金滿堂甜品

營業中

休息中

和友人吃過晚飯後，當然少不了飯後甜品啦。淘大商場有好幾間吃甜品的，而走過這間的窗前被這個金玉滿堂吸引住了。那天晚上很多人在等位，我們也在門外等了10分鐘。都是芒果控的我們點了金枝玉葉和金玉滿堂。有雪糕的是金玉滿堂，而另外那款則是金枝玉葉。其實兩款甜品說穿了就是芒果西米露再加芒果肉和一些椰果，另一款則多了芒果雪糕和丸子。不過時令水果是特別甜的，整個芒果糖水都充滿了香甜的芒果味，超大粒的西米也很彈牙，丸子是沒有味道的，不過正好中和了每樣都是甜的材料

要數九龍灣牛頭角區內的甜品糖水店，除了影藝戲院旁邊的「甜X心」和德寶商場內的「X記糖水店」外，還有一間標榜以低糖少甜甜品為賣點，在淘大商場入口不遠處的甜品店，名稱叫做「金滿堂甜品」。恰巧當時我幫襯「金滿堂甜品」時，農曆新年已近尾聲正月十四，翌日就是正月十五元宵，中國情人節即將到來。雖然自己仍是孤家寡人，曾經經歷大病，兼且未有工作，娶妻成家的事我從來未曾想過，但每年一到元宵佳節，就會立刻想到食湯圓應節。以前我或許會在超級市場，買包現成湯圓回家煮來吃，但我一向不太懂煮湯圓的糖水湯底，所以，如果可以選擇的話，我寧願在外找甜品店食湯圓解決。元宵當日我再拜訪「金滿堂甜品」，我感覺到店員好像認得我似的。如果說「甜X心」的主打熱門甜品，是西瓜豆腐花跟雪糕榛子窩夫的話，從我看過餐牌所見，我認為「金滿堂甜品」的最有代表性的甜品，應該是宇治金時、綿花冰跟椰皇蛋白燉湯丸。前者兩款甜品都是屬於凍食甜品，至於後者的椰皇蛋白燉湯丸，相對於其他甜品店同類或類似的燉椰皇甜品，或許有相似或不同的地方，唯一可以說，「金滿堂甜品」的燉椰皇，原來還有蛋白和湯丸放在裡面。店員把「椰皇蛋白燉湯丸」端出來並放到檯上，外表跟很多甜品

是晚同男朋友喺中環食完飯，佢返公司繼續努力工作，我就約埋朋去食糖水，獨自去偷歡。由於兩個朋友都喺九龍東返工，咁岩一個要開 OT 一個收晏，唯有我死死氣氣喺中環返去牛頭角拎位。(太古收工去中環食完飯又坐車返九龍東係咩玩法= =)睇黎當晚係好日，旺到人未坐低已經要嗌定野食先。問題係，嗌完野食都仲要等 10 分鐘先入去坐低，坐低又唔係即刻有野黎，都仲要吽多 10 分鐘先有野食。當晚已經嬲嬲地，啲安排好混亂，我地比人打尖！間鋪似乎又唔夠人，啲店員忙到踢唒腳，搞咗好耐。好啦，到我地好似乞求咁入到去坐，又係冇店員得閑理我地。我就係咁一路傾計一路坐，又唔知啲野食幾時黎，想搵個人問下都冇！過多十幾分鐘終於有甜品黎，如果朋友嗰個做錯唒 = =仲要一食完就好似趕我地走咁 =,=平心而論，唔計較服務態度既話，其實都幾欣賞佢呢個咖啡奶媽。個名改得有趣其一，其二食個雪糕嗰時，個質感幾有趣！少少碎冰完全混合入雪糕之間，中間應該有少少打碎唒既果仁？雪糕食落去有少少咬口，冰唔會蓋過雪糕本身有既咖啡香味，反正令個雪糕喺室溫下 keep 耐咗。呢樣野幾令我驚喜！雪糕本身少少甜甜地，咖啡同奶香有相輔相成既作用，令到個雪糕香

第一次幫襯，嗌左1個宇治金時（抹茶雪糕刨冰）同1個好似叫豆腐太子？（面係抹茶雪糕球，底係豆腐味棉花冰）.👍🏻抹茶雪糕球同刨冰都夠抹茶味，略嫌刨冰有輕微抹茶苦味，不過還可接受，畢竟有啲人就係中意佢苦苦地既。👍🏻👍🏻👍🏻豆腐棉花冰夠粗同唔會太易散晒，值得一讚既係佢真係好有豆味，唔係好似出面個啲咁齋甜，幾好！😅其次，宇治金時個碗裡面係有啲佢叫做水晶珠既物體，但我淨食個啲珠真係完全冇味既..？仲真係好似食緊膠粒咁.. 唔係講笑.. 加埋一齊就ok啦，但呢啲珠珠就真係得個樣囉..😐本來冇留意佢寫明係低糖既，但食食下覺得兩碗裡面啲紅豆同糯米糕粒都好似冇乜甜味既？甚至個人覺得好似仲太保留原先既糯米味.. 其實可以考慮加啲啲味落去丫？不過你主sell係低糖甜品，中意少甜健康既人都可以尼試下。.整體尼講，服務態度不錯，價錢都合理，食物質素亦算不錯啦，值得一試架～

今晚同朋友們來到九龍灣，夜晚10點幾睇完戲，想食甜品，但係九龍灣既餐廳多數都係以集團式為主、不想選擇，所以最後決定到淘大地下一間甜品小店一試。晚上1030，門口好多人，拎飛時店員話如果齊人揀晒甜品係會可優先安排入座，對於齊人而言，都是一個不錯的安排，可以避免"先霸位，後等人"既情況出現同行4人，叫左3個甜品，兩個熱食，一個心太軟桃花公主，內里係有桃膠，椰汁，蒟蒻，椰汁味好香濃，仲可以𠝹到旁邊少許椰子肉食，熱食一流類似以上果樣甜品，但只是轉左不是以椰王上，味道亦很好最後因爲甜品太好味而決定多叫一樣share食賣，朱古力心太軟，配上曲奇及雲呢嗱雪糕，上面印有Minions，很可愛而黃色係芒果味，淺綠色則是蘋果味，可見心思味道一般，流心情況都有，但有點未夠熱，相比起前兩樣甜品會比較好總體而言，朋友們都大讚，絕對係你九龍灣甜品一好選

飯後糖水選擇左呢間，由於果陣先8點幾所以都未滿座我地叫左榴槤椰汁潡蛋白x2再加兩飯蛋布丁個潡蛋白真係好夠椰香味同好滑值得一食，夠曬熱雖然坐就迫點同埋出面好多人排隊所以食完要即刻閃

呢間店係男友之前介紹我嚟嘅。食過一次覺得好食所以再嚟。8點左右食完飯行左一陣就去食。可能呢個時間好多人都未食完飯，時間尚早。門口未有人排隊等位。上次9點左右要攞飛等，仲要好多人。(好食嘅野，多人排係正常嘅。)雖然話早啲唔洗排，但因為餐廳空間唔算大，所以入座時都要搭枱坐，背脊同後面枱嘅客人間中都會碰到。（香港土地問題，明㗎啦！XD）對上一次嚟試左榴槤，好好食！今次就試第二D啦！於是我同男友叫左個龍珠二世同豆腐太子。豆腐太子($42)淡淡嘅豆腐味很清新，不會很甜~綠茶味雪糕同紅豆都係比較甜嘅。但三樣夾埋一齊食卻出奇的配~綿花冰入口即溶嘅感覺好幸福啊~>w<龍珠二世($32)因為唔想成日都食榴槤，所以揀左芒果為主嘅甜品。食材有:芒果、芒果雪糕、黑珍珠、小丸子、水晶珠其實成個糖水都唔會好甜。有微微芒果酸味，少少甜。(健康之選，唔會太多添加糖!)黑珍珠好煙煙韌，但係一啲甜味都無，唔似平時飲珍珠奶茶啲珍珠咁甜。(Good!)小丸子同樣有咬口，呢個有少少甜味~(Like!)水晶珠咬落去好爽口，口感幾特別。總結：整體嚟講食物方面係唔錯！鍾意佢啲野無咁甜。會再黎~係個環境比較狹窄，同要搭

一向係金滿堂嘅fans. 有親戚來香港,同佢喺德福食完晚飯就帶佢過嚟試香港嘅特色甜品. 因為之前食得幾飽所以我哋五個人share咗三個甜品. 佢冇規定每人要叫一個. 叫咗咖啡媽媽, 椰皇蛋白燉湯圓, 豆腐棉花冰. 咖啡雪糕係一如以往咁好味.咖啡味好濃有好多合桃碎，超正！燉蛋白都好香好滑, 仲有清心丸同埋湯圓, 大大個都只係＄42 .豆腐棉花冰係第一次食, 豆腐味好重, 夾埋啲紅豆同綠茶雪糕, 好match! 望到出面好多人等位, 食完醒目好快就走. 記得六七年前公司要OT老細特登揸車去九龍城買俾我哋食, 嗰時同而家個味道都無變.

九龍灣最愛既糖水舖，次次食糖水都係黎尼間，即使要等位都照等，主張糖水係低糖，而且選擇多今次兩個人叫左三款糖水大小適中，一啖一粒，芒果好甜，個皮好軟滑用新鮮芒果打成汁，西米好爽口差不多次次黎親都叫尼個，啲湯圓好好食，做到流沙既效果，椰汁亦都好香

食完飯直落食甜品係淘大呢邊點可以唔食金滿堂呢😳不過真係好多好多好多人等位...為左食 唯有等😳我地叫左宇治金時 芒果雪糕刨冰同單戀傻小子😛單戀傻小子好驚喜❤️係乳酪雪糕黎嫁☺️單戀得黎有幸福既滋味😋

近年既甜品款式多到數唔哂，從前曾經受歡迎既棉花冰等等都被比下去，今次黎到金玉滿堂，心血來潮叫返個朱古力棉花冰試下，估唔到又幾高質喎!!!!!朱古力棉花冰$42：試過好多次食朱古力棉花冰係完全唔濃味，但今次食第一啖已經完全食到果種朱古力既香濃，感覺真係好似食緊朱古力，又唔會因為係冰而令到佢冰感蓋過左朱古力，另外要讚既係佢個甜度同樣係適中，唔會搶左朱古力既風頭好多時候食棉花冰都會冰感過重，但呢到咬落好實在唔似好水咁，而且唔會好快溶，岩哂慢慢嘆慢慢感受佢既香濃朱古力，配料唔算多但都有驚喜，因為有兩塊朱古力片，見到佢好似薯片咁但其實成塊都係朱古力黎架，都唔薄有得咬下，仲夾左少少花生碎，正過平時出面果啲食到悶既普通配料！！總括黎講，除左整體份量細碗左啲之外，其他方面都令人滿意呢個椰皇係我朋友食，我試左幾啖，覺得味道幾淡同埋唔夠甜，似食豆腐花多啲...同朱古力棉花冰差好遠！

約咗個 friend 喺隔離食完飯，不過食得太飽，所以最後行街行咗1個鐘之後，先嚟返呢度食甜品。估唔到，咁多人排隊。頭先食完飯嗰陣係無人排……點解明明飽都堅持要食甜品？因為呢間甜品店係人氣長龍店。以前讀書嗰陣，就係迷上咗呢度嘅麥提莎糯米糍，之後自己就嘗試整。今次難得嚟到，梗係要回味下。等咗約15分鐘就有位，頭先等位嗰時已經睇定餐牌落咗單。因為係長龍店，所以甜品店就採取呢個方法去縮短等候時間。一坐低無幾耐，就有得食喇！麥提莎糯米糍，一碟6粒，2個人食都幾滿足！外皮軟糯煙韌，皮唔算厚；中間包住一整粒麥提莎，仲係脆架，好感動。點解人哋可以包得咁靚，我就唔得？點解人哋啲皮同麥提莎可以咁乾爽，我自己整就出唔到呢個效果？另一樣甜品就係「紫薯心太軟」。自從上次喺另一間甜品店食過同一款心太軟之後，我就發現紫薯心太軟要整得好食，似乎一啲都唔容易。上次嗰間唔好食，今次呢間嘅出品，同樣令我失望。雖然係比上次嘅好啲，但都係一般般。雪糕同丸子就還好，我覺得呢2樣幫佢抱回咗啲分～無咩紫薯味，朱古力味多啲，而且外面稍為乾咗啲～我要繼續尋找美味嘅紫薯心太軟！！

每次去九龍灣食完飯都差不多會黎食甜品，而榴蓮女皇係必選！成個椰皇上，個應係椰皇啫喱，清甜，爽口中間應該係椰汁，甜甜地，清涼，正！最上層係一舊榴蓮！！焦點所在！幼滑，香，如果大舊啲更爽！成個配合得好好！價錢唔貴，四十到如果你係鍾意食榴蓮就明我講咩！諗起都流口水！！

今天經過淘大花園，知道這間甜品店在網上評價好高，就刻意來試一試(網上看已經很吸引了)。因為太多太吸引了，和女朋友選了很久，最後叫了$32的宇治金時和$42的黑樹皮！點知晚上7點幾都重有下午茶，宇治金時只收$28，真係好抵！宇治金時先來，刨冰佢都叫做大碗！雪糕夠大，下面的紅豆和冰份量也很多！開餐了了，我第一啖食冰+紅豆！！先講紅豆，夠香夠甜夠大粒！到d冰，更正，未食過刨得咁幼細既冰，就黎到綿綿冰卻又像刨冰的感覺，而且帶有綠茶香，卻不會過甜，個刨冰的級數認真高！雪糕方面也有綠茶味，雖然沒什麼特別，但配合下面的刨冰、紅豆和其他配料一齊食，也會很享受啊！黑樹皮！其實姐係朱古力綿花冰！識食既你，齋睇個色就知好味la！而且配料有粟米片、綿花糖、小丸子、重有塊朱古力脆片，都幾落足料架！味道方面，濃啊！朱古力好濃！絕對唔會因為係冰而減少了朱古力的味道，抵讚！加埋配料一齊食，樣樣都好夾！最重要係唔易溶，食極都重係冰，係3x度的天氣真是大快人心！總結：今天食了兩個份量夠又好味又夾既甜品！而且落足又落靚料的甜品，埋單都只係$70，抵！有機會一定再來！試埋其他甜品，重有好多款式都好吸引啊！！！

食完飯有時真係想食埋個甜品先返屋企見到都好多人排隊，味道都應該唔差掛！影到好似d裝飾甜品咁😂😂😂😂😂單戀傻小子 $30 🍧 士多啤梨既甜品，士多啤梨和菓子煙un有咬口配上乳酪&雪糕球甜甜酸酸，味道適中。失戀小王子 $30 🍨提子和菓子，朱古力雪糕配乳酪粟米脆片，食落微甜帶酸又有d脆口，感覺幾得意！金玉滿堂 $36芒果西米露小丸子+芒果雪糕球唔算係好驚喜既甜品，不過小丸子口感好有咬口，而且芒果西米露都幾甜，都ok唔錯。味道未至於好特別，不過都會再幫襯😁