金鮨 (已結業)

朋友新婚幾日,約食飯訴苦,話一結左婚,個男人就醜態畢現,婚前對佢好好,婚後待如奴隸,好想離婚,我話,不如食d 好味野tum返自己啦,一早就比定msg金鮨老細留枱,去到影曬menu 比朋友,諗住落定單,點知佢都冇反應,黎到先話個男人又打黎鬧交,唉.飲返罐啤酒順下條氣先啦,男人又飲士多啤梨波子汽水,唔等佢啦,照舊叫左一個壽司d set,同壽司e set,加$16 要佢地自家既製既魚湯同前菜,一樣係一個蒜香螺肉,一個中華沙律,脆卜卜既三文魚子,鮮甜海膽,大大粒帆立貝,樣樣都新鮮好味,壽司飯調味得宜,飯糰握得恰到好處,鮮蘑山葵辛中帶甜,,牡丹蝦肉爽味甜,蝦膏濃鮮鹹香,朋殺友再叫左一個壽司set,我唔記得係邊set 啦,有toro 既,toro夠曬肥美,又不失魚香,當然有我地最愛既油甘魚薄切啦.油脂豐富,薄切就唔會過份油膩,男人突然胃洞開,話要食鰻魚烏冬,我地一人偷食左一啖,佢自己啪曬,正呀,朋友食完哩餐,心情好左,佢話返去再好好思考下同哩個男人既關係.

今次是第二次光顧的刺身每件都很新鮮最令人難忘的是牡丹蝦 真的很彈牙和有鮮味（從別人的丼飯打劫得來的）其次令人回味的是三文魚腩，很厚切，油脂感和口感都滿分。即使平日不好三文魚，也會喜歡。原來叫三色丼飯量會少很多，對女生來說是剛好的，但男生的話叫五色丼似乎飯量會比較足夠。總括而言，今次也是一次不錯的經驗，應該會再光顧的👍🏽！可以改善的地方是店舖面積吧？真的有點狹窄，傾計有欠私隱度。而服務正常，不過不失，只是感覺有點催趕。

有日難得清閒,一訓醒就想食好西,搭小巴去金鮨食個靚早餐先,其實好少食丼,多數黎哩度都係食壽司,今日就試下食丼,叫左個珍寶帆立貝上五色丼,加錢轉油甘魚,加錢要埋套餐,有湯同前菜.三文魚豆腐麵豉湯係佢地自己煮既,魚味好夠,前菜可以揀中華沙律或辣味螺肉,放假就更係要整返罐冰凍啤酒飲下啦,丼到啦,哩個珍寶帆立貝上五色丼加油甘魚真係好正,大大粒帶子,鮮甜海膽,甘香油甘魚,爽口北寄貝,仲有吞拿魚蓉,鮮蘑山葵,食過唔會再食開粉果d啦,不過呢,我都係鍾意食壽司多d XDDD款式仲有好多,去到慢慢睇啦~

每次游完水,我都想食生蠔,海鮮,魚生之類,其實依家份工,真係好少去到食金鮨,今日終於食到想食既魚魚.哩間店主要係賣刺身飯,但我地偏愛壽司,加$16有前菜同三文魚湯,前菜可以揀中華沙律或螺肉,我地2014年開始已經食哩間店,長期都係食壽司set d, 同壽司set e,材料鮮美,海膽甘甜,大大粒,蝦肉爽鮮,帶子甜美,仲配埋海葡萄,連蝦頭都食埋,三文魚子粒粒晶瑩飽滿,咁多年黎水準一直keep到,佢地既山葵係新鮮山葵,唔係垃圾開粉果山葵,於是養到我唔食果d開粉山葵XD加一客薄切油甘魚刺身,我覺得豐富魚油薄切係最好,唔會入口太油,等甘香魚油口中慢慢化開,再飲啖SEKE,咬下塊大葉,大葉清香同SEKE 好夾.男人就飲士多啤梨味波子汽水,見到有燒魚鮫要試下,黎到見到個面好似有D 焦,但一夾,魚肉就滑左出黎,魚油,汁同滑溜溜既魚肉,好食喎,乾脆用手拎起一舊,放入口,一啜,成塊肉出左黎,超嫩滑,真係正.仲叫左牛舌今日切得大塊左,之前細塊DD,肉味超濃,係牛舌愛好者一定要試既.真係好想成日都食到,你要加油呀老細,大家都黎試下啦.記得訂位,鋪仔細細,WALK IN 可能冇位.

講到性價比高既壽司個個淨係諗起壽司郎但其實發掘下唔少小店都唔錯 呢間長沙灣既金鮨就係我既all time favourite😍以呢一個價錢食到呢一個質素 真係算幾抵食👏今次就試咗佢新出嘅金目鯛丼飯同散叫嘅壽司😋.🎈國之五色丼 （金目鯛 三文魚 帶子 海膽 三文魚子） $238店員有俾我哋選擇要食蝦定係海膽 最後我哋就揀咗海膽金目鯛呢一款魚類多數出現係omakase 小店有得食金目鯛呢一種貴價魚真係唔多 可見呢一間小店真係唔簡單🤣 👉金目鯛丼飯金目鯛既份量都算慷慨 一碗有三塊 因為單點三塊刺身都要百幾蚊 呢到仲要厚切👍因為係白身魚嘅關係油脂香唔會好重不過就勝在夠新鮮 爽口彈牙😋👉海膽 我哋嗰日食呢一款係屬於加拿大海膽 超級大塊 入口即溶😱😱😱雖然食落好滿足 但其實海膽味較淡👉三文魚非常新鮮 而且仲係厚切😍特別係三文魚非常肥美 唔知以為食緊三文魚腩🤣👉帶子原粒厚切 亦都係非常新鮮仲有條海葡萄係上面 好夠誠意👏👏👏評分: 7.5/10.🎈散叫壽司👉火炙三文魚脂 ($11)好少喺第二啲壽司店見到呢一款壽司 但我每次嚟到都一定會食！！！係必點！必點！必點！一食落口其實係好香嘅油脂味 基本上油脂嘅

第一次造訪，餐廳位置有點難找，店面不夠搶眼。我走到附近，未見其影，但已經嗅到醋飯味。最後還是得電話帶路才找到。刺身丼的確有好多選擇，一心想試池魚和鯛魚，因為不是一般日式餐廳都有供應。慶幸我同事願意交換，大家都可以試到多點款式。刺身都夠厚切，口感好好而且都新鮮、肥美，份量好夠。真的一份錢一分貨！刺身蝦對比之下略為遜色，沒什麼特別。（之前吃過日式超市的都比它更鮮甜）飯量頗多，相信都夠男生吃飽。如果價錢可以更親民，我會多點造訪

係mcl睇完戲本身想食壽司郎，但又過左籌號之前朋友都有推薦過呢間小店金鮨今日就黎試下啦分左兩個鋪面，侍應需要行出鋪去另一邊食物係窗口傳遞，唔洗經過路面👍🏽我入去果邊既鋪面只有三張枱環境有小小迫，但裝修好有日本小店感覺整體感覺都舒服既嗌左兩個刺生飯，加錢變set咁就有埋前菜同湯啦仲有嗌左一盤刺生，但我掛住食冇影到相啦🙈個湯好有魚味 好甜 幾好飲兩款前菜都係正常，幾好食帆立貝超大塊 又甜 有厚度三文魚、海膽都好正手震😂 吞拿魚都好味一定會再黎 d魚生都好正呀👍🏽👍🏽👍🏽

疫情關係，仲係限聚令4人。都係舒舒服服買反屋企慢慢嘆😆叫左刺身併盆set B三文魚、八爪魚、海膽、吞拿魚腩、牡丹蝦、帶子。新鮮！魚刺身厚身有份量！個海膽好好味(要講10次)無個浸臭味。食落仲有陣甜味！其他都中上！壽司玉子、三文魚、海膽、帶子、龍蝦沙律、蟹籽、牡丹蝦！上面舊料大過下面舊飯好幾倍！好滿足！🥳小食牛舌，好淋，好似食緊牛腩甘！好食！鵝肝，香口！煎到外脆內juicy!

無意中發現隱世美食🌠有驚喜😍推薦✅環境好日式 好舒服😌海膽三文魚三文魚籽丼$129海膽超肥美 只有鮮味 沒有腥味🤪食落去 有種幸福的感覺🥰 能夠揾到甘有鮮味既海膽 真係好有驚喜👏🏻 再加埋海量既三文魚籽+厚切三文魚仲要只係$129😱性價比 十分高🤝珍寶帆立貝池魚三文魚丼$119係難得一見既池魚啊😍好新鮮 好大塊 好爽甜啊😋大概有3-5塊😳So Crazy!珍寶帆立貝+三文魚=無得輸😆 我一定會回頭再食😍🥰👏🏻

呢間係長沙灣既小店得幾張枱，尤其係疫情期間，一邊只可坐一枱客。經過朋友推介先知道呢間小店，果然真係十分高質素，點左呢個餐，二百幾蚊。每一件都好好味，魚生十分新鮮，拖羅同海膽好出色。👍🏻👍🏻👍🏻👍🏻👍🏻其實咁高質素既壽司黎講二百幾蚊一啲都唔貴，但對於比較大食既人黎講就唔係好夠，如果佢可以有啲小食叫下就好。可惜係叫左呢個壽司後唔知叫咩好，因為全部都係丼飯或壽司，但總括黎講係好出色既👍🏻

呢間餐廳係朋友介紹～ 喺長沙灣都算不太起眼位置。店舖小小，座位唔多，不過佢有兩間小店連住，都係book位先去最穩陣～一入到去見到裝修幾有心思，枱枱櫈櫈大部份都係木製，好多日式嘅飾物品～ 而家冇得去旅行當去咗一轉日本😆餐牌超多選擇，花多眼亂🙊最後我哋叫咗壽司餐同丼飯！壽司餐刺身超級新鮮美味！！🤤 強烈推介三文魚腩！帆立貝！吞拿魚！魚子！樣樣都好肥美，又新鮮😋 吞拿魚入口即溶～ 三文魚油脂豐富，咬落已經感覺到好肥美喔😋 係海膽有少少腥刺身丼飯刺身份量都幾多，配埋粒粒分明壽司飯，食完超滿足！隻珍寶蝦好大隻又鮮甜😋 吞拿魚腩又係入口即溶😭 超好味呀！！油甘魚一啲都唔腥👍🏻

食左三次但每次都食過返尋味既一間壽司小店😋😋每一次都冇失望啊！7點幾黎食 好彩提早左小小打黎book位見到一直有walk in客但已經full左了🙈選擇非常之多 可以單點壽司 壽司盛合 刺身飯 .我同友人最愛既係呢到特有既火灸三文魚脂每次黎到都見到叫呢款壽司既人唔多但呢款係最高質既！今次叫左兩件壽司同兩件手卷燒既時候已經聞到好香吃落更加係一種享受啊😍一咬落去成陣魚油香味隨即撲入食手卷既時候更加可以見到手卷底一直滴油可見佢係有幾咁juicy😋友人話覺得呢款係全香港佢食過最好食既壽司😍個人覺得性價比非常高三文魚脂比三文魚同三文魚腩更平但真係非常高質👍.另外亦叫左一個魚生飯非常足料 性價比非常高可以食得出食材新鮮 足料三文魚超厚 非常之有誠意🤪.最後單點幾款壽司三文魚腩最重要係夠肥佢冇魚脂咁多魚油 但亦非常肥美其他壽司都非常新鮮呀！.呢一餐又係滿意既一餐我地已經回頭幾次 相信未來都會一直回頭試多啲既😋😋

很久都沒來到了金鮨，有種陌生的感覺，上一次來的時候已經是五年前了，如今事過境遷，桃花依舊人面全非。不過可幸的是這裏的味道還是一樣。店內裝潢依舊很有日本味道，現在因為疫情的關係所以沒辦法去日本，唯有在這裏尋找日本的味道吧。我點了一碗三文魚飯及一個壽司套餐，一個正常男士的食量來說，已經很足夠！三文魚飯份量很大，醋飯味道適中，三文魚大大的一片，吃得到是新鮮的感覺！壽司套餐有三文魚、吞拿魚、帶子、帆立貝等等，也是因為醋飯的關係，十分可口，刺身部分鮮甜，整體價錢也對得起這個質素，至少那份壽司飯是看得出有用心調配過的。

我朋友佢喺長沙灣做嘢 成日都話有間好好味嘅魚生飯喺佢公司附近 我好鍾意食日本嘢 今日終於有時間去試下啦 中午時分嚟到 需要排隊等候 入咗後先發現原來餐廳好細入面得兩張枱 不過點等都係值得因為真係好好食 紅鯛三色丼今日嚟到本身諗好曬要食海膽 因為朋友本身強烈推介係必食 點知職員話未返貨 要下晝先有 抱住一個失落嘅心情揀咗三色丼 結果一啲都冇失望 真係好似朋友所講 好好食又新鮮 職員話中間個紅鯛係唔使點醬料 直接食先至到過鮮味 入口嗰種鮮味真係食過先知 好味到難以形容蒲燒鰻魚帆立貝丼鰻魚好肥美 配上適當嘅鰻魚汁 另外仲有輕輕燒過嘅帆立貝 朋友好快就將成碗飯食曬 我哋已經約定好下次要再嚟食海膽 雖然長沙灣有啲遠 但為咗碗好食嘅魚生飯係值得㗎

今日同朋友係荔枝角附近搵野食朋友介紹我去他的飯堂喔仲說這裡的質素好高添~難得我今日無帶飯，當然出黎試下啦因為係朋友既飯堂，問下佢有咩好介紹佢推介了「三文魚帆立貝丼」我諗都唔諗就照跟第一係因為相信我朋友第二就係兩樣都係我最愛午市有味噌湯送喔份量完全好有誠意喔帆立貝厚厚的，好有口感而三文魚都是厚切真的好好味新鮮價錢$79 食倒咁高質的日本菜難怪會成為我朋友既飯堂好快就會成為我既飯堂嚕等我下次試埋其他野先