金鶴拉麵 (利民大廈)

營業中

休息中

上網見人推介，咁啱又想食拉面，就去咗試吓，將結果攞前面就係不可一，不可再，貼錢買難受。先講食物，嗌咗一碗濃厚雞白湯同辣豚骨湯。豚骨就普普通通冇咩特別。鋪頭主打既雞白湯就經典，一飲落口就係cream味，然後就沒然後了。再講服務，廚房2個大師傅想做又唔想做咁，樓面2個姐姐又唔知自己做緊咩。一入去已經嗌咗2碗面，等好耐都未來。之後入尼既情侶嗌既食物，串燒都來齊，我果2碗拉麵都未有影。問個姐姐我仲要等幾耐，點知佢叫第二個姐姐尼答我幾分鐘？？咁係咩意思？？仲要覺得係我有心玩野？？廚房2個大師傅又係，跟入單既次序煮野有幾困難？？成間鋪頭既感覺就係想做唔想做，不可一不可再！！

一直都未試金鶴拉麵，今日終於約埋老公出嚟撐枱腳。嚟到梗係要食佢最出名嘅招牌菜式，極濃龍蝦湯拉麵，湯底果然濃郁。其實加$60仲可以配有一隻龍蝦尾，見到隔籬枱啖啖肉食得津津有味，下次都要再加。北海道蟹湯拉麵湯底呈現奶白色，感覺特別暖笠笠。一大份嘅蟹膏蟹肉放在拉麵之上，真係非常香口。兩款拉麵都配有半隻流心蛋。仲有慢煮嘅叉燒，薄切嘅叉燒令口感更嫩滑。當然就唔少得紫菜，浸過湯底嘅紫菜，真係好似打邊爐嘅響鈴咁好味。另外我哋仲揀咗鹽燒五花腩，呢個價錢有兩串都唔錯。而且每塊都燒得甘香，近皮嘅位置仲燒得脆卜卜，食起上嚟唔覺油膩。

旺角返工真好，勁多美食。口痕想食日本嘅拉麵，喺門口就俾呢個雞白湯吸引咗入去🥢🔸金鶴 雞白湯拉麵 $98KaneTsuru Chicken White Soup Ramen我自己叫咗碗招牌🎖️雞白湯拉麵，低溫慢煮雞肉，超滑嫩，拉麵必配嘅豚肉叉燒，爽口湯底係骨膠原十足嘅雞湯🐔（ 聽講係用原隻雞烹煮8小時以上，健康養顏）🔸北海道蟹湯拉麵 $138Hokkaido Supreme Creamy Crab Soup Ramen 老公鍾意食蟹，叫咗碗超人氣🥇蟹湯拉麵啖啖蟹肉 🦀+ 北海道直送花咲蟹湯鮮香濃郁口感，每一口湯都食盡蟹嘅精華再加上爽口豚肉叉燒，食哂成碗飲哂湯，超滿足👍🏻即場下載佢哋餐廳嘅Apps📲登記做會員📝仲可以免費🆓換領糖心蛋🥚或者可樂🥤好抵啊！！

餐廳主要提供雞白湯拉麵、活燒蒲燒鰻魚飯及多款串燒。極濃雞白湯拉麵 賣相幾特別，牛蒡炸得微脆微甜。兩片慢煮雞肉及豚肉肉質腍軟。糖心蛋蛋黃呈半熟狀態。湯底奶白飲起來超濃郁，微微黏口。拉麵是曲麵，麵質彈牙且掛湯。香辣豚骨湯拉麵 豚骨長時間熬煮的湯底，入口先辛後辣，辣感層層慢慢提升，相當刺激。配料同樣有雞肉、豚肉及溏心蛋。照燒黑豚肉腸 肉腸慢火兩面煎香，皮脆肉嫩，肉汁滿滿。照燒免治雞肉 加入雞軟骨的免治雞肉，食起來有口感。

喜歡這 小店拉麵 ，因為價錢合理而且份量都夠飽有餘，湯底不油身。款式選擇不少仲有串燒，坐得都舒服，所以有時經開旺角想食拉麵，都是不二之選醬油拉麵醬油配鰹魚湯味道不會太濃但飲到魚的鮮甜味，朋友叫的是雞白湯拉麵，雞味濃而清新，口感不杰身剛好，配上炸牛蒡絲不多地方有，口感微脆不油身慢煮雞肉和豚肉义燒是我喜歡食這間其中一個原因，感覺比較瘦肥肉不多，但又不會硬身保持到軟熟，每碗各有2片份量都不少，沒有多餘醬汁反而食到食物本身味道和沾了湯味道剛好麵質都可以，不會太淋身有到少少彈牙感串燒叫了雞肝和豬頸肉，燒得剛好又不會太乾身，醬汁味都幾濃幾惹味

📍如果行開旺角想食拉麵 都會諗起金鶴🫣 不嬲都好鍾意佢嘅雞白湯湯頭 今日想試下其他 就揀咗蟹湯拉麵! 幾鍾意有全份及半份選擇 啱曬胃口細嘅女仔～🌀 北海道蟹湯🦀拉麵用上大量花咲蟹敖製出嘅湯頭鮮甜濃郁 散發濃烈嘅蟹香 湯頭打至起泡 口感上頗為Creamy 麵質較為粗身彈牙 撈上拆肉蟹肉 相當滋味!

🌟同朋友來到旺角行行吓街想食拉麵，決定去「金鶴拉麵」呢間我去過銅鑼灣好正，呢次試吓旺角分店。甫進入店內，日式嘅裝修，日文歌嘅背景，好有風味。***** ***** ***** ***** ***** 極濃雞白湯拉麵$138湯底順滑濃郁，雞湯呈奶白色澤，入口清甜不油膩，叉燒肥瘦適中，咬下去肉質柔軟，仲有兩片慢煮雞肉，非常軟腍有驚喜；清甜雞湯混合叉燒和雞肉嘅油脂甘香，最後要清曬碗湯先收手，仲有炸牛蒡好味又健康。黑蒜醬油拉麵$98🍜聞到濃郁黑蒜油香味，麵質幼身彈牙，浸泡濃湯入口香濃，層次豐富；糖心蛋🍳煮得剛剛好，蛋黃是流心超正😋仲有兩大片紫菜伴碟，超正。最後食埋🥟日式餃子$38，完美的一餐。

好多年前佢岩岩開果排食過之後都覺得佢既雞白湯幾吾錯，隔左幾年再訪，質素都依然保持倒🙂旺角店比佐敦店大，仲有卡位，幾闊落.👁‍🗨極濃雞白湯拉麵(7.5/10)💲138 (全份).➰叫左先發現有全份同細份揀，全份份量都真係幾多，飽到食吾哂😂佢既雞白湯同個名一樣咁濃郁，好creamy，但係又吾會覺得膩，感覺滿滿骨膠原🥹隻溏心蛋夠哂溏心，配有既炸牛蒡絲亦都炸得好脆🤤仲有大大塊既雞肉同豚肉叉燒，兩者整得嫩滑腍身，拉麵掛湯.👁‍🗨黑蒜醬油拉麵(7.5/10) 💲98 (全份). ➰黑蒜醬油比較重口味啲，黑蒜既味道好突出，拉麵份量一樣麵係咁多，同樣有一隻溏心蛋，雞肉同埋豚肉叉燒，不過就多左塊紫菜，少左啲炸牛蒡絲咁，同樣出色.👁‍🗨日式餃子(7/10) 💲38. ➰餃子有四隻，煎得夠香脆，入面滿滿餡料，食落都吾太油膩係重點啊😃.🔛 整體評分（7.5/10）

一向對拉麵都情有獨鍾，啱啱去完日本九州旅行✈️，好掛住當地嘅拉麵🍜，所以最近返香港都成日食唔同嘅拉麵。 嚟到金鶴拉麵一定要試佢哋嘅招牌雞白湯拉麵🐔，首先講下個賣相，拉麵上擺放炸過嘅牛蒡，望落成碗拉麵好似好澎湃咁🌊。湯底就真係無得頂，湯底呈乳白色，以日本赤雞熬製 6 小時而成，湯上更有一層細緻泡沬，綿密濃厚嘅湯底，不但令每一啖拉麵都鮮味十足，而且更令麵條質感更幼滑。食完個拉麵都真係忍唔住要飲晒成個湯底。 除咗湯底，拉麵中嘅雞肉，亦絕不馬虎！雞肉以慢煮嘅方式烹調，不但令雞肉嘅肉質超級嫩滑，而且肉汁豐盈，配上拉麵及湯底，真係無得輸。 朋友揀咗黑蒜醬油拉麵，賣相都相當之吸引，有2塊鹹脆紫菜🧂、嫩滑溏心蛋🥚、木耳絲、京葱同大量蒜片和黑蒜油🧄，味道香濃。除咗叉燒之外，亦可以品嚐下佢哋嘅雞肉。  除咗拉麵，大家不妨試下佢哋啲串燒🍢，鹽燒五花腩肥瘦適中，嫩滑多汁，加少少檸檬汁，真係滋味十足！ 雞皮燒得乾身又香脆，食落脆卜卜，比起日本更加好食。

隨意走入這間拉麵店，店內裝修舒服整齊，店員亦都非常殷勤，服務非常好！叫了主打的極濃龍蝦拉麵，龍蝦先甜，湯底濃郁，拉麵軟硬適中！另外也叫了極濃雞白湯拉麵，雞白湯拉麵令我們非常意外，雞湯非常鮮甜，雞肉非常鮮嫩滑，拉麵的軟硬度適中，叉燒也非常美味，叉燒肉非常嫩滑，比起一般其他拉麵店的嫩滑十倍！整個拉麵都十分滿意！湯很好渴，整個湯都喝完！兩個拉麵的溫泉蛋都令我們感到10分意外，溫泉蛋非常好吃，半熟蛋黃配合濃郁的湯，簡直是絕配！

今日吃金鶴拉麵作為午餐，因為這里食吃拉麵不用排太長時間，佢在中環、天后、佐敦、土瓜灣的分店每天都大排長龍。☀️旺角分店有午市限定☀️：日式旋風叉燒團白湯拉麵$58！用豚骨淆製出嚟的豚骨湯肉味十分濃郁，每片叉燒肥瘦相間，肉味香濃,再配上口感QQ的拉麵，只能說越食越鮮味，喜歡鮮味的你不容錯過。極濃雞白湯拉麵$138以原隻鮮雞淆8小時而成嘅雞湯，十分香濃滋補，一邊吃拉麵，一邊飲雞湯，真係女士補充骨膠原恩物。低溫烹調的雞胸，不但肉質細嫩緊緻，而且提供了優質蛋白質，一日的營養目標就完成了。雞白湯拉麵加$20可以升級為套餐，有唐揚炸雞（兩件）及一款氣水。炸雞塊份量好大，外脆內嫩，肉香四溢，啖啖像，好開心。🥸而家入會即刻送100積分，可以立即免費換一隻糖心蛋呀。呢間不愧為我心目中香港最好吃的香港拉麵店。

金鶴拉麵的旺角分店，位置上是最方便的一間。主打極濃雞白湯拉麵、活燒蒲燒鰻魚飯，間中有些期間限定的蝦湯，蠔湯，龍蝦湯，牛骨湯等。招牌雞白湯拉麵，賣相十分吸引，炸得脆身微甜的牛蒡最吸睛，兩片慢煮赤雞，一片的叉燒，肉質腍軟，醬油溏心蛋滑溜入味，拉麵是曲身中粗麵，掛湯能力強。雞白湯頭熬製後用攪拌器打至柔滑，湯頭濃稠，入囗濃郁鮮甜，微微黏口，好味。餐廳有細份的拉麵提供，適合胃口比較細的女士，北海道-花咲蟹湯拉麵，濃厚花咲蟹湯配上啖啖的蟹肉，蟹湯比起雞白湯多了一份鮮甜味，質感更濃厚，叉燒一樣軟嫩。餐廳除了拉麵，還有串燒及小食，鹽燒雞翼醃得入味，燒得香脆內軟。

好耐之前已經食過金鶴拉麵，當時得佐敦店，亦係少有主打雞白湯底嘅拉麵店。時至今日，原來已經開咗四間分店，經過旺角，同朋友去回味一番。☺️7:30pm左右到，店內已滿人，感覺應該好食，進店後嗌咗2款拉麵試：1️⃣招牌 極濃雞白湯拉麵 $138湯：濃郁雞味、漿口、鮮甜，飲完唔口渴湯溫度唔算好熱，應該因為有打泡嘅程序，令個湯更creamy，所以令個湯降咗少少溫麵：用咗捲捲麵，麵質爽彈，多少少煙韌會更好配料：有2片雞胸肉，整得幾滑、有彈性🥰叉燒有驚喜，帶d筋又有d油脂，好彈牙又香🥰黑木耳條爽口，增加口感炸牛蒡好香好脆2️⃣ 北海道蟹湯 $138蟹湯有蟹味、好creamy；仲用咗花咲蟹拆肉，蟹肉好鮮甜，有彈性，很不錯👍🏻總括而言，仲係以前嘅味道，喺旺角要搵好食嘅拉麵唔容易，但依間係幾好嘅選擇😌

金鶴拉麵 (利民大廈) (旺角)旺角通菜街110號利民大廈地舖1. 極濃雞白湯拉麵： 係餐廳嘅黃牌推介😙 超濃滑嘅雞湯湯底，配上瘦叉燒同慢煮雞胸，好多時叫碗拉麵都只係有一款肉類（除非追加），今次一碗有多重口感，雞胸好嫩，仲有溏心蛋，所以味道恰到好處，唔會食完口渴，憑湯底食到餐廳嘅誠意，係拉麵嘅精華所在😋😋🤩唔洗飲雞精食拉麵都好補🤣🤣2. 鹽味拉麵：鹽味拉麵顧名思義就係鹽水湯底，的而且確會比極濃白湯拉麵個款清淡，雖然佢係鹽味，但湯底唔會過咸個種， 同雞白湯拉麵一樣，有瘦叉燒同雞胸，係增肌人士之選，充滿protein😜配料都唔少☺️好多蔥蔥，拉麵質感好爽又彈牙😁我超鍾意❤️3. 鹽燒雞中翼（2串）： 燒到剛剛好， 唔會有過多嘅味粉蓋過肉味，口痕啖啖肉之選🤓4. 日式餃子🥟（4件）：佢係炸餃子，入而係豬肉餡料，餃子皮好薄，點少少豉油好好味， 佢個豉油有少少醋，微酸同餃子係好好嘅配搭！ 今次埋單加一總共354HKD ☺️ 員工仲派左2 張coupon 比我下次再光臨！ 一張coupon 50HKD ， 食滿150 就可以減50 蚊啦，超抵😍😚餐廳環境好闊落，衛生乾淨，員工服務好好，叫我地耐心等候，

-肥編今日係旺角翻工，翻工前去咗通菜街附近搵食。通菜街成條街一向都多美食，不過一個人可以揀嘅選擇唔多。肥編今次就決定食拉麵，諗住可以單獨坐舒服啲，揀咗金鶴拉麵，點知入到去發現無吧枱位。依間金鶴拉麵係香港共有5間分店，分別為旺角、佐敦、土瓜灣、天后和中環店，都算出名。-餐單有好多款拉麵選擇，今次試吓餐廳嘅超人氣「極濃雞白湯拉麵」，超濃郁奶白湯底，具有濃厚的雞肉風味，飲落去每一啖都是滿滿的精華。餐牌上寫住含有豐富嘅骨膠原，係女士天然護膚補品，所以肥編都無揀到另一個心水龍蝦拉麵，下次先食！-麵條好有咬口又夠彈牙，仲有好多配料，包括炸牛蒡、慢煮日本薩摩赤雞胸同火炙黑豚肉叉燒等，整個份量都充足，食哂都好飽肚，滿足去翻工。👍🏿-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4）回購評分▶️🌕🌕🌕🌕🌑 (4）-➡️ 金鶴拉麵 (利民大廈) (旺角)📍 旺角通菜街110號利民大廈地舖-OP: cuisine_revolution (Lv4)