金滿庭京川滬菜館 (荷里活廣場)

營業中

休息中

之前在馬鞍山也有吃過，不錯不錯！！剛好這星期天到鑽石山荷里活逛街，順道可以試試這邊金滿庭！！7:00左右過去攞號碼，門口已人山人海！！由於我們是3大1bb，等的時間算久！！但在拿號碼時，看到知客哥哥貼心的在號碼旁邊寫下了攞號碼時間。對時間安排人客入枱，這是非常貼心的一件事！！在等位期間，他們也有安排茶和糖果係門口比等候的客人解渴和支撐一下肚子。(貼心)大約等了45分終於有位啦！！我、嫂子及BB.被安排坐在半卡位。一坐下侍應遞上2杯茶和前菜，一坐下嫂子準備給bb喂奶。我們並沒出聲叫攞熱水,但侍應已經很貼心的攞了一大碗熱水放枱上，話比我地用來座奶。就這幾點，令我覺得我真的不得不上來讚一讚他們的貼心服務態度！！

呢間店在奧海城我曾光顧過.今次在鑽石山再光顧原因,因為在星期日.全個商場.得呢間店等位會快些.在奧海城服務.環境.食物也比呢間店好.服務點差?例如要求店員介紹食物.店員黑口黑面.什至不肯介紹,叫加茶同樣都係黑面..不發一言...小籠飽:賣相好吸引,有六至七摺.皮薄夾上也不會穿.豬肉同湯佔一半.料新鮮.入口甘香.清雞湯拉麵:湯味十分淡.只是拉麵條條分明.入口硬度又適中....紅豆燉鮮奶:28元有點貴..奶味,不足.而紅豆亦有點過甜..清雞湯拉麵其實仲有一碗.仲有一個龍蝦湯浸菜,4人加埋252元,食物不差.但服務差,價錢又不是平.食得我心情一般.只可中等評分

得悉金滿庭於鑽石山荷里活廣場開了新的分店, 和朋友行街後順道試試. 可能由於是星期五晚食飯時候, 加上店舖屬新開店不久, 來到時店舖門外已有不少人在等候. 取了籌號後看看餐牌, 比起奧海城的有些分別, 多了一些選擇. 價錢方面好像都算合理. 等了約半小時, 終於獲安排入座(從觀察所得, 有不少食客等到不耐煩, 沒有等到便走了). 店舖確實不算大, 可以叫做一眼睇晒, 而且枱亦像奧海城的比較密(枱與枱的距離不多). 店舖有一間所謂VIP房, 但其實私隱度不高, 因為不是密封式間隔, 從大堂可看到房內情況.食品方面, 我們坐下侍應便奉上茶及餐前小食 - 醉雞. 跟奧海城的不同, 這邊沒有自選茶類. 我個人其實頗喜歡奧海城的自選茶類, 不論是烏龍還是碧螺春, 味道都很好, 沒有實在可惜. 我們點了和尚戴帽(跟叉子燒餅)、椒鹽排骨及砂鍋雲吞雞. 這裡食品的份量比較少(因此相對價錢亦即較貴), 一般菜式份量好像是2-3人似的. 4-6人來吃的話, 部份食物可能一人只有一件, 甚至分不到一件. 尚戴帽(跟叉子燒餅)味道屬一般, 份量少, 叉子燒餅勝在夠飽肚. 椒鹽排骨亦屬一般, 少了大排檔香口惹味

見此分店開張不久, 加上聽朋友講過幾好的,所以一試, 遇早在網上選定菜餚, 結果今晚點菜時有兩個在網上菜單有的菜, 此分店是沒有的, 店員說因為此分店係(細舖), 應該係門口寫明(此乃細分店)嘛!! 食物方面就一般啦, 如很多食店般份量較少,最好食就係~招牌炒飯~,但令我最唔高興就係訂位時已得知最低消費1600元,咁就遇早點d佰幾,二佰幾一碟嘅菜,總共3個冷盆,10道菜, 1個甜品, 4罐啤酒(28/罐), 到埋單時店員才告訴我們還差160多元才夠最低消費, 點解唔早講, 我覺得店員係有責任早些告訴客人!! 我唔會再光顧此食店啊

元旦曰我家同家姐一家和母親共八人到此食店食晚飯,已知人多早在五點半開始等位,到七點三仍然冇,原來要等兩張相鄰的四人枱一齊埋單才有,但其間的四人枱又不斷的分派給其他三四人食客,到七點半有張六人位仍然不想分給我們,但母親已又累又餓便同疑似係經理的人說先讓我們坐下,再等左右兩邊的四人枱結賬後再泊張二人枱一起便可以了,以免老人家要繼續再站著等,經理便說盡量安排啦未必得嫁(其實全塲都是二人枱自由組合的不知為何不能靈活一些)擾攘一番才能入坐,後到點菜特隔離位結賬待清潔後,也不想再勞煩他人把鄰枱泊過來,那經理衝過來說我們自行移枱,又沒有解決辦法只推說假期人多(其實只有十多人在等候)那經理似是由得八人逼在六人枱,我們只有憤然離開, 只因此店完全沒有為客人著想食物再好也是徒然. 劣劣劣劣不適合大夥人,不適合家庭

荷里活之前執左2間食上海野既舖頭, 宜家終於開返一間啦! 上個星期做緊優惠食幾多錢俾返幾多錢coupon, 引來不少食客大排長龍。因為太多人我地都唔願意去等位。今個星期已經無左呢個優惠, 人龍立即縮短一半,我地先去試下。十二點到, 唔洗點等位, gd!6個食左1) 烤夫$35, 勁細碟, 味道ok, 好入味。2) 小籠包4 隻一籠, 只係$24, 皮薄多汁, 好味, 抵食。3) 素菜包$36, 一籠3隻, 勁多菜, 好味, 好健康。4) 担担麵 香濃花生醬味, 少少辣, 麵質軟度岩岩好, 可惜太細碗, 要叫2碗先夠。5) 炒年糕, 我至愛, 唔太油, 年糕好咬口6) 傻佬炒飯$66, 炒得粒粒分明, 一d 都唔油, 份量可以分到6小碗7) 鍋貼, 一碟4舊, 味道普遍8) 炸銀絲卷, 雖然普通野, 但係我至愛, 點d 煉奶食, 正。9) 雞絲粉皮$44, 呢個好唔抵, 味道普遍, 太少醬啦, 又唔夠凍, 份量極少。10) 豆沙鍋餅, 次次食上海野必叫既甜品, 一家都好鍾意食, 豆沙又唔會太甜, 煎得個皮岩岩好脆。總結: 野食味道ok, 如果份量可以大d 就更好啦。呢到多數係細枱.