金蘋菓餅店

營業中

休息中

那些年我們吃著金蘋果長大是晚係小妹的生日飯，表妹送來美味的蛋糕十萬個驚喜..是可愛的Pooh仔^__^黑森林蛋糕 - 味道剛好又不太甜，唔會好漏，蛋糕好軟熟Cream也打得好香質素同大型餅店比不會遜色，而且生果也很新鮮。重點是我們一家人的集體回憶多謝表妹...So Sweet

呢間蛋糕店應該好耐歷史，店面比較舊，但我去到見到都幾多人買芒果蛋糕..其他我就未食過，不過應該最出名都係芒果蛋糕呢..我去到啱啱最後嗰個1磅裝俾人買咗，要等幾分鐘(仲好..我估應該仲新鮮啲...hehe)，個蛋糕啲cream好滑加上海綿蛋糕好好食..有時家人生日仲會買2磅裝(10個人左右，可能因為我都要食幾大件啦)先夠食...1磅裝都係HK$10X蚊..抵食又好食

我到現場是時間是平日的下午.呢間餅店卻擠滿買餅的人.而我只是1個人食.絕對無可能買一磅的蛋榚....唯有買1件8.5元的芒果蛋榚..芒果甜度不高.反而很香口.而蛋榚質地軟綿綿..總括比較淡口.側看蛋榚也層次分明...唔錯..食完也不覺好飽,一定會回頭

10月17日愛人生日,早在一星期已煩惱為佢整一個有驚喜的生日會! 首先係蛋糕問題! 一個對你重要的人你唔會生日當天求其買個蛋糕俾佢掛... ...於是上網搵個大家有共鳴的卡通角色"麵包超人" 上網見到麵包超人的蛋糕,用紙打印後拎去喺元朗比較有名氣的"金蘋果" 店員解釋若照住個圖整,一磅就需要$200,$200絕對接受到,只要喺此店買過蛋糕ge朋友都知,此店的1磅=其他店的1.5磅拎蛋糕當日,店員一拎出黎我已十分滿意地笑了,整得又似又可愛^^ 因要返公司接埋其他人去生日會,於是只好拎埋個蛋糕返去,有d同事一見到蛋糕盒已大讚此店蛋糕好食!!蛋糕要左芒果做內餡的,芒果好甜,一d酸都冇(定係我好彩食唔到酸嗰d呢) 上面的cream香甜軟滑,圍邊啡色的正以為係朱古力味,卻有點兒鹹鹹的味而且比較硬身左d,最後內裡的海綿蛋糕食得出有陣陣的蛋香,蛋糕、芒果同cream三樣野比較恰到好處,邊都唔搶邊個風頭!蛋糕有得加生日牌,我拎俾佢地睇個版本生日牌係長圓形的,但拎蛋糕的驚喜一刻係佢地將個生日牌轉左心形,由睇圖到落訂我都冇同佢地提過送俾邊個,可能係佢地見到我想寫喺生日牌上d字啦~~ 成份心思真係要俾10

10月的聚會, 又是愉快的一天. 套用會長的一句, 這天其實是國際美食節, 真的吃得大家應接不暇. 但我們竟然要其中一位生日的主角去買蛋糕, 還請我們吃, 妳實在太太太太客氣, 再一次謝謝妳.芒果蛋糕 $105: 8分, 蛋糕相當軟熟, 芒果相當足料, 不會太酸, 加上不少生果,份量十足. 雖然是簡單的芒果蛋糕, 但依然令大家好滿意.栗子蛋糕 $88: 7分, 相比來講, 栗子蛋糕就稍為遜色, 忌廉偏多, 沒有了芒果去中和那份甜味, 對大家來講是漏了點. 不過蛋糕部份繼續是有水準的.兩件聲稱1磅的蛋糕實在非常大份, 是店方特別加送? 大家吃不下, 唯有留在人狼時作為懲罰.

本來想訂一個普通的芒果蛋糕, 但最近見有人在這店訂3D蛋糕, 於是就印了一幅圖片出來, 去到問店員可不可以依圖樣做, 放在蛋糕上, 她說如果放在一磅的蛋糕上, 個公仔會很細, 建議我做2D蛋糕, 我才知道這裡也可訂做2D蛋糕($145/磅, 3磅起)! 只需1,2 日前比個圖樣師父睇就得, 快靚正! (如有指定住戶証或學生証8折優惠!)個2D芒果蛋糕有兩層, 很新鮮, 軟綿綿, 唔太甜, 部份芒果有d酸, 但有芒果味; 其他生果也很新鮮, 如果d cream 少d, 就更加好! 比較這裡的黑森林蛋糕, 都係芒果蛋糕正d!

oct 02, 11...........去咗食友屋企開生日局..............買咗2個蛋糕1齊食 :1) 芒果蛋糕 x 1磅 (hk$105)-上次已試咗件庒,但因為喺該店名物..........所以無理由唔買比食友試下-除咗芒果面外,仲有好多生果...........1如上次,無欺場.........裡裡外外都喺芒果肉-芒果有自然酸,+上厚cream帶點甜-蛋糕部份很軟熟,鬆,綿-以呢個價$$$$..........有咁嘅size(邊止1磅呀)同味道............真喺抗晒通脹2) 栗子蛋糕 x 1磅 (hk$88)-栗子味要訂先有...........今次終於得償所願-沒有了芒果,換來喺更多嘅cream,佢嘅cream滑,都香-而栗子蓉嘅份量都足,只喺大家都覺得栗味唔強啫-栗子同超強嘅cream喺致"漏"原因* 我諗住2個蛋糕,+埋都喺2磅之嘛...........10多人無理人消滅唔到啫.............雖然我都知佢哋已準備咗有世界各地嘅美食手信............但當我去攞餅時............點解2磅咁"墜"手嘅?_?..........

10月的生日聚會，有兩個蛋糕，要身為主角之一的食友親自買來，實在不太合適。不過無所謂啦，大家開心就OK了！兩個蛋糕都是元朗金蘋果的出品，芒果味和栗子味各一。兩者外表有點相似，面頭都是鋪著多款生果。先說說栗子的，其實就是在海綿蛋糕中間夾入栗子層，蛋糕是軟熟，但係栗子茸味道可以重一點。芒果的那個，鋪上了不少的芒果片，吃到鬆軟蛋糕之餘，亦有微微的酸味，更加開胃，我個人更為喜歡。當然，此等聚會不可能只得生日蛋糕，每人都仲帶了食物上來，是飽得晚飯都幾乎不用吃的。再次祝10月生日的食友，生日快樂！

因為這2個星期太納悶了...........may 29, 11搵完粢飯癮後...........再去搵埋區內出名嘅芒果蛋糕,買咗 : 1) 芒果蛋糕 x 2 (@hk$8.5)-人少不能買下1個,所以打算買件庒-入到去,全部蛋糕都喺完整的1個個,沒有件庒,店員很好,特別cut開1個新的,賣2件比我 (因買2件先有個盒仔).........可能只喺lunch time時段,時間尚早,佢哋相信其餘的都會賣得晒啦...........不過只限芒果味先會有呢個安排-每件size比正常的細,所以要ko1件無難度-cream都滑,又多又唔甜,海綿蛋糕都唔乾,都夠鬆-裡面都用咗好多芒果肉喎,都幾肯定喺呂宋芒,因佢有呂宋芒獨有嘅香氣,略嫌唔喺咁熟,少咗1份果甜味,多了1份果酸味-以$8.5/件,交"突"功課了* 如果下次去食家,要訂個粟子蛋糕試吓先~~~~ * 聽食友講過,佢好多order,所以就算嚟攞蛋糕,都要排隊等............嗰日時間尚早,見店員不停將1個個蛋糕放入雪柜...........迫得密密麻麻

睇完牙醫，無乜大礙，好開心！所以來個小慶祝！聽同事講這裡的芒果蛋糕很美味！所以買了一小件讓自己開心一下！見到雪櫃大部份都係芒果蛋糕，哈哈！仲要全部都係熟既芒果！$8.5有一小件，雖然細件，但仍算平！外層和裡面既芒果都係又熟又甜，而且入面有兩層芒果肉，真係好抵食！！芒果唔熟唔用，咁有良心既鋪頭，不得不在這裡給它一個笑臉！！

聽家人說金蘋果餅店的蛋糕很受附近學校的學生和教職員歡迎，便打算在這假期先去大榮華酒樓飲茶，後往金蘋果芒買蛋糕。怎料原來大榮華酒樓2011-05-01開始裝修，2011-06-03才重開，故只往附近的加洲海鮮酒家飲茶（另有食評），再來買蛋糕。金蘋果餅店是一間很街坊的小店。進入餅店，便被左面放滿蛋糕的雪櫃吸引，其中大部分是芒果蛋糕。$105一個一磅的「芒果舖面」蛋糕，店員問過不用加字牌後，很快便將蛋糕入盒，效率甚高。因為蛋糕「芒果舖面」，初時還以為裏面沒有芒果。下午茶時間，切蛋糕，原來裏面是有芒果，而且有兩層！蛋糕不算幼細精緻，但芒果香甜，整體不算太甜，好食得我吃了四分之一個！

媽媽生日一早訂左這裏的芒菓蛋糕,這裏的芒菓蛋糕真的好足料及出名,家姐有張八五折咭,好抵炸,一磅都唔使一百蚊,芒菓要睇季節,如果太酸佢地係唔會做的,好有良比呀,好彩我地今次食的都唔係酸的呀,蛋糕好重身的,入面都有好多芒菓粒的呀,好好味呀,蛋糕又軟綿綿喎.仲有生日牌及可以寫字上去的,我地次次媽媽生日都係度買架.

半年前其實已經訂左一次, 係第一次訂自家竣計圖o既蛋糕,亦都係最滿意的一次^_^(見圖)d師傅好有心機, 上次我同事訂左我跟埋去,望左一陣, 佢地已經好主舫問有咩幫到我,有一位比較圓潤的似係老闆娘的MS 好熱情又好 PROFESSIONAL 咁問我,同埋又比意見我咁, 本來揀好左一對 Chip & Dale ,但係因為我地無咩人食一只訂得一磅,咁佢話只係做得一隻, 咁無左意思,諗左陣都係再諗諗,因為趕時間, 咁佢就話明天交圖都趕得到,返屋企係咁下點先靚,第二日一早七點幾就去到, 比左圖佢,要注意比圖要同您落CAKE的圖一樣大細,太大佢地就唔到畫的。咁我提供一張A4 SIZE咁大的,佢地話要縮圖,咁下去午再拎圖去,佢地話蛋糕可以新鮮整,燈燈燈燈!!! 6點就拎得,張單係填5點入單,哈哈, 超似之餘唔知點解佢好識趣幫我加左2個心心^_^昨天又訂左一個,23/10媽咪生日, 因為以為會打風,都唔敢訂, 諗住到星期六買一個就算,到星期五已經知道唔會打風,但去好多間蛋糕店都話1磅以上要早D預訂,一磅太少了~走遍成個市中心的蛋糕店就死心了,決定第二天一早去金蘋果訂,我又七點幾去到, O係門口睇左

小妹經常吃這家餅店的出品，因為教會每季一次的生日會，總在這裡買餅的! 　今年生日幾位老友也為我買來一個，決定也要一寫，因這裡的芒果蛋糕實在是很美味，好過一眾連鎖餅店的甚麼芒果脆脆、芒果流心蛋糕!! 原因有幾：(一)蛋糕十分足料，由外至內佈滿大量厚切芒果；(二)店方有秘技，所用芒果總是紅潤、完熟又甜美，情況與許留山差不多；(三)餅店流量極大，蛋糕新鮮度極高，以致平凡的忌廉顯得特別香滑（且不會太膩幾抵讚），海綿蛋糕也份外鬆香軟綿。而且餅店的定價並不高，我雖沒有時時跟進update蛋糕發售價，但可肯定可比美心／東海堂等賣得便宜。　可以說，金蘋果的芒果蛋糕是元朗人的best kept secret，同樣鮮果系的雜果蛋糕質素也不錯，至於黑森林或其他就差一些了。然而抵食美味的蛋糕背後，要花時間排隊去買（即使已訂餅）是另一種要付的代價，據知當晚老友也排了近廿分鐘才拎到餅!　很多謝大家的心意，也只有老朋友才為訂下中文名生日牌，感覺熟悉溫暖極了，真是吃得極之飽足（要知道蛋糕份量很足!!），又十分滿足的一晚。期待9月尾再聚的日子!

每次去買都去都是栗子蛋糕的因為真得幾好食同餅底做得唔錯，加上體蛋糕唔是太甜，所以十分好食。在元朗他做的蛋糕真的唔錯的了價錢又ok的(不過近排都加左d了)