金緣居台式料理

營業中

休息中

今日同荔枝角朋友一試呢間新開既台式餐廳🙋🏻‍♀️ 新開張有飲品買一送一優惠同$12加小食，幾抵👍🏻餐廳屬於小店，唔算大但坐得都舒服既我同朋友都叫set，叫set就最方便，小食/甜品/野飲都有埋。🍽️招牌三寶麵 （牛腩，牛筋，牛肚）好足料，牛腩，牛筋，牛肚都夠淋，入味同份量足，個湯頭同調味係比較清個種。🍽️ 香酥排骨滷肉飯份量剛剛好，幾欣賞個滷肉飯，肥瘦適中，入味軟糯，唔會太好油膩，好好送飯。炸排骨夠脆既，好大塊，味道比較清淡，加埋辣椒油就剛好。通常set既小菜甜品都比較求其，但呢個有d驚喜，小菜同甜品無比主菜遜色，尤其仙草👍🏻令一樣特別既係有好多自訂既特別要求，幾貼心。

首先，香酥排骨蔥油拌麵真係唔可以錯過。粗麵煮得剛剛好，彈牙又有嚼勁，加上香脆嘅排骨，口感一流！蔥油嘅香味令整碗麵更加提升，食完真係好想再嚐多一碗。跟住我試咗招牌三寶湯麵，選咗牛腩、牛筋同牛肚。湯底濃郁，牛腩軟綿綿，牛筋又有彈性，牛肚更係入味得嚟唔會膩。淮山麵吸埋湯，簡直係完美搭配，真係一碗好味嘅舒心碗麵。最後，為咗清新下，我叫咗杯水果烏龍茶，茶香配埋新鮮水果，口感清新又解膩，真係好適合呢個炎熱嘅天氣。仲有，宜蘭鹽酥雞都係必試！外脆內嫩，味道香濃，每一口都令人唔停手。

長沙灣有好多美食，今次嚟到呢間台灣料理，店內環境舒適企理，裝修都唔錯，食物款式多元化，好多台灣地道美食。蛋餅是我的至愛，賣相吸引，煎到金黃色香脆，加入肉鬆，還有半溶芝士，芝味濃郁，口感外脆內軟。蝦餅即叫即炸，香酥脆口，濃郁的蝦鮮味，口感厚實。配上酸酸甜甜的醬汁，幾好味。咖喱魚蛋湯麵好大碗，濃郁的咖哩湯頭及彈牙魚蛋，魚蛋內𥚃還有醬爆效果，辣中帶甜好惹味。台式炸雞扒份量十足，幾抵食，熱辣辣上枱，金黃香脆，肉質嫩滑，滿滿肉汁。滷肉飯選用層次豐富的三層肉，經過燉煮，口感好淋，滷水汁夠晒入味，送飯一流。

今晚喺長沙灣搵食，行過見到「金緣居台式料理」，就入去試吓。餐廳環境唔算大，不過裝修幾有台灣feel，仲有唔少台灣地道小食，真係幾吸引。我叫咗麻辣牛肉乾拌麵套餐，個麵一上枱香味四溢，麻香十足但唔會死辣，拌得夠均勻，麵質彈牙，唔會淋。牛肉片份量唔少，腍滑入味。套餐前菜有小黃瓜、滷蛋，小黃瓜酸酸脆脆幾開胃，滷蛋滷得入味唔會鞋口，仲有小食拼盤：雞米花、炸花枝丸、台式香腸，全部熱辣辣上枱，雞米花外脆內嫩，花枝丸彈牙唔腥，台式香腸微甜夠香口。朋友叫咗大大雞扒滷肉飯套餐，個雞扒真係名副其實大舊，炸得金黃脆口，唔會太油，肉質都保持到嫩滑，幾有水準。滷肉飯就係細細碗鋪滿咗滷肉，肥瘦適中，拌飯一流，唔會太鹹，啱晒香港人口味。另外叫咗幾款小食：滷水豆腐同麻辣鴨血。豆腐滑溜入味，麻辣鴨血係驚喜之一，夠辣又唔會太重口味，食落啖啖都好juicy。飲品方面，我叫咗台式奶茶，茶味重之餘奶味又夠香，甜度啱啱好，唔會膩。朋友叫咗凍檸水，清爽解膩。餐後甜品仙草芋圓唔係hea交貨，仙草清涼，芋圓煙韌唔黏牙，收尾一流。

金緣居台式料理(香港)地址: 香港長沙灣昌華街23號富華廣場地下16號舖台灣菜作為一個香港人，經常去台灣旅行食野，係香港我都不時食台灣菜架！全手套餐好豐富，有主食，前菜，2個小食同飲品甜品，我叫了個 小黃瓜，小食要台式香腸同雞米花。擺出來好有儀式感主食$78 炸排骨滷肉飯，超大塊，唔厚粉唔怕吸怕變得油膩，仲醃得好入味，比較重鹹幾岩配落白飯！滷肉飯半肥豬肉，微甜滷肉汁。額外+$12 要了燙青菜甜品是仙草芋圓🤣仙草我最愛，甜而清幽，仲有粉嫩qq 芋圓，好幸福

長沙灣開咗一間平民台灣美食，嘅台灣食物選擇好多而且價錢好抵食，所以平時都吸引咗唔少街坊幫襯！我今日就同咗朋友嚟食咗佢嘅套餐：⭐️ 清燉牛肉湯飯套餐呢個套餐包括清燉牛肉湯，湯底清澈，牛肉鮮嫩，經過長時間熬煮，味道十分醇厚，搭配米飯食用，真係好滿足！另外仲有滷水蛋，蛋黃滑順，滷汁香濃，為整體增添層次感！炸花枝丸外脆內嫩，咬落去好有口感，台式香腸則甜中帶鹹，令人一試成主顧！最後嘅仙草芋圓，清新可口，係完美結尾！🍚🥢⭐️ 紅燒牛肉湯麵呢碗湯麵使用淮山麵，口感Q彈，搭配紅燒牛肉，牛肉軟滑入味，湯底香濃，真係好開胃！南投雲筍增添咗清脆嘅口感，炸杏鮑菇外脆內軟，炸花枝丸則繼續保持佢嘅美味，仙草芋圓作為甜品，真係食完有驚喜！🍜⭐️ 澎潮香酥蝦餅呢個蝦餅外脆內嫩，香味四溢，蝦肉鮮甜，口感極佳，真係一個唔可錯過的小食！🦐飲品方面都有好多選擇～🥤 珍珠奶綠呢杯珍珠奶綠，珍珠Q彈，奶香濃郁，搭配清新的綠茶，飲落去非常爽口！🥤🍵 水果烏龍茶水果烏龍茶清新可口，茶香與水果味完美結合，令人感到舒暢，係個好選擇！🍊

晚上八點幾才食晚餐飯，雖然食差不多，但係食物用心之作，環境良好，冷氣夠涼；餐單剛好，清楚明白，自己order碗麵唔小心嗌咗辣，員工都樂意幫我換清湯,感動！會再encore ！

長沙灣新開咗一間台式料理！有多款嘅台式食物提供，仲要免收加一，真係幾抵食！店內裝修亦都好特別，天花上面掛滿色彩繽紛嘅花花～✨大大雞排滷肉飯餐雞排大大塊，外層香脆，內裡juicy！滷肉肥瘦均勻，用來撈飯超正！仲有自選3款配菜，滷蛋好入味，炸花枝丸口感十足，雞米花香脆可口！另外，仲可以淺嚐埋餐廳嘅仙草芋圓，呢個套餐真係冇得輸～✨招牌三寶麵牛腩同牛筋都煮到好軟腍，好有水準！牛肚爽口有嚼勁！紅湯微辣鮮甜，同口感Q彈嘅粗麵都好夾～✨雞肉捲蔥餅煙煙韌韌嘅蔥餅包住嫩滑嘅雞絲、脆嫩嘅青瓜絲同酸菜，口感充滿層次感～✨凍 珍珠奶綠要求咗多奶，奶味濃郁得來又不失綠茶嘅芳香！珍珠嘅口感仲要好Q彈添～✨凍 起司奶蓋草莓歐羅草莓歐羅帶有自然嘅草莓酸甜味！頂層嘅芝士奶蓋口感柔滑，而且帶有微微嘅咸香！呢個配搭超正～

點解冇人講長沙灣開咗間咁好食嘅台灣菜餐廳嘅？依間台灣菜餐廳新開，見佢有好多新店開張優惠。難得嘅係夜晚時間六點左右冇乜人，坐得舒服。好多嘢都想試，但係胃仔空間有限，所以叫咗一個餐同啲散食。依家新店開張，仲有多個優惠！🌼香酥排骨滷肉飯（餐）HKD78餐有前菜、2份小食、主食、甜品、野飲前菜：滷蛋（餐）小食：炸花枝丸，雞米花甜品：仙草芋圓飲品：古早味冬瓜茶 +仙草（+$4）好抵好抵‼️冬瓜茶有啲冬瓜粒喺入邊，好清爽，個人認為仲有少少茉莉茶底味。前菜同小食都味道不錯。至於個主食香酥排骨，感覺佢係比較健康嘅做法，唔會油立立，炸得幾好。滷肉飯比起傳統嘅台灣滷肉飯少油，符合港人口味。🌼起司蛋餅（玉米/肉鬆）HKD36個蛋餅肉鬆料好足，比起其他台灣店餐廳，好明顯佢壓實咗啲肉鬆🫢🫢 啱晒肉鬆控🌼澎湖香酥蝦餅（3件） HKD46蝦餅入面有蝦粒，仲要唔少，炸出嚟脆卜卜好好味。🍨至於個跟餐甜品，有驚喜。佢啲芋圓煙靭清甜，糖水汁用咗黑糖同埋花奶溝，又幾好味喎

今日行完D2 Place，行過呢間食台灣野的餐廳，見到佢啲套餐好平，仲要唔使收加一，就一於入去食下。紅燒牛肉湯麵餐揀咗粗麵，要多麵仲要唔使加錢，佢啲牛肉好淋，麵質好煙韌，湯底有少少辣好惹味；前菜（揀咗小黃瓜）即係醃製咗嘅青瓜，酸酸甜甜好開胃。小食可以揀兩款（炸花枝丸同埋雞米花）花枝丸有一粒，好彈牙；雞米花有三粒，炸到好香口。凍芋圓奶茶（跟餐加$9），好大杯，芋圓有口感，叫微甜就剛剛好。跟餐加$22 要左個肉燥青菜，大大份，估唔到肉燥都幾多。貢丸魚丸湯米粉餐揀左紅燒湯底，配埋爽口的米粉食好掛湯，貢丸同魚丸都幾夠彈牙。前菜（揀左滷蛋）小食（揀左台式香腸同雞米花）台式香腸有兩塊，真係好似係台灣夜市食的味道。凍珍珠香芋奶綠（跟餐加$9）又係大大杯，個香芋味好濃郁😍😍所有套餐仲要送埋甜品仙草芋圓，芋圓有四粒，口感煙韌👍呢餐真係好有驚喜，性價比好高，重點唔使加一，兩個人食咁多先係$180。

同好耐無見嘅同事食飯，近近地去左佢屋企附近一間新開的台食店叫金緣居，七點多來到客人不少啊😋⭐貢丸魚丸湯米粉朋友份主食要左碗湯米粉，小食同前菜就揀左貓耳朵、炸花枝丸同台式香腸，個餐仲有一碗仙草芋圓添。一個餐有晒咁多野，真係人少恩物，唔使下下搵人分亨先叫得😋講返碗米粉，貢丸同魚丸都幾爽口彈牙，米粉吸左湯汁正呀😋⭐大大雞扒滷肉飯自己就點左雞扒飯，真係如同餐名般，塊雞扒勁大塊，炸得酥香肉嫩，好食🤤滷肉飯半肥瘦調味唔錯。仲有滷蛋、雞米花、台式香腸，哈哈，無留意滷肉飯已有滷蛋，小食又揀左佢添，唔緊要比朋友食啦😝⭐玉米起司蛋餅仲加左份蛋餅，揀左粟米口味，蛋餅入面好多芝士，仲有沙律醬，酸酸甜甜口感煙韌，正喎🤤⭐黑糖珍珠奶茶 & ⭐珍珠奶綠飲品加錢轉珍珠奶茶，一杯要黑糖，一杯要奶綠，茶底幾香幾好飲，但珍珠略硬，扣分🤭總括黎講係抵食又好食嘅，推介～

喺明愛醫院附近新開咗間台式料理，全日免加一好抵食， 11點前有早餐， 11點後全日套餐包主食、前菜、小食、甜品、飲品超級豐富，每樣都細細碟可以試好多款，仲可以追加蔬菜或湯品我哋一行二人揀咗兩個套餐，前菜滷蛋同貓耳朵都係涼菜，正常發揮好開胃，小食雞米花係炸雞粒，外皮香脆肉質軟熟，另有台式香腸同炸花枝丸大大雞排滷肉飯 $88真係好大塊，分咗兩排條條都好多肉，炸皮好脆仲有少少味粉好香口，滷肉飯夠晒肥，多汁但唔會太鹹，送飯啱晒清燉牛肉麵 $72個湯好清甜冇味精，牛腱厚身肉質軟滑，牛筋有膠質，可以免費轉淮山麵，幼身比較爽口追加小食揀咗肉燥青菜 +$22 菜心好腍好甜，揀咗肉燥另上可以按口味調節，同埋紫菜豆腐湯 +$20 大大碗有一粒粒軟滑豆腐同鹹香紫菜，豐富蛋白質又暖胃凍香芋奶綠 +$9 有粒粒芋蓉，奶綠清香；熱水果烏龍菜 +$6 以鮮果粒加入濃香茶底，清甜醇厚好好飲最後仲有一小碟仙草芋圓，有花奶調味，少少哋唔會太飽，又有甜品食好滿足

星期六同朋友一齊去左食台灣菜長沙灣有間新開嘅台灣菜 金緣居我叫左個全日套餐招牌三寶麵 套餐 揀左 紅燒湯底 粗麵套餐包左 前菜 三選一 我揀左 小黃瓜食落爽脆，酸酸地 好開胃小食 三選二 試左 雞米花同炸花枝丸雞米花 炸粉唔厚，食落啖啖肉 味道唔錯炸花枝丸都幾好食招牌三寶麵 係牛筋 牛肚 牛腩份量都幾大份，紅燒湯底 惹味，食落唔算太油粗麵份量足，幾滑溜。牛筋 炆得啱啱好，保留到口感，味道都唔會太鹹。牛肚，薄切入味，炆得夠腍牛腩 一大件 啖啖肉 好實在。餐仲有個甜品 仙草芋圓，細細碟，啱啱好。芋圓 整得煙煙韌韌，唔錯飲品 叫左 凍咖啡 去糖去冰少奶 加仙草咖啡大大杯 好香濃，加左仙草都好夾另外叫左個小食 甘梅地瓜條炸得啱啱好 炸粉唔厚，食到地瓜嘅甜味。套餐啱哂有時一個人又想食下小食 甜品嘅食客。

**🍖 香酥排骨滷肉飯套餐 $78** ▫️ 可選走小黃瓜/韭菜排骨炸得金黃酥脆，肉質保持juicy ▫️ 配餐三重奏：滷蛋入味+台式香腸甜鹹+花枝丸彈牙 ▫️ 升級**黑糖珍珠奶茶**（少甜少冰）黑糖掛壁超邪惡 **🐔 大大雞排滷肉飯套餐 $88** ▫️ 紅燒風味｜雞排大過手掌！外皮脆肉質嫩 ▫️ 自選米粉底｜吸盡滷肉汁 ▫️ 配**古早味冬瓜茶**（少甜）清涼解膩 **🌯 牛肉捲蔥餅 $36** 餅皮煎得香脆，牛肉餡爆汁，蔥段清新解膩 **🍧 仙草芋圓** 芋圓Q彈有嚼勁，仙草滑溜，完美作結 #台式滷肉飯 #脆皮雞排 #珍珠奶茶 #港女食台灣菜

我有個同事住喺長沙灣，佢知我喜歡食美味台式料理，就介紹我去佢樓下間台式餐廳，這間餐廳叫金緣居，佢話主食嘅全日套餐都煮得好食，仲有連埋前菜、小食、甜品、飲品，食物質素好，價錢又唔貴，亦都冇收加一，而且餐廳地方寬闊整潔，枱凳整齊，令人坐得舒服。我選咗全日套餐嘅貢丸魚丸清湯淮山麵，包含前菜小黃瓜，小食炸花枝丸、台式香腸，甜品仙草芋圓，飲品水果烏龍茶，朋友就選咗招牌三寶粗麵（牛腩、牛肚、牛筋），亦包含前菜貓耳朵，小食炸花枝丸、台式香腸，甜品仙草芋圓，飲品蜂蜜柚子茶，我哋仲叫多一個前菜涼拌小黃瓜及小食炸春卷，這個台式食品真係豐富，多謝同事介紹來食。🐖🐠貢丸魚丸清湯淮山麵湯頭清澈甘甜，帶有淡淡香味，襯托淮山麵的天然甜味，貢丸紮實彈牙，豬肉鮮味濃郁，咬下時肉汁滲出，魚丸白身魚漿製成，口感細嫩帶微Q，淮山麵淺褐色麵條，山藥添加讓口感滑順帶黏性，吸附清湯後更顯溫潤。🐃招牌三寶粗麵牛腩半筋半肉，燉到軟爛卻不散，纖維中帶著膠質黏唇感，牛肚蜂巢肚切條，滷得入味仍保脆度，嚼勁十足，牛筋晶瑩剔透如琥珀，入口即化帶黏性，膠質感最濃郁，粗麵偏寬的鹼水麵，掛湯力強，與濃郁牛肉味形成對比。🥗前菜涼拌小黃瓜醃漬得脆爽，酸甜