金輝海鮮菜館

營業中

休息中

拎住張傳單問職員個職員（肥佬）話低食又好食仲話隔離就食裝修我地就真係食好野結果環境唔好野食又唔掂套餐加兩個餸冇樣好食最好食係粒橙問親職員野就話轉頭幫你跟 轉頭幫你跟海鮮份量極小加餸都食唔飽

平日都會同屋企人黎西貢食下海鮮，今日爸爸話想試下新野就入左呢間，佢門口都幾多人架，又見佢有幾間鋪就入去試下。媽媽叫左個套餐有魚湯，芝士龍蝦伊麵，瀨尿蝦，帶子，鮑魚，石班又有菜。幾百蚊係非常抵食既不過質素就見仁見智，我就覺得除左石班其他我喺屋企煮都好食過佢湯太咸、芝士唔夠溶伊麵又冇味，但龍蝦ok既，飽魚嗰啲正正常常咁既價錢咁既質素ok既。但瀨尿蝦就....成蝶都係’梅’既,為左唔浪費我有食哂，但唔喜歡阿媽話齋咁既價錢有咁多海鮮食的確係好抵，平時自己買都唔止，所以想食平海鮮都可以挑戰下既。

同事約埋到西貢用膳，一個同事心水食洪記，一個是金輝。洪記卷光猛開揚，有火爐保暖，金輝地下有積水，海景又被防風膠簾遮住了，其實兩間都沒有所謂，行完出面的洪記，到最入的金輝，大家也不折返了，便吃金輝吧。我們點了六人海鮮餐，海鮮小菜如下:蕃茄薯仔海鮮雜魚湯海膽炒飯清蒸石斑魚龍蝦伊面底椒鹽賴尿蝦清蒸鮑魚蒜蓉粉絲蒸元貝炒西貢油菜我們早來，可能店舖想多做幾轉，食物上得很快，幾乎同時間一起上哂，1. 先來一煲魚湯，好像家中平時的蕃茄薯仔魚湯，家中足料好多，不過這裡也可以。2. 龍蝦伊面底，龍蝦肉煮得恰到好處，蝦味濃郁，彈勁十足食完龍蝦食伊面，伊面份量十足!3. 炒西貢油菜 - 是晚蒜蓉炒菜芯，菜芯好老，也很多油。4. 清蒸鮑魚- 大大隻，正！5. 海膽炒飯 - 竟然好咸，佢既色好橙，以為是海膽，卻原來d 顏色不是來自海膽，而係咸蛋黃，咸味蓋過海膽，可惜。6. 椒鹽瀨尿蝦雖然睇個樣大大隻又飽滿嘅，炒得十分惹味，點知我食到的一隻個殼就大、但肉就大縮水，肉殼分離，霉霉爛爛，明顯不新鮮，幸多了隻，我便吃了，此隻大大隻肉實，好好味如我預期應該有的味道！嗰隻可能係死嘅先送俾我哋嘅!如果唔係一定對佢大打折扣。7.

其實平時食開另外幾間，見門口個婆婆咁健壯招客，見到呢間人山人海應該唔會太差掛。見到有堆學生哥枱面啲嘢都幾大件就去試下跟嗰啲學生叫人頭計嘅海鮮餐，我哋得兩個叫咗個2人份海鮮餐⋯⋯椒鹽賴尿蝦：隻賴尿蝦勁細隻⋯⋯我寧願佢兩隻變一隻大啲既俾我🤦🏻‍♀️炸得係脆既，味道都幾好唔會太鹹，但真係無肉食豉椒炒聖子：啲聖子全部幼過手指尾🤦🏻‍♀️丟返落海養大啲先啦，都係果句，我寧願佢俾小幾隻但大隻啲，而家太細無咬口又唔鮮芝士龍蝦伊麵：見到頭兩碟，對隻龍蝦都冇乜期望果然係細隻個虎蝦，都冇所謂喇，但係可唔可以汁多啲同有味啲黎撈下個無味既麵清蒸海上鮮：叫個呀姐埋黎，八卦問呢條咩魚黎，佢都答唔出。海魚黎講佢都叫失敗喇又唔鮮仲要鞋到一個點海膽炒飯：估唔到成餐飯最好食係佢，你當佢普通正常炒飯黎睇，飯粒分明唔油味道剛好，但係佢係完全冇海膽味架

係西貢行左成日攰到爆炸，決定黎食餐豐富海鮮🦞，附近都有幾多間海鮮店，兜兜轉轉左兩個圈都唔知食邊間好。最後就近近地，去左價錢相對較平既金輝海鮮菜館，嗌左二人套餐，一人$228/位。唔夠5分鐘已經上咗個海膽炒飯，我完全o左嘴，個先後次序錯曬，其實我會prefer先上海鮮先🤦🏻‍♀。而且個擺碟勁頹，咁大隻碟得少少飯，感覺好求其好肉酸。白飯粒粒分明，味道方面就不過不失，海膽味好薄弱，同普通炒飯冇乜分別。第二樣上嘅係龍蝦芝士伊面，個芝士伊麵完全唔合格😭個芝士水汪汪，唔夠濃稠，味道淡如水，色香味乜都冇。第三樣上既係油菜，個擺碟真係好是但，感覺好似食緊茶記快餐，但味道卻遠遠比唔上茶記。-之後終於輪到海鮮🥰海鮮終於似啲樣！首先上菜嘅係鮑魚，口感爽口彈牙，本身味道都比較偏咸，所以唔需要蘸豉油都已經好入味。因為我朋友唔食賴尿蝦，餐廳亦都好好咁我哋改咗做蒜蓉瑤柱！咁大個女其實都未食過新鮮嘅瑤柱，平時見到嘅都係瑤柱乾，今次有機會當然要試下😋蒜蓉同粉絲份量都幾多，瑤柱比元貝更加鮮甜。最後係清蒸海上鮮，魚肉滑嫩，醬汁提升咗魚嘅鮮味，令人回味無窮。可惜我哋一早已經食完飯同伊麵，最後唯有齋食魚。個人覺得海鮮夠新鮮，都

是日平安夜，早放。相公想吃海鮮，我也心動。公司同事午膳請食到會，飽到上心口。驅車直往西貢，也只是4時多。閒逛了一會，5時多趁人不多先來個早飯吧。心水食肆只有兩間，就是洪記同金輝。金輝其實已吃過多次，洪記對上才吃過，於是又再吃金輝吧。睇返我之前食評，2017年9月2人餐價錢只是408，現在要448了。落完單，首先上左海鮮湯，送的。可能時間早的關係，炒白菜仔也是送的。薑葱炒蟹:好難食呀我明明上次食評都讚的菜式，今次是師傅重手了嗎?汁超多還酸酸的，好怪。蟹肉本身問題不大，只是浸在濃濃酸酸的茨汁中也是怪怪的。薑葱炒不是應該較乾身的嗎椒鹽瀨尿蝦:超正。雖然細細隻，但份量不少啊，一如以往的惹味。不過到底幾時是一大隻幾時是小隻上，無論點，此菜式是本人必點菜式芝士焗龍蝦伊麵底:龍蝦新鮮。因為相公肚餓，幾乎俾哂伊麵同龍蝦佢食蒜蓉蒸瑤柱粉絲底:第一次吃蒸新鮮瑤柱，原來都幾好食。睇番之前本人的食評，原來瑤柱冬天才當造，現在吃正合時。下次可以要再encore最後食埋送的生果甜橙。

今日同囡囡黎左西貢 咁遠黎到當然搵間餐廳食海鮮啦依間餐廳d人個個都好好傾 餐廳又乾乾淨淨 企企理理我地叫左個2人餐第一個上既就係個蕃茄薯仔海鮮湯 我就好鐘意飲喇之後呢其餘啲海鮮呢其實質素都好高 好新鮮見到個賴尿蝦簡直係驚訝 好大隻呀聖子又爽口 龍蝦🦞伊面份量都唔細海膽炒飯好好味。佢雖然係二人餐我覺得三個人食都夠食到個肚漲卜卜 其實佢有幾款套餐比人哋揀嘅 最平嗰個就係$180一位我食呢個呢就$248一位 佢有啲都係二百幾蚊位啦但係呢可以揀幾款海鮮囉咁就鍾意食乜就揀乜

今日lunch突然想食海鮮，就入左西貢食，之前食過呢間，味道唔錯，價錢算優惠，所以今次都揀返呢間食。我地叫左個438元二人套餐。有湯送，個湯係用好幾種海鮮加蕃茄煮，味道好鮮甜。呢個價錢食到既龍蝦伊麵，當然龍蝦肉唔會好多，得兩三舊可以食😜今次食到有少少沙，味道可以加d更好。條魚上左枱先聽到隔離枱講，原來可以同老闆要求條魚免費升級食其他魚，一切有商量😅瀨尿蝦一人一隻，都算大隻。普通白菜。海膽炒飯比隔離x記米芝連餐廳炒得更好食。2個人食呢個份量食到好飽，味道唔錯，價錢公道👍

趁着秋風起同家人去西貢食海鮮，去咗金輝見到價錢都比其他平而且有朋友同我推介過，就去試吓叫咗一個五人餐，有番茄海鮮湯，上湯龍蝦伊面，椒鹽賴尿蝦，豉椒炒聖子，蒜蓉粉絲蒸元貝，炒油菜，海膽炒飯，清蒸石斑魚，款式都好多，都只係$1118，而且份量非常足夠。但係由於想食蠔，所以另外叫咗兩桶酥炸蠔，每桶110，另收加工費50椒鹽賴尿蝦個樣都大隻，唯獨有一隻啲肉梅梅地而且無肉，其他都正常蒜蓉粉絲蒸元貝個元貝不大，但蒜蓉味重，酥炸蠔大大碟，好飽豉椒炒聖子份量都好多，但呢個就比較淡，冇乜味上湯龍蝦伊面龍蝦都有肉，但都係比較偏淡最後個海膽炒飯都幾乾身，啲飯粒粒分明整體來講，呢個價錢食到咁多種類嘅海鮮絕對性價比非常之高，但始終一分錢一分貨，味道整體偏淡，唔算好好。但工作人員嘅態度都好好，亦友善有禮，比起另一間有名的海鮮店好好多。所以都會再幫襯過下海鮮癮

作為西貢居民，點可以唔食西貢必食既海鮮餐呀。西貢的海鮮餐廳林林種種，係每一位無論香港人定遊客都會必食既海鮮大餐。而我住左係西貢一段時間，間唔中都會食個豪華海鮮餐，滿足下自己對海鮮的熱愛。本小姐真係好鍾意食海鮮。最鍾意海鮮既煮法就係清蒸白烚，甘樣先保留到新鮮海鮮既原汁原味！😋😋😋本小姐有幾間推薦的西貢海鮮餐廳，而「金輝」係其中一間。推薦尼間既原因係，佢既海膽炒飯，暫時係我食過最好食既海膽炒飯。另外，二人餐份量絕對唔少，價錢仲係$500左右。有幾款海鮮，仲有龍蝦伊麵同海膽炒飯。大食既我，每次食完個口、胃同個肚都好滿足。最重要既係，佢既二人套餐入面既海鮮係真係真係新鮮，大隻。（因為本小姐試過係西貢某間專食海鮮既餐廳叫左套餐，而黎到既海鮮係一點都唔新鮮，仲要係細份，仲要係價錢都唔平lol)而尼間金輝就真係靚料，可謂真材實料，價錢實惠低食。

在西貢食海鮮，稍有不慎，一定會俾人斬到一頸血，有好多人喜歡買海鮮去店內加工，食過幾次後，我都唔覺得有好大分別，可能我食既都是普普通通貨色。當一大班人食飯，我就喜歡食套餐，一方面知道價錢，又可以迎合唔同人既budget ；同時，越多人嚐到既款式就更多。今次係我第3次去金輝，行過咁多間，最平都係佢，😄加上入到西貢，我就好喜歡去附近買手工啤，而呢間餐廳，係唔會額外收開瓶費。是次，我們一行13人，叫了 8人餐，因同行多數是小朋友，d 餸上檯時，大碟到大圓檯都放不下。多款海鮮，最like 係瀨尿蝦，雖然唔係太大隻，不過勝在每隻都肉多，夠先。第二位，就係海膽飯，佢既色好橙（不過d 顏色不是來自海膽），而係用了蛋黃打底，但正因為此，味道更濃。8人餐以外，仲加多了炸豆腐，炒菜，最後竟然食唔晒。而埋單仲要係每位成年人 $280有找。所以用 平、靚、正形容此經歷是最好不過。

去西貢其中一個必做既事就係食海鮮! 是日係渡假村內唔食訓唔著, 友人自薦買海鮮外賣返黎齊齊開心食宵夜時段, 揀左2人餐有4個海鮮加個菜辣酒東風螺係我指定要既菜式 呢個東風螺數量唔多, 20幾隻, 用竹籤吉開一睇, 螺肉新鮮, 容易同個殼分開, 比一般既螺大d, 個辣酒一開始就酒味重d,愈食愈辣, 最後停唔到口, 辣到醉左 避風塘瀨尿蝦友人買果陣問清楚有幾多隻同幾大, 跟餐就得2隻蝦蟆咁細既瀨尿蝦, 得個剝字, 咁瀨尿蝦係用黎食唔係剝, 友人決定加40蚊/隻, 變到手掌咁大既瀨尿蝦啖啖肉呀, 避風塘味令蝦味更好食鼓椒抄蟶子蟶子加上洋蔥, 時椒配料去抄, 多汁濃味, 份量都有成7-8條蟶子 抄帶子配上西蘭花抄, 帶子完全冇鮮味,抄到過老又薄, 呢個菜叫錯左, 填飽個肚算時菜跟餐有白菜一碟, 份量只有3份1個外賣盒, 算係叫做健康d好過冇呢個餐送啤酒就一流喇, 埋單600蚊, 4個海鮮有3個係滿意既, 我地覺得合理呀下次會自己帶海鮮上去食

老老實實，我一向唔特別喜歡去西貢食海鮮。。。一來唔覺得特別新鮮(香港咁細，其實海鮮有海邊運到餐廳，都依然好生猛)，二來唔會平。不過都有一個好處既，就係兩三個人都可以試到好多款海鮮 平時去酒樓就要一大班人一齊叫先食到今次無揀米芝蓮餐廳，揀左間經濟少少既海鮮餐廳！價錢平少少，裝修比較土炮，不過食物質素都唔錯 粉絲蒸扇貝，豉椒炒蜆， 薑蔥炒蟹，芝士龍蝦伊面，全部都好新鮮，夠鑊氣，而且份量又多！都幾抵食，唔洗次次都食貴野既

昨天入西貢食海鮮，平時十次九次都係幫襯全記，因為好味，其他通記，洪記都試過！今次朋友話想試其他海鮮菜館，一入到西貢就有大大個招牌擺喺入口，金輝海鮮菜館，基本上我唔想試呢間，因為門面睇落去都唔係咁好，有兩個舖位但面積好細，喺門口已經有職員叫我哋入去另一邊坐，話冷氣好大，又話送汽水又話送湯又話送菜，我朋友好想試呢間咁就入去！一坐落鬼死咁熱，又無門又無膠簾，冷氣都走晒！叫咗＄400幾元嘅套餐，好快就上菜啊，都唔知係咪一早煮定，個湯係送嘅，但係好難飲蕃茄薯仔煲蝦，好鬼鹹唔似湯好似水！第一個餸就係西芹炒帶子，啲西芹好硬，硬到咬唔開，帶子細粒都似蝦米，亦都係好硬，成個餸食唔到！龍蝦伊麵，龍蝦冇龍蝦味，好似咬落一舊粉咁，落咗太多芝士！豉油皇蝦，啲蝦完全唔新鮮，只食到好重味精！海蔘冬菇炒菜，海蔘切到一粒粒，一啲都唔似海蔘，應該係啲好平價嘅海蔘，啲北菇好酸，落咗好多油全部反晒光！另外一碟炒白菜，啲白菜有漂白水味，成碟無食！佢之前話送汽水，問佢嘅時候又話無得送要比錢，我哋叫咗一支，之後計數嘅時候又唔收汽水錢，佢明明話一人送一支，但結果無！呢間酒家好難食，以後唔會再嚟，不知所謂嘅菜館！

昨日剛從瑞士回來，趕及與媽媽今天慶祝母親節。上星期已做好 booking, 訂下一個價值一千一百多元的套餐。我們一家下午六時準時到達，招待我們的職員亦相當好客有禮。店內的位置亦隨著時間的流逝而坐滿，可見這間食店的口碑亦不錯。我們點了龍蝦伊麵，海膽炒飯，蒸石班，鮑魚，粉絲蒸扇貝，椒鹽瀨尿蝦，炒白菜仔和蕃茄魚湯。整體來說，海鮮夠新鮮，出餸快，味道亦不錯，可謂物有所值。以今日的天氣，我們坐在室外，一邊觀看海景，一邊享用海鮮餐，過一個平凡和滿足的母親節。