金緣居台式料理

$88喺長沙灣食午餐，的確唔算平，平過佢嘅選擇大有人在。睇下餐牌有咩食，睇完用QR CODE 落單依家2點未夠，只可以叫全日餐，價錢高啲。人流唔算多，本身係因為新開店，感覺環境靜啲，可以hea住慢慢歎，食得舒服啲，係已知嘅好處。不過第一次食台灣套餐，有前菜、小食、飲品同甜品--唔係平但係「抵」；食過之後夜晚份量可以縮減，慳返一餐錢。🍱大大雞排滷肉飯餐 $88南投雲筍麻油涼拌嫩竹筍，沙少辣油夠開胃炸花枝丸花枝丸炸到金黃，外脆內彈牙，花枝粒感突出，食落鮮味同咬口一樣有驚喜。炸杏鮑菇外層薄脆、咬落煙韌多汁，一絲絲纖維原來有食肉嘅感覺，啖啖菇香完全唔油膩。大大雞排雖然叫大大雞排，都用左台灣地瓜粉炸法，不過用雞腿肉，代替台灣常見嘅雞胸，呢種做法鹽酥雞比較常見，但大雞排就好少。炸粉一樣香脆，但食落更嫩滑唔乾柴，材料更易買，更加確保唔係急凍預製菜。人地切件係為左節省成本，呢度係為左俾俾食多幾件，感覺應該有1.5塊茶記雞扒嘅份量，原來假貨比真貨更好。滷肉飯呢個滷肉飯，有油香分明嘅五花腩粒，配半隻入味滷蛋。表面係南部口味，又加咗香港本地元素—用絲苗米取代珍珠米，食落粒粒分明、唔會糊。日式黃蘿蔔，變成白醋醃青瓜，更加酸甜開胃。食到一半又有驚喜，滷汁放飯底又係大加分，食落唔會濕晒，保持飯粒乾爽又入味！真係幾多飯都唔夠送，完美演繹本地台式fusion！😋仙草芋圓呢碗仙草芋圓睇落超吸引，啲芋圓色彩繽紛又煙韌，真係分到紫色係紫薯，白色係芋頭。黑色仙草軟滑又爽口，糖漿加奶又香又甜，食完透心涼好滿足！😋水果烏龍茶 +$9呢杯水果茶，放棄常見嘅蘋果、橙、西柚。改為大大塊西瓜加去皮蘋果，浸喺烏龍茶底，色水清新，賣相已經贏晒。生果真係預客人會食嘅，滿滿嘅維他命C。生果本身未開味，等浸耐啲就有微微西瓜清甜滲出，茶味唔苦搶分，完全無柑橘類生果，都做到暑氣全消，食材新鮮又冇加工感，港台fusion做到一流！🍉總體賣相一流，色香味俱全，份量大、材料新鮮、冇預製感覺，完美港式台味fusion。總數：$97…查看更多

最近我同朋友去長沙灣睇戲，行行下見到喱間金緣居台式料理，價錢又幾合理。我地2個叫左2份全日套餐，紅燒牛肉面同埋一份大大雞排滷肉飯，價錢幾十蚊，仲包埋前菜、小食﹑陳飲同埋仙草芋圓甜品。紅燒牛肉面紅燒牛肉面嘅牛肉煮得軟腍入味，湯底濃郁，麵條彈牙，有一種置身台灣既地道感覺。大大雞排滷肉飯講起台灣野就一定會諗起雞排，喱到個雞排滷肉飯都做得唔錯，雞排超級大份，外脆內嫩，滷肉的醬汁搭配白飯簡直係絕配！不過我減肥中就真係唔食得咁多啦XD套餐其實仲包括前菜同小食，我地叫左小黃瓜﹑貓耳朵﹑雞米花同埋香腸，小食既份量唔多，但作為配菜都非常足夠，仲可以試多幾款。炸地瓜條炸地瓜條值得特別一提，我個人超鐘意佢外面金黃酥脆，但裡面保持到地瓜的軟綿口感，好香口!仙草芋圓仙草芋圓係一小碗份量，滑嫩的口感同頭先大有不同，完美咁為我地結束喱一餐。雞排刈包/粢飯另外，我哋見到餐廳新出左個雞排刈包，都叫左一份雞排包同粢飯帶返屋企做早餐，雞排超大舊勁正，鬆軟嘅餅皮搭配埋個比較濃味既雞排，值得一試！仲有我平時最鐘意食既粢飯，粢飯都係用到糯米包油炸鬼，非常足料，作為早餐食勁滿足。…查看更多

為食花太郎 Fafafoodblog 金緣居台式料理 🍴大大雞扒滷肉飯 88 蚊🐥雞扒真係好大件 出面好香脆 好夠咸香味 飯上面既滷肉 肥同瘦肉都有 好有口感🐖🍴招牌三寶麵 88 蚊🍜加麻辣鴨血 18 蚊🦆好彈牙大件既麻辣鴨血 加燙青菜12 蚊🥬前菜 小黃瓜 貓耳朵 滷蛋 小食 雞米花 炸花枝丸 台式香腸 甜品 仙草芋圓芋圓彈牙 甜度適中 個仙草都好夠爽滑 加9 蚊特飲 珍珠奶綠黑糖珍珠奶茶 🍴捲葱餅 牛肉36 蚊個餅皮有d似印度薄餅 有層次感彈牙 入面有青瓜絲同牛展肉 好有口感 用埋北京片皮鴨既醬 🦆#台灣菜 #牛展 #准山麵 #芋圓 #仙草 #鴨血 #滷肉 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#金緣居台式料理 長沙灣昌華街23 號地下16 號鋪~~~~~~~~~#fafafoodblog #為食花太郎 #fafafoodblog長沙灣====================…查看更多

親友知我都鍾意食台灣菜，佢就介紹我去佢屋企附近新開嘅「金緣居台式料理」，佢話啲套餐好抵食，性價比高，所以，趁周五晚同老婆嚟輕輕鬆鬆食番餐。補充一點，餐廳嘅地址寫「昌華街」，但餐廳嘅入口實際晌「青山道」，一來親友有溫馨提示，二來小弟對呢區都熟，所以，唔難搵。走進餐廳，一字長形左右兩排餐枱，兩邊仿磚牆，掛上少少油畫，睇落就跟台灣無乜關係，而最突出喺天花周圍都吊咗好多植物，此外，最緊要都喺地方整潔。先介紹吓餐廳嘅散點餐牌，有非常多選擇，分類包括咗前菜、店式小食、滷水、湯、拌麵、湯麵、湯飯、水餃、飯品及甜品，仲列齊邊啲喺人氣，邊啲喺推介，最好喺唔收加一嘛！不過，講到抵食，非全日套餐莫屬，包1前菜、2小食、主食、甜品同基本飲品，當然可以升級為特飲，又可以追加一啲菜式，易於分甘同味:)。順便都貼埋早餐、下午茶同兒童餐俾大家作參考，睇起嚟同樣划算。基本上，餐廳採用二維碼落單，但不得不讚讚佢個落單系統，除咗分類清晰之外，菜式比餐牌顯示嘅多，而大部份食物都有再細分嘅選項，好似我揀嘅三寶麵，可轉淮山麵、米粉，湯底亦可以轉，特飲可揀冰量、甜度外，仲可以額外加唔同配料，一如晌出面賣台式茶飲店咁，非常有彈性。清燉牛肉湯米+滷蛋+雞米花+炸花枝丸 $72呢個喺老婆所選嘅組合，由湯麵轉咗湯米，選番清湯，湯頭雖然清，但唔覺寡。滷蛋雖香，但未有溏心效果；雞米花似喺鹽酥雞，外脆內軟；而花枝丸等我下面再講。雖然菜名叫牛肉，其實喺牛腱位，厚切大大件，好鬆化嫩滑，確喺唔錯。招牌三寶粗麵+小黃瓜+台式香腸+炸花枝丸 $88小黃瓜睇起嚟普通，食落就知喺醃漬過，脆爽酸香，好有開胃之效；香腸皮脆鹹香，肉質挺實，亦唔覺好肥，仲伴有生蒜頭；花枝丸炸得香口，有墨魚鮮味。三寶即喺牛腩、牛肚、牛筋，先飲啖湯，濃香而不濁，而牛腩好鬆化，牛肚爽口，牛筋軟腍有咬口，樣樣都滷得入味；麵條就揀咗粗麵，柔韌耐浸，極具咬口，食到尾都無話腍晒:)。仙草芋圓雖然只得一小碟，純粹過過口癮，但質素唔錯，剛好三色芋圓（地瓜、香芋、紫薯）每樣一粒，咬口有韌勁，而仙草非常滑溜，淋埋花奶，啱晒我。古早冬瓜茶加紅豆 +$10老婆想清潤少少就選上冬瓜茶，而佢本身好鍾意紅豆，就加配一份紅豆。撈一撈，真喺堅有冬瓜，味道確喺清潤消暑，揀咗少甜，甜度啱啱好，合晒佢口味，紅豆亦好清甜。黑糖珍珠奶茶 +$9去茶記就近乎必然點奶茶，食台灣嘢又喺近乎點珍珠奶茶，有黑糖就百份百揀黑糖口味。奶茶做出基本水準，因為加咗黑糖，入口就更為醇厚清甜，珍珠口感亦夠晒煙韌，揀咗少冰、少甜，就確喺少冰，飲到尾茶味都唔會太過淡。招呼確喺幾到位、貼心，而侍應好有禮，目測所見，幫襯都喺街坊多。試過兩份套餐，果然正如親友講性價比真高，值得回訪，支持小店。…查看更多

長沙灣真係咩類型嘅餐廳都有見到有這一間新開張的台式餐廳就入去試一試新開張優惠飲品有買一送一 又可以優惠價配小食全日套餐有主食+兩個小食+前菜+飲品仲有甜品好似都幾抵我就揀咗紅燒牛肉湯麵一盤上枱覺得又整齊又有風格小食要咗台灣腸 花之丸 手拍青瓜牛肉麵係台灣牛展牛肉， 湯底少少辣 牛肉半斤半肉食落很惹味朋友要咗貢丸魚丸湯粗麵兩個餐加埋小食感覺都好多樣化朋友要咗粗麵覺得呢個粗麵幾好食有點像烏冬甜品仙草芋圓感覺幾有趣有三粒芋圓+鲜草，雖然唔係好大碟但係做甜品覺得都可以飲品我揀咗水果烏龍茶感覺都幾有誠意，裏面係新鮮水果有火龍果同埋蘋果火龍果都幾甜不錯不錯朋友就要咗凍朱古力走甜 朱古力味好濃鬱叫咗一份捲葱餅(牛肉)裏面有青瓜有點榨菜有些牛展食落覺得很不錯覺得如果唔食麵，叫一個來做主食都可以整體兩個人份量叫得比較多人均100元左右 食咗超多嘢餐廳坐得舒服係傾計朋友相聚的好地方…查看更多

長沙灣區很多平民簡樸的餐廳，裝潢雅緻乾淨企理的平民餐廳卻是少數，這間台灣菜雖然小品經營，環境很企理乾淨，未食已經有好感。宜蘭鹽酥雞滷肉飯 ($72) ★★★★✰這裏的全日套餐除主食的飯/麵外，還有一款前菜、兩款小食、一道甜品，形成照片中所見的「四小碟」。我選了滷蛋作為前菜，非常標準的台式滷水(還有些滷肉碎)；炸花枝丸也是預期的美味，炸杏鮑菇則略嫌細粒。滷肉飯幾有台式風味，肉粒大小(對我來説)適中，又不會出很多水浸濕米飯。跟餐的鹽酥雞炸皮不厚，調味不會太鹹，又保留到肉汁，實在不錯。甜品有涼粉+芋圓，有香港標準甜品舖的質素。很大杯綠茶！總括而言，雖然這個價錢在同區食肆不算特別便宜，不過套餐份量不少，而且食物賣相味道都很不錯；餐具及傢具都整潔，店員服務有禮，整體來説是間感覺很温暖，會令人想間中重訪的餐廳。我見有下午茶餐都是$40上下，值得下次再來…查看更多

位於長沙灣的金緣居，是一家專注於台式料理的餐廳，讓人一踏入就感受到濃厚的台灣風情。餐廳環境舒適，裝潢簡單卻不失溫馨，適合朋友聚會或家庭聚餐。我們的餐點從前菜開始，滷蛋的味道鹹香可口，雞米花外脆內嫩，炸花枝丸更是彈牙，配上小黃瓜的清脆，令人開胃。炸香鮑菇則帶有淡淡的香氣，讓人一口接一口，台式香腸的甜味更是為整體前菜增添了不少層次感。主食方面，我們選了貢丸魚丸湯米，湯底清甜，貢丸和魚丸的口感都恰到好處，米飯吸收了湯汁，十分美味。麻婆豆腐拌麵則是另一番風味，豆腐滑嫩，麻辣的醬汁和麵條相互融合，讓人刮目相看。飲品方面，奶綠香芋珍珠的搭配非常驚喜，香濃的奶綠與香芋的融合，口感極佳。珍珠奶茶更是經典，珍珠Q彈，茶香四溢。最後，我們的甜品仙草芋圓也不容錯過，仙草的清香配上軟糯的芋圓，讓整個用餐體驗畫上完美的句號。總體而言，金緣居提供了美味的台式料理，每一口都讓人懷念，值得再來！…查看更多

位於長沙灣的新開台式餐廳 「金緣居」是一家結合美食與舒適氛圍的用餐好去處。踏入餐廳，映入眼簾的是掛滿天花的綠色植物，讓整個空間充滿自然氣息，既清新又具備設計感，營造出一種輕鬆愉悅的用餐環境。服務方面，店員表現熱情，細心招呼每位客人，從點餐到上菜都非常周到，讓人感受到賓至如歸的體驗。這次我們點了幾道經典的台式菜品，包括宜蘭鹽酥雞滷肉飯、大大雞扒滷肉飯。首先，鹽酥雞是一道不得不提的亮點。外皮炸得金黃酥脆，口感香脆不油膩，雞肉鮮嫩多汁，還帶著淡淡的香氣，讓人一口接一口停不下來。滷肉飯則是台式經典中的經典，滷肉醬汁濃郁，肥瘦相間的滷肉入口即化，搭配香滑的滷蛋和軟糯的白米飯，滿足感十足。炸雞扒同樣表現出色，外層炸得酥脆而不過於厚重，內裡的雞扒保持鮮嫩，咬下去充滿肉汁，味道層次非常豐富。小食方面，炸蝦餅則是外脆內嫩，蝦肉鮮甜，口感扎實，非常適合與配菜一起食用。炸花枝丸外皮酥脆，內裡有嚼勁，花枝的鮮甜味濃郁，每口都充滿海洋氣息；台式香腸油脂豐富，配上蒜頭，風味獨特；貓耳朵味道清新，是一道讓人停不了口的台式小食小點，非常適合作為聚餐的分享菜品。紫菜豆腐湯湯頭清淡鮮美，紫菜柔軟，豆腐嫩滑，帶來舒心的暖意；麻辣鴨血香麻濃郁，鴨血滑嫩入味，辣度適中，令人回味無窮；飲品方面，蜂蜜柚子茶酸甜清爽，柚香濃郁，搭配蜂蜜的自然甜味，十分解膩；香芋奶綠香氣撲鼻，芋頭的濃郁與奶茶的香滑完美融合，口感醇厚，是一款值得推薦的飲品。最後的甜品仙草芋圓清爽解膩，仙草滑順，芋圓有嚼勁，搭配微甜的椰奶，為這頓豐盛的晚餐畫上完美句號。整體而言，「金緣居」不僅提供地道的台式美食，還兼具舒適的用餐氛圍與親切的服務。無論是菜品的品質還是整體用餐體驗，都能感受到店家的用心。期待下次再來品嚐更多美味！…查看更多

位於長沙灣的金緣居主打各款地道台式料理，從涼拌前菜到滷水、拌麵、湯飯、水餃、甜品及台式飲品，選擇多元化。我和朋友都叫左好抵食既全日套餐，包括有前菜、台式小食2款、主食、飲品和甜品：貓耳朵：爽脆微辣，開胃之選。滷蛋：滷香入味，蛋白滑嫩。炸花枝丸：彈牙多汁，為味蕾帶來驚喜。台式香腸：甜中帶鹹，肉香十足。炸杏鮑菇：外脆內嫩，菇香撲鼻。雞米花：一啖一口，香脆惹味。古早味排骨滷肉飯：排骨炸得酥嫩，滷肉香濃不膩，飯粒吸汁一流。清湯水餃8隻加配淮山麵：水餃皮薄餡靚，湯底清甜，淮山麵口感滑順。檸檬水：清新解膩。蜂蜜柚子茶：酸甜平衡，柚香怡人。仙草芋圓：芋圓煙韌，仙草滑溜，甜度適中。總結，小店不但味道正宗，服務親切，價錢親民，是一間值得回訪的台式餐廳。…查看更多

位於長沙灣不算太人來人往嘅街道，係一間整體感覺低調但樸實嘅街坊小店，坐位唔算太多。晚餐時間仲有唔少街坊等外賣拎走。🔆牛肉捲蔥餅蔥味好香口！餅皮又酥又脆，每一啖都蔥香四溢，入面嘅牛肉都好嫩唔會太重醃制味，味道簡單唔會好油膩。🔅貢丸魚丸湯米粉套餐 我哋試咗貢丸魚丸湯米粉，湯底唔會死咸，米粉吸晒湯汁，。因為貢丸同魚丸都好彈牙！整體口味係清清地，唔想食得太heavy可絕對一試。跟餐仲有埋雞米花同台式香腸。嘢飲加咗$9就有珍珠奶綠，大滿足👍🏻🔅大大雞排滷肉飯 跟住嗌咗但大大雞排滷肉飯，雞排炸得香脆，肉汁豐富，同滷肉飯都幾夾，食落去口感層次好豐富。跟餐有埋花枝丸同台式香腸，飲品就試咗熱古早味冬瓜茶👍🏻最開心嘅係仲會送埋仙草作為甜品作結💛…查看更多

非常推薦既一間台灣餐廳，店內環境乾淨企理，店員有禮貌，整體黎講cp值高。同朋友一共三個人晚餐去食，有叫套餐有叫單點，食物飲品份量足夠，價錢亦都唔貴，套餐一個大約百零蚊左右，有晒主食+小食+甜品+飲品，一個套餐已經好滿足，可以過過台式食物既口癮。個人大推既食物係大大雞排滷肉飯套餐，雞排好大件，酥脆可口，重點係係嫩滑得黎唔係好乾身嗰啲，回味無窮。仲有個甜品仙草芋圓，都係好好食。下次會試埋紅燒牛肉麵～～…查看更多

放假嚟附近探朋友，估唔到隨便亂入，食到店灣地道風味嘅小店一嚟已被飲品驚艷到，質素絕對高過坊間大部分手搖飲品店，我點嘅係芋圓珍珠香芋奶綠同芋圓仙草奶綠，比起一般奶綠更香濃，口應順滑，芋圓超Q彈，珍珠同仙草粒粒口感都一樣，明顯用心製作，而且爆滿配料，有喺台灣飲嘅感覺宜蘭鹽酥雞滷肉飯，滷肉飯調味一流，肥瘦得宜，有喺台灣食控肉嘅感覺招牌三寶麵，紅燒湯底香氣濃郁，牛筋軟腍，牛肚同牛肉簡單調味，好食之餘又食到食材本身嘅味道，麵條好有咬口鹽酥雞皮脆肉嫩，麻辣鴨血夠晒惹味，燙青菜新鮮嫩綠，幾款前菜同小食好似滷蛋、台灣腸同花枝丸都做得好出色甜品芋圓仙草，食埋感覺好圓滿，小店感覺幾溫馨，乾淨闊落，性價比高，係有誠意嘅用心小店，值得支持…查看更多

這天我們來到長沙灣區。呢度附近比較多新落成嘅屋苑，亦有好多舊樓，區內都好多小店我哋最後嚟到金緣居食下午茶，因為見到有個店員派傳單，傳單上面好多台式嘢食選擇，好吸引起司蛋餅我哋揀咗肉鬆餡嘅，裏面仲有啲沙律醬炸花枝丸好好味！炸得好香口，有花枝粒粒雞排台式刈包雞扒超級大份，仲配上多汁嘅蕃茄鹽酥雞鹽酥雞炸得香口，味道剛好紅燒牛肉麵 粗麵 紅燒牛肉油脂分布均勻😊湯底濃郁，少少辣嘅湯底配合埋麵食好夾肉燥青菜菜心加埋肥香嘅肉燥食好配合珍珠香芋奶綠 加胚芽香芋蓉味道突出，同埋奶綠好夾奶綠 加起司奶蓋先食一口奶蓋，鹹香味突出😊再攪拌飲又係另一番感覺凍朱古力 加胚芽朱古力味道香濃，胚芽令飲品更有口感…查看更多

「金緣居台式料理」給人一種溫馨的台味家鄉感，選擇非常多元化……..珍珠奶茶……..奶香濃….珍珠Q彈有嚼勁😙😙牛肉湯麵湯頭微辣但不搶味……肉片厚實……麵條是手工寬麵……嚼勁十足！午餐是有跟前菜和小食…….特別一提的是豬血糕……軟嫩且入味👍👍小食炸餃子和春卷配上甜辣醬…….外酥內滑！跟餐的甜品仙草芋圓也不錯！下午茶香酥排骨蔥油拌麵（淮山麵）份量也不少，蔥油很香…..個排骨也很入味…..不錯！！…查看更多

近來屋企附近新開的台灣食店價錢親民，食物質素都很高試過一次之後已經變成飯堂～清燉牛肉麵湯底非常清甜，牛肉很腍，大大件，十分滿足配淮山麵就感覺比較清爽，粗麵就口感很好，比較飽肚，各有特色炸花枝丸很多地方的花枝丸也只是一舊麵粉，這裏的花枝丸真材實料，有很多花枝在裏面，大大粒，炸得香口，椒鹽味恰到好處！粟米芝士蛋餅即叫即做，熱騰騰的蛋餅，芝士份量恰到好處不會太膩，粟米份量超多，外皮煎得非常香口，媲美台北當地出名的食店！…查看更多