金滿堂甜品

營業中

休息中

好似次次係九龍城食完泰國野就會黎金滿堂.今次食左上次都想食的失戀小王子.果凍夠口感,加上有藍莓同帶少少苦的朱古力醬.重有底層好甜的疑似湯圓的物體.嘩! 正woo...同檯我地一行5人有齊: 初戀,熱戀,失戀.家下多左咁多野真係難諗食咩好...次次黎都要用多d時間諗諗諗...hahahahaaa

時為星期六晚十一點三，去到門口起碼有十幾廿人等緊位，好在同朋友仔兩個，總店門口嗰位店員遙指對面街另一間舖（6號舖）有位，順理成章坐低order心水選擇，宇治金時同咖啡凍伴咖啡雪葩。等咗都起碼三個字，見到負責守住嗰間舖的哥哥仔抬咗個大膠箱入黎，原來食物係由對面街總店整好之後運過嚟（咁啲冰冰類食物會唔會有少少溶呢???），實情，我唔係太介意啲嘢食隔咗個對面街先至運到過嚟，但明明眼見哥哥仔拎住個咖啡凍向我哋呢個方向行緊埋嚟，一心以為等咗三個字終於有得食，點知佢將個咖啡凍將近放喺我面前之制，佢竟然拎走我個咖啡凍，俾咗後面嗰張枱，ok，fine，若然係人哋order先，咁俾人哋都正常，點知，隔咗一分鐘，佢（若無其事地）再將同一個咖啡凍喺人哋度拎番俾我哋囉，個咖啡凍睇落好似原封不動，但喺呢一分鐘，點知後面嗰張枱嗰兩個客人有無喺研究或討論呢個咖啡凍係唔係送錯或係唔係咁jetso似為係贈品之時，唔覺意咁幫個咖啡凍加料呢?加料呢樣可以係有形或無形？我勁唔開心架，不過朋友仔話算囉，咁我又費事叫佢換，又要等，或者轉個頭都係俾番呢個我哋，so far，嗰兩個甜品好食，但就係呢位哥哥仔，搞到有少少掃興。Anyw

佢開左新店在行多2個店舖..裝修好過舊添..仲有少少音樂,不錯.可以傾下計 加啡雪糕.. 雪糕內仲有杏仁粒,好有加啡味..正藍莓沙冰..一般,同許留山差不多..麥提沙糯米磁..不甜,好有口感椰青..新野..好清,仲有少少椰青水,好似用椰青整出來的好似豆腐花物體..味道清新,夏天食最好...(雖而家得9度..哈哈...)

看了今期的U MAGAZINE介紹九龍城, 我們就選了幾間有興趣的甜品店.來到了<金滿堂甜品>, 點了一份雜果海藻啫喱和川貝雪耳煲鹹檸檬雜果海藻啫喱, 味道有點像年少時上茶樓吃的雜果西瓜盅般似的川貝雪耳煲鹹檸檬味道鹹鹹的, 放入了川貝, 有止咳化痰之效不過整體來說未算有驚喜, 下次再試.

由於媽媽話睇到食評話依間甜品好似唔錯，所以夜晚大概10:15pm就黎到九龍塘依到食甜品雖然好似好多人，但等佐15分鍾到就有位，感覺都會令人等到煩躁入到去我地根據媽媽做好準備而印出黎既一部份食評黎點甜品四個人點佐咖啡果凍伴雪芭﹑宇治金時﹑朱古力樹皮﹑同埋兩個心太軟結果咖啡果凍伴雪芭﹑宇治金時不負所望，十分好味尢其咖啡果凍伴雪芭，十分推介~但朱古力樹皮感覺唔太值$30，因為佢根本就係一舊朱古力雪糕變佐一片片而心太軟冇想像中咁好食，入面流出黎既朱古力唔夠熱，外面個蛋糕又太好食四個人總共$151 平均每人$38除佐朱古力樹皮好呃錢，其他都算合理

晚餐後就去左依間試下~金枝玉葉 $26同楊枝甘露差唔多~但係我覺得依個好食D心太軟 $351個心太軟+2個雪糕球雪糕球我要左芒果味同朱古力朱古力ok;; 但芒果唔似芒果咁依件心太軟暖暖地~好好味!!

同朋友聽完講座後,係九龍城周圍行下....見到佢門面好熱鬧,就入去試,下,好開心!佢地帶左我地去新店拎位-$33 熱川貝雪耳咸檸-$19熱朱古力燉奶-$18凍4色口者喱(荔枝/椰子紅豆/葡萄/藍莓味)個口者喱係最正,又彈牙,又爽,同幾飽肚.朱古力燉奶,朱古力味夠濃,奶夠滑.而川貝雪耳咸檸方面差左d,因為咸檸真係夠咸,喉嚨開左少少,但其他d 料0既味就蓋哂啦!

榴槤飄香$33朋友推介,又去試下啦! 冇諗過仲好食過其他甜品舖.面就用左一D黑珍珠, 中間加左d好似沙冰既野. 但全部都榴槤味..好好香好味味..如果係飲既沙冰一定仲正呀!!之後個底係用左豆腐花. 如果鍾意食榴槤既朋友必食。榴槤蛋白燉奶 $36LEE個比榴槤飄香差D.不過中間都係有榴槤沙冰,底就係用蛋白燉奶。

Friendship forever (hot)]友誼萬歲 (辣)之下集〕What a great day to spend with a good friend. He insisted to treat us desert although we have to walk round and round the streets in order to squeeze out some room for it after a full and delicious meal.We chose 藍精靈，綠茶棉花冰，擂沙湯圓，心太軟．藍精靈Bluberry ice It is named after the blueberries in the desert. The inner base is formed by a scoop of ice cream, covered with a cone-shaped shaved ice, topped with syrup and blueberries. The berries are fresh and big. The whol

呢間甜品店標榜少甜,,所以我地成家都想入去試下!第1次黎,,我同老豆叫左榴槤飄香,,媽咪點左雪中花.榴槤飄香真係好味,,中間加左d類似椰汁既奶凍,,仲有好多條啫喱狀既果凍,,加埋好香既榴槤一齊食,,味道岩岩好,,唔會太甜,,中和番!之前都試過食過好多間既榴槤甜品,,呢間真係好味囉!!!雪中花就普普通通,,無咩特別.隔離台有人食心太軟,,原來跟2個雪糕球架! 下次會試埋!

本人對榴槤興趣不太,只可以看而不會吃,昨晚和家人到九龍城吃甜品,行過金滿堂看見有位就走入去,都不知吃什麼好,阿媽想吃榴槤班cake,而阿女就要綿花冰,太太要芒果糯米糍,想叫的時候有位姐姐走過來,話無榴槤班cake,而推介了榴槤漂香,心想都沒法,因為我對榴槤興趣不太,阿媽吃我沒所為......... 當來到的時候,阿女試了一口,立刻愛不離口,而太太都話好食,咁就三個人只吃榴槤漂香,而士多啤梨綿花冰都不吃,看見她們對榴槤的喜愛真是沒法相信,女女是第一次試吃榴槤,咁就愛上了榴槤..................

是日來到九龍城，在眾多糖水鋪中揀了這間「金滿堂甜品」。入得鋪來餐牌好多張，樣樣睇落都幾靚相。終於order「龍珠2世」，即是有雪糕、小湯圓、珍珠、芒果。雪糕可以揀多種口味。用足材料，也果真有少少減低甜度，是用心的創意之作。

今日男朋友唔駛返工…佢又話黎接我收工~!!咁當然係食吓糖水架啦…咁問吓同事~同事介紹話九龍城間"金滿堂"都幾好食~而且佢食親糖水都去個間…咁同男朋友都抱住試吓既心態去啦~!!咁我地兩個人叫左3樣野~(1)芒果班cake：個皮好薄…唔會話好厚~而且d芒果好甜。正(2)粉紅多腦河：係一杯飲品…初初聽到係紅莓好怕佢會好酸(因為我都幾怕酸)但係飲落口都幾好啵~(3)椰汁芝麻湯丸：初初見到餐牌凈係寫住(凍)，諗住點解會得凍架>.<算啦都食啦^^點知到叫既時候，佢問要熱定凍wor@@咁有得揀梗係要熱啦^^咁整體都唔錯呀~如果問我會唔會再去既話…我都會既

在九龍城其他地方食完主餐後, 點都要走過來食下甜品...雪中花沒有想中好味, 只是一般, BUT事實可滿足我食豆腐花,紅豆及QQ條和雲呢拿ICE-CREAM而心太軟我FRIEND說麻麻啦...BUT我個FRIEND說呢間新店坐得好舒服, 不似出面D糖水店咁迫...SERVICES OK啦..地方是分店新裝, SO GOOD

嘩! 又開多間啦!!正確位置係九龍城城南道5號)*版主請為新店開新位置*新鋪明顯係裝修上靚好多好多!!!回想當年老闆,老闆娘差不多一腳踢時代真係完全兩會事.還創新,今次又有新野出.以失戀和初戀為題...因小弟今晚係同女朋友大人黎咁當然係叫初戀為題的初戀小仙子啦!初戀小仙子:也不太甜,小圓子岩岩好.雪糕有果肉, Good!!