共有五款小食，最值得一讚嘅係泰式香葉雞好嫩滑🤪炸蝦春卷仲有原隻鮮蝦，比起坊間好多泰式拼盤有心思😋🍲泰式青咖喱雞$68 配薄餅 +$32泰式咖喱雞味道超正宗，入面除咗有泰國茄子同四季豆仲加咗大量嘅九層塔🌱食落好香之餘同薄餅嘅味都好夾😚🥗泰式燒豬頸肉沙律 $76沙律汁酸酸辣辣，配埋豬頸肉都keep住好清爽同開胃🐖🍢泰式串燒 $12-$18串燒會配埋沙嗲醬，入面仲有粒粒花生🥜可能串燒冇擺上台即刻食，食嘅時候已經偏凍🥴🥘冬陰功湯(小) $75冬陰功湯重椰香，辣味唔太重😋入面仲有好多秀珍菇同兩隻大蝦🦐🥬泰式馬拉盞芥蘭 $58馬拉盞嘅味道超辣，配埋芥蘭食好惹味🤤特別係食菜葉，辣到好刺激🌶

心郁郁想食泰國菜，於是就去到泰國餐廳雲集嘅九龍城， 朋友推介之下，就去咗呢間金麥泰泰國餐廳度試下。 泰式咖哩軟殼蟹配蒜蓉包 一上菜， 我同朋友都很驚嘆， 金黃金黃嘅咖哩加上青椒洋蔥的配搭，分量多 之餘又不斷冒熱煙， 令人未食都已經垂涎三尺。 咖哩食落去相當甜和滑， 加上取得嚟又軟熟的軟殼蟹， 口感十分豐富。 蟹的鹹味中和咗咖哩嘅辣和甜， 再放上烤得香脆的蒜蓉包， 已經征服所有人嘅味蕾。老虎笑這碟老虎笑亦都不能忽視， 牛肉十分嫩滑，烤得香脆配上酸酸辣辣的醬汁， 真係好有泰國味。泰式乾炒蝦河 一如既往的熱騰騰上枱， 當中有蛋亦都有很多蝦，河粉炒得十分乾爽，係粗闊的那一種， 食落口飽足感十足。 配上蛋絲和芥蘭， 絕對不欺場。 作為整晚嘅主食， 份量多，容易入口， 輕易配搭之前咖哩軟殼蟹和老虎笑，一點也沒有令我們失望。泰式馬拉盞通菜 馬拉盞味足夠，甜得來有點辣，配上綠油油的通菜， 令人不禁一啖錫一啖。 叫碟通菜絕對係明智嘅選擇，可以中和返其他肉類口感和味道， 飲食都更均衡。飲品方面，我哋嗌咗一個椰青和泰國凍奶茶嚟share。大大個嘅椰青， 入面耶清水飲極都未飲完，清甜可口，裏面的椰肉亦十分嫩

金麥泰泰國菜館👻去到九龍城搵野食依間泰國菜館都幾地道有聽到佢地講泰文夠正宗得黎又有住家feel難怪性價比咁高😉.🔅泰式生菜包(豬肉) HKD 68每次泰國菜必食既少少青檸酸帶出成個泰feel辣味亦都恰當好唔錯🤤🔅泰式明爐梅子烏頭 HKD 158原條梅子烏頭大大條咁又多魚肉一路滾一路食有埋酸辣汁咁好開胃🔅乾炒金邊河粉 HKD 55河粉炒得好好佢都唔會好多痴埋一舊咁有啲豆乾芽菜同大蝦撈埋啲花生碎整體黎講幾好食🔅泰式串燒雞肉豬肉 HKD 48串燒4串起叫我地就豬肉雞肉各兩串肉唔會太乾精華在於個沙嗲醬點埋黎食即刻升咗幾級😛🔅芒果糯米飯 HKD 50雙色糯米飯紫米配糯米煙韌又好食啲芒果夠多夠甜食到飽一飽都好食甜品都一樣清哂🤣🔅椰青 HKD 30好抵飲既椰青一路都好鍾意飲椰青清熱得黎仲可以食埋啲椰子肉依個價錢都幾抵睇仕佢即時劈開個椰青咁好勁😆.整體黎講：抵食泰菜 性價比高😚.🎈金麥泰泰國菜館 (九龍城)九龍城南角道34號地下

屯馬開通真的很興奮，宋皇臺站B3出口直行，過條馬路就到，超級方便。冬陰公湯（細）$75🥘最細既冬陰公湯，應該都有成3-4碗，酸辣開胃，味道正宗。雞肉串 $12牛肉串 $14一定配上惹味沙嗲醬, 完美配搭👍🏻👍🏻雞肉肉質嫩滑，牛肉比較乾身。蝦餅🍤 $75份量勁多，仲要熱辣辣新鮮即炸出黎，點埋個泰式辣醬，不錯👍🏻干炒雞肉河 $53大大碟，炒得好夠鑊氣，入口乾身，不會太油。馬拉盞通菜 $53🥗份量滿滿，炒得好鮮嫩，微辣。泰式冬奶茶 $22咸檸七 $22價錢來講唔算太貴，而且份量都幾多。不錯👍🏻👍🏻👍🏻👍🏻

超耐冇嚟過九龍城食嘢，而家開咗宋王臺站，真係方便好多。雖然唔食得辣，但都想感受下久違的泰國風味，所以都係叫啲唔辣嘅黎食😆。✨泰式蝦膏炒飯：叫咗個細份量嘅，一個人啱啱好。個飯有淡淡既蝦膏嘅味，撈埋肉鬆甜甜地幾好食，入面仲有豆角粒同埋臘腸，味道幾豐富，蝦肉都夠爽甜。✨泰式蒜蓉雜錦菜：蒜蓉嘅香味加上甜甜嘅醬汁好好味，雜菜有西蘭花、椰菜、芥蘭、生菜、秀珍菇、紅蘿蔔，送飯唔錯。✨泰式咖喱炒軟殼蟹：都真係幾大碟，不過兩個人食都食得晒.雖然走咗辣但係個咖喱汁都好正，有椰汁嘅香味，再叫多碗白飯撈汁一流。軟殼蟹啖啖肉索晒醬汁，配料仲有洋蔥青紅椒，仲可以加配蒜蓉包又或者酥油餅。✨椰青大大個好清甜，食完濃味嘢最啱就係飲佢清下熱，本身想再叫甜品，不過實在太飽了。真係好耐冇食過泰國嘢，呢間質素真係唔錯，下次人多可以再嚟試多啲嘢。

我哋嗌咗泰式蝦膏炒飯（大）（$75）、泰式老虎笑（$98）、泰式燒豬頸肉（$82）同埋青咖喱雞（$68）咁首先講咗我最期待嗰個泰式老虎笑先啦覺得食落去似五成熟🌟🌟唔會太血淋淋之餘亦都有少少粉紅色同埋真係超香牛肉味❣️❣️食落去幾有咬口配埋佢嗰個Sauce有少少辣就更加惹味跟住嗰個豬頸肉都係勁高質素第一樣值得讚嘅嘢就係份量真係幾多吓❤️❤️而且完全係我想要嗰個口感唔會太煙韌又唔會太乾🥳🥳同埋嗰個醬有少少酸酸甜甜咁嘅味道幾開胃跟住就係嗰個泰式蝦膏炒飯同埋青咖喱雞我想講原來呢兩個加埋一齊食都真係幾Match🤔🤔首先嗰個飯食落去其實加咗肉鬆已經幾吸引之後再配埋青咖喱汁一齊食簡直昇華到去另一個層次😋😋而且嗰啲雞肉食落去都好滑😚😚所以真心幾鍾意呢個青咖喱雞最後就講埋我哋嘅嘢飲啦我哋兩個都係嗌咗芒果沙冰（$28@1）呢個芒果沙冰同圖係一樣嘅都係勁大杯所以真係勁正

九龍城泰菜館雲集，食過至少十多間，而最後食黎食去都係食番果一，兩間，但今晚友人說不如試吓新嘢，行吓行吓去左金麥泰，就呢間啦。店子面積不算大，如一般泰式餐廳的擺設，放置長枱，環境乾淨整齊，算不錯。芒果沙冰$42~芒果味清甜可口，冰涼美味，用來配泰菜一流。泰式生蝦刺身$88~共6隻生蝦，蝦肉彈牙爽甜，必蘸泰式酸辣汁，真係無得頂。泰式生菜包(雞肉)$68~每次食泰菜必叫項目，雞肉嫩滑多汁，夾雜大量乾葱頭，葱碎，洋葱和香料，酸醉辣辣，十分惹味，以新鮮生菜包住吃，更添爽脆的口感。泰式炸拼盤(小)$92~拼盤有蝦餅，魚餅，春捲，蝦捲和炸雞。蝦餅~表面炸得金黄香脆，蝦肉彈牙鮮甜。魚餅~魚肉混合檸檬葉的香氣， 還有魚味的鮮甜，香中帶辣，好好味。春捲，蝦捲~表面同樣炸得十分鬆脆，春捲的餡料有紅蘿蔔碎，木耳和芋頭等，而蝦捲的餡料則是彈牙蝦肉，各有千秋，同樣美味。泰式濕炒豬肉河$56~豬肉軟腍，河粉滑嫩，配入芥蘭，椰菜和菇，濕炒，多汁又入味，口感十分豐富。

九龍城有好多泰國🇹🇭菜館，金麥泰係其中一間🤤老字號。餐廳🍴所提供嘅菜式超級多🤩，如果有選擇困難症嘅，餐廳有一本好厚嘅簿入面全部都係🍽套餐，有晒💰價錢勁方便！🇹🇭泰式奶茶🥤好香濃，茶味十足👍夠凍夠解渴！泰式🐷豬頸肉炒芥蘭好香口，豬頸肉爽口🤤而且肥瘦相間口感好好👍，芥蘭十分鮮嫩🌱完全冇渣。泰式招牌牛係用咗🥥椰汁咖喱煮嘅牛肉，好重🥥椰汁味好香濃😍，咖喱🤏微辣帶點甜香🥰，牛肉🐂鮮嫩好好食，簡直係🍚白飯小偷！我自己好😍中意飲🥥椰汁🐓雞湯，幾乎每次食泰國🇹🇭菜都會叫。佢有分大、中同細，呢個細嘅其實都幾大碗🥣。佢哋嘅🇹🇭泰式酸辣椰汁雞湯🥥椰汁味道就唔算特別濃郁，但就比較偏酸同埋幾有🍅蕃茄味，飲起上嚟😆清爽開胃。泰式🦐蝦膏🔥炒飯好香濃🤤，蝦膏咸香味好重🤩，配上少少🤏蛋同埋肉鬆一齊食😋層次感更上一層！佢有分大、中同細，呢個細嘅分量都唔少，好抵食！泰式鐵板🔥烙蠔仔🦪幾特別，其實係蠔仔🦪炒蛋🥰，蠔仔粒粒分明OK飽滿，特別係蛋🍳炒得好鬆軟，鐵板🔥上一直都熱住咁啲蠔仔🦪就唔會有腥味，點埋個🇹🇭泰式甜辣醬好滿足😋！

金麥泰泰國菜館 (九龍城)📍九龍城南角道34號地下✨男小編工作既地方，九龍城係泰國美食既聚集點，今日揀左金麥泰泰國菜館做lunch ，睇完菜單，見到有套餐幾抵就叫左套餐食😍👉🏻小食拼盤 共有五款小食，泰式香葉雞、炸蝦春卷、炸魚餅、炸蝦餅同炸芋絲春卷，一次過食哂泰式既小食！🤣👉🏻串燒拼盤（6串）豬肉、牛肉、雞肉串燒各2串，配試濃厚沙爹辣醬，熱辣辣夠哂好味，食得出炭燒既味道😋👉🏻冬蔭功湯 算係少辣，迎合返香港人既口味，酸酸甜甜，夠哂開胃，湯入亦有好多海鮮，蝦、蜆同魷魚份量都唔少😋👉🏻原隻菠蘿炒飯只睇賣相已經贏哂，成舊菠蘿上菜，炒飯頂有大量肉鬆同埋腰果做配料，中層有好多海鮮：蝦、魷魚同好多菠蘿，底部有非常有獲氣既黃金炒飯☺️👉🏻椰青 、椰汁珍多冰好掛住泰國🇹🇭，飲住珍多冰同新鮮椰青頂住先😍📢餐廳有好多唔同既套餐，呢個餐牌岩哂夜晚，一班朋友或者一家大細黎食晚餐，價錢都非常抵食，食甘多野食都只係300幾蚊就可以賣單😍😍😍黎到九龍城既不妨試下呢間由泰國師傅整既泰菜啦😍😍美味指數：⭐️⭐️⭐️.5環境指數：⭐️⭐️⭐.5服務態度：⭐️⭐️⭐️.5翻兜指數：⭐️⭐️⭐️.5（滿分為 5⭐）#全力食｜#密密食｜#情侶檔搵食｜#

真正泰味的一餐🐘話說我想試哂九龍城咁多間泰國餐廳今晚就揀左呢間中秋節前夕我特登book 6pm就係想餐廳仲係比較清淨既時候黎一入到黎泰籍老闆娘微笑點頭好nice老闆就好快放低2杯茶比我地😊揀左最角落既枱自成一角享受晚餐通常d泰國餐廳都係得大本既menu呢間有埋成本相薄一個個set咁影哂相比你揀我地揀左個$288蚊乜都有d既餐另外自己再加豬肉生菜包生蝦椰青🦐生蝦好爽口彈牙醬汁唔會過辣搶左d蝦既味道🐷☘️豬肉生菜包講真食咁多間第一次食到呢個味呢間清得黎都好好食😋🍡🍢串燒燒得啱啱好雞肉厚身唔鞋牛肉冇騷味又滑點埋個醬甜甜地咁食唔停🫕冬陰功湯一湯碗入面都唔小料好多菇，我最愛蝦又係爽既，係新鮮蝦呀🤩🍱小食拼盤個拼盤乜都有d入面有齊蝦餅👍🏻👍🏻👍🏻👍🏻👍🏻魚餅👍🏻👍🏻👍🏻👍🏻香葉包雞👍🏻👍🏻👍🏻👍🏻👍🏻蝦春捲👍🏻👍🏻👍🏻👍🏻👍🏻春捲👍🏻👍🏻👍🏻👍🏻想一次過試哂就一定要嗌我自己好鍾意食蝦所以蝦有5個👍🏻🤭但其他都好食香葉包雞個塊葉d味都入哂落d雞肉到👍🏻我個香料怪，都like魚餅入面d香料，好正🤭🍛甜品一定係芒果糯米飯啦🥭D黑糯米同糯米好煙韌黑糯米仲多一份香甜味估佢唔到芒果超級甜🤤仲要唔係熟到爛先至甜喎

今晚同愛人去九龍城金麥泰泰國菜館食晚餐。。。因為放工已經好累，所以我們揀了套餐(店好貼心，有一本相簿，影哂食物相，一set一set 甘，有價錢的)，價值345元。分別有:冬陰公湯一上台好香，入口少少酸辣，好易入口。湯中有許多菇和兩隻虾，一人一隻剛剛好。泰式串燒(雞肉和豬肉)各有三串，兩款肉肉質都好軟熟，唔會好乾。泰式炸拼盤拼盤有虾餅，虾卷，香葉雞，鱼餅。虾餅口感好紮實，虾卷有濃濃胡椒味，香葉雞不乾柴，魚餅有濃濃香料味。Pat Thai粉質煙韌，調味合當。芒果糯米飯芒果好食，好甜，糯米飯加了椰子汁，好香甜。另加:椰青(30元)龍眼冰(20元)

🍝炒金邊粉$55好味指數：👍🏻👍🏻👍🏻👍🏻👍🏻 賣相非常好，每一條麵都掛汁，而且醬汁味道香濃，比較重酸味。成碟金邊粉都唔會過油，配上芽菜和韭菜等嘅配料，令人食完一啖接一啖。仲要只係$55一碟，超抵食。🍤蒜蓉牛油蝦，兩隻$150好味指數：👍🏻👍🏻👍🏻👍🏻蝦非常之大隻，咬落新鮮彈牙。店家用咗好多蒜蓉、洋蔥同牛油去炮製，識落非常嘢未。🥘冬陰功湯（細）$75好味指數：👍🏻👍🏻👍🏻👍🏻👍🏻 冬陰功湯都好飲開胃，口味偏酸，勁多配料，包括兩隻大蝦、芫荽和菇等等。湯底偏辣，如果鍾意食辣嘅朋友仔一定要試吓。🥥椰汁西米糕$24好味指數：👍🏻👍🏻👍🏻👍🏻👍🏻 椰汁西米糕用咗一個個細細的膠兜裝住，食起上嚟非常方便。西米糕有好香嘅椰汁味，入面有粟米粒同埋芋頭粒，食落有咬口。🥥椰青$30好味指數：👍🏻👍🏻👍🏻👍🏻👍🏻 椰青非常大個，入面嘅椰青水超多，好似飲極都飲唔晒咁。除咗椰水香甜之外，椰子肉都超級嫩滑，一刮就出嚟啦。店家仲要只係買$30一個，比起其他餐廳平好多。🪑環境呢間餐廳有大圓枱，都適合一至八個人入座。以下係餐牌俾大家參考一下：

同朋友見呢間餐廳價錢幾抵，又多人食，就決定試下😙 我地揀左個$365套餐，另外加左個通菜同椰青😚 食完發現有啲眼闊肚窄🤣🥢碳燒豬頸肉燶邊好香碳燒味🤤 豬頸肉比較厚切，肉質鮮嫩，食落帶有香甜味，好似食緊叉燒咁👍🏻 🥢菠蘿炒飯好足料🤩 個飯甜甜哋，配料有蝦球 腰果 臘腸 肉鬆，仲有幾片鮮菠蘿😆 口感豐富~🥢細冬蔭公食泰國菜點少得冬蔭公呢~ 細冬蔭公大概都有4，5小碗，湯入面有2隻大蝦同啲菇菌，味道濃郁，酸酸哋加上香料好惹味，椰奶味都幾出，所以唔辣~🥢小食拼盤拼盤有香葉包雞 魚餅 蝦餅 蝦春卷，個人比較鐘意蝦餅，夠晒彈牙鮮甜🤓 其他炸物都幾香口，唔油膩，不過味道偏淡~ 🥢泰式馬拉盏通菜好夠鍋氣！個汁夠晒惹味！53蚊咁大碟好抵食👍🏻🥢泰式鳳爪酸酸辣辣幾刺激，好開胃，啱晒我口味😋 🥢椰青食泰國菜必叫~ 清甜解渴~ 爽🥳