金羅寶韓國料理

營業中

休息中

金羅寶韓國料理香港老牌正宗韓國菜燒牛肋骨~一直都好有水準🔥🔥泡菜海鮮豆腐湯~辣辣地嘅海鮮湯！好餸飯如果食唔到啦可以叫小辣⭐😋生菜盤+麵豉醬~每次都會點生菜盤包肉食,冇咁膩！即刻健康曬😂送甜品~芝麻、綠茶雪糕 或者熱紅棗水😋

韓國餐廳既餐前小菜一個人食都有4碟，試過3人食都已經有8碟，毫不吝嗇👍🏼特別最愛食薯仔，甜甜地而且仲係熱既。🦪鮮蠔石頭鍋飯 (Lunch $95)一上菜石頭鍋熱到沙沙聲，配菜有鮮蠔、雞蛋、紫菜同雜菜，再倒入加有洋蔥既豉油汁撈埋一齊，熱力足夠將生既鮮蠔煮熟。鍋飯食到淡淡既鮮蠔味👏🏻成個撈飯唔會太重口味，反而係有清淡而鮮味。如果用返傳統既辣醬去撈呢個飯，就會搶走左鮮蠔味。Lunch set包括左前菜、清湯、主菜同埋甜品，甜品擇左紅棗茶，紅棗茶飲到紅棗泥，而甜味係似紅棗既天然甜味，非常適合女性飲用👍🏼

食物質量和味道尚算可以，但整體服務卻十分之差勁！服務員完全不會加茶，叫也視若無赌，燒烤盆想叫他們更換更是采你都傻，說燶了中心，旁邊仍然可以烤，這並不是只對一台客人，眼見對大部分的客人也是如此，尤其是穿黑西装衣服的男服務員，態度最差和最不肯處理問题，如加茶，拿筷子等，都聽完就算！這店服務最積極的時候，就是點菜和埋單结賬。基本上價格並不算是便宜，尤其是一家大细有小朋友的話，想要幫忙更不建議去，態度惡劣！

一直都知道金百利廣場有間韓國餐廳叫金羅寶但竟然一直冇試過本身中午去諗住去金百利食日本🇯🇵嘢但間日本🇯🇵餐廳執咗所以喺金百利搵其他嘢食入到金羅寶韓國料理午市餐牌有好多款式，價錢由$90-140 不等我哋點咗個鐵板烤LA牛仔骨及高麗人蔘雞湯點完餐後上前菜，有八款，其中有啲我哋喺其他韓國餐廳未食過的，例如泡菜豆腐卜、牛脷，都幾有新意主菜鐵板烤LA牛仔骨，牛仔骨醃得幾入味烤得不錯😌高麗人蔘雞湯人蔘味濃郁配海鹽俾大家根據自己想食嘅鹹度調味啱晒唔鍾意食太鹹嘅我雞肉尚算嫩滑最後配上甜品- 雪糕，令人頗為滿足中午時分，呢度座無虛席整體來說，食物質素不錯我們隔了兩天又帶大小M來午餐#foodie #cwb #causewaybay #foodiehk #hkfoodie金羅寶韓國料理 (銅鑼灣)銅鑼灣記利佐治街1號金百利廣場6樓

今晚二人👱🏻‍♀️👩‍🦰行完街,夜麻麻10點鐘就上咗去一間食韓國嘢嘅餐廳，見個名😝好似好傳統咁, 應該唔差得去邊。兩個人坐低之後就馬上點咗我哋最喜愛嘅👍牛筋肉🥩👍泡菜牛肉飯🍲👍生菜拼盤🥗(用嚟包住牛肉食嘅）可能上到去都已經10點，個侍應仲問吓我哋需唔需要幫我哋燒埋上嚟。我哋梗係話唔使啦🤣。雖然服務員驚我哋食唔切，但係我哋驚佢一次過燒晒上碟會好快凍哂😅。所以我哋決定自己燒🤡。😸雖然前菜一上到嚟，每碟份量都唔太多，但係都足以我哋兩個人食嘅，我仲用嚟放響啲生菜入面包住。成個牛肉連埋啲配料都非常豐富。🤤👏極度喜歡佢哋點牛嘅一個肉醬，真係好多免治肉，味道非常好味加上食到最尾都用唔晒😉😻牛肉如果響韓國料理店入邊來講，基本上唔會差得去邊。所以燒完都係軟滑嘅都已經OK。👏😻果籃生菜拼盤，真係幾多菜，仲有我最鍾意嘅紫蘇葉😹—》我一個人食哂。😺最後個熱石鍋飯，兩個人都食唔晒，係好味嘅不過就最後都打包咗一半。🐷

銅鑼灣100蚊有找一個中午餐，睇落好底，但其實成個泡菜五花腩煲都係泡菜，勁少肉片，仲要碎晒，組合埋成個煲得2片肉！係素菜煲黎！咁既質素，用料，實質係勁貴，勁唔底食。

一直都聽聞呢度有多款前菜可以食😋今日終於都的起心肝去試試☺️八款前菜各有特色，最欣賞薯仔同菠菜😋可惜冇得refill🥹🥹$95紅炆牛肋骨煲🐃牛肋骨炆到淋一淋，充滿甜味😋非常之好配飯👍🏻分量比想像中多🤤🤤牛肉剛好離骨🤤骨筒充滿精華🤤🤤🤤$500醬油蟹(2隻)🦀好開心唔使訂都有醬油蟹食🤤配埋飯同紫菜食👍🏻永遠絕配🤤🤤🤤睇相都見到唔少蟹膏☺️大滿足😋$90辣泡菜餅🫓咁多人之中最失望☹️燶咗又勁油👎🏻👎🏻👎🏻油到食一塊都已經覺得好濟x_x$86韓式雜錦炒粉絲🍜冇特別🥲貴得黎唔抵食總括而言，前菜冇得refill🥲醬油蟹可以，但價錢略貴，泡菜煎餅直頭fail🥲餐廳員工雖然keep住幫你加水，但不斷收走未食完嘅食物趕落場令人好反感👎🏻

入座時已不如以往沒有韓式的歡迎句(可能我諗多咗). 點了兩個餸一個紅炆牛肋骨煲另一個是辣菜肉炒年糕.點菜後兩分鐘牛肋骨煲到, 但前菜未上(快過食茶餐廳), 再過多數分鐘炒年糕到, 上菜時服務員的藍色手套手指以插入湯中(如茶餐廳比杯水你的方法是一樣), 我當然即時拒絕, 然後向她說你的手指已全部插入, 她說換個便走了, 我當然唔敢飲啦!講返正題：牛助炆得好似好冧骨都離曬, 但咬落去都係硬硬地, 以前比較好食啲, 中規中矩.炒年糕沒有失手味道好！如果去幫襯就要降低服務要求, 比起一般連鎖茶餐廳服務水準還要低, 午餐人均消費$100, 抵唔抵食就見仁見智啦！

前菜小碟 (8/10): 各有特色。各有驚喜。泡菜醃得好，蔬菜新鮮，牛尾炆得淋。牛骨湯 (8.25/10)：牛骨的牛味香濃，肉質具彈性有筋膜像爽腩；湯用牛骨和蘿蔔燉得清甜。韓式拌飯 (8.25/10) ：蔬菜新鮮，牛肉絲半肥瘦有牛香，well above average。———————————————————————————⭕️fastfoxfoodie總評：老牌正宗韓國菜，小碟好吃，傳統料理好吃，韓燒也好吃。已多次翻食✅ 💵Budget: $200 pp (dinner)

我和家人非常喜歡金羅寶的美食，吃了十多年，韓國式的家庭味道一直都沒有變。疫情前每星期都會去，疫情時都會叫外賣。不論是美食或服務都非常好。非常值得推介的餐廳。外賣包裝值得讚賞，辣湯或有湯麵都先用膠袋包好，再放入外賣盒，不會漏，非常貼心 👍👍。

Sogo掃貨後近近地諗住試吓金佰利韓餐，朋友叫我試，試完唔會想再去，因為上到去點咗個烤牛肉，辣牛肉湯，上菜坐左15mins廚房阿姐先上烤牛肉，朋友叫要個鹽點牛肉食，個職員對我friend 話個牛肉有醃吾洗落鹽，我朋友重覆我要鹽，個職員再講已經夠味，就轉身走左，我睇到O左嘴，銅鑼灣餐廳竟然會客要求個鹽都叫客人唔洗要，個個人口味吾同，我覺得金羅寶唔應該拒絕客人正常要求點牛肉嘅鹽嘍⋯⋯都唔知系我哋來食飯定個職員食，我個人吾會有下次，俾錢買激氣，之後上個牛肉湯好水(稀）所以總結食物質菜麻麻，連6小疊前菜都同我出面食的前菜差，服務態度又差，試一次就知！好掛住機場丅2間新羅寶韓餐😍

石頭飯收一百五十四蚊另外再加一，本身諗住佢贵應該好韓國味啦，頂港版石頭飯，辣酱响你面前加，呀姐拿住個瓶不停咁摑，摑到依依声，辣酱都慳邊有味㗎，啲牛肉有根咬唔開嘅，又冇牛味，四碟小泡菜，冇得添加，再加每碟十元，茶都冇再加，原來贵唔一定好，感覺自己對住譚仔呀靓食飯，埋單一百七十四蚊，你話係咪冇下次喇

朋友介紹呢間燒烤店啲牛肉好正，嗰日就專登一家人逛完玩完就過去試一試，可能我哋早咗去所以去到都唔需要等位直接可以進入，入邊啲燈光都頗暗，侍應嘅服務態度比較怠慢，雖然入邊冇乜客人但係要點菜嘅時候，都舉手示意左三次才有人行過嚟，但點完菜後好快就先來前菜，覺得最好味都係泡菜又爽脆又夠味，鹹魚仔乾硬了小小，醃菠菜芽菜都不錯，牛肉啲肉質好彈牙，總有好濃郁鮮牛肉味😋😋但係啲牛肉份量少咗啲，唔係好夠食，雖然有飯後甜品🍮，但相對於咁嘅價錢就貴咗少少🤏

星期五晚上去咗食，因為時間都早，六點左右，所以冇乜人。知道金寶羅其實出名係烤肉，先前食過佢嘅烤肉都好好食。但係事隔幾年再試下佢嘅韓式，今次真係超唔掂。我哋嗌咗個韓式炸酸辣雞，一個豆腐湯，一個牛肋骨湯，一個綠豆餅。如相片所說佢嘅酸辣雞係超難食，綠豆餅超難食，豆腐湯正常，牛肋骨湯正常但偏肥。坦白講金寶羅嘅價錢一啲都唔平。但係成餐飯最有誠意都係佢啲小菜。睇嚟好嘅韓式餐廳只會日趨落下，嘢食嘅質素亦都大幅下跌。捱咗四樣嘢，埋單七百幾。貴唔緊要，但真係好難食。。

金羅寶係一個住港島朋友，9年前介紹我食係依個日新月異既香港，能夠9年仍然立足係銅鑼灣既食肆，總有佢過人之處最近突然又心血來潮，想回味一下金羅寶係一間由真韓國人開既韓餐廳入面既侍應有識講廣東話既呀朱媽佢前菜入面最好食既認為有薯仔！甜甜地好淋一個人叫左個 豆腐海鮮辣湯 （不配飯，要另叫）依個湯唔好以為好簡單，其實好難做得好味一係就淡到好似水，一係就只有辣冇鮮，一係就味精過多但依間既豆腐辣湯係做到恰到好處再叫左個 蛋包魚依個好好食，蛋香味濃，魚肉一絲一絲，好似石班魚咁，絕對唔係平價野配埋個汁好惹味！一確8大件最後會送上時日味道既雪糕為甜點依到既雪糕唔知係咪自製，但係食完飯食佢覺得特別好味😋😋😋整體黎講野食都係好好味，服務都幾好我一個女仔黎食，侍應會係咁過黎問我要唔要多d韓式前菜。又會成日睇下我有冇野需要不過老實講，價錢係偏貴叫左2樣野都要300幾差唔多400蚊偶爾一餐會係享受❤️❤️