金翠餐廳

營業中

休息中

金翠餐廳 • 太子港式扒房從前主打「平、靚、正」，以大件夾抵食為噱頭，以前嘅家庭如果有特別事慶祝，都會帶同一家大細去食鐵板餐慶祝，醬汁淋上鐵板嘅滋滋聲陪伴好多人成長。呢間餐廳正正食呢份回憶，室內霓虹燈招牌，構建返五、六十年代光景，鐵皮攤檔裝飾同一張張舊照，都令人置身過去時光😋😋鐵板餐除左主菜，仲有必定出現嘅餐包同餐湯，羅宋湯足料，濃味而帶啲微辣。餐後唔少得仲有啫哩，唔錯！..✅ 美國安格斯T骨牛扒 🐮 $268牛扒非常大塊，同鐵板尺寸差唔多，而且厚身。叫左5成熟，上菜個時的確符合落單時生熟程度嘅要求。店員淋上嘅黑椒汁係比較淡身，其實我自己都偏好醬汁唔洗大濃，前提牛肉質素要好。牛肉唔軔，帶少少筋位，肥肉部位略嫌未有切走，不過無傷大雅，肉味幾濃，5成熟帶少少汁水係入面，幾好食😙..✅ 羊西冷扒 🐐 $157呢份羊肉同樣我覺得幾好食，西冷切得比較厚身少少，咬落會較好咬啲而且更易保留汁水，羊肉味都香，不過其實怕羊咩重嘅都唔洗擔心，因為有醬汁其實都唔會有太濃羊味。雖然店員無問幾成熟，不過都好彩熟嘅程度都幾恰當😙

太子彌敦道的金翠餐廳，店內裝修充滿玩味，恍如回到五光十色的舊香港。餐廳主打鐵板餐，當然不容錯過！叫咗一份「鑊仔牛柳拼大蝦」，餐包及餐湯不可少，飲品當然要叫凍檸茶，咁先至係正宗香港的味道！兩位侍應一位負責小心地把鐵板餐奉上，另一位細心地打開餐巾給我拿着，將黑椒汁淋在牛柳上，發出的「咋咋」聲音及黑椒香味真的令人食慾大增👍🏻牛柳好腍，大蝦亦彈牙，好味😋「日式鰻魚蝦仁炒飯」都不錯，炒得香口乾身，已超越一般茶餐廳水準。餐廳內還有這個抽噹噹的玩意，實在是兒時回憶！

同朋友去開太子整野，整完有d餓，想食個下午茶，見呢間餐廳好多野揀，就入去試試😎🟠全日早餐牛扒（$58）呢個全日早餐非常豐富，有牛扒、煙肉、煎蛋、香腸、薯餅、茄汁豆、多士同沙律菜。牛扒肉質嫩，薯餅亦夠脆，食完大滿足🤡🤡🟡欖菜肉菘炒飯（$62）這碟炒飯份量非常大碟 色澤均勻。飯底充滿蛋味而且炒得粒粒分明 ，非常乾身 配上口感一流嘅肉鬆、欖菜，十分滋味🤭呢個餐仲包左羅宋湯同餐包，羅宋湯都夠足料👍🏻🟢生炸雞髀炸薯條（$44）雞髀超級大隻，個皮炸得好脆，咬落去仲有肉汁 ，好高水準，好好食呀🤩另外，炸薯條炸得恰到好處 ，配搭埋最佳拍擋嘅茄汁，真係令人好想食完再食😍🔵 司華力腸配奶油脆豬（$44）奶油脆豬既牛油同煉奶比例岩岩好，而且外脆內軟，食完2塊都仲想再食🤤而司華力腸夠大條，亦𠝹左靚既花紋。每個餐都跟左野飲一杯，性價比不錯😎凍檸檬茶（跟餐+$3）茶底沖得不錯 配搭埋檸檬幾片 飲完真係好醒神㗎！熱檸水（跟餐）熱檸水正常發揮，有2-3塊檸檬🍋環境方面，餐廳地方都好大，多卡位，都坐得幾舒服😊服務方面，職員反應快，而且好貼心，未講都睇到客人需要d咩🤡地址：太子彌敦道749號地舖

不能錯過的港式茶餐廳「金翠餐廳」，位於太子站附近，交通方便，裝修充滿懷舊色彩，好有特色！全日特餐-招牌牛扒有豬、牛、雞和魚供選擇，我揀咗牛扒，配有腸仔、煙肉、蛋、薯餅、茄汁豆、沙律菜和半份厚多士，勁豐富👍羅宋湯麵餐-豬扒烏冬配咖吔多士大大碗烏冬，羅宋湯材料豐富濃郁，豬扒juicy惹味，多士烘過好脆口，而且咖吔醬好香滑😋特餐-炸雞中翼拼煎蛋配辛辣麵麵質煙韌彈牙，炸雞翼香脆入味，整個配搭非常邪惡🥰

太子金翠餐廳搬咗新舖，位置彌敦道聯合廣場對面，地方大左，裝潢由門口通花鐵閘至店內大量霓虹燈都充滿老香港情懷，以往去据扒多，今次發現下午茶餐都好抵食！點左焗豬扒飯、牛扒煎蛋黑椒汁意粉同咖央西多士，份量好足，焗豬扒飯係炒飯底，豬扒好淋配蕃茄汁餸飯好開胃，牛扒煎蛋黑椒汁意粉，味道正常發揮，如果多啲汁可以撈哂個意粉就更好，咖央西多士炸完都好鬆軟，咖央份量算被得好足，但味道唔會過甜，啱晒又想食甜野又怕太甜嘅麻煩友😂

.有外國朋友嚟香港🇭🇰｜有日半時間等轉機約我去食一下午茶餐☕️😋｜🎯要價廉物美嘅🧮.點都要做下功課📚｜探店了解😉朋友🧑‍🤝‍🧑開既難題彌敦道 始創中心對面 未到旺角警署#金翠餐廳 #goldenjaden #mongkok.【港式懷舊鐵板餐】｜全日特餐 📶雖然唔係 🔥午市🈂️ 晚市既 🤵🏼‍♂️熱吱吱鐵板🤵🏻‍♀️.但 4️⃣選1️⃣ ｜絕對有得揀 👉🏻 你就係老闆🐷 香煎豬扒｜🐔 香草雞扒🐮 招牌牛扒｜🐟 吉列龍脷柳🈶 仲會配埋 🈶法蘭克福腸🌭 ｜煙肉🥓｜煎蛋🍳｜茄汁豆🥫｜薯餅｜沙律菜🥗｜厚多士🍞半份💟 羅宋素湯｜絕對有水準 💗.焗白汁芝士海鮮飯🧀🍛🐙🆙 大塊銀鱈魚｜什錦海鮮🦞｜有滿滿蛋絲💟 好多蝦仁🍤｜好多洋蔥碎🧅.仲唔飽 🤤🈶 小食拼盤 🍟🥟🥠｜*️⃣ 絕對係回憶殺 🔪咖喱角｜麥樂雞｜炸薯條｜春卷｜魚餅｜蔗蝦｜什果沙律 🥗💟 堅係罐頭什果｜同好多沙律醬💟 懷舊波浪薯條🍟🌊💟 蔗蝦🍤 好特別｜未食過💟 細個👦🏻 堅鍾意❤️｜爆料咖喱角.脆豬包🐷🍞 配 *️⃣ 點都點得奶油｜奶醬｜油占｜油醬｜奶占｜咖吔💟 熨脆咗嘅麵包｜加罪惡感奶油🧈 nice.整體係｜🆗 輸出穩定食物品質 🆗 價錢偏中低 既 餐廳🍴🈴

平時放工出開聯合買衫，就會嚟呢度晚餐！但今餐真係好失望！我食是日晚餐，牛扒配帆立貝，嗌7成熟，塊扒下面係菜同薯條，塊扒好多位置都只做到5成熟，甚至更加生，塊板根本唔夠熱！塊牛扒仲要有好多筋，食唔到！我家小朋友食雜扒，我見佢切豬扒切到都好吃力，overcooked, 太硬! 食到尾，我發現塊豬扒個骨位係生嘅，omg!!!!小朋友又唔識分，食到尾我先發現！好彩過咗兩日，小朋友都冇唔舒服！真係好差！以後唔會再嚟！

與少爺仔在九龍太子一帶逛街，一看錶，原來不知不覺就到了午飯時間。在彌敦道見到一家店內裝修特別，以昔日香港情懷為主題的茶餐廳~金翠茶餐，決定入內試試。餐廳內本身已經有頗多食客，我們一坐低就決定每人要一個全日早餐(All day breakfast )，每份$58。我們分別選牛扒和牛扒為主食，全日早餐內包：煎蛋、煙肉、法蘭克福腸、薯餅、茄汁豆及多士。餐飲方面，我們分別選凍鴛鴦和凍檸茶。我們兩位大胃王看見餐牌內有招牌菠蘿油~$30，我們各人也叫了一個，真的美味可口。感覺上全日早餐份量十足，就算在午餐時間當正餐享用，味道不俗也非常飽肚抵食。

鑊仔牛柳拼大蝦配薯菜(138hkd)叫咗5成熟，加埋放鐵板會比較熱就剛剛好，必選黑椒汁，最有港式扒餐feel😍牛柳軟腍有汁水，仲有2隻大蝦，肉質緊實，配上薯菜吸哂啲醬汁好滿足😌🥰歐陸扒餐(58hkd)簡咗香草雞扒，半煎炸嘅感覺，外皮好脆，肉質嫩滑，無咩雪味，配法蘭克福腸、煙肉、煎蛋、茄汁豆、薯餅、厚多士，炸物幾唔錯，薯餅都做到好酥脆😚～配迷你羅宋湯烏冬(+8hkd)個湯幾好飲，微微辣椒仔嘅辣，蔬菜幾多～#foodiblum港式

Signature beef set 招牌牛扒全日套餐 $66歐陸式嘅濃郁招牌牛扒🥩，配埋法蘭克福腸、all day set 唔少得嘅煙肉🥓、煎雞蛋🍳、焗茄汁豆🥫、即叫即炸嘅薯餅🥔、健康沙律菜🥗同埋吸引嘅牛油厚多士🍞，另外仲有開胃嘅迷你羅宋湯烏冬🍜，可以話超級豐富！Baked duck breast spaghetti with garlic 焗蒜香鴨胸意粉 🧄🍝 $60呢一款即叫即焗嘅焗意粉套餐非常受歡迎，意粉充滿蒜蓉香，仲有二選一嘅homemade 餐湯🥣、熱辣辣🔥牛油餐包配埋一齊食，性價比真係好高，確實幾正，值得推介👍🏻Yeung Chow Fried Rice 楊州炒飯 🍛 $62茶餐廳嘅楊州炒飯夠哂地道，充滿正宗港式風味🇭🇰，炒飯用左大量配料，好似有叉燒、火腿絲、脹卜卜嘅爽口蝦仁🦐、好香嘅雞蛋花🥚等等，飯炒到金黃色，粒粒分明，好有鑊氣，而且相當大碟，十分飽肚

位於太子彌敦道呢間❣︎金翠餐廳❣︎裝修以舊式西餐廳為主題，店內好多霓虹燈牌，舊式嘅2人/4人座位，兒時回憶返晒來😀今日一個普通平日嘅下午茶，都滿座八成👍🏻就知餐廳嘅價錢同食物水準一定有保證。❣︎全日特餐❣︎$58豬，牛，雞，魚有4種選擇，配搭有腸仔，煙肉，蛋，茄汁豆，薯餅，沙律菜，半份厚多士跟埋😋超豐富，加$8重可以配埋迷你羅宋湯烏冬添。❣︎經典特餐❣︎$48义燒意粉好多人都好鍾意食😋上枱時重出煙熱辣辣架，配埋火腿奄列同厚多士，記得嘆返杯凍奶茶👍🏻呢到啲奶茶好順滑，濃郁有茶香，飲完即刻醒神晒。

喺香港食牛扒除咗去西餐廳之外其實去港式扒房食鐵板牛扒都係一個選擇金翠餐廳就係主打鐵板牛扒我地叫左一份肉眼扒另外仲叫左一份其他地方比較少見嘅羊膝兩份都係以鐵板奉上保持溫度！上枱嘅時候店員會為你淋上黑椒汁或者蒜蓉汁醬汁林上嘅一刻會有嘖嘖嘅聲音絕對係回憶嘅感覺🔸美國（有骨）肉眼牛扒 $288食嘅時候其實都無骨肉眼扒又大又厚足足覆蓋整塊鐵板所以店員淋上醬汁後會另外再上一份醬汁肉眼肉質軟淋係最大眾化嘅選擇🔸香煎羊膝腿 ＄155羊膝一般都會用嚟炆燉或者烤焗但原來仲可以香煎同鐵板上算係比較少見羊膝羊味十足尤其係連骨位就更加嫩滑肉味濃兩份扒餐都會配上餐包、餐湯同埋餐飲食完真係大滿足我哋去到嘅時候，啱啱仲有下午茶所以我哋都叫咗一份奶油豬同埋炸雞髀都算幾抵食

懷舊味道 少不免會諗起細細個同屋企人去扒房据扒🥩餐廳裝修充滿懷舊香港情 用霓虹燈作為點綴 彷彿入咗時光倒流隧道🛤🔸吉列魚柳配炸薯條 HKD42下午茶緊係要食港式茶餐😋兩大塊新鮮炸起嘅吉列魚柳加熱辣辣炸薯條 好邪惡😋🔹焗芝士海鮮飯 HKD60呢度嘅焗飯用咗炒飯做底 一啲都唔馬虎！海鮮汁有煎魚柳 蝦仁等白汁上面仲有一層微焦芝士 😌🔸牛扒火腿蒜蓉汁意粉 HKD56牛扒醃得夠味 略煎後都唔會太韌蒜蓉汁都係想像中嘅味道如果汁多啲啲就可以夠撈哂成個意粉🍝🚩金翠餐廳 太子彌敦道749號地舖

小時候，我印象深刻的是跟家人食鐵板扒餐滋滋的燒肉聲令人懷念。入店環境有不少霓虹燈，勁有7080年代feel羅宋湯湯料多菜，味道酸辣，好惹味。麵包柔軟，塗上牛油，麵包既暖氣令牛油融化，勁香噴噴。餐廳是用上傳統的動物形的鐵板，加上淋上醬汁前，侍應叫我哋打開大紙巾，令人期待又興奮。安格斯肉眼牛扒肉質嫩滑，我叫咗五成熟，鐵板嘅熱力會令到牛肉鎖緊肉汁。肉眼唔算太肥，油脂分佈均勻，配上黑椒汁，聽到鐵板滋滋聲，已經忍唔住要鋸扒啦晚餐主要食豬鞍配帶子，都係可以揀鐵板上，豬鞍肉味香濃，仲要有兩件，肉身厚厚的，食落去鬆軟，仲要好juicy 。老公喜歡燒汁，更顯出豬鞍的肉香。晚餐仲有水果沙律，啫喱花奶，餐飲，其實都好抵食。

平時經過太子，看到大大個「金翠」的招牌，還有門口「掂過碌蔗」鐵閘，非常吸睛，今天便去吃下午茶。茶餐廳的裝修非常有香港特色，每一塊霓虹燈牌的字眼都非常有意思，堪稱玩味。如「正到漏油西多士」、「火辣辣鐵板」、「冰鎮菠蘿油」、「香濃咖啡，飛沙走奶」真的很有特色，令人目不暇給。自選扒飯餐：我選了牛扒，茶餐非常豐富，有腸仔煎流心蛋、茄汁豆、法蘭克福腸、多士和沙律。牛扒醃得夠入味，煎得不韌，味道適中，配上蒜蓉汁是一定很豐富的下午茶。老公點了豬扒，豬扒煎得很香脆能夠鎖住肉汁入口非常Juice值得一讚。小食拼盤：上枱時，我們也嚇了一跳，分量十足！有沙律、春卷、咖喱角、薯條、魚餅。最特別的是麥樂雞和庶蝦。庶蝦煎得很香，蝦肉肉酸彈牙。魚餅亦十分出色，非常有「𡁻口」，入口彈牙爽滑。這間餐廳充滿香港情懷，置身其中，周圍的霓虹燈牌令人恍如置身於八、九十年代，相當有特色。食物質素亦很高質牛扒和豬扒煎得香，入口Juicy。原來此場餐廳夜晚會變身為扒房，非常特別。下次一定要夜晚嚟一趟呢。