金蘋菓餅店

營業中

休息中

同事生日, 我唔想幫襯大連鎖店, 唯有去遠啲啦! 專程3日前到元朗預訂,  多有誠意的我! 因為我之前已經食過, 所以極力推介同事一定要試試! 蛋糕底鬆軟濕潤又夠輕, 但唔係食落一陣風那種! 芒果肉大大粒, 又香又甜, 份量又多, 咬落啖啖都有芒果肉! 忌廉既香且滑, 食晒全件都唔覺滯膩! 賣相是傳統舊式的蛋糕, 無花巧, 真材實料, 非常超級抵食, 超級推介! 同事們表示好耐未試過食得晒全件蛋糕 (包括忌廉及生果), 好滿足! 下次決定試黑森林, 好期待呢! 

又到父親節，即刻係金蘋果訂個蛋糕先，因為自己試過定其他新款蛋糕比屋企人，佢哋都好似唔係好啱食，都係呢啲傳統蛋糕佢哋比較鍾意而且而家夏天芒果正值當做，所以佢啲芒果蛋糕就變得更加好食，今次一樣照舊要左芒果面同芒果餡。最後家人都食得好開心。

金蘋果係元朗區好有名,在區內係間街坊小店,餅店價錢實惠比起坊間品牌麵包店所出的蛋糕更勝一籌。蛋糕雖然平凡,但食落蛋糕鬆軟,內裡的芒果肉大大粒又新鮮,忌廉份量適中,不會滯腻。真材實料非常抵食又好食,值得推介

有屋企人生日，特登去到朗屏既金蘋果買芒果蛋糕，之前都食過唔止一次，今次想寫下食評讚賞下呢間懷舊蛋糕店！老闆娘標榜所有既芒果都係用呂宋芒，味道清甜，芒果味濃，每次食都覺得好好食，層與層之間都有芒果，食落每一啖都有芒果，而中間既cream都好軟滑，吾同一般連鎖蛋糕店，性價比超高而店鋪會免費寫生日牌，吾需要額外既收費，而且芒果蛋糕既內餡除左芒果，仲可以揀栗子，想有多個味道同口感既可以一試呢啲懷舊既蛋糕店買少見少，值得支持啊！

家人生日，家住元朗的親戚帶來了金蘋果蛋糕。佢話金蘋果係元朗名牌，幾乎所有元朗人都認識的。一拎個蛋糕出嚟，老實講外表好平凡，但就係細個食的嗰種生果海綿忌廉蛋糕，本來都以為無乜特別。食落口，厚厚的芒果肉包喺外層，配上好幼滑的忌廉，甜度剛剛好。裡面的海綿蛋糕好鬆軟，蛋糕中間再夾住芒果肉。真係好好食！我終於明白點解佢係元朗名牌了！

相信住元朗嘅人，唔會未聽過金蘋果，食咗好多年lu..... 今次終於要為呢個蛋糕打食評。呢個係一個兩磅嘅芒果栗子蛋糕，外面有芒果鋪面 ，芒果好甜。蛋糕內外都有少量忌廉，食落唔會太甜太膩，而最出色一定係個海綿蛋糕，鬆軟得黎濕度啱啱好 。平時啲蛋糕擺喺雪櫃放幾個鐘或者一晚，多數就會變得硬身乾身，但呢個蛋糕放咗兩晚都仲係覺得好鬆軟，食唔晒唔會驚浪費 😂😂😂😂 今次叫嘅係芒果栗子蛋糕，所以當然要講下嘅栗子...栗子就未去到好出色, 硬左少少同有啲散，搞到切蛋糕嘅時候可能會跌咗d出嚟 😂😂😂 雖然叫做芒果栗子蛋糕， 但其實佢上面仲有士多啤梨 菠蘿 同埋奇異果， 總括而言呢個蛋糕都係好抵食👍

作為土生土長嘅元朗人，住喺度幾十年，一定會識個金蘋果嘅蛋糕，金蘋果最出名嘅蛋糕就係芒果蛋糕，每次家庭成員生日，必定係會定個四磅嘅芒果蛋糕，雖然裝飾唔夠新款蛋糕吸引，但勝在夠樸實，唔會有太多嘅花巧，要食就係食懷舊嘅味道，每片芒果都非常之甜，佢打嘅鮮忌廉夠晒濃厚，好似食雪糕一樣。入邊嘅海綿蛋糕，充滿蛋香味，而且非常之鬆軟，我屋企嘅小朋友，只要見到我買呢個蛋糕，就會爭住吹蠟燭，又會大聲唱生日歌，真係一個美好嘅回憶，懷舊嘅味道真好

每年有咩生日、慶祝活動之類，一定會買返個金蘋果既芒果蛋糕食。金蘋果既芒果一直都保持一貫水準，無論任何季節買，都係香甜美味唔會好似某大西餅店咁，會食到酸既芒果。雖然其他裝飾係罐頭生果，但無阻佢美味既程度因為金蘋果既海綿蛋糕底十分鬆軟，同忌廉既比例配合得非常好，食落唔會好＂漏＂與其成日試新款唔同口味同造型既蛋糕，不如介紹身為元朗名物既金蘋果比身邊既朋友，一定一定一定要介紹比身邊朋友試下＊＊其實佢個芒果班戟都好好味架都係要用料好，先有咁既味道。

同大姨媽慶祝生日點少得金蘋果嘅蛋糕啊！話說姨媽就住喺元朗嘅，佢細細個已經同我講呢間餅店好好食。充滿人情味，所以生日蛋糕首選一定係金蘋果🥰都我大個啦識得幫大姨媽慶祝生日，都一定會想盡辦法去買金蘋果嘅生日蛋糕俾佢。因為知道長輩食嘅未必係味道，而係一份深厚嘅感情。其實人與人之間最值得珍惜嘅係相處嘅時間，所以同屋企人慶祝生日係特別難能可貴嘅❤️❤️❤️❤️

係我讀小學嘅時候已經食依一間麵包舖，起碼有20年嘅老店，最鍾意食佢嘅腸仔包，每日新鮮出爐，仲會出幾轉，好鬆軟，唔會好似依家啲麵包咁，佢比較紮實飽肚，菠蘿包亦都好好食，佢個皮好脆，金黃色嘅外表，新鮮出爐時嘅香氣，仲要一啲都唔貴，$5左右就有一個。佢啲蛋糕係傳統個隻，忌廉蛋糕，夏天嘅時候唔建議買，太容易溶啦，擺唔到幾耐，蛋糕裏邊仲有啫喱夾心，百幾蚊一磅，佢係自設工場嗰隻，保證新鮮，佢每朝開得幾早 7點鐘已經開咗

金蘋果，相信不小元朗人有食過，小時候有好多類似的餅店，但時代變遷，連鎖麵包餅店取代了它們，而呢間已經超過三十年，仍然屹立不倒，吃的是味道，也是童年回憶，是伴隨我成長的麵包鋪，它不是位於市中心，位置不叫就腳，要說大概位置，可以話在元朗廣場的巴士總站附近，向朗屏西鐵站方向行，便能看見廚窗外貼滿蛋糕款式，以供客人參考，多是舊款式，是普通的蛋糕款，雖沒大形連鎖蛋糕嘅精緻外型，但味道絶不輸比它們，是普通的原味道，能夠將簡單做好並keep住水準咁多年，我覺得並不是易事，而佢地嘅芒果蛋糕亦做得幾好，價錢實惠，最平＄120已經有一個一磅蛋糕，而且流量快，keep住有蛋糕出爐，要特別款同多過一磅就要預早訂，但普遍的款式係長期有貨在蛋糕櫃的，除了蛋糕，亦有Pancake丶果撻同埋切件蛋糕，仲有麵包買嫁~以前的餅店大多是以這樣的模式營業一磅的黑森林蛋糕，無須預訂，現貨在櫃，值得一提係，餅店可即席寫生日牌，仲營業到晚上9：00，唔洗怕師傅收工冇人寫牌，雖然我已經搬出元朗區，但我都特登返去買。因為我老公好中意食呢間嘅黑森林～佢D生果好新鮮，而且蛋糕好實身，不會切到溶溶爛爛，亦唔洗放一浸類似魚膠粉嘅啫喱係啲生果上

不要看門面只是一間老式西餅店, 內裡有個全元朗人都懂的蛋糕--芒果蛋糕. 不單外層滿怖芒果果肉, 內層的芒果肉汁更爆發出來. 很怕蛋糕太多CREAM的. 但這裡的不會,而且CREAM味香濃, 芒果亦酸中帶甜.正!!!平時想吃的話,單點一件亦可以.非常方便.隔時都可以吃.

老字號，好野黎架！由細食到大，幫襯左20幾年了，到現在厄立不到👍👍👍如果要好精緻，金蘋果當然比唔上大集團，但味道唔輸蝕嫁金蘋果食左一件都覺飽...真材實料架！又唔太甜....層層都有芒果，芒果超多好甜，蛋糕唔多cream巧巧味啊😍😋😋😋 — 覺得好正，係D款無乜新意...唔想食芒果味可以考慮吓食栗子味呀，金蘋果蛋糕忌廉外層＋朱古力蛋糕底夾栗子，獨一無二，好正，滿足哂口味既要求 有學生証或見小朋友著住校服、運動服都有8折🎂🎂🎂

聽聞元朗有間老字號餅店，每逢母親節或其他節日都會大排長龍，為的就是要買「蛋糕」。招牌不太起眼，門面及店內看起來都很舊式，而且麵包及蛋糕款式較為普通🤔以為只有外面鋪滿芒果 ❎ 錯！切開便看到連內裏都充滿芒果😍夠甜夠足料芒果,蛋糕,忌廉,像層層疊般🍰海綿蛋糕口感鬆軟綿密，富有濃濃蛋香🍰忌廉亦不會甜到漏/滯。然而蛋糕整體份量剛好❤️試過就知道真的名不虛傳，難怪每逢節日都大排長龍，果然：只要有實力不需要額外的包裝，都能吸引顧客💪🏻💪🏻

由細喺元朗既人相信對金蘋果唔陌生，小小鋪位經常會堆滿人，尤其禮拜六日不時會見到排隊排到出門口～無他既，邊個叫佢d蛋糕咁足料又咁好味！金蘋果既蛋糕唔花巧，無3D立體公仔，無奇形怪狀，只有最傳統但又最穩陣既圓形方形款揀，最多就喺蛋糕面畫隻公仔寫隻字仔😆但正正係呢種簡簡單單既傳統蛋糕，你先睇到佢有幾真材實料！佢d蛋糕款通常係生果鋪面，所有生果都好新鮮鮮甜，無浸過糖水，切完就擺上面🍍🍓蛋糕好軟綿綿，唔會太膩，黑森林仲有好多啫喱，加埋海綿蛋糕真係好夾～而且成個蛋糕唔會有過多cream，唔係隨便唧一大舊，所以怕肥既人都食得安心最重要係價錢抵，一磅都係$120左右！問你驚唔驚😆