金記冰室 (香港仔中心3期)

坐低未食已經聽到廚房鑊氣十足，炒勻聲響令人食慾大增😆今次同屋企人食完晚飯，感覺佢哋水準仲比以前更穩定🤓🍛 皇牌咖喱牛腩煲牛筋煮到非常腍滑，牛腩入味又香濃，咖喱汁濃稠惹味，真係白飯殺手食到停唔到口🥰🥔 蜜椒薯仔牛柳粒薯仔外脆內軟，吸滿蜜糖同黑椒香氣，牛柳肉質軟腍，份量唔少，配埋洋蔥、青椒等配料，味道層次豐富😛🥬 欖菜肉鬆四季豆四季豆炒得爽脆，唔會腍啤啤，肉鬆鹹香突出，襯托四季豆清新口感，簡單但好食😋🍳 蔥花炒滑蛋蝦仁飯炒蛋夠晒滑溜，蝦仁爽口彈牙，芹菜同蔥花香氣撲鼻，飯底加少少豉油更惹味，非常正😇🥤 凍檸檬利賓納茶餐廳少有供應，利賓納果香甜中帶微酸，加上檸檬片清爽解膩😚✨ 總結金記冰室依然保持鑊氣同味道，菜式水準穩定，份量足，價錢合理，係一間值得再去的茶餐廳👍…查看更多

唔想煮飯，落街去金記食個小菜套餐就最方便。有例湯和飲品，菜式選擇多，份量足，味道有水準，性價比高。今日加多個開心果葡撻，連甜品都照顧埋，滿足！🏅菜心用上石澳生曬梅菜蒸製，鹹香入味，菜心清甜爽口，無渣。 🏅咖喱牛魔王焗飯有牛脷、牛筋腩、牛柳三款牛肉，咖喱惹味、飯底香脆，好有層次感。 🏅豉汁薑蔥蒸䱽魚魚肉滑溜、無腥味，豉汁同薑蔥味道剛好，不搶味又夠提鮮。 🏅三色蒸水蛋滑得嚟又有蛋香，賣相靚，鹹蛋、皮蛋同雞蛋比例啱啱好。例湯有得揀老火湯或羅宋湯，各有風味。飲品選擇多，凍檸茶、奶茶、檸水等都有。最後來個開心果葡撻，外皮酥香、餡料香濃，為一餐畫上完美句號。想歎小菜又唔想煮，金記係個唔錯嘅選擇。…查看更多

來到香港仔實力派金記冰室，餐廳很大很闊落，坐起來很舒服，而且還有大圓枱多人不用分桌子坐，可以圍迷一起也可以來吃👍👍👍👍性價比的確很高，多人食也不一定要去酒樓了！晚上八點之後還有特價宵夜套餐❇️羅宋湯裏面的蔬菜很足料，酸酸很開胃❇️重慶口水雞雞肉肉質嫩滑，麻感和辣味交集，令人食指大開❇️鐵板香草羊架意粉燒汁羊肉香氣十足，但沒有騷味，配上紅酒燒汁，味道濃郁，肉質鮮嫩❇️金銀蛋上湯浸時菜很健康美味的菜式❇️紅豆冰，凍檸檬可樂紅豆粒粒分明，咬下去有一定的顆粒感…查看更多

每逢星期日我哋都會去「金記冰室」食午餐～可以話係我哋嘅飯堂嚟！我最鐘意叫佢地嘅午市套餐！沙薑無骨雞配白飯係我最常叫嘅，無骨雞食落啖啖肉，好香嘅沙薑味，雞肉嫩滑又唔肥膩，用沙薑醬汁撈埋熱辣辣嘅白飯，真係好好送飯！🌟 冰鎮菠蘿油佢哋嘅麵包係當日即焗，個菠蘿皮又香又脆，入面鬆軟，靈魂當然係中間嗰塊厚切牛油，預先冰鎮過，上枱時仲係凍冰冰，再夾入熱辣辣嘅菠蘿包，等牛油慢慢融化，大口咬落去，超級邪惡👿飲埋杯咸檸七，既解膩又消暑！…查看更多

《撚手鮮豬潤啫啫雞煲》香噴噴雞煲雞肉多得誇張 勁足料 淡淡肉 又juicy又鮮嫩加埋豬潤更加多一份Q彈沙沙口感味道濃郁惹味 好夠鍋氣.《酥皮蛋撻》外型呈星型好靚 有d似米紙整成 非常酥脆內餡蛋漿滑捋捋 蛋味香濃下午茶叫返個真係夠哂comfort .《紅豆冰》下午茶除左蛋撻 更加必不可少港式紅豆冰粒粒紅豆起沙 綿綿的 甜而不膩 三點三的治癒物.《粒粒金銀蛋上湯浸時蔬》撈飯一流既必點菜 白菜仔索哂湯汁特別鮮甜仲有皮蛋咸蛋黃 絕對可以食哂成碗飯.《海南雞飯》雞肉滑嫩多汁 最中意配埋黑豉油食油飯香氣四溢 食落輕盈唔覺好油膩…查看更多

兩個人去食飯 同行者食曬成個餐 我 嗰個餐都未嚟 我點左一個豬頸肉炒河 等咗好耐 都未來 我叫男夥記幫我跟下 佢冇應我 望咗我一眼就轉頭走🫣 跟住再叫 第一個女夥記叫我等等 因為佢同第二張枱落更單 咁我就叫第二個女夥記 第二個女夥記都係叫我等等 我直接同佢講 我叫咗個豬頸肉炒河等咗好耐都未嚟 佢回應我 等咗好耐 咁你取消佢啦 我再回應佢 取消佢？？ 佢就講 係呀唔等得你就取消佢啦 呢度係咁㗎 我就回應原來呢度叫嘢唔嚟就直接取消佢唔會同你跟一跟 跟住第一個女侍應 走埋嚟 佢都係話 係呀 呢度係咁㗎太耐就取消單啦 我回應佢 原來呢度係咁樣做生意 轉個頭佢又話同我去追一追個河粉 之後佢就捧住河粉過嚟喇😐…查看更多

今日喺南區遊車河，搵埋個田灣嘅朋友嚟下午茶。好少茶餐廳有自家制嘅麵包，佢嘅麵包蛋撻都幾好食，茶餐廳最緊要嗰杯奶茶，亦都好飲！其實係好多區都食過，係我經常會食嘅餐廳,好味！1.厚切豬扒真係夠晒分量！外皮脆卜卜，咬落肉汁滿，肉質嫩到唔會柴。配埋炒飯底同埋茄汁，一口落去超满足，食完成個人都精神晒！2.鮮牛油西多士真係香到爆！外皮脆內軟，牛油粒溶晒滲入面，蘸煉奶食，甜香夠滑，一口就上癮！3.馬來西亞炒烏冬夠鑊氣！烏冬彈牙掛滿醬，蝦同椰菜夠爽脆，微微辣勁惹味，食完仲想添！4.凍奶茶茶底夠濃醇，奶味滑溜唔會澀，冰粒唔多唔少，凍飲最啱解癮！係我嘅飯堂,經常會去嘅好地方！…查看更多

要數香港好食嘅茶餐廳都非金記莫屬，開咗咁多年依然屹立不倒係有佢嘅道理晚市嘅價錢好實惠，一家人嚟買幾個小菜share又一餐鮮茄焗豬扒飯$68同出邊連鎖快餐店嘅價錢差唔多金黃色嘅炒飯底再配酸甜嘅香茄醬汁，豬扒大大塊俾一層雞蛋包住，出邊再鋪芝士，正鐵板香草羊架配蒜蓉醬$108香草羊架有三大塊，勁厚肉又唔會成份酥波浪紋薯條熱辣辣即炸，仲有粟米同埋西蘭花，解吓膩金銀蛋浸時蔬$50小菜份量非常之多，叫咗一個金銀蛋時蔬share食開心果葡撻$12食完晚飯梗係要食吓甜品，葡撻甜甜地底層有少少開心果醬…查看更多

呢間冰室都開左好幾年，今日突然想落街食😂身為食雞愛好者嘅我，例牌廣式沙薑雞就緊係要整反碟啦，見到佢完全係比沙薑浸住，岩哂我😍初頭唔知佢有配埋飯，搞到我地又嗌埋咖喱厚切豬排飯同重量級足料厚切豬排飯🤦🏻‍♀️名乎其實，真係厚切，仲要超冧😱跟餐仲可以用$8分別加左紅豆冰同咸檸七，兩杯都完全係以前最正宗個隻傳統味道🤩再加左個田園咕嚕肉，啖啖肉，唔會成口粉成個皮🙂‍↕️最後又點少得食反個港式甜品做收尾！雖然已經夜媽媽，但都有得食鮮牛油粒粒西多士，好開心😋…查看更多

今日三個朋友約食下午茶，就揀過南區嘅中間點香港仔，金記夠曬大間，任坐唔嬲，我叫一個咖哩吉列豬扒飯，朋友嗌個豬扒炒公仔麵，另一個食份西多士，三樣嘢都好有水準，佢咖哩汁都係偏向馬拉既，椰香味重嘅，最重要就係個飯夠乾身，配合埋咖哩汁吉列豬扒就好好食，朋友嘅豬扒炒公仔麵都好有水準，炒得好乾身，配菜亦都好多，豬扒亦都多，西多士呢啲唔使講啦，水準之上啦，一座就個半鐘，冇人會有任何動作趕你走，下次如果有三五知己約食下午茶，都會繼續嚟呢度幫襯…查看更多

我喺金記冰室品嚐咗佢哋嘅招牌菜——芝士焗肉醬牛舌意粉。呢間位於香港香港仔南寧街嘅冰室，環境舒適，服務周到，令人印象深刻。首先，我點咗一份芝士焗肉醬牛舌意粉。呢道菜嘅賣相非常吸引人，金黃色嘅芝士覆蓋喺意粉上面，散發出陣陣香氣。一啖落去，芝士嘅濃郁同肉醬嘅鮮美完美融合，每一口都充滿咗滿足感。牛舌嘅口感非常嫩滑，同芝士同肉醬嘅搭配相得益彰，令人回味無窮。跟住，我點咗一杯凍檸檬茶。呢杯飲品嘅味道清新宜人，檸檬嘅酸味同茶嘅甘甜完美平衡，令人感到非常舒爽。而且，佢哋仲特別按照我嘅要求，少冰、一片檸檬、少甜，非常貼心。總括嚟講，金記冰室嘅食物質素非常高，無論係主菜定係飲品都非常出色。而且，佢哋嘅服務態度非常好，令人感到非常舒服。如果你鍾意食西餐，又想體驗一下香港嘅地道風味，咁金記冰室絕對係一個唔錯嘅選擇。…查看更多

這兩天一早都在香港仔金記吃早餐，本來沒有甚麼期望，只是簡單肚餓想醫肚，吃飽就算。但出乎意料有驚喜，我感覺服務員工作用心，有禮貌，主動幫助食客。我很欣賞，想獎勵這些帶給我快樂早晨的人。…查看更多

第一次食金記，都有少少被門外裝修吸引咗🤓 病咗吾舒服關係，第一時間諗起茶餐廳，因為有好多選擇🤩下午三點左右，入到餐廳都比較多人，有幾張枱揀，不過每張枱嘅空間都比較細，唔係話坐得舒服🙂‍↔️而Sofa同凳就有啲吾乾淨～最後揀咗一張坐低咗之後睇完餐牌就好快咁嗌咗兩個餐☺️首先，招牌鮮豬潤通粉，我覺得豬膶會熟咗少少，而通粉比較硬咗啲，但湯底都唔差，炒蛋和牛角包都幾好食。 熱啲就好啲🤓另外輕量皇牌咖喱吉列豬扒飯，咖喱汁都好好食，吉列豬扒都好新鮮，熱辣辣🤩 整體嚟講啲嘢食性價比都幾高，已經睇咗之後想嗌咩食😜 而且有好多分店可以揀 👍🏻…查看更多

香港仔的早餐選擇並不多，禁忌是其中一個我非常喜歡選擇的一個早餐。他獨有的豬膶公仔麵，令人一試難忘，雖然膽固醇感覺相對地高，但他的味道令我忘記了所有顧慮。通常在禮拜日的早上我都喜歡去金記吃早餐，因為他的份量尚算充足，豬膶公仔麵的早餐會配上炒蛋及多士以及一杯餐飲，吃完的時候會感到非常飽滿，而豬膶公仔麵就不用說了，他的豬潤和公仔麵非常配搭，還有一些薑絲和蔥，在冬天吃的時候會有一種暖暖的感覺，在胃裏形成一種舒服的暢快感。…查看更多

我不嬲都係金記嘅fans。 每逢 想食嘢只要見到有金記就一定會 幫襯.今晚去咗香港仔， 唔知食咩晚飯見到有金記， 我哋走咗入去食。標準晚餐有ABCDE....我揀咗B羅馬局龍脷柳飯老婆揀咗拍薑菜心炒牛肉.相信大家都知道 佢哋嘅 餐具喺 張枱嘅側邊櫃桶度攞.我落完單標準動作就準備攞餐具。一打開。。。。Wah請睇照片.見到隻鐵匙羹上面有塊乾咗嘅菜!!!!一睇到即唔開胃....金記喺我心目中，乾淨，企理，連鎖經營管理得非常好。真係唔知點解呢一間分店會搞成咁。好快脆我碗羅宋湯，同老婆碗中湯就到。羅宋湯-好多油 ，肥冧冧。 結果淨係撩曬啲菜出嚟食冇飲過個湯.中湯- 老婆話 冇味道好淡 好似溝咗水咁拍薑菜心炒牛肉到了， 牛肉炒得熟個頭， 一片就硬到死，一片就畀梳打粉搞到冇曬肉質。。 羅馬焗龍脷柳飯一嚟到我心諗，乜唔係焗飯？ 點解咁嘅。。 (我太天真了) 其實佢冇搞錯 ， 羅馬焗魚柳 +飯.... 龍脷柳有雪味 , 側邊啲 配菜 青到紅蘿蔔 凍凍地..總括嚟講 今日真係好失望.我覺得咁多間金記呢一間管理 有啲失水準.我不嬲都唔會畀負評...今日畀負評希望 佢將來會改進。…查看更多