金記冰室 (創紀之城五期(apm)) (已結業)

以前我係「金記冰室」嘅常客，但講緊佢仲喺德輔道西有店嘅時候，即係OK多年前😳。反而佢喺其他地方插旗之後，我就無咩幫襯過。星期六同呀媽近近哋去咗觀塘APM行街，佢見金記啲嘢食幾啱口味，所以就決定幫襯。可能由於係星期六下午茶時段嘅關係，我哋三點鐘去到要等位，但好彩都係等咗大約十五分鐘。有個好似係男經理嘅人負責安排入座，成件事順暢好多，連阿呀媽都讚佢落力👍。另外，佢EQ仲好好，有啲客人因為出入餐廳多於一次被要求再量體溫(好合理)，而發脾氣鬧佢，佢都仍然保持心平氣和嘅態度。餐廳環境大致上都唔錯，不過佢本身間舖嘅形狀係長方形，沿走廊而設，所以座位避免唔到都係有啲窄，但可接受😉。餐牌成本書咁厚，花多眼亂，外賣紙相對一目了然，哈哈。有選擇困難症嘅朋友會好煩惱吧😂！餐廳現時採用QR code落單，的確係幾方便，而且點嘢飲有特價嗰啲選項時，一加落購物車就識自動調節，無出錯。咁當然你唔自己落單，店員都好樂意幫你手寫落單。香港人喺電子化生活呢方面真係有啲落後🙈。炸雞髀配迷你西多士($44)，呢個係下午茶餐嚟。我估計餐廳一早諗過呢個組合點擺盤，從而採用呢隻長長嘅碟，有心思！兩樣食物均係🇭🇰香港茶記嘅皇牌。炸雞

$42深海吉列魚柳薯條/沙律就算係APM商場貴組就算係真深海魚柳就算係新鮮炸薯條就算係茶餐都冇理由得比銀仔大小小嘅魚柳到冇理由得唔夠20條薯條第一次幫襯就咁嘅體驗...

之前有食過，今日（14/9/2020）再來，枱面多了張QR CODE自動落單，咪試吓，點了2個午餐，但2杯飲品要各收$26，再看回午餐餐牌，明明寫連飲品，凍飲加$3，胡放棄自助落單，改叫侍應落單後見到有食客亦是一樣，都選擇叫侍應落單轉叫侍應落單是明智選擇，還送多一客餐湯，餐飲亦是熱飲免費，凍飲加$3點了午餐I~金記薄牛柳沙律配炒飯，牛柳好滑，好入味，好好食午餐G~無骨海南雞飯配油飯及老火湯，麻麻地，明明寫油飯，但來了白飯

上年食過月餅印象唔錯，呢日試吓金記嘅晚餐。晚餐嘅選擇好多，除咗有小菜之外，亦有鐵板餐、意粉，甚至係沙律，可謂應有盡有。.佢哋而家有一個七七折嘅家常二人餐，只需要$145。套餐包括一個粉麵飯，一個小菜，一碟時蔬，兩個餐湯，仲有兩杯嘢飲。佢哋嘅新鮮菠蘿生炒骨好有水準。除咗菠蘿之外亦有三色椒，點紅點綠，賣相吸引。醬汁酸甜開胃，豬肉炸過之後好香脆。.熱奶茶奶味香濃，而且口感香滑，係我鍾意嘅味道。.金記冰室觀塘觀塘道418號創紀之城五期(apm)6樓L6-1a &2號舖

係Apm又想食茶記真係無乜選擇 ，去左6樓食呢個金記冰室，晚市做緊既二人set有折，除返開每人$75左右，尚算可以但如果食其他就有點小貴，豐儉由人啦。野食方面，二人餐有乾炒牛河同咕嚕肉。牛河偏油，炒得不算好勻，有啲仲有白色，但份量都足。咕嚕肉比我想像中好食，炸皮好薄，肉質爽口有咬口，大塊，調味同甜酸醬都好唔錯，不花巧，好食。跟餐有湯，菜同飲品，奶茶好飲茶味足。菜都新鮮大條無hea你，湯就正常。Overall都算好食，但價錢就唔算抵食，但係商場入面都係呢啲價。

政府禁了晚市堂食，這天在觀塘apm的金記冰室買外賣回到家吃飯，外賣自取還可享折扣優惠。雖然有部分食物暫停供應，但本來選擇已經夠多，所以不怕揀不到心頭好。兩口子分別叫了一客晚市套餐和一份乾炒牛河。乾炒牛河炒的火候恰到好處，河粉口感很好，而且用料充足，牛肉分量也多，而且鮮美，性價比很高。晚市套餐是鮮茄蜜桃厚切豬扒焗飯，不喜歡飯的話，可以選擇意粉。豬扒焗飯坊間常見，但配以蜜桃感覺比較新鮮。水果入饌是個人喜歡的口味，甜甜的咩道，和鮮茄的酸味，形成很好的對比。豬扒大片得沒法完整放進錫紙盒內，要經切割，單是份量，絕對是值回票價。肉質口感也不錯，不會焗得太老，而且很入味。餐飲是熱檸茶，希望這種帶點苦澀的日子盡快過去。差點忘了介紹餐湯，是非常足料的羅宋湯。疫情期間，餐廳做足防疫措施，座位用透明膠布妥善分隔內，防疫也照顧了美觀。

同女朋友食lunch系列💕❤️難得放假 去接女朋友一齊食Lunch揀咗一間近佢公司嘅茶記 佢話平時都超級多人排隊 難得今日少人 所以就同佢食呢間入到去用QR code叫食野慳咗人手 同減少面對面接觸超多選擇 可以叫多汁多飯 或者少汁少飯 或者 少遊少鹽 好配合個人口味👍🏻一齊叫左個lunch set Set D馬來西亞咖喱牛舌飯送羅宋湯 飲凍奶茶另外叫咗個咖喱魚柳飯 唔包嘢飲所以冇叫不過加左多飯 睇落都唔係好多😂整體來講好高質👍🏻💕$107 /兩個人

疫情嚴重，所有食肆要在晚上六時到第二日零晨五時只可外賣，不準堂食。好似我這個無飯煮婦，原本每日係外面食。現在要買外賣了。每日都會找一些有折扣的餐廳。今日輪到APM6樓金記冰室了。外賣有77折。等候時間大概10分鐘。在等候時，四周圍望望餐廳環境，見到有自動探測體溫器，有消毒洗手液，仲有口罩套買今日叫了3個餸，每個餸會用透明厚質地食物盒入好的。中式牛柳$82~77折後$63牛柳有5件，每件size接近手掌咁大（不計手指）牛柳肉夠淋，肉汁有香甜蜜桃味，再加上香甜洋蔥。好味風沙炸豆腐$73~77折後$56一碟有8件，每件長長的豆腐，外皮金黃脆卜卜，咬開見到雪香軟滑豆腐，豆味濃。食落完全沒有熱氣感覺。XO醬蝦球炒西蘭花$75~77折後$57蝦球有4粒，蝦肉大大粒，蝦肉爽脆，西蘭花又夠淋。雖然用了XO醬炒，但不會辣只會香口。

係現時疫情底下，餐廳嘅衛生，坐位之間嘅距離、空間感，成為咗十分重要嘅一項指標。哩間餐廳喺相隔較近嘅坐位之間都有加塊透明膠作間隔，食客食得都算放心❤️拍薑菜心炒牛肉個人覺得炒得幾好，女朋友嫌油咗少少，上面有圖，油唔油交比你哋自己判斷下啦😂$72蚊，唔包飯、湯、嘢飲，轉套餐要另加$15元稍貴💸口水雞套餐$69包飯、包湯、包嘢飲水準正常，我自己係收貨嘅👌不過食完個晚有啲口渴，應該加咗唔少調味料啦🤔

來到金記冰室、無論食物或環境都是走懷舊風的、但竟是以電子iPad 下單、快捷方便。海南雞飯 雞肉算嫩滑、啖啖肉、蘸上醬汁伴油雞就最夾。晚餐另外附送老火湯～跟餐可轉配特飲 - 鹹檸七。順帶一提這裡竟然還有滾水蛋和牛肉汁那麼經典的飲品、不過個人就不太敢嘗試了😆金磚風沙炸豆腐$73 賣相幾吸引、外面炸得香脆、入面豆腐嫩滑、味道不錯。加配的油菜、份量不少。很喜歡杏仁茶、基本上每次見到必點、這裡的蛋白杏仁茶 口感綿感濃郁、有唔少蛋白在裡面、暖暖地好滋潤。

-前一牌喺APM行街，之後揀咗比較平嘅金記食，點知質素都OK喎！嗰日叫咗黑椒牛舌粒炒飯，簡單啲來講就係快靚正，牛舌粒份量係幾多，炒得都算幾乾身，唔算太辣，個個都食得到！茶餐廳來講都一定要食焗豬扒飯，呢度嘅豬扒飯仲可以轉成吉列豬扒，炸得香脆而且勁大塊，番茄醬再加埋炒飯底真係一流！見好耐冇食，所以我哋都叫咗一個鐵板西冷牛扒，不過可能咁啱我嗰塊鐵板就唔係太夠溫度，所以都冇話嗰種好澎湃嘅sasa聲，如果下次可以熱啲就更好！佢呢度仲有好多特色嘅飲品，包括係冇冰奶茶同埋雪糕紅豆冰，奶茶募兵顯得更加香濃，雪糕紅豆冰就係一種懷舊嘅味道，都值得一叫！總括來講，以茶餐廳嘅質素嚟睇，佢都算係唔錯，而且價錢合理，喺APM來講都算抵食！同埋啲店員態度都唔錯！

最近吃過這家的雞腿，覺得味道很出色，所以這天經過便外賣數款不同組合的雞腿套餐。下午茶時段特別抵食。首先是炸腿即食麵。即食麵味道正常，但我很欣賞餐廳把湯及麵條分開包裝的心思，這樣做吃的時候麵條既不會太軟，亦不會太鹹。炸雞腿方面，我覺得外皮未夠香脆，不過整體味道合適，雞肉亦算細嫩。接著是炸雞腿西多士。西多士整體來說，不算是非常油膩。一個人吃的話，品嚐半份，再加上炸腿，已經是非常滿足的下午茶餐！最後是炸雞腿焗飯。我當日沒有吃飯，但朋友說醬汁份量剛好，而且味道不錯。

上次食完外賣之後，今次去另一間分店食堂食，睇下佢係唔係間間都咁好味 我先坐低叫餸，男朋友去左廁所，叫我叫定唔駛佢等。scan完佢個qr code點菜，到菜都上埋佢都未返到，碟餸香到我都唔想等佢，忍唔住要偷食。究竟係咩咁香呢，就係我上一次都有點嘅XO醬蝦球炒西蘭花，同埋豉香肉碎韭菜花粉絲煲。炒西蘭花無論係外賣定堂食都係咁正，蝦球爽口彈牙仲有xo醬嘅微辣。個煲又新鮮滾熱辣，除咗有韭菜花肉碎之外佢有好多種菇，粉絲同所有餸都吸晒d汁，撈白飯食無得輸。仲叫左地道霸王雞，隻雞好嫰滑，夾埋蔥花一齊食，啖啖肉，好味。呢個價錢有呢個質素，仲要快靚正，一定再黎。

APM推出各式泊車優惠，這天順路便過來吃晚飯。 店鋪可以用手機落單，大部分食品和飲品都可註明個人口味，如少辣，少甜，很貼心又人性化的服務。涼瓜炆牛肉，加$15可轉套餐，配老火湯，白飯和飲品。涼瓜本身帶淡淡苦味，但吸收了牛肉的肉汁令涼瓜苦而不澀，甘甘涼涼的感覺很惹味。牛肉很鬆化，菇類和三色椒也夠炒得入味。是日老火湯是鮮奶粟米煲雞腳湯，清新又健康的配搭，味道細膩清甜。無骨海南雞套餐配老火湯和飲品，還可選澤油飯，倍增滋味。雞肉嫩滑非常，無骨啖啖肉吃得過癮，雞皮的油脂散發在口腔，滋味得來也不會感覺肥膩。蘸一些黑醬油和薑蓉配飯吃，黑醬油較一般醬油濃稠，也比較不鹹。餐廳連醬料都講究非常，夠正宗，誠意十足。另外還點了一碟XO醬蝦球炒西蘭花，蝦仁爽口，大大隻咬下去很有口感，配上蔬菜菇類和XO醬，有鑊氣得來也不會太辣。飲品分別點了凍朱古力和凍檸茶，見凍朱古力口味方面有"濃D"選擇，便試試看，果然夠香濃，下次一定要再encore。點了一份金粒西多配雪糕作為甜品，即點即做，確保西多外脆內軟西多分成小件方便進食，配煉奶和雲呢拿雪糕，奶香十足，雪糕也能一解膩氣。

發現咗一間香港老牌茶餐廳， 開咗係觀塘APM非常就腳，雖然疫情關係， 餐廳生意都唔錯，仍然坐滿人。 金牌乾炒牛河(65元) 乾炒牛河用個鑊上，賣相唔錯，牛肉炒得好香，味道都唔錯。 鐵板西冷牛扒(108元) 點咗七成熟西冷牛扒， 切開有少少粉紅色剛剛好， 牛扒分量好大但鐵板較細，有啲影響賣相，但噉嘅價錢都算係咁上下喇。 羅宋湯(7元) 羅宋湯一般餐廳水準。 棉滑蛋白杏仁茶(30元) 蛋白杏仁茶有成個蛋白在裏邊，餐後幾好嘅甜品。 無冰奶茶(28元) 無冰凍奶茶原汁原味又能享受無冰嘅涼快唔錯唔錯。