金牛苑法式越南菜(香港)

營業中

休息中

好貴既甜品呀,第一次食咁貴既拉椰糕,仲要咁細件,唔好去搶錢,真心講句,五星級酒店都無咁細件同咁貴啦！大拿拿38蚊件呀,咁我不如食x公既千層蛋糕好過啦！你地認為值唔值這個價錢呢？

多年沒有來過金牛苑... 從前它在海港城，我也光顧過， 另外就是在銅鑼灣時代廣場...感覺時光飛逝。只因公司搬到工廠區 ，而住的地方又不近便， 我的惰性又越來越強 ...其實上月和家人聚會也想到此，但因訂位時職員說用餐時間為入座起1.5小時，所以最後沒有選擇這裏。 有一天坐車回家途經看到金牛苑招牌... 又突然蠢蠢欲動今次打電話來問個清楚，職員說若不是大時大節日或被客人部分包場...是不會有限用餐時間的。來到新分店，感覺仍是有點傳統。 我們只有2個人，所以只能點些最想又最懷念吃的

跟舊址比較，格局截然不同。以前有落地大玻璃，有維港夜景，較為舒適。今晚跟朋友飯聚，我們叫了豬肉蝦片雞、牛串燒蒜炒蜜糖豆春卷、墨丸、扎肉拼盤咖哩牛腩煲 配蒜蓉包南乳燒雞南瓜飯所有食物上枱時都不是熱辣辣，全是暖的！真的頗失望南瓜飯忘記影相，但味道頗好飯中很多南瓜，亦有其他蔬菜在當中，很香的南瓜味不太甜，好好味

已經唔知第幾次食金牛苑 由一開始係海運時已經食到而家 間唔中諗起佢地既咖哩配法式蒜蓉包都會令我好心動地想去食 係香港要食越南野唔難 但法式越南野相對就冇咁周街都係 今次叫左海龍皇湯（應該冇記錯名掛） 第一個上就係個湯 酸得黎有dd辣 飲完好開胃 特別係夏天時飲令人更食慾大開 個湯真係好足料 碗碗都有隻新鮮大蝦 蝦既肉質非常彈牙 完全係食到新鮮靚蝦既鮮甜美味 👍🏻👍🏻👍🏻 如果鐘意食酸酸辣辣野既話好推介大家試試呢個湯再黎係蒸粉卷 個味清清地 平衡返岩岩個湯既味道 粉卷裡面都有小小肉碎 但係唔會覺得啖啖肉 上面既蔥花點綴左呢道菜 令粉卷既味冇_（掛）呢道黑松露帶子 有超勁既黑松露味 自問唔係黑松露迷 所以冇話好欣賞 而且帶子下面既冬菇真係好好好咸 所以大家叫左白飯黎配住咁食撈淡佢 除左呢2點令我對呢道菜有小小挑剔外 個帶子真係煎得好好 切帶子時 一刀好順滑就切開左 冇煮過龍老左或者太生 食落口就係口感嫩滑又鮮甜 一個字正馬拉盞炒通菜 呢個炒得好一般 炒到太熟 d菜老晒 同埋都略為太油同太咸 下次應該唔會再叫最後黎到我既至愛 一貫既好味 冇令我失望 我地叫既係海鮮咖哩 個咖哩煮得岩岩好 唔太

聖記高B班同学會，好耐冇開飯吹水，楝个好日到 ”金記”晚飯。点解揀呢度？貪佢就腳，MTR出行1分鐘就有冷氣嘆! 係大熱天時，呢个location 掂!8人飯局 & Birthday celebration, order 以下:小食拼盆：D墨魚丸彈牙到可以打乒乓波。春卷包住新蘚香葉，好食到冇朋友 !!蟹肉沙律：靚人keep fit 首選燒雞：水準依然高! 香脆肉嫩。跟食神金句“雞有雞味”紅酒燴牛尾：牛尾炆得”林”、配埋多種蔬菜(入味。但唔係溶哂的蕃茄。菇，洋葱) & 点埋D汁，我ko咗2塊 法包。上湯菜：好似話係唐生个蕊，估佢唔到咁嫩,咁清甜。蟹肉炒粉絲：果然係招牌菜，清爽不油。2秒食晒!我哋礳爛蓆，傾到1045pm才走，店員不但没有black face,更動加茶加水，... 我 學劉華咁 "比10个likes"”金記”& “聖記” 30年味道不变，人情味更濃我們已約定 ”聖記高B班同學学“ 下次來食大頭蛤蝦 !

又到公司有人生日要搵地方食晏, 尖沙咀區來來去去都係K11, ISQUARE既商場店..無黎新意..呢日心血來潮, 醒起轉角位置好似有間野, 門面都幾型既~一於黎試試呢個金牛苑!一行6個人, 有老細有同事, 當然要扮細食喇~叫左個4人餐, 侍應話都夠食既首先黎既係海皇湯--哇呢個冇得頂!睇落係平平無奇, 罐頭龍蝦湯咁既色, 但係一撈底::龍蝦肉, 蝦粒, 魚肉通通有齊!!!!飲落更加不得了!!堅. 足料跟住係黎小食, 春卷, 春卷就冇咩特別, 4人餐就有4碟咁喇~不過呢個配搭都幾新奇, 在於個配菜::蝦片+菠羅+子薑~OL女人至愛4人餐可以揀3個餸, 我地揀既係燒雞, 雜菜煲同埋沙律蝦球~個人認為::燒雞係必叫既!!!!因為真係皮脆肉嫩, 同埋啖啖肉!唔使點醬都夠味雜菜煲就係寫字樓人飯局必叫既~不過都好大煲, 有D唔同既菜類菇類同粉絲夾下~沙律蝦球就唔係本人既喜好, 不過同枱既都食得好滿意, 話粒蝦好夠大咁, 同埋隔離既炸香蕉都食到好開心既~~~未完!仲有飯麵可以揀~識揀梗係揀炒濛粉喇~呢個就冇咩特別唔係好油咁喇~總有D菜式用黎陪襯既不得不提既係竟然仲有糖水送: 有3大款揀::艼頭西米

估唔到食得咁開心。食團年飯，有老有嫩有BB車，如果出去BOOK酒樓，又貴又未必有房比你。難得老人家唔反對，就試下BOOK金牛苑PARTY ROOM。對食物無期望，但求空間夠大，服務好少少。金牛苑比左地下個包廳我，夠晒地方比細路走來走去，又有兩個WAITER專門服務，未開始食已經好滿意。但更估唔到既係，D野甘好味。頭盤春卷無咩等別，但D沙爹醬好惹味。跟住有軟殼蟹，又香口又軟硬適中，細路食唔停口，老人家鍾意用生菜包住食，一陣間就清左枱。之後有燒雞、蝦球，大家都讚不絕口，但最受歡迎既係咖喱牛腩，用蒜茸包點咖喱汁，入口即融，味道好有層次(其實我覺得仲好食過D牛腩)，之後再上埋白麪包，唔使廿秒就比班小魔怪掃晒，老人家就好乖咁食埋D牛腩，仲好PRO咁研究D牛腩到底點樣炆。另外仲有蜜椒燒膳球(我唔食既，唔知咩味道)同啖啖肉既南瓜海鮮湯，大家食到勁滿足。屋企人申報晒要早走，又話要番學又話餵奶，結果大家都留到最後，希望食埋最後既甜品。埋單每人二百幾三百蚊，團年飯黎講抵到爛。可惜冇影相，但我睇番呢度D相，應該都夠大家參考。

舊址係海港城海運，但執左一排，發現係漆咸道開番!地方大左，樓底高，坐得舒服。 牛油果蟹肉沙律 ! 材料新鮮且豐富，蟹肉、牛油果、蛋白、薯仔、藍莓，絕不吝嗇！最重要係阿媽都讚不絕口。  咖哩牛腩 牛腩正到淋而有咬勁，夠瘦，牛筋淋但爽，夠晒火喉，絕對冇痴牙！ 沙嗲雞 夠嫩而且好大串  春卷一般般~ 我至鐘意佢既甜品 海帶綠豆 ，用剝殼綠豆煮熔，再加紅棗，超好味。食到唔記得映相。阿媽話芋頭西米露都正！雖然價格略貴，但質素好高，服務亦好貼心。最緊要係阿媽鐘意啦! 最愛此家越南菜

今日同朋友相約尖沙咀見面，想起不如去金牛苑一聚。以前係尖沙咀返工時都會去海運舊址，而家搬咗寫字樓就遠D.出開嚟緊係要食啦！味道依然保持水準蒜蓉大頭蝦D肉好彈牙，仲有蝦頭D糕好香香草燒羊扒嫩滑，墨魚丸一食就知手打，和牛湯河粉D湯超濃牛味。今次朋友少聚，食唔到南乳燒雞......下次要補數！招呼嘅員工都幾好禮貌同笑容。

前日同朋友lunch去左金牛苑食, 三個人叫左四樣菜.我地叫左粉卷,馬拉盞通菜香燒蔗蝦同和牛湯河.個粉卷賣相唔錯,味道亦幾好. 粉皮唔會話好厚, d料好足.裡面有豬肉, 雲耳同沙葛, 再搭配出面既扎肉, 幾好食. 馬拉盞通菜就不過不失.辣辣地都ok. 始終覺得食飯有碟菜好d. 至於個香燒蔗蝦, 真係要推薦大家食.同其他餐廳比, 佢既炸粉好薄,蝦球好彈牙,好有口感. 食落去就知道係用新鮮蝦膠整先會咁彈牙. 而和牛湯河同其他越南餐廳既生牛肉湯河比, 價錢可能貴左d, 但我覺得都物超所值. d和牛真係比較嫩口同更有牛的味道. 而且一碗河粉入面和牛既分量都幾多, 唔係只得幾塊. 碗河粉酸酸地好開胃. 我幾滿意今餐, 但唯獨有一樣唔係太好既地方係門口唔太顯眼, 有d難搵.

考完試獎自己食餐好嘅!以前係海港城就成日同屋企人去食。 而家搬左以為好難搵啦， 點知原來係正香格里拉同地鐵站對面，好方便。首先叫左個蟹肉牛油果沙律， 一上枱我以為自己去左日本餐廳但fusion d 家野😂😂😂 佢啲蟹肉真係好新鮮同濕潤，唔似其他會鞋拾拾又好乾咁。加埋檸檬汁真係吊起哂啲味。好開胃嘅頭盤! 然後叫左墨魚丸同鱔球，墨魚丸一到，已經勁香!令人食指大動! 仲要大粒到好似Bing bong ball 咁! 仲要金黃色嘅，原來除左金黃色鮮牛油香味嘅藍罐曲奇，啲到嘅墨魚丸都做到😂 雖然係貴啲，但原來係師傅手打嘅 lol 係威係好食嘅😋😋 個鱔球黎到，我以為係鰻魚，然後就發現自己大錯特錯。佢比鰻魚厚一百萬倍。 除左龍躉，我都未食過咁厚又彈牙嘅魚肉 同埋佢個味好似叉燒咁，好香好特別!至於啲個咖哩煲，我就覺得冇咩驚喜啦，而且唔知點解仲好似甜甜地咁，牛腩都ok 嘅， 薯仔好食! 但最好食係個蒜蓉包，又香又脆，一黎到忍唔住食左三件，然後仲要re order tim! 同埋個羊扒，其實一個人食一定超飽，好采有fds share💖💖💖煎得啱啱好，又唔"騷"真係好正至於飲品,我就叫左個白玉龍眼冰，天氣

南乳燒雞 雞肉超嫩外皮超脆 最後主食蟹肉桂花炒米粉好吃不油膩 金牛苑法式越南餐廳環境又好 出地鐵站行一分鐘就到，四人setlunch都可以五個人食，六百蚊都唔使添 超抵！

學港姐朱潔儀姐姐話齋：「我細細個就聽過佢個名啦！」記憶之中「金牛苑」應該是早期引入越南菜的餐廳，上星期我和扒龍舟隊的朋友來了這裏吃飯，我看招牌才知道它是創辦於1980年，同埋我細細個肯定有食過，如果冇記錯的話，以前地址應該是在海運大廈。現在這間老字號已經搬到了尖沙咀的新地址，即是以前水車屋的地點，地方比我想像中大，有三層，而且裝修設計甚有法國氣息，始終越南是被法國統治過嘛！今天天氣非常熱，我自己就先叫了一杯「山渣烏梅茶」$38，冰涼解渴。「蝦球酸湯」$88它的味道似冬陰公，但就沒有冬陰公般搶喉，湯底很清，酸度剛好，我覺得這能吊出新鮮蝦原有的鮮味，這個應該是重點吧！「香草燒羊扒」$128這裏叫餸的好處是可以逐位上，這晚我就吃了燒羊扒。羊扒肉靚，亦夠騷香，已經贏在起跑線上，而且燒得剛剛好，仍然保持有很多肉汁，我覺得可以不用點任何醬汁，吃它的香草及原味就已經足夠。「和牛河粉」$128湯底是充滿牛肉的鮮味，堅好飲！忍唔住向侍應查詢一下，他說河粉的牛骨湯底使用牛骨煲了七十多個小時，精華盡出，我覺得就算是吃淨河粉配牛骨湯底都已經夠滋味，這個可翻兜。。。「椰青凍」$38入口滑，是比一般奶凍還要滑的程

越南野喎，反正今日唔趕，可以慢慢自己一個嘆返個晏啦！ 我order左個”檬要” ─ 蕃茄蟹粉湯檬，之前未有食過，一入口好濃嘅蕃茄湯，夾埋啲蟹粉個口感又幾得意喎~無諗過檬粉會夾到蕃茄湯囉，好個引呀！ 小食我叫左個不砵仔糕，細細個咁，但係係咸嫁喎~因為太心急試味啦，所以食左先醒起未影相，裡面係透明白色淡淡地嘅糕，上面再有啲豆同肉鬆，咸嘅砵仔糕都係第一次食！ 咁樣嘅一個遊閒下午真係滿足。

前幾天才跟朋友說很懷念times square 的金牛苑, 在銅鑼野要找一間好吃又坐得舒服的餐廳很難。之後才知道尖沙咀的金牛苑也結業。之後兩日搭車經尖東漆咸道南，駭然發現金牛苑再次出現。店面極為低調，以全點主理，金牛苑三隻字超級不起眼；位置更是偏僻。當晚已經忍唔住要好試。舖為前水車屋，地方超大，共有三層。地下裝修以希臘藍白小屋作主題，幾特別。一樓及二樓則以簡單深木色裝修，空間感很充裕，很舒服，又有獨立房間，一大班人啱哂。了解後，原來新開張一個月，星期三的晚上很靜，地下同三樓都沒有客。地方很不錯，但味道沒有如以往出色，雖然價錢都不是特別貴，但位置偏僻，所以不會特登去。