金滿堂甜品

營業中

休息中

係九龍城食完野去食堂水 本身諗住去地茂館 去到發覺收左之後個朋友就介紹話黎呢間本身都係諗住求其搵達地方食糖水但係點知有個超大既驚喜佢d冰冰 好香 仲好夠味 比起出面個D香好多下次去一定試埋佢個 咖啡凍雪芭正呀~!

紅粉佳人好好味好香既士多啤梨味好似沙冰甘既質地仲有啲好爽胱脆既西米仲有心型既啫喱同藍寶石王子差吾多只不過藍寶石王子系藍莓我本身對咖啡個個咩雪葩吾系太感興趣因為質感吾系甘好睇落去個雪糕好普通但系入面有啲一粒粒好似椰子甘既野i don't like心太軟好正個心太軟一篤開啲朱古力即刻漏出黎仲出煙 好香好新鮮仲可以揀2個味既雪糕球 雪糕球都幾大個仲有啲果醬做伴碟色香味俱全

搵過幾次....成日都唔記得佢係邊條街. . .好彩係開飯...搵到佢係清真牛肉隔離街. . .下次唔會走錯. . .去到一望以為無開舖. . .行到門口..原來搬左過對面. . . 金枝玉葉....是楊枝甘露多了幾嚿龍眼肉....個芒果汁底很濃. 好味. .龍眼肉...爽脆...有些咬口.... 香蕉糯米糍.....因為特價. . .唔駛十蚊....即管一試....個糯米糍皮..很軟糯. ...只是香蕉唔夠香...但整體都好味!!而家去糖水舖食糖水...都唔平. . .郁啲都成三,四十蚊. . .仲貴過去茶餐廳食個飯. . .因為去食既時候係平日6點幾...無咩人...無咁迫. ..可以慢慢食. . .感覺很舒服. . .

入到去坐低個background music 播緊隻80年代ge舊歌，有d搞笑咖啡果凍伴雪芭，雪芭好吃，相比之下果凍顯得無味金玉滿堂，我覺得其實都很普通blueberry綿綿冰，反而這個有surprise，比較少吃blueberry 的綿綿冰，這個味道剛剛好，若果再多就會變成藥水味，但佢踩得界黎都接受到，不過冰就未夠綿同幼，而且d彩珠係唔好吃的。見到隔離檯有拿破侖吃，一問之下原來剛轉新menu，未有印落menu度，睇落好好睇同吃，下次去要試！

在「同心」吃過好味而愜意的一頓晚飯後，漫步來到「金滿堂」這家以甜品款式創新，種類、質素俱佳的新派甜品店一嚐它的招牌甜品。雖然這家甜品店在打響名堂後，在短短的幾個舖位距離裡，已前前後後開了兩間分店，連同總店在內，總共有三間「金滿堂」聚在一起營業，但這晚來到，兩間新店都已滿座，要在總店才能找到一席安坐，果真生意滔滔，厲害！厲害！總店地方小小，坐下後，看著印刷精美，顏色漂亮、精緻的餐牌，裡面的甜品款式實在多不勝數，令人有花多眼亂之感，感到難以抉擇，只覺得這樣又好像很好味，那樣又好似很吸引，實在令人為難。幸好在餐牌中有一頁圖文並茂地介紹這裡的「十大人氣甜品」，包括「龍吐珠」、「樂天」、「金枝玉葉」、「榴槤飄香」、「椰汁香芒清心丸」、「黑樹皮」、「雪中花」、「養顏五寶露」、「蛋白杏仁茶」和「咖啡果凍伴炭燒雪芭」十款甜品，可以讓自己縮窄選擇範圍，在這十款彷如武林十大高手一般的人氣甜品中揀一款最有興趣的來單挑。我一向係「榴槤絕緣體」，個「檔槤飄香」當然沒有試啦！不過聽老婆仔講，呢個人氣甜品都幾好食，甜品面頭放了些黑珍珠，中間有些像是沙冰和奶凍的材料， 底部則是豆腐花，整個甜品都帶有榴槤味，話好香好味

入到黎!!打開個menu!!嘩!!!太多選擇...完全唔知選咩好!!!經過一輪商量後!!!點了金枝玉葉同熱戀小伙子金枝玉葉::::其實同外界所食既楊枝甘露差唔多,不過佢多左龍眼肉係面,好清甜!!!甜甜地..酸酸地,,味道豐富!!熱戀小伙子::::個樣好靚!!好搶眼!!!主要係用芒果做!!有幾塊士多啤梨!! 賣相幾吸引!! 芒果好甜, 不過就小左d, sauce好正!!應該係同100%鮮芒果做的!!!成個甜品都好夏天!!好冰涼!!

對上一次來,quota唔夠,仲有樣想食的,未食。留到今晚,才再來九龍城。那樣朝思慕想的是,「咖啡果凍伴雪葩」。看大家的相,好奇中間那個如粉卷,是什麼呢?原來是咖啡”舉”蒻啫喱!非常彈口!咖啡雪葩,給我非常驚喜!濃濃咖啡雪葩中夾了鮮卜出來的合桃,口感和味道都一流,唔怪之得雪葩可選兩球或三球,滿足瘋狂友啦!

琴晚打完波，無咩胃口吃飯，突然好想吃甜品，就決定去九龍城度穩吃，嘻嘻。知道系週末晚，好彩我地2個人一去到就有位，個waitor好好人，馬上搬張凳仔俾我地，服務態度好好啊。而且我當晚唔吃咁凍，再三叮囑，距地都好好態度，話無問題，而且上黎的東西都唔系特別凍啊，恩恩，太好的小店。金枝玉葉：號稱改良版的楊枝甘露，不過多左龍眼肉系上面，好好味啊，入口好舒服，唔會好酸，又唔太冰凍，好滿足啊。芒果涼粉：男朋友繼續吃翻依個，距話靜系中意依個，呵呵，系米依叫做專一呢？五穀綠豆湯：唔系好記得叫咩名，就系糖水一個，入面有蓮子百合同海底椰，簡直系好滋潤，不過糖水太甜呢，吃左之後有d滯添。人地話吃甜品系可以改變心情，變得好開心，我都好想繼續同你一起開開心心咁過未來的日子，嘻嘻。

跟39寸白朱古力胸晚飯後的指定動作--享受甜品。朋友仔要了--一紅一橙唔記得係咩咩冰，有好似係草莓嘅物體同芒果。 (如圖)有點酸，是朋友仔的心水口味。只是如果冰塊能夠刨得幼細點整體感覺會更好。我要了--心太軟。這是我遇過最合心水的心太軟。切開朱古力蛋糕時入面的朱古力流沙程度剛好。朱古力味道也是我所喜歡的。享受時禁不住把滿足之情表露無遺！享受完心太軟後，我還要了一個朱古力三重奏。無錯！我是一個大食的Baby！但其實都唔係吖...係而家(大)部分香港女生(扮)食得小之嘛......所以應該說我是一個敢食敢認的Baby才對！朱古力三重奏有雪糕、慕絲和脆脆。配搭尚可，味道不算驚喜，但一試無妨。我們享受甜品的店子有一台白銀吊燈，配上簡約的裝修，整體感覺清雅。只是坐滿客人後噪音拍數極高。親愛的，謝謝你！真的很滿足！我們的唇語和眼神交流又前進一大步了！

經常去九龍灣個間, 都未試過呢間總店, 今晚食完飯就過黎試下啦~ 嘩! 多人到呢... 佢已經有好多鋪位, 但都係超多人... 不過好在等左唔算好耐就已經有位, 太好喇~ 而且仲可以坐新鋪, 唔使坐得咁逼, good!新鋪呢邊都幾大幾闊落, d位唔逼, 坐得好舒服! 而且好光好乾淨~ good! 推介坐呢邊~ anyways, 見到佢呢間d choices多過九龍灣個間, 咁就of course要試下啦~ 叫左個熱戀小伙子 ($26)... 我之前已經試過其他phases (eg 失戀小王子同埋初戀小仙子)... 仲差呢個未試呢~ 就睇下佢係咪好sweet先~唔, 原來係一個芒果做主打既甜品, 細細杯 (但唔抵囉, 咁細杯要$26!), 顏色鮮豔 (因為仲有幾塊切到非常非常薄既strawberries + 一個心型既 "jelly"), 頗吸引~ 芒果唔酸, 好甜, 但可惜分量少, 只有幾舊仔, 唔夠喎~ 個d芒果汁做成既sauce就真係好正, 夠凍~ 但個雪糕唔知點解好快融囉... 真係要快手將個雪糕球食落肚~ 個d strawberries又係, 好心唔好咁慳啦, 俾多d都得架

第二次幫襯, 因太吸引啦, 好多款呀 同男友叫左榴槤pancake, 龍吐珠及蛋白杏仁露Pancake 好香榴槤味, 如果多D榴槤就好啦龍吐珠係男友至愛, 簡直透心涼而我就食熱蛋白杏仁露, 但杏仁味較淡下次再食其他款先

吃完泰菜後就到甜品時間咖啡果凍伴雪芭:推介,好重咖啡味,喜歡咖啡的朋友唔好錯過~宇治金時:份量比九龍店的大好多~有綠茶味雪糕,大粒紅豆,珍珠,我地4個食唔曬~榴槤pancake:個皮好薄,榴槤都好多~金枝玉葉:即係楊枝金露~有芒果同龍眼肉,好香甜!

呢一晚食完泰國嘢，嚟咗金滿堂新店食甜品，之前都食過幾次，不過今次第一次入新店。 心太軟 （$3X -4X ? ) ：心太軟唔熱，我叫士多啤梨雪糕變咗朱古力雪糕，係咁多，得個樣，唔想食... 士多啤梨：太甜，無特別 馬蹄XX露：反正幾好食，幾清甜.無特別，不過不失...

係附近食完晚飯就搵糖水食下，見到個MENU幾吸引就走入去試下，叫左朱古力三重奏＋藍寶石王子，幾好喎又 因為慣左食黎食去都係個D糖水。個朱古力三重奏真係好正，ｍｏｕｓｓｅ都好正。個藍寶石王子，開頭以為佢淨係藍莓沙冰＂不不＂下至知有椰果、心形啫喱，仲有西米，個沙冰夠凍，ｄ配料都幾好唔錯。

話說星期6晚同3個朋友仔係九龍城食完泰國菜,10點幾又未想走諗住係附近食埋糖水吹吓水,咁有個朋友仔話呢間甜品鋪好出名不如一齊試試! 點知........原來係惡夢既開始,當我地去到呢間鋪頭既時候, 門口已經有十幾廿人等緊,我地心諗咁多人等位都唔會差得去邊,咁我朋友仔去同門口果位職員講4位,都知要起碼等半個鐘,不過我地又唔係趕住走都無所謂啦!點知果位職員同我地講等5至6分鐘,我地即刻諗係唔係呀咁多人等都可以咁快, 點知一等就8個幾字有多,本來無所謂既我地都燥燥地, 大佬無咁快都唔好吹水呀!!跟住終於都等我地,咁都諗住有得舒舒服服食吓野吹吓水,點知我地一坐低,連menu都未有, 門口果位職員就問我地d野到齊拿, 我地即刻o嘴,嘩, 你剛剛叫我地入黎唔好好似失憶咁先啦,咁唯有同番佢講, 但我地已經比佢攪到勁掃興囉, 咁我地一人叫左一個甜品,食到咁上下d侍應又係咁收碗,慌死你唔走咁,我地唯有食完唔夠5分鐘就比逼走,原本諗住傾計都唔得, 攪到我一肚火,真係貼錢買難受, 我個朋友仔仲話佢出名,我知佢出名咩啦, 出名趕客走嘛!!!!