金滿堂甜品

營業中

休息中

我是一個甜品控。任何甜品我都很喜歡, 但同時間我亦會很講究甜品的水準。讓我最最最最失望的就是這個麥提莎糯米慈。一軟一硬。我想大家也吃過麥提莎, 我覺得麥提莎最好吃的地方就是你用口水慢慢把它溶化, 而中間的“脆"並不是死死的脆, 要不然吃下去就很花牙力, 同時間也會黏著你的牙齒, 你說多慘呀。這個情況正正發生了在我身上... 不知道是否製作的過程有什麼特別, 還是他們買的麥提莎本來就有問題, 那些麥提莎的心都是硬硬的! 咬下去很辛苦... 我和友人覺得難吃得頂多可以每人吃兩個..所以最後就浪費掉兩個(我平時是不會浪費任何甜品的!)椰皇燉蛋白熱騰騰, 有湯圓及清心丸, 很香, 感覺很滋潤。心太軟就一般般吧! 沒有比其它地方出色, 我覺得它的巧克力不夠濃, 雪糕裡面還有一些小冰塊... 總之就是不完美。我想金滿堂之所以那麼出名是因為它有一兩個做得特別好吧, 而且又便宜.. 不過可以再全面一點吧~

開學以來，已經很久沒有寫食評了。椰汁紫米露清心丸($22):椰汁很香，紫米露也很好吃。清心丸的份量比較少呢，與參考圖片不符。店內的顧客也算多，我和朋友坐在角落的位置，空間不算大，但也剛剛好。店員也不會趕客，也挺友善的。下次會再來光顧。

吃過做節飯, 就順道過九龍灣久違的"金滿堂"來一碗我心愛的五寶露, 內有蓮子、百合、清心丸、海底椰及粟米粒.  喜歡原因係唔太甜, 甜味主要來自粟米, 食完覺得好清潤! 但今日就失水準了, 百合不太靚, 很多都有黑邊, 而且糖水味道居然偏甜, 有點意思唔到! 這情況是第一次, 希望下次做回水準!女友點了椰皇燉蛋白, 佢話配材多, 有湯圓西米及清心丸, 將椰水混蛋白一齊吃非常好味, 蛋白很滑, 所以每次這都是她的必然之選!

stella雖然不懂欣賞球賽，但都被巴西球皇~~吸引著！材料：椰皇+少量芒果粒+口感像遮喱糖的綠水晶粒，盛托芒果粒和綠水晶粒之下有一片又大又圓的椰皇果肉。翻轉一片又大又圓的椰皇果肉之下~~主角出場了！第一感受咁型的甜品，很有新鮮感！一個用蒟蒻造的大果凍呈現眼前了！透明的球體原來係巴西球皇！果凍浸透冰冰凍凍的糖水，咀嚼透明的球體，很有纖維口感，再吃埋椰皇周邊的果肉，都有微飽的感覺！朋友的椰汁香芒清心丸~~都能為炎炎夏日消消暑氣！材料清爽可口：椰汁、香芒、清心丸、椰果、水晶珠、海底椰。

今天嚐過頗滿意的午餐，也見有時間，就不如來多個午餐飯後甜品。通常甜品店的營業時間卻沒有這麼早，但是亦有些是例外的，可以早一點時間吃個甜品。既然來到淘大商場，就看看有否甜品店已經開門營業，之後亦被在下發現了金滿堂在這裡有分店，而且已經開門營業，便走進來吃個甜品。看看餐牌有否適合的甜品，這裡的甜品包括了一般傳說糖水，以雪糕製的甜品，也有生果及西米做的甜品，各式各樣甜品也有。而在下從人氣推介甜品中，尋找一個最適合的甜品好了。白馬皇紫是一款以芒果加上椰汁及紫米露的甜品，當中的紫米相當煙靭，咬下也有嚼勁；椰汁都頗具椰子的香味，而且也很滑溜；芒果當然也相當的清甜。吃過炸物午餐，來一個甜品潤一潤，也能清清熱氣。

巴西球皇~~椰皇+少量芒果粒+口感像遮喱糖的綠水晶粒，盛托芒果粒和綠水晶粒之下有一片又大又圓的椰皇果肉。椰皇果肉之下~~~主角出場了！一個用蒟蒻造的果凍呈現眼前了！透明的球體原來係巴西球皇！果凍浸透冰冰凍凍的糖水，咀嚼透明的球體，很有纖維口感，再吃埋椰皇周邊的果肉，都有微飽的感覺！

炎炎夏日除了煲消暑去濕水，連逛街都不想，但走出了戶外，就心思思想搭糖了！朋友住在淘大商場就有好介紹！在商場地舖有間金滿堂甜品，舖仔細細，無乜雅緻裝修，舖面外加多了幾張枱面，店舖內外都坐滿客人，價錢比連鎖甜品店相宜。正巧生日要求在心太軟伴碟上加生日快樂！簡單的祝賀好開心！朋友果然冇介紹錯，多謝哂！椰皇蛋白燉湯圓（加清心丸、椰汁底）好正！滋潤養顏又香滑！正！滋潤養顏五寶露（清心丸、綠豆爽、百合、甘粟、海底椰）睇材料都知道爽口又滋潤養顏喇！芒果烏冬手打烏冬？非也！那是用牛奶、椰汁、海藻製成的！烏冬滑嘟嘟加遮喱、小湯圓、埋香芒、芒果汁很吸引！

咖啡果凍伴炭燒雪芭雪芭很好吃!!!每口都有核桃肉~ 吃完之後還想再吃現在每次到九龍灣都忍不住到金滿堂一趟, 因為它的味道,性價比很好~特別有下午茶的優惠,真的很難抗拒.下次再去的時候,大概會試試它的冰,看起來很吸引!

和老公在九龍灣很早吃完晚飯(大約7點幾), 想吃個甜品作完美的結束, 便走到淘大尋尋幾出名的金滿堂餐牌有好多選擇, 令人想試盡多款, 見過食評有幾款受歡迎的甜品, 都想點, 但.................老公想試榴槤, 餐牌上都有好幾款榴槤甜品, 好似想叫什麼榴槤皇后, 定榴槤飄香........., 名字都記不清楚...... 但侍應話所有榴槤甜品都未有... 我想試麥堤莎糯米糍, 諗住兩個人食唔哂咁多粒, 可以帶走回給家人吃, 但侍應又話冇........... 又再看餐牌, 我點了椰汁湯圓椰汁有D似飲湯, 帶點鹹味, 有層油係面, 湯圓超滑, 食完覺得幾滋潤老公也點了一個不太記得名字的糖水味道似九制陳皮整的糖水, 可以好下火吧.......一路吃甜品, 都有不少客人堂食或外賣, 都聽到問乜冇乜........ 到底想唔想做生意?外賣的一係走左去, 堂食的都無奈點其他甜品..........唉............. 其實咁多樣野冇........ 應該係想驚夜D唔夠料做夜市時間........ 一係就落場唔好開門, 就唔好客人叫乜冇乜.....

行行下,比金滿堂吸引住,見個肚仲有位,同朋友入咗去喇!好彩有人走左,咁我地就坐底喇!突然面對餐上面各種各樣嘅甜品,選擇困難症又發作,又想食朱古力綿綿冰,又想食芒果綿綿冰,心痕啦!最後要左3款:芒果烏冬麥提莎糯米慈椰汁芝麻湯丸-----------------味道:芒果烏冬烏冬係由係由椰汁+牛奶做嘅,好爽。綠色嗰Djelly係茉莉jeIIy,後尾先有茉莉味。芒果好甜。有D 小丸子。--------------麥提莎糯米慈一軟一脆。個皮上面有可可粉,入面有成粒麥提莎,絕對唔“姑寒“。------------------------------椰汁芝麻湯丸個底係椰奶。湯丸雖然細粒,但好多芝麻餡。好香椰子味。

21-12-2012(五)是日下午，我和同事 Queenie 都 take 了假，下午決定去「掃街」，地點選在九龍灣。吃過「日月星快餐」、 IKEA 及「愛家素食 Loving Hut」後，便來到「金滿堂甜品」。 金枝玉葉 ($28)：即係楊枝金露的改良版，內有芒果、龍眼及西米露；用甜既龍眼代替酸的柚子，龍眼的甜，能把整個糖水的味道帶出來。西米爽滑易咬口，芒果肉粒香氣撲鼻，味道很清甜，芒果汁相當稠，的確是真材實料！推介之選！

當時食完lunch再行左1陣,決定食埋個糖水先走去mega box逛逛~~一開鋪正正就係tea time,有10款甜品有discount呢~包括招牌甜品雪中花 我order左雪中花 $18選了cookie味雪糕~不過雪糕味道麻麻~曲奇味唔係好突出~這道甜品名字名吸引女生注目呢紅豆+(份量很多的)豆花~再配上意式涼粉,形狀彎彎曲曲的~非常特別~勁爽~~~友人也信我這個食家,也點了這1款~~細細間店有兩個男職員,也很足夠了~我每次也是試推介而比較穩陣的甜品~hehe~ 環境不錯,吃得非常撐了~起程去mega box了~~~

九龍城間金滿堂係我地心水想試甜品之一 , 但一直就唔 arm 時間去食今日黎到淘大食團購o既拉面 , 失望而回 , 要搵返 d 好野慰藉胃口 , 於是黎碰碰運氣 , 睇下金滿堂等得耐唔耐 , 點知即刻有位喎 ~呢度 d 甜品款式多得很 , 而且 d 名仲好有趣 , 係賣點之一其實好多款都好吸引 , 但我鐘情宇治金時 , 另外仲叫左個刨冰同埋一個好可愛o既麥提莎糯米糍 , 落左單一分鐘都無 , 野食就陸續上台 , 真係好快 , 快得黎唔係求求其其o個種 ~1. 麥提莎糯米糍~ 其實唔係幾似糯米糍 , 用冰皮包住原粒麥提莎 , 口感外軟內脆 , 細細粒咁 , 好得意亦都好有創意 2. 宇治金時~ 呢個宇治金時好豐富 , 除左一般o既綠茶雪糕 , 綠茶刨冰 , 紅豆 , 小丸子之外, 仲加左水晶珠同椰果個刨冰稍為甜左 d , 而且整個除左個雪糕之外綠茶味都唔係幾突出 , 加上椰果本身係甜中帶酸同綠茶紅豆o既味道唔係咁夾 , 不過水晶珠就好有咬口整個中規中矩 , 下次可以捨棄佢試下其他野 3. 鴛鴦雙冰~ 鴛鴦雙冰包括左兩個意思 , 第一係刨冰有兩隻味 ,一邊係芒果味 , 味道有 d 似台灣

行完街，食完飯，甜引又發作，黎到金滿堂食甜品。人很多，幸運地等左一陣就有位。叫了芒果糯米糍，不太甜，好煙韌，裡面塞滿芒果肉同芒果容，帶少少酸味，好味。另外叫了雪中花，雪糕選了曲奇味。豆腐花底，加涼粉絲，甜紅豆，花奶，當然仲有雪糕，口感十足。豆腐花的清淡中和左雪糕同紅豆的甜，平衡做得唔錯，不過鐘意食甜食的我覺得可以再加多少少甜。由於鋪很細，大部份枱都係擺係街邊，環境認真麻麻，好迫。加上又落雨又凍，沒有心情細細品嚐了，吃完就走人，有點吃快餐嘅感覺。

自從搬來九龍灣後, 覺得雖然餐廳連鎖店樣樣都不缺, 甜品蛋糕店也有好幾家, 不過唯獨有一樣真的整個德福都沒有, 就是一家糖水鋪. 所以如果晚上想來碗糖水, 最近的地方也只能走來淘大的金滿堂吃.這晚甜癮又起, 雖然有點遠但仍忍不住的也要走過來.晚上8時多, 來到時食客巳坐滿9成. 其實淘大吃甜品的店不多, 不計雪糕類, 就只有許留山跟這家. 前者食過2次水準強差人意, 早巳BLACKLIST了. 反觀這家金滿堂一向都是未夠9點巳人潮湧湧, 就算是平日情況都是一樣.幸好我們不用等位, 來到剛好有張2人枱埋單. 看看餐牌, 最近多了好幾款新的甜品, 其中看到這個名叫榴槤女皇的很搶眼球, 單聽名字巳很有霸氣, 不得不點個來試試 榴槤女皇 (HKD$40)用椰皇來盛著椰汁蛋白, 再放下一舊榴槤肉, 份量都幾大個. 先嘗口椰汁, 味道幾清甜, 但椰奶香就淡了一點. 燉蛋白好滑又順喉, 奶味不算好重, 味道仍是比較淡口; 而中間的榴槤肉非常大舊, 用上金枕頭貨色, 榴槤香味四溢, 入口果然很軟棉, 而且味帶甘甜, 榴槤味道亦十分濃郁. 想不到榴槤加椰汁和蛋白又幾夾, 但整個甜品其實味道最搶的還是果王