金滿港式小食

我最近去深水埗淘多多旁的這家地道小食店，試了他們的魚蛋和燒賣。店員問我要邊款魚蛋，原來有得揀喎！有三色魚蛋餐，即係魚蛋王、白魚蛋同陳皮魚蛋可以選擇。獨家醬汁果然不是一般辣油，醬汁辣度適中，不是麻辣那種得個麻痹感，好有口感，攞嚟撈麵應該好正，可惜現場唔見可以單買！我試了魚肉燒賣，夠大粒有魚味唔會成口粉。老闆當日唔喺度但係睇得出員工有培訓，唔會催你嗱嗱聲俾錢就下一位，抵讚！香港地區小店就係需要呢一啲。另外聽到其他食客話碗仔翅都好食，仲有抵食撈麵餐，但係夜晚約咗朋友食飯，所以今日就試住咁多先。總之，這家小食店的食物質素很高，價錢又好鬼合理，值得一試！…查看更多

小妹初來報到 🙏🏻 請大家多多包涵先嚟過利益申報，突襲暗訪朋友小食店🤭叫基本嘢試吓個質素，原來老闆好貼心聽咗客人嘅意見👍🏻 魚蛋都有三款俾大家選擇（魚蛋王、陳皮魚蛋、白魚蛋）醬汁有驚喜！ 係細個食嘅味道（香而不太辣），會想追住食嘅味道。拼咗魚肉燒賣，夠大粒有魚味唔會成口粉。老闆當日唔喺度但係睇得出員工有培訓，唔會催你嗱嗱聲俾錢就下一位，抵讚👍🏻 香港地區小店就係需要呢一啲。另外聽到其他食客話碗仔翅都好食，仲有抵食撈麵餐，但係夜晚約咗朋友食飯，所以今日就試住咁多先。…查看更多

途經深水埗淘多多旁的這家地道小食店，見不斷有食客買嘢，再見到獨家醬汁，價錢又好鬼合理，忍唔住買個最基本嘅魚旦燒賣！點知店員問我要邊款魚旦，原來有得揀喎！因為佢有個三色魚旦餐，即係魚旦王 白魚旦同陳皮魚旦可以選擇。重點來了，獨家醬汁果然不是一般辣油，醬汁辣度適中，不是麻辣那種得個麻痹感，好有口感，攞嚟撈麵應該好正，可惜現場唔見可以單買！跟住仲見到個瑞士汁雞翼撈麵個樣都幾靚仔，下次再試吓！…查看更多

今日去深水埗買嘢，特登走返去金滿拮魚蛋😁 嘩嘩嘩，多咗好多新嘢喎😍 生菜魚肉、碗仔翅、麵餐…. 我今日就試咗麵餐，出前一丁加瑞士雞翼。出前一丁煮得軟硬適中，最怕啲面太腍😅 瑞士雞翼好入味，裏面多汁又滑，可惜得三隻雞翼，唔夠喉😂 …查看更多

之前食過呢間嘅燒賣同炸魚旦配佢嘅獨家醬汁好好食，今次一心諗住試下佢嘅白魚旦，點知去到佢加左好多嘢食，最吸晴嘅相就係佢嘅瑞士雞翼，加埋撈麵都係$25，忍唔住就叫左，喺等嘅其間比我見到佢竟然賣大埔振興嘅牛丸，眾所周知呢間嘅牛丸雖然好食，但出左名貴，佢賣$20-4粒🤩🤩，真係好抵，可惜個肚位置有限，下次必食！再睇埋佢其他小食，全部都係貴貨，真係高品質嘅小店。講返我嘅瑞士雞翼撈麵，勁大隻雞翼，個瑞士汁好好味，雞翼裏面仲有肉汁，唔會好乾，配埋佢嘅獨家醬汁撈麵真係冇得頂😋😋😋。其實我好少寫食評，佢真係值得我去為佢點讚👍🏻👍🏻一定要支持呢啲好食嘅小店舖！！！…查看更多

再次幫襯，多咗好多新產品😲買咗份瑞士雞翼撈麵，雞翼勁大隻，又夠入味，撈麵揀咗獨家醬汁味，超正🤩仲有好多新產品，仲有生菜魚肉，等我下次試下先😏買咗小食過隔離share tea買嘢飲，仲有9折，好抵🤩…查看更多

見到呢間評語幾好，就去買陳皮魚蛋試吓喇，到手一睇咁大粒既？我印象中陳皮魚蛋係細細粒架嘛🤔🤔都買左喇食左先算喇，咬左兩粒...嘩搞唔掂...淋既好難食...最後掉左落垃圾桶☹️…查看更多

搭地鐵前，見到間光光鮮鮮既魚蛋檔，仲要寫『獨家醬汁、一試入魂』，見肚肚地餓就去八卦下先！=> 中辣三色魚蛋 一食就食得出個汁係自家整，有層次心機之作！三色有炸、陳皮、白魚蛋 （靚貨）篤魚蛋咁多年，第一次食白魚蛋，好特別！=> 豬皮、水魷，好少小食檔做得好食，喱檔食得出心機，冇交行貨！贊！配埋佢間 ShareTea 既冬瓜仙草茶，簡直一絕！最後仲買左包魚皮，鬆脆好味，做睇電視既零食一流（配外賣加碼仙草茶）🥳香港好少心機小食檔！加油！…查看更多

近年好少食街邊嘢，因為覺得點樣都唔夠細個嗰啲好味。經過深水埗，見到呢間排晒隊，所以俾個機會佢，點知超驚喜！值得為佢開po！買咗個「三色魚蛋」配小辣醬汁！20蚊有12粒！醬汁雖然小辣，但係咖喱、沙嗲同辣喺個口度越食越香，勁得！一心諗住試佢個陳皮魚蛋同魚蛋王，點知個白魚蛋超驚喜！勁甜勁彈！同行朋友嗌咗個咖喱水魷魚，影唔切已經比佢哋掃晒；朋友話好爽同入味，唔似平時食魷魚咁，汁還汁，魷魚還魷魚；下次再試呢個！…查看更多

白魚蛋 好小可以篤埋落燒賣通常都得魚蛋 燒賣加個汁超好味個汁同燒賣質地 好緊要 呢間好食喎🙌🏻燒賣唔係間間得 最重要個醬 比較特別等緊最愛既野飲 順便篤埋 都幾飽😜後來我重見到有風琴豆腐 又係要配汁先得架掂喎…查看更多

白魚蛋非常特別，好難在其他地方搵到，搵返細個時候的回憶。陳皮魚蛋係本人所愛，咬落彈牙，配合舖頭特色嘅醬汁，辣到適中，食完一碗之後都有馬上加多咗個order。豬皮軟硬度適中，最怕就係入口腍啤啤，或者好似咬樹皮咁硬掘掘，呢個豬皮處理得非常好軟硬度一流，配合埋舖頭醬汁，食過返尋味，絕對值得推介。舖頭位置亦都非常方便，就在深水埗地鐵站出口附近，從出口到舖頭只係廿多步，食完如果口渴仲可以喺旁邊奶茶舖買嘢飲，大滿足！…查看更多

秘製漿汁真係出色，食得幾過癮黑椒牛丸好出色，舖頭無將佢浸足全日，保持到牛丸爽彈（仲有少少肉汁爆出），漿汁加埋黑椒味，更加過癮👍🏻👍🏻魚扎都有驚喜，唔留汁都已經好夠味，建議買果時分開，咁食左一陣漿汁味道後，魚扎可以中和一下口腔味道。見到有炸魚皮都係$10包，但食飽左，唯有下次先買…查看更多

唔知大家有冇留意現在好多小食嘅咖喱汁同小時候嘅風味大相逕庭呢？這個係原因點解我越嚟越少在街邊篤魚蛋。不過前幾日去深水埗行街嘅時候聞到好香，忽然兒時回憶走番出嚟，望吓佢都幾得就試一試啦，反正唔覺唔覺$10份又唔係貴（而家都唔係錢🤣🤣🤣）點知難忘，雖然個醬汁質地稠咗D，但係個味道同白魚蛋及手工魚扎出奇地夾，又唔口渴、有層次感，越食越想食🥰🥰，最重要我有個衝動走去問可唔可以淨係買走個汁？因為我個腦就諗起車仔麵，仲有咖喱魷魚哈哈果然有料到👍👍👍👍…查看更多

本身喺隔離share tea買咗杯「厚黑糖珍珠鮮奶」，等緊嘢飲嘅其中，俾隔離嘅咖喱香味吸引去望咗兩眼，原來新開咗間小食店..😲於是諗住試下味，買咗份「白魚蛋」令我很驚訝，口感Q彈爽滑，每一啖都充滿了鮮美嘅味道，令人回味無窮…😍食完再買咗黑椒牛丸、陳皮魚蛋、燒賣、豬皮…再加埋佢哋嘅獨家秘製辣醬，超正👍黑椒牛丸，咬落去爆晒汁，再搭配埋秘製辣醬超好味..🤩陳皮魚蛋，細細一粒，嚼起黎魚肉很扎實，都幾彈牙爽口，可以品嚐到魚肉嘅香味，不錯不錯😄燒賣很有煙靭嘅口感，係我鍾意嘅口感👍試過好多間嘅燒賣，呢間嘅燒賣係我一試就鍾意嘅，超正👍豬皮爽口，唔會好似出邊嗰啲太淋，咖喱味夠足最緊要係要搭配佢哋呢間嘅獨家秘製辣醬，真係試過想繼續食🤤而且價錢仲唔貴，$10-15一份❤️…查看更多

閒逛深水埗，途中口乾，去share tea買咗杯少甜奶茶，等緊奶茶間聞到陣陣香氣，原來隔離小食屋的童年味道👅買咗燒賣，燒賣吾會似食粉團，炸魚蛋，陳皮魚蛋👍，加多條多汁風琴豆腐。超讚👍👍陳皮魚蛋煙煙銀銀，好好食…4款小食，埋單$40，下次必要試埋佢哋嘅秘汁豬皮同白魚蛋先。好少地方會有白魚蛋做小食呀，特別😛加埋杯冰凍奶茶，簡直絕配⋯⋯大滿足。我同店長姐姐講，排咗好耐隊，如果可以快啲會更好，姐姐話啲食材吾可以一早煮定，太早煮定口感會差，咁佢又有道理喎，真係細心，比多個👍佢😁…查看更多