金銘潮州粉麵 (竹園街市)

今年是第二次食這個竹園街市金銘潮州粉麵叫咗牛雜牛腩麵同埋牛筋河兩碗湯底及肉都偏鹹牛雜牛腩入面啲牛腩全部係肥肉根本食唔到牛筋還可以希望店家睇到呢個食評改善一下唔好再整咁鹹同埋唔好再畀曬啲肥肉客人食忘記咗影相因為太肚餓又搵唔到地方食嘢就求其入這間舖頭食…查看更多

三無食店：一無質量，食物質素比較差。二無環境，環境非常一般。三無服務，牛腩碎濕濕，散哂，超級韌，好難咬，叫佢換，仲問有乜問題。價錢也不便宜。就是不值得再光顧的地方。…查看更多

我一直都很喜歡食呢間崩沙腩，但係今日去食嘅時候，有個樓面態度勁差，棕色長髮著Nike鞋，手機殼圖案係花花嘅阿姐。一開頭點單嗰陣佢已經心不在焉，點點下突然間走咗都唔講一聲超級冇禮貌，跟住我問佢豆漿有冇常溫，因為老人家唔可以飲凍嘢，跟住佢話有，點知攞過嚟係凍到好凍嘅豆漿，佢仲叫我攤一陣再飲，我話想退一支啦，老人家飲唔到太凍，跟住佢就開始同我嘈，話已經打咗單退唔到啦！係我自己要兩支豆漿！我就話我頭先問你係唔係常溫你又話係？總之態度就係好差。真心失望。以後見到佢都唔會再嚟食！！…查看更多

今日午餐喺呢度買咗一個外賣食到一半嘅時候發現有一隻蚊螆死咗係啲面度心諗算啦都係一隻姐點知再食再食就發現仲有多一隻咁樣其實唔係幾衛生囉 即刻冇晒胃口建議廚部要小心啲！…查看更多

尋晚睇完飲食節目，今日就好想食牛腩，近近地就去呢一間啦！都嚟過幾次，今次係第二次叫五星級牛坑腩河，$38，大大碗，都抵食。我要比d另一半食。呢個牛坑腩好滑呀，我鍾意食啲唔老嘅牛腩。我之前食開覺得好食所以今次又再點啦另一半要食飯，咁我就叫佢點豬手飯，$42，我食咗少少覺得都OK，對我來講就濃味左d.呢度係唔提供水，我叫咗杯熱菊花露，$9，太甜了⋯⋯飲左少少就唔想飲⋯⋯我開頭以為好似自己煲嗰啲菊花茶咁味，就試試⋯⋯點知好似飲糖水甘⋯⋯整體來講覺得呢度嘅食物係唔錯，飲品今次來講就唔得⋯⋯…查看更多

星期六約咗朋友喺竹園室內運動場打波，打完波肚餓搵地方醫肚，原來竹園街市大裝修後，有一半嘅位置改成熟食店，好似叫竹園夜市，原來最夜收凌晨一點...扮遊客嘅我都兜咗一個圈睇吓有咩食先，而一向鍾意食粉麵嘅我，見到有潮州粉麵就入去試吓...入到店內感覺枱與枱之間嘅位置都好闊落，唔會有逼逼夾夾嘅感覺。叫咗碗牛腩米粉，超快嘅速度送上。牛腩都算淋，而且都算入味，但嫌湯底有味精，食完口渴，如果叫撈麵可能會好一點。一般大眾化價錢…查看更多

住左係竹園好耐起，呢個夜市最近先新開，趁今晚呀媽冇煮飯就落去行下睇下有咩好食，本人幾中意食啲潮州粉麵，估唔到原來夜市入面都有一間而家地方幾大幾闊落，坐低叫左碗牛腩麵，十分鐘都唔洗就上到，即叫即整，幼麵底其實幾香幾彈牙，但稍嫌真係硬左啲，如果可以再煮耐啲林啲相信會更加好食，至於湯底都幾好飲，不過有啲人可能會覺得咸左啲，腩汁湯底都算濃味，但飲完一定要飲水，牛腩就普普通通啦，都夠林但未去到鬆化既口感，overall都算係咁晚餐時間都算多人食但唔洗排隊…查看更多

話說之前都食過好多次, 次次都有落錯單,不論客多客小都係落錯單,3但今日放假, 帶埋母親一齊去食, 點知出晒事,叫瘦牛腩麵, 同紫菜雲吞麵走青,  再三提醒唔好落錯單, 點知張單黎到都係打錯單, 都即時通知樓面落錯單,之後食物黎到, 變左          超肥牛腩麵  同  紫菜雲吞麵多青,見到依個情況又係即時同樓面講,點知得到既反應係, "正常WO,我地出既野係咁"之後搵其他樓面, 完全連應都唔識應人以後唔會再去,俾錢買難受…查看更多