金記冰室 (建新中心)

營業中

休息中

金記既食物質素一向都唔會太差，最鍾意食佢D茶餐，不過今次晚市茶餐賣曬，就Order左個吉列魚柳配薯仔沙律😉個魚柳好大塊，岩岩炸起，外脆內嫩，非常好食，沙律都好新鮮，份量又夠，正!

九龍塘用餐，若不介意從港鐵站步行一段路的話，可以走到去建新中心。這天晚上，就去了金記冰室用餐。餐廳可以使用二維碼落單，也可以請侍應過來幫忙。這天不太肚餓，所以沒有點飯餐，但又被不同類型的食物吸引，於是組成了以下一個相當奇怪的組合：金記生炸雞髀配沙律雞髀即叫即炸，所以需要一點時間，但勝在熱騰騰的，最有滋味，外邊香脆，內裏保留了雞肉肉汁和嫩滑口感。沙律冰冷的觸感和熱騰騰的炸髀形成強烈對比，份量夠多，確保飽肚。加配餐湯上品人蔘雞湯人蔘香味四溢，感覺非常健康。湯料非常充足，真材實料。味道清甜，值回票價。黑牛朱古力雪糕配上可口可樂，滋味滿分，相信是大人小朋友也會很喜歡的一款飲品和甜品。能夠有這麼中西合璧的一餐，大概只能在冰室找到。

前一晚留喺學校留到好夜 所以一朝早就喺附近買早餐嚟食咁我同朋友就揀咗金記冰室 我就叫咗一份三文治加番茄通心粉.三文治🥪中間夾住蛋🥚 個包食落去好鬆軟整體食落去就普普通通一份三文治🥪😂.蕃茄通心粉 通心粉份量唔算太多 所以如果早餐淨係食應該唔夠飽 我食埋個三文治再飲杯嘢飲就差唔多😂蕃茄湯唔算太重口味 入邊有好多番茄皮😂成個套餐冇乜特別有特色,印象中好似係40幾蚊,都算係普普通通茶餐廳早餐嘅價錢了😌🙈

去浸會醫院探病後，想找個地方速食，醫院對面就系「金記冰室」立即衝入去，即有位。「金記冰室」我都試過吾少分店，這間明顯比較舊一點，感覺有啲歷史。下午茶時段當然最經濟是揀下午茶餐。熱狗併沙律配熱奶茶蛋白三文魚烘底配熱央熱狗併沙律先講份沙律，除咗薯仔仲有幾粒粟米咁大把，感覺好求其。熱狗都係正常嘢，但又吾明點解放一大pet 沙律醬，由其沙律醬一般都酸味重，正接影響味道。蛋白三文魚烘底依份三文冶先過份，一打開餡睇吓，喂呀，蛋白薄如紙，三文魚在那？！原來要戴返眼鏡先見到，做生意使唔使賺到咁盡！熱奶茶：茶味不足，又吾滑。熱央： 溝左即磨咖啡，味道較濃郁一點，但稱不上好飲。今次希望只係個別事件。

諗住係晚餐前填一填肚就隨便入去諗住食個茶餐想西多士但係冇西多士餐得同雞髀雞翼交埋有迷你西多士就唯有單叫啦一個西多士唔包野飲要價35蚊但係係完全勁普通雖然係即炸但係食落同大家樂大快活二十幾嘅西多士加雞翼仲包野飲完全一樣質素因為好口渴就叫埋一杯野飲啦盛惠22蚊如果唔係浸大附近冇野飲我真係唔會買又貴又一般叫左凍檸檬菜蜜得一片檸檬 真係好孤寒然後菜蜜一飲落去就係同水2:8比菜蜜2水8 勁淡😅😅😅埋單57蚊 但好似咩都冇食到入去

这家店是同学推荐的，一直想去，前两天终于有机会去上了，店面不小但也不算很大，人多的时候会没位置或者是需要拼桌，好在我去时，正好有一桌客人撤了，位置还不小，点了一份同学当时吃的且推荐的干炒牛河，虽然不算很便宜，但是味道超级赞，服务来看，我本来想点咖喱猪扒饭，看选项不知道扣底和多底，问店员时，非常耐心给我解释，不过后来还是想吃同学推荐，这个就下次再尝试叭。

接咗個朋友放學之後唔知食咩好 然後同我推介依間茶餐廳好多大學生都會去食 見啲餐都幾吸引同價錢相宜所以就入咗去😻同朋友分別各點咗個鐵板香煎雞扒拼吉列魚柳薯菜（燒汁）同埋金記生炸雞翼配沙律🥗我地點嘅餐都會附送餐湯，兩款湯都好高質👍🏻上到檯個陣已經聽到炸炸聲，落埋燒汁就更加冇得頂😼 雞排同魚柳都好大塊😻😻 雖然我個陣勁肚餓但係都差啲食唔曬😹 雞排肉勁厚，但一啲都唔「鞋」之餘仲要好嫩滑😽 連埋多汁嘅雞皮一齊食真係冇得頂😻 吉列魚柳煎得好香脆，而且一條魚骨都冇，超級欣賞👍🏻👍🏻我朋友因為冇咩胃口所以點咗雞翼沙律，但佢都食得曬因為味道好開胃，雞翼大大隻，配埋健康嘅沙律感覺冇咁邪惡😹😹我仲點咗杯雪糕紅豆冰，雪糕係我最愛嘅雲呢拿味😻 紅豆大大粒，又唔會過甜，成杯嘢都整得好好呢！晚市每人平均只係食咗80蚊，對於大學生嚟講真係一間性價比超高嘅餐廳！

自從疫情之後已經好耐冇去過浸大搵老友打波，今日收早去搵佢但又未放工，所以我就係附近搵野食。見到建新中心開左間金記冰室，裝修又幾特別，所以就入去食個late lunch，邊食邊等。😁九龍塘呢間金記冰室裝修走懷舊風，店內金色招牌相當搶眼，樓底高加上有近半座位都係窗邊卡位，整體感覺好舒適。😗我先點左咖喱牛肉飯配凍檸檬哥喇食住等，老友收工時雖然已經食左飯，都加左件沙嗲牛肉軍艦share，兩樣野加埋超多牛肉。😆凍檸檬哥喇 $11樽裝嘅哥喇真係好經典，同呢間金記裝修特別夾，配以檸檬冰底，味道十分令人懷念。😌咖喱牛肉飯 $58我特別鍾意金記嘅咖喱汁，洋蔥味好重，充滿洋蔥嘅甜味，薯仔亦都非常入味，唔會太辣，牛肉軟腍多汁，份量亦都好多。👍🏻沙嗲牛肉軍艦 $32軍艦嘅牛肉同樣好軟滑，沙嗲汁加左菠蘿，富有舊式冰室沙嗲牛肉飯嘅風味，麵包香軟，味道唔錯。😋埋單只係$100，好抵食。👍🏻

今日陪朋友去九龍塘睇啲野，睇完有少少肚餓，係附近搵野食，見這間茶記近近地，快快脆脆醫肚先。時間大約下午六點幾左右，諗住夜晚輕食啲，無咁易肥。點知想叫三文治餐，佢話無哂三文治。想叫蕃茄通心粉，又話無哂通粉米粉。😒心諗茶記無三文治又無通粉，仲算係一間茶記嗎？最後被迫叫左個西冷牛扒餐，牛扒唔算「那」得好勁，但都唔算好有牛味，味道一般。薯條🍟分開上，無被鐵板整淋哂，還保持香脆。抹茶紅豆冰，飲唔到抹茶味，紅豆夠淋，味道可以。

終於都食到好脆皮嘅炸髀喇！之前都叫過一次金記炸髀下午茶外賣，但拎到返公司，隻炸髀都喺食物盒焗咗陣⋯⋯個皮硬硬哋⋯⋯⋯⋯唔係咁好食，今次堂食！嬴返晒呀！正！！！！！！！！除咗每次午市都有排等之外，其他都好滿意呀！講講吓，又想食炸髀了！！！🤤🤤

冰室之中，「金記」係我地頭三位之選，主要是分店多之餘，質素穩定，同一分店或不同分店味道都不會太大差別每次既味道都令人十分滿意！價錢經濟，份量足，選擇多，都是令人回頭原因餐湯好足料，飲完沒有口乾，味道很有住家風味椒鹽豬扒基本每次必點，蒜香夠惹味，豬扒夠淋，口感帶少少濕潤，非常完美咕嚕肉酸度適中，肉球脆口，外皮不厚粉，是薄脆那種酸酸甜甜很開胃！涼瓜菜脯煎蛋角涼瓜帶一點點甘苦，可以解一下肉膩XO醬雞扒炒烏冬可以選雞扒、豬扒、還有海鮮，而且更可以選少油，非常貼心烏冬炒得非常有鑊氣，色香味俱全！整體食物一如以往令人滿意，服務亦很好，用apps落單亦好方便，少油少甜檸檬幾片檸檬都可以自己揀

今天路經九龍塘，順道到附近的建新中心的「金記冰室」吃晚餐。這裏懷舊的裝修，木框、階磚，都是上世紀三、四十年代的風格，彷彿時光倒流八十年。還有很特色的咪形枱燈，是廣播道五台山的特色吧！看過餐牌後，我們點了“自選二人小菜”,有飯，有餸，有湯，有飲品。“客家沙薑雞”，雞肉嫩滑，沙薑粉又入味，非常可口。“新鮮菠蘿咕嚕肉”，咕嚕肉不肥膩，炸得爽口，配上新鮮菠蘿，酸甜開胃。“老火湯”，足料老火湯，材料有豬骨、雞腳、木瓜、菌菇......等，味道濃郁。餐飲當然不能少了我最喜愛的香濃咖啡。吃過味道不錯，份量又多，我還買了個外賣回家慢慢品嚐。外賣“鮮茄濃汁焗豬扒飯”，豬扒厚切,大大塊的，茄汁都很美味。

今日有事要去九龍塘，辦完後，循例到附近吃頓晚飯才回家。唔想喺又一城搵食，嚟咗建新中心地下呢間「金記冰室」，貪佢食物選擇夠多，小菜、鐵板、焗飯、歐陸餐等等，樣樣有齊，中西兼備，啱晒我倆心水。一坐低就即刻點咗個自選小菜餐 ($168)，另外再加咗碟椒鹽豬扒 ($78)。套餐包 2 款小菜、老火湯、白飯及飲品，轉凍飲 +$3。是日老火湯為老黃瓜豬骨湯，湯水鹹淡適中，入口清甜不寡，不但清熱解毒，而且祛濕利尿，捱夜最啱。XO 醬蝦球炒西蘭花味道不錯，炒得好夠鑊氣，蝦仁勁大隻，爽囗彈牙。西蘭花色澤翠綠，入口清爽美味，​好吃又下飯。新鮮菠蘿咕嚕賣相亦很吸引，咕嚕肉炸得非常鬆化，咬下外脆內軟，面頭的甜酸汁調校得啱啱好，乾身得來入口又唔會有乾涸感，大廚功力表露無遺，加上選用了新鮮菠蘿，令菜式更加清甜可口。椒鹽豬扒口感亦甚佳，豬扒半肥瘦，肉質鬆軟多汁，伴隨著香脆的炸蒜，入口微辣，散發出陣陣椒鹽的鹹香，用嚟佐飯一流。本來仲想點客西多做甜品，可惜已經售罄，不過啲小炒水準真係唔錯，整體嚟講都食得好滿意。

今日嚟到九龍塘呢間冰室，一直都聽過，不過未有機會食到。最深刻就係餐廳嘅佈置，非常懷舊特別，幾有心思吊燈用黑膠唱片形狀組成，懷舊嘅味道，令人覺得去咗80年代。餐廳內仲有啲燈箱，上邊顯示以前啲電台節目名。枱上有個咪座，係燈飾嚟嘅，但係整到好似枝咪咁。牆壁用錄音帶組成。個杯就有啲字係上邊，寫着多謝你飲我，哈哈。我哋點左二人套餐，包兩杯嘢飲、兩碗湯、兩個餸，同埋兩碗白飯。個湯好夠味，唔似一般開滾水或者得啲味精。霸王雞，雞肉嫩滑，賣相金黃，薑蔥都幾多。椒鹽豬扒，份量好多，豬扒肉質幾鬆化，而且熱辣辣。蒜蓉菜心，好甜好滑，可能季節幾合適。蛋白杏仁茶味道好香，蛋白份量好多，幾濃嘅杏仁味。餐廳職員招呼都幾熱情，座位亦算幾寬躺，整體感覺唔錯。

揸車來呢間金記唔易，因為金城道要等咪錶都要啲時間。今日好運，3分鐘有車位。點知金記又要等位！weekday喎，8:10咋喎⋯⋯照舊，要沙爹牛肉麵＋多士＋奄列轉炒蛋。$38加凍飲$3就得。要大大力讚吓佢地個落單app，勁多options選項，例如麵可以揀「淋D」、「爽D」，凍檸茶有得自己揀「少冰」，多士可以揀「多油」、「多烘」等等，好過逐樣要店員人手備註。牛肉麵夠爽，浸耐咗都唔會太淋，牛肉味濃汁香，好快又食晒一碟。炒蛋好滑，掂吖！多士我揀多烘多油，如實做齊，夠燶夠脆。要備註：呢間金記嘅檸茶係偏甜，唔想咁甜一定要自選時揀少甜先得。