金鳳大餐廳

營業中

休息中

今天約了朋友吃午飯，朋友想吃西餐，不想去一般茶記，又要好味，又要坐得舒服，我便介紹他到金鳳餐廳試試，金鳳坐位舒適，又不會有茶記‘’趕你走‘’的感覺，當然食物質素的勝價比更是無容置疑 。今天，我點了一個set lunch，鴛鴦扒拼薯菜，特別想講講那塊牛柳，口感及軟硬度適中，軟淋得黎又有咬口，$68真是超值。另外，要提提，我很喜歡他們的餐飽，香香暖暖的，配上他們的餐湯，無論是羅宋湯，忌廉湯都好美味 ，是一個午餐好去處。

和朋友相約屯門食晚飯，朋友提議去金鳳牛扒屋，因六點前唔需要等位，而六點半之後就需要等超過半小時才有位。咁我用gulu睇睇又真係現時唔需要等位呀! 咁就決定去金鳳食下佢嘅扒餐啦！嚟到果然唔需要等位，好快就安排咗座位，餐廳唔算寬闊，坐落都有啲迫，但都還算可以接受，好快咁點咗一個T骨牛扒和羊扒套餐，套餐會包個餐湯同埋飲品，我哋分別點咗紅湯和白湯，即係忌廉湯和埋羅宋湯，湯應該是服務員自己裝的，所以即刻就送到，仲有暖暖哋嘅餐包和牛油，飲落完全令我想起細個喺茶餐廳食扒餐時飲嘅餐湯，大家可以想像一下，至於兩個扒餐就真係超大分量，T骨扒大到連啲汁都爭啲落唔到去鐵板上面，羊扒就有四支骨都真係抵食夾大件，羊扒超淋滑，羊肉味超濃郁，服務員介紹我食七成熟，我覺得剛剛好，鍾意食羊肉嘅朋友，真係不二之選；朋友嘅T骨牛扒都算淋滑，如果少啲筋同肥肉就真係一流！我哋兩個都選擇黑椒汁，黑椒汁同啲扒肉真係一個絕配！最後我飲一杯熱奶茶朋友就要檸檬茶，當然依杯係港式奶茶，但係沖制得水準一流，完全冇苦澀味，只有茶嘅香味和奶嘅甜滑！完全係驚喜！杯超水準嘅奶茶令到呢個晚餐變得相當豐富和完滿！

4月23日是我生日，媽媽帶我來這裏吃晚飯，但由於我們各自叫一個餐，導致我吃不下去，已經沒有胃口飲埋跟餐飲品了，因此，來這間餐廳吃飯時只能夠叫一個餐分享，切勿浪費食物！

金鳳扒房始於1969年在太子開首間店，我已很久沒到金鳳大餐廳，今天趁八號風球，下午不用上班，很想緬懷一下已往去扒房食野嘅味道。已往一向到金鳳都是品嚐他們的牛扒，它的牛扒大大份，鐵板上菜，熱辣辣，雖然價廉，但勝價比相當高。今天再來，想試試金鳳其他美食，遂點了一客超值午餐燒青魚配吉列蝦$58。特別想講吉列蝦，絕不油膩 ，很有日本炸物感覺，蝦肉更是鮮甜。餐包暖暖地，塗上均匀嘅牛油，再咬一啖暖烘烘的牛油餐包，一口熱呼呼的羅宋湯，真係好好味。如果你是金鳳常客，下次不妨轉轉口味，嘗試一下這個超值午餐。

今日黎食左個下午茶，雞翅中間有點血。但想投訴的還是你們後生那一批侍應真的很嘈，尤其是那兩個男的。嘈的情況係好似當自己係家中一樣，很自然流露地夾雜一些粗口，而且原來不是我第一個見遇到這個情況。雖然我知到現在侍應請人難，但也過火了。希望能夠改善。

金鳳大餐廳 平價扒房之選今次因為太肚餓想做下食肉獸就黎咗食扒雜扒餐跟餐湯餐包餐飲 用鐵板上 份量非常多🤭呢個係是日晚餐精選 $188蜜汁燒春雞半隻+西冷牛扒有餐湯餐包餐飲仲有沙律🥗底下有薯格仲有甜品：朱古力雪糕一球件牛扒唔錯 不過燒春雞就真係好乾 份量好多 最後都食唔曬～

擁有半世紀歷史的金鳳大餐廳，經常大排長龍，今天趁閒日放假少d人，決定中午來食個lunch！一埋位坐低，留意到每枱都預備好紙巾餐具、茄汁、鹽、胡椒粉、牙籤，相當貼心。雖然鋪面唔大，餐廳亦毫不吝嗇人手，因此點餐送餐效率亦相當高。我點了一份洋蔥鑊仔牛扒，跟湯、餐包、薯菜，落左單唔夠1分鐘，已經上齊左餐飲、餐湯，餐包，然後5分鐘內連個扒都上埋，效率奇高！牛柳肉質嫩，份量足，有成三件咁多，我一個男人食完都覺得好飽好滿足，呢個價錢有呢個質素，真係超值。唯一算是可以挑剔的地方，就是餐包如果可以是暖的話，塗牛油後會融化，會食得更開心。今次整體用餐體驗十分滿意，推薦大家都黎試下呢間高質平民扒房！

去到屯門，又去尋找性價比高的食物，在屯門市廣場由地下到樓上，從外圍走入內圍，簡直目不睱給。和朋友商量了一番，選定了今天落腳的地點『金鳳大餐廳』。紅牆下的佈置，與街上的紅磚，相映成趣，甚有歐陸色彩。門口來了號碼卷，很快就到我們，跟著侍應，沿著小走廊，入座一小偏廳，整個環境鬧哄哄，『吱吱』作響。瀏覽了餐單，點了兩份主食：『鴛鴦扒餐』，『比目魚配黑松露汁』。來到這裡，吃扒餐都是不二選擇，好牛者，更是不可以錯過，以平價吃上份厚份量的牛排，只有兩個字『超值』，盼顧左右之顧客。都點了牛扒作晚餐，如果不是朋友今天不太想吃牛。這頓晚餐，或許另有見解。『鴛鴦扒餐』以豬扒，雞扒為主，一個碟盛得滿滿的，侍應輕輕端來蒜蓉汁，耐心等我準備好餐巾，慢慢倒下蒜蓉汁，『吱吱』作響聲伴著輕煙，猶如一場交響樂。『比目魚配黑松露汁』裡的魚肉，片片嫩滑，伴有粗薯條。這裡用餐，加『蒜蓉』不可以錯過。『蒜蓉』做得非常有水準。連帶『什果賓治』，『雪糕紅豆冰』兩杯飲品，尤其是雪糕紅豆冰，雪糕香滑，紅豆甜。懷舊飲料，買少見少，不敢浪費機會。平靚正，就是要分享。

星期四請假同老公去行屯門海濱花園，夜晚去返近屯門站附近搵野食。我地好耐無食過港式鐵板扒，見到金鳳大餐廳就二話不說入左去。我地七點前到都座無虛席，好彩都仲有位。我地叫左個美國牛小排餐同每月特選晚餐。餐湯叫左一紅一白，配牛油餐包。羅宋湯同忌廉湯夠大碗，餐包好大個，而且夠鬆軟，可以蘸湯一齊食。每月特選晚餐包頭盤，即係蟹籽胡麻醬沙律菜，食材幾新鮮爽脆，唔錯。美國牛小排叫左五成熟，跟鐵板上，配黑椒汁，好耐無食過咋咋聲既鐵板扒啦。除左有份量好多既牛小排之外，仲有薯格、粟米粒、翠肉瓜。蜜味燒春雞(半隻)拼西冷牛扒，配蒜蓉汁，都係叫左五成熟。西冷意想唔到甘大塊，燒春雞半隻都唔細，大食怪一定好歡喜。每月特選晚餐仲有精美甜品，係雲尼拿雪米糍。餐飲叫左凍檸茶。

每次想鋸扒都一定諗起金鳳餐廳，性價比高價錢合理，最重要就係食到港式港人嘅味道，加埋餐廳嘅懷舊裝修，真係諗返起以前嘅年代今日去屯門行街特登去金鳳食返個扒餐，嚟到餐廳已經差唔多坐滿人，坐低之後，門口已經要等位扒餐都有好多選擇，😊今次就試咗個牛小排5成熟，因為店員話五成熟用鐵板上肉質係最正。鐵板嚟到嘅時候真係熱辣辣，店員即時會叫你打開紙巾佢就幫你到啲黑椒汁落去，醬汁一落鐵板渣渣聲感覺好正。牛小排嘅份量好多，而且下面嘅配菜同埋薯格都好有份量。牛肉肉質好嫩滑，加上有少少脂肪食到肉香同脂香，切落去牛肉中間仲有少少紅，火喉控制得剛剛好，肉質特別香嫩一啲都唔會鞋口。下面嘅薯菜吸收晒肉汁同埋醬汁嘅香味。真係好好食。每次想鋸扒一定會諗起金鳳就係咁嘅原因，價錢公道合理，食物嘅質素又高。朋友減肥就唔想食牛扒，點咗松露汁燴雞扒飯，松露獨特嘅香味用嚟作為醬汁原來真係好香好惹味，醬汁令到食慾大增。雞扒嘅味道都好香，而且雞肉好嫩滑。估唔到呢個松露汁燴飯真係有驚喜。正宗港人港式味道，必決定選擇金鳳餐廳，下次我都會繼續幫襯

放假喺屯門行街真係好方便，無論交通同埋商場嘅配套都係好完善，行完街喺附近睇吓有咩好食，無意中比我發現到金鳳餐廳，原來屯門都有分店。以前要特登出到太子食，而家原來好多地方都有分店真係太方便了餐廳唔算好大，裝修得好整潔光猛，感覺都幾舒適。呢間扒房係食傳統港式嘅鐵板餐，相信大部份香港人都會聽過，經過多年之後今日又再回味一下從前嘅時光同味道羅宋湯配餐包，餐包啱啱焗好熱辣辣，配上酸酸甜甜嘅羅宋湯一齊食真係好開胃。美國牛小排餐 五成熟鐵板上 193元，最期待就係呢一下，店員將黑椒汁淋上牛小排上面，咋咋聲嗰下真係好正。牛小排size勁大，差唔多好似鐵板咁大，肉質非常軟嫩多汁，五成熟真係啱啱好，切開有少少紅色，望到已經覺得好吸引，入口牛肉味香濃，真係好好味。好懷念呢個味道，牛排size咁巨大都係百幾蚊一個餐，性價比好高。松露汁燴雞扒飯 88 元，松露味道好香，雞扒Size都算大，雞扒肉香嫩多汁，松露同雞扒嘅味道都幾夾，味道層次同口感都好豐富。食到我舔舔脷。每一個餐都跟一杯飲品，當然要嗌番杯港式咖啡，咖啡嘅味道都幾香濃, 仲要凍冰冰下次想鋸扒一定會再嚟金鳳餐廳，食物質素同份量都非常滿意，最重要價錢公道，

平時見金鳳成日要排長龍，所以決定試下。我地叫咗4個一樣的扒餐，帶子牛柳， 跟餐有牛油餐包，餐湯同嘢飲 牛柳上面的帶子好咸，牛柳揀咗七成熟黑椒汁，塊牛柳不過不失，都係七成，呢個價錢同份量同質素可以接受的，會再食~

要數香港老字號扒房一定會有「金鳳」，近呢十多年愈開愈多分店就知一定有返咁上下水準。今次就約埋朋友仔試一下屯門分店位置有少許隱蔽，見下圖星星位置，希望大家唔會好似我咁兜錯路🤣🤣🤣門面光猛，係金鳳經典logo 同朋友一人叫咗一個扒餐跟餐沙律同餐湯，精緻好味😋😋😋是日晚餐嘅帶子西冷排，大大塊，好抵食。另外一個係美式牛小排，有成兩大舊，食得哂嘅我都幾勁🤣🤣🤣叫5成鐵板上，中間啱啱好嘅粉紅色，見到都吸引👍🏻

屯門市廣場就可以食到金鳳，裝修係80年代嘅扒房風，裝修靚，食物質素又好，價錢又平，時不時就會去食帶子牛柳餐七成熟嘅牛柳煎得啱啱好，廚房有細心留意熟度，切開有少少紅但就無血流出黎，咬落去食到一絲絲肉質，又唔會好過韌，質素出乎意料！雜扒餐有牛扒、豬扒、雞翼、火腿、腸仔，牛扒屬於牛柳款，不是一般出面茶記啲bbq牛扒，咬落有口感，唔係得個淋字！豬扒大大塊，厚身得黎又唔會鞋( ´▽｀)食鐵板餐最期待一定係落汁過下，店員好專業一啲都冇流出來(ﾟoﾟ;;忌廉湯//羅宋湯忌廉湯非常軟綿；羅宋湯食材豐富餐包上枱前有稍為加熱，摸落去暖粒粒，係適合入口嘅溫度餐飲：黑牛即係可口可樂加朱古力雪糕，雖然跟餐要加$18 ，但懷舊風十足一定要叫！餐飲：檸檬茶

帶子牛柳餐*Time : AUG 2022, Lunch*Price : $168-HKD *Place : 金鳳大餐廳*Review : 港式扒房其實已買小見小，金鳳是小有仍保持一定水準的，以前都有去過其他分店，放假日突然想大大口吃肉，就去附近的這間。- 鐵板帶子牛柳 ：帶子厚身，肉感滿足，軟身不會煙韌，配牛柳一大口吃口感十足，牛柳要了五成熟，兩大舊份量十足，絕對可以滿足肉食一族，牛柳沒一絲肥肉，又夠軟，絕對可以大口大口地吃，可以吃得乾乾淨淨，肉味是比較弱，不過滿足感較強，配炸薯條，跟餐還有熱的餐包，餐湯，還有餐飲，充滿港式味道如果要求肉味濃的話這裡稍欠，不過要求港式味道加滿足感的話，這裏是水平之上的，間中放肆又流麗地吃肉，這裡可以十分滿足