金裝燉奶佬餐廳 (已結業)

午餐時間搵間坐得舒服的食，見燉奶佬推出左多款午餐，今日試左香茅豬扒太陽蛋餐$52 餐飲仲有一杯薏米檸蜜。我估唔到禁大份，仲有西式沙律菜伴碟賣相真係無得頂，2塊豬扒有我塊臉禁大，炸得香口肉唔韌，不過香茅味不覺，呢隻蛋亦煎得好靚，成碟飯造型都講究左，真心覺得燉奶佬進步起來，套餐可以張飲品免費轉糖水，仲有+2元有2隻瑞士雞翼添，開飯唔錯選擇。你睇下2塊豬扒幾夠份量，配上甜豉油，真的好好味。杯飲品忘了影相，菜蜜加一片檸檬，杯底有少量薏米，加左薏米水感覺有去濕排水功效，好似健康左

Had a rather simple grilled eel omelette which was very nice. Other choices look good too. English menu available.

午膳於金裝燉奶佬，店內環境衛生情況一般。一份午餐約四十餘元起，和附近茶記差不多。這客台式肉燥豬軟骨鹵豆腐飯，肉燥汁口味合預期，豬軟骨口感略鞋，味道一般。鹵豆腐亦不算香滑。總評合格評分。

這店位於湾仔街市中, 不覺為然, 茶餐廳也有饅魚飯, 價錢適中, 那就試試吧。北海道帆立貝鰻魚鍋飯: 鍋飯送上是熱辣辣的, 一邊吃, 飯也是熱的, 冬天食為皆。鰻魚大大件, 沒有魚是腥味, 有魚香, 配上點點燒汁很不錯, 可是燒得略焦, 不過還可入口。炒飯底飯軟硬適中, 味道不會太鹹, 不會蓋過海鮮味。 紅豆奶茶味有甸: 不覺有奶茶味, 是被紅豆蓋過吧, 略甜。

早上我多數去呢間餐廳食早餐, 食物同價錢都算OK. 這晚夜收工, 見到他們的晚餐memu都幾吸引, 我大約在8点14分落單點了一道菜(翠玉瓜豬排)，等了大約20分鐘還末有，但大部分遲過我入來的食客都已經上了菜，我便叫了其中一位女侍應幫我跟單, 看看有沒有漏單，她在電腦前睇睇就繼續做她的工作，也沒有和我講落單的情況，我又等了幾分鐘，再問那位女侍應生，我的食物幾時會有，她用十分惡劣的態度指責我，只不過等左20分鐘吧！等唔到咪走囉，聽到這些說話的人都不會再坐係度等食吧？我其後(約15分鐘)折返回店舖想要他們的投訴電話，我並無打算再和她理論，正當他們的一位男侍應在寫她的名字給我時，那位態度惡劣的女侍應見到我，登大隻眼，大大聲叫左好幾次叫我走啦仲唔走！快d去投訴呀!餐廳內的食客都十分驚訝她的叫囂。 

中午熱辣辣，路經呢間餐廳走左入黎食糖水得7個款既糖水圖好吸引叫左一個雜果涼粉西米露一個綠豆西米露…………………好快就到左但賣相…有少少唔吸引食落幾好味嫁西米軟得黎仲可以有咬口感綠豆沙食得出有薄荷葉既香味但唔會太出可惜佢海帶好少好少雜果都係黎自罐頭冇評語

今晚剛去完灣仔摩利臣山游水, 路經金裝燉奶佬餐廳, 望入去光鮮明亮, 裝修很新淨, 感覺不錯, 於是入內找個卡位.  座位也闊落, 比一般茶餐廳整潔.  店內的侍應很年青, 態度友善, 是茶餐廳少見.我們看看餐牌, 及牆上推介, 價錢理想. 我們選了印尼炒飯 (店長推介), 有雞翼, 蛋, 有大蝦, 火腿絲,  洋蔥, 紅,青椒絲,  顏色組合美, 炒得香口,雞翼和蝦很大隻, 蛋也不太熟.  雖然沒有傳統印尼炒飯的串燒和蝦片, 以此價錢, 著實也可接受.加多 $5 可加糖水, 我們選了腐竹百合雞蛋糖水, 不太甜又有蛋, 品質好, 超值.另外我朋友點了, 黑松露卡邦意粉套餐: 有羅宋湯和餐茶.黑松露份量算多, 有香味, 意粉夠稔好入口, 意粉汁煮得夠 creamy，奶味適中，加上煙肉鹹香同黑松露獨香味, 吃來滿意. 羅宋湯, 味道適中, 但不夠熱.餐茶, 我選了熱檸水, 檸檬鮮味. 這個晚餐不過不失 OK !!抵食兩位共 $119.

今日下午我們去咗灣仔活道嘅「金裝燉奶佬餐廳」食下午茶！我們叫咗照燒鰻魚海鮮讚岐烏冬、炸鷄脾配薯角同炸鷄脾配咖吔西多士加配粟米火腿扭扭粉！照燒鰻魚海鮮讚岐烏冬嘅鰻魚都幾大塊，肉質好嫩滑同厚身，帆立貝好爽甜彈牙，蝦肉亦幾爽口彈牙，而烏冬就比較諗身咗啲，唔係好彈牙！炸鷄脾配薯角同炸鷄脾配咖吔西多士嘅炸鷄脾炸好香脆，肉質好嫩滑！薯角炸得都算乾身，唔會好油淋淋！咖吔西多士炸得金黃香脆鬆軟，味道好香甜！另外加配嘅粟米火腿扭扭粉嘅扭扭粉亦係比較腍身，唔係好彈牙，而火腿嘅份量都算多！

是日工作忙碌，各位同事都忙到下午茶餐先得閒去食嘢，有同事建議一齊去呢間金裝燉奶佬，覺得佢選擇夠多又唔太貴，值得推薦。ABCD君一齊殺到～～首先，本人嗜辣，見到川味兩個字已經完全吸引曬我眼球，於是要咗個川味口水雞，果然不失所望，整個餐有湯有菜有飯，見到已經令人食慾大增，雞係雞腿同雞胸部份，肉質滑而且夠入味，而最令人喜愛嘅竟然係d辣椒醬，醬料有黃豆及辣椒等，醃製得很合胃口，可以用來餸飯，我食完一碗飯仲有辣椒醬多添，真係足料到抵！而跟餐嘅飲品，香檸薏米菜蜜亦毫不馬虎！大大片檸檬下面👇各位各位，有冇見到d大大粒嘅薏米啊？話說薏米功效係去水腫，最適合一日坐到黑嘅寫字樓一族，加上可以美白，真係女人恩物呀！呢間餐廳，真係為顧客設想周到，讚！我比呢個餐嘅評價值情可以係滿分！之後睇下同事A嘅鰻魚豬軟骨炒飯，如圖所見，有玉米粒、紅蘿蔔粒，鰻魚碎，還有，d肉碎，食落真係唔係好似豬軟骨，當然係豬肉嚟，沒有預期咁好味。不過個餐配個西式忌廉湯，有火腿，玉米，d湯水唔會太傑又唔會太鹹，味道剛剛好！而同事B就話餓過龍，冇咩胃口，唯有叫個沙律塞塞就算，不過個沙律，亦冇令佢失望～雞扒亦亦腿位，份量不很大。而個沙律有蘋果、

燉奶佬喺香港都有一段時間啦，兩三年都有啦。初頭開果陣真係鬼咁難食，個糖水簡直係就咁白糖加水，一啲煲過既味道都冇。但佢個menu一直都好多野簡，咩野風味都有啲，好似台式肉燥、日式拉麵等等都有。近排由於新年。想食既餐廳都未開市，所以唯有走入去燉奶佬幫襯。 我覺得呢度有個staff好冇禮貌，男人、高高、啡髮、冇眼鏡。事關我叫左個炒烏冬30分鍾都未黎，於是我話「唔該幫我追追，個烏冬好耐架啦。」。佢望一望我，答都唔答就行開左。大佬呀，冇得食已好慘，好心就應下我啦。事後佢有冇幫我跟更加不得而知…其實當時個場都仲有好多空位，佢一啲都唔忙，咁點解連應我一句都咁辛苦？首先黎既係葡汁雞球飯，個汁唔錯，幾creamy!而入面啲配菜都幾入味，尤其是個甘荀係爽口既。但主角雞球真心完全唔得 ！食落好大陣雪藏味，啲肉咬落仲有血絲添。搞到我食曬其他野、剩低曬啲雞肉喺個碟入面，因為太難食啦。就算係個汁咁濃都cover唔到陣雪腥味，可想而知有幾唔新鮮。之後個沙丹咖哩豬扒辣到噴火！我食左一啖，真係連飯都噴埋出黎。其實我已經係算食得辣果種人，都搞成咁…不過同枱另一個人食得津津有味，可能口味問題啦(服了他=_=)。In sho

日日都要搵地方食午飯，今日去左燉奶佬度開餐，嘩！乜咁多人等位既，無辦法啦，度度都要等位架喇，等左20分鐘先有位，招牌咖哩牛筋腩河，牛筋腩夠淋好味，招牌泰式公司飯多料又好味，豬頸肉唔太肥、雞翼香脆、豬扒及煎蛋都好味！

自從體檢驗出有脂肪肝，家母每朝都會為小肥煮製健康美食帶返公司食。點知細佬有一日，朝早忙著出門口之際，竟然大頭蝦到遺留咗份午餐喺屋企，嗰日除咗激嬲咗媽咪之外，中午當然係要落街搵野食啦 ！結果就同靚仔經理求其去咗附近一家茶餐廳「金裝燉奶佬」，食咗份午市套餐。灣仔道嗰間「金裝燉奶佬」同其位於福和街間分店o既間隔差唔多，感覺好方形，大多以兩至四人枱為主。散座黃色o既厚墊櫈令餐廳望落去更光鮮明亮，而且亦都幾好坐，不過最好可以坐到卡位，享用更多o既私人空間。燉奶佬地方雖然談不上一塵不染，但總比一般茶餐廳乾淨企理。店內o既伙計大多為後生仔女，態度唔可以話十分友善，不過手腳都算快。午飯時間只有一個鐘，所以我地每人都係叫咗份精選午餐。 精選午餐之白汁野菌雞皇飯（$41）：白汁野菌雞皇飯可以話係不過不失，野菌爽脆，雞胸件一啲都唔嚡，只係層外皮有少少硬，白汁味道香甜，問題係個汁杰得滯，同埋整體唔夠熱。 精選午餐之餐湯：中湯為老火湯，西湯則為羅宋湯，睇相就知兩款都幾油，而且好浠，又冇乜料，早知叫杯咖啡飲好過 。「金裝燉奶佬」午市主要做附近寫字樓工作人士o既生意，地方比一般茶餐廳較為舒適，食物質素唔算好

星期五, 又係周圍試食的日子, 今次選了這間因為夠近。入到去, 都幾滿幾多人, 看著餐牌, 都係叫餐抵食, 只係...得午餐, 無快餐...-.-"點了個咕嚕雞飯, 無太多的期待吧。飯好快就到了, 個汁超多, 勁紅....重點係...好酸...-.-" 雞炸得可以, 有肉汁, 又唔會太乾, 這個可以收貨吧。飯都算幾多, 計咪凍飲$42算係禁了。後話, 我見到對面枱叫咗個黑椒豬扒飲, 個汁勁到呢.....多到呢.....我見到都唔想食, 太多汁, 真係唔係好健康.....真係...

今晚去咗灣仔食飯。岩岩經過金裝燉奶佬，就入去試吓。唉，真係令人大跌眼鏡！叫咗個咖哩海鮮炒飯，第一啖食落去，就覺得淡而無味。個飯根本冇咩味，得D咖哩粉啲少少味，唔甜，唔咸，唔酸，更加唔好話辣。好喇，講到海鮮—雪藏魚味！講真，食到呢到，真係好火大！其實，我都唔想好似講到一D優點都冇，奈何，真係講唔出。本人極度唔推薦金裝燉奶佬！

一想起食喇沙, 必定推介燉奶佬雖然午市時段人流較多, 但真係物有所值除左足料之外, 佢地ge湯底真係好味到暈~微辣之中帶點椰香豬扒份量十足, 加上小許蒜粒及花生粒作調味…一絕!!面質方面唔會太淋剛剛好, 加埋喇沙湯一齊食…amazing配菜方面仲有滷蛋同菜, Lunch黎講呢個份量都足夠果腹