金港海鮮酒家 (已結業)

星期六同屋企人去飲下午茶，就算係下午茶時段，呢到都唔多人，唔洗等位，一入就有位。之前黎過食都ok，選擇幾多，但依家質素好似比以前差左好多，今次黎就令我地相當失望。我地叫了幾樣點心，普通點心都係中下質素，其中粉果個樣黎到都唔太好睇，有個已經爆開散左，味道當然都唔係幾好味。馬拉高就普通啦，都夠熱，但太腍。優錢就一般，唔特別便，而呢到既環境都麻麻地，坐位唔係特別舒服，員工既服務態度亦唔係太好，下次唔會再黎。…查看更多

好平分量多但質素一般般既打邊爐今晚老婆👱🏻‍♀️想打邊爐，但吾想去太遠，咁就搵下屋企附近除左稻香仲有邊到近有得食，一搵見牽情間有間酒樓好平打邊爐，咁就同老婆👱🏻‍♀️去try try星期六、日就$128一位（低呀）咁我地兩個就入去食（都預左平應該都係普普通通架啦）叫左沙嗲湯底，個湯底冇咩味道，叫左第一輪咁吾洗再叫啦，並不是難食，係佢出既分量好多，我寫紙都係填要一同二位，芝士腸都來左整15條咁多（兩個人店食，仲要老婆吾太食🤦🏻‍♂️)淨食丸都飽曬，D魷魚🦑分量又係好多。打邊爐咁平質素算係咁，係湯低差左少少，但分量就真係冇得輸，好多（我同老婆講係咁做預係落一之單，吾好再煩佢😂）…查看更多

今日去到粉嶺探朋友，屋苑這個商場冇咩餐廳可以容納10個人，於是決定到酒樓飲茶，適逢呢間餐廳下午茶時間是一點半開始，便決定試一試。下午茶推出套餐優惠，一個點心+1個小食，都是二十元左右。食物味道唔錯，但等候時間比較長因為有優惠嘅緣故，唔覺意叫咗太多碟燒賣，食到飽飽，每人都唔使$60…查看更多

OT完9點先返到粉嶺，只係想隨便買啲野食，就去左金港買燒味飯，因為朋友之前推薦過呢間既燒味好食。本來想雙拼叉燒、燒肉，但叉燒實在太受歡迎賣哂，所以我買左淨燒肉飯算。單拼只係$23，好抵！燒肉仲有少少餘溫，但即使我咁夜先買，d皮仲係脆既，咬到咔咔聲，而燒肉唔會過咸，而且肥瘦平均，淋上少少豉油送飯真係一流…查看更多

一家人有老有嫩，見這間酒樓經常在門口等位，一心旁晚6點入座，的確早點就有位。看了餐牌，有些特價菜，於是很快就諗好，見18蚊條魚有一斤，於是試試；然後，加點個冬瓜盅套餐，幸好早到，如果唔係，都唔使咁住點，唔夠半個鐘就話賣晒；另外，點好那條魚，6點21分落單，點知食飽飯，追咗好幾次，由侍應，追到部長，眼見别的檯點條魚都劏完到上檯，我點的魚都未到，成個鐘頭先上至到條魚還有，所點的幾味菜，都好鹹，炒飯都好鹹，小朋友不斷叫飲水，而且茶位要成12蚊位，小朋友都計，下次都無幫襯…查看更多

父親節正日同老爺奶奶飲早茶，9點黎到個場差唔多坐滿晒人。我地有9大6小合共15人，分別由4個不同地方聚埋一齊，又係非常開心熱鬧的一餐。今日都叫左好多野食，鴨腳扎係唯一一籠我叫既點心，我鍾意食鴨腳同埋外面塊腐皮，而舊芋頭就比左其他人食。另外我都好鍾意食錦花雞，但今日就無叫。春卷又係我至愛，好香好脆，今日人多，我比較有風度，只係食左半件其他野食味道都Ok,唔會話太難食或者好喊。飲茶好多人會話點會叫飯架，當然係叫點心啦，但偏偏有人會無飯不歡，就例如我地呢枱就叫左3盅排骨鳳爪飯。小朋友貪玩，請搵下相片中既亮點。埋單$761，平均每人$50。總體黎講d野食ok啦，但d櫈就污漕左d，我見隔離枱無人，換左幾張乾淨既過黎。…查看更多

$108全包價晚市火鍋放題的確好吸引,所以就嚟試試先一入門口已經有個笑容滿面嘅服務員,坐底再有幾個笑容滿面嘅服務員幫您執嘢,問您點咩湯底,再即刻送上鮮蝦一小碟:)湯底嚟到,我哋嗌咗醉雞鍋湯底,湯入面嘅雞係生嘅,即係唔係預先整好哂煲咗幾粒鐘嗰啲湯,到啲雞熟哂攞嚟食,啲雞超級鞋口,而個湯底係無味嘅！啲火鍋配料嚟到,係完全唔好食嘅,啲質素仲差過其他平價舖頭😖就算有象拔片任食,質素都係唔得其實佢哋有得加錢嗌靚少少嘅火鍋配料嘅，不過個人認為絕對唔值！飲品有啤酒汽水庶水之類,菜都可以自己出去攞，菜類都算新鮮嘅！雖然價錢好平,但質素奇差,絕對唔會再幫襯火鍋,只會幫襯佢哋嘅茶市…查看更多

路過見到佢哋寫住點心拼盤58蚊，即刻走入去試吓先，茶客超多，不過都好快有位俾我哋坐，我哋午市時間去，但係都有好多午市優惠。我哋嗌咗好多嘢食，連炸乳鴿都嗌咗兩隻，埋單都只係兩舊水！水準都ok架！您話係咪平到笑？…查看更多

呢間野呢個鋪位成日轉手，開左幾年都依家我飲茶就飲過好多次，但晚餐食佢過火鍋任食就真係第一次，佢既任食放鍋無肥牛，得果隻唔知牛咩肉，咬落去好似食香口膠咁，雖然任叫任食，你叫完一碟你唔會想叫第二碟，好就好在佢會送一碟安格牛、一碟刺身、一碟海鮮。安格牛好食，但只係送一碟再叫就要再比錢，相信任食黎講你都唔會想狂叫黎食。刺身，一黎到就咁睇佢個樣就會想即刻望下佢個刺身吧咩環境，因為佢D刺身完全無光澤唔知擺左幾耐，仲衰過爭鮮。海鮮，普普通通，但睇得出唔係活蝦黎。總括黎講無下次。任食黎講未食過咁差，劣食推介…查看更多

早幾日，去完uncle屋企house warming之後就一行6人去左金港海鮮酒家食晚飯。金港可以揀食小菜或者打邊爐。我地就揀左食小菜。金港有個晚飯超級皇牌（只可選一），屋企人鐘意食魚，所以先叫左一條$18（約一斤）清蒸魚。魚好好味又新鮮，肉質好滑，而家只係$18，好抵又好食，屋企人都話正！我地叫左個姜蔥焗蠔，一上碟，個個都話好大隻，有大半隻手掌咁大，而且好juicy, 姜蔥焗惹味又唔腥。但美中不足係我地6個人，但蠔得5隻唔夠分..........蒜蓉粉絲蒸元貝蒜蓉係炸蒜，香口，味道亦ok, 但元貝比較細隻，唔算非常抵食........另外叫左美極蝦，菠蘿咕嚕肉，上湯蒜子豆苗，瑤柱扒鮮菇西蘭花同上湯瀨粉（不過太肚餓，食左先醒起唔記得影相）總括來講，食左咁多野，每人都唔洗$150算係幾抵食（特別係超級皇牌同孖寶）而且味道都唔錯，如果再去uncle屋企都會再去食～～…查看更多

門面唔靚，裝修唔靚，一般做街坊生意既酒樓。早茶時段，無人等位，無知客，自己搵位。==============================咸魚肉餅飯 --> 薄薄既一片肉+一舊仔咸魚，飯唔淋，夠熱虎皮尖椒 --> 好燶，好油，只有薄薄既一片魚肉，而且尖椒入面既籽係完全無處理過，廚房師傅都好忙下香芋鴨腳扎 --> 芋頭收晒水一D都唔粉，應該係好早切定乾左水，入面舊肉一pat野，鴨腳正常香煎蝦米腸 --> 呢個睇運氣，好睇廚房阿姐點夾，每次都唔同，今次比較少同煎得唔夠七彩炒米粉 --> 呢個都係睇運氣，好睇廚房阿姐點夾，試過黎到碟米粉又少，配料又少，今次好好運地炒得幾靚仔香煎芋頭糕 --> 好多粉 (唔係舊芋頭粉呀唔好誤會)，芋頭得好少，但廚房阿姐煎得幾靚蒜茸蝦春卷 --> 唔...我食唔到蒜茸味，唔緊要，個皮夠脆就得蟹籽燒賣皇 --> 正正常常，無特別鮮竹鯪魚球 --> 正常，唔會一pat野，有咬口香茜叉燒腸 --> 叉燒得幾舊，腸粉唔夠滑==============================我唔係D咩野食家，我本身食野都係求求其其，只要唔難食就得，而呢間酒樓，除左平之外，D野食真係無質素可言...仲記得佢初初開既時候，隔離檯坐左幾個老闆喺度研究緊點樣將D食物擺碟，其中一個老闆話: 咁樣擺咪可以擺少D囉!我明白做生意，當然係賺錢為先，但食客如我聽到既話就覺得不是味兒!  至於服務方面，見過幾次有老闆/經理同D食客喺度嘈，嘈完之後仲要同另外D老闆/經理講食客壞話...我自己都做過服務性行業，唔係話一定要俾個客鬧唔出聲，不過咁樣硬碰硬都係第一次見...另外有個別經理同侍應都比較散漫，見到都可以當見唔到...都係嗰句啦，好難對街坊酒樓有要求...…查看更多

可能禽流感過咗噤耐，好多人已經忘記咗。今日去粉嶺金港酒樓飲茶，佢上咗碟白切雞，血淋淋，連d雞肉都仲係透明，噤就同d職員講，個姐姐話白切雞係噤。明知同個阿姐講無用，佢嚟咗個經理，佢都見未熟，就即刻話拎滾水淥下佢。諗住攪得掂，成班職員拎滾水又淥又盛。最後都係唔熟，攪咗噤耐，其實我覺得佢一早斬過舊就仲快。那邊箱對面枱碟棉花雞又係唔熟，又要搵經理。原來呢度d野都出名求其同唔熟。職員仲覺得無問題😅⋯⋯⋯⋯…查看更多

經過金港，見到海鮮蒸氣鍋有推廣就入去試試。二人餐大約＄400，免加一同茶芥，我哋坐低時候，因為冇晒蒸氣鍋嘅枱，等左大約半個鐘，因為好想食，蒸氣鍋有海鮮、蔬菜、肉類同馬拉糕等等......以兩個人來講份量好足夠，材料亦都新鮮，同埋當日送咗一隻新鮮龍蝦，海鮮有粉絲蟶子、蟹、龍躉肉；肉類有牛肉，蔬菜籃都有好多種類，經濟又實惠！…查看更多

有時懶得煮飯，就鍾意去金港買個兩餸燒味嚟食。兩送飯嘅價錢係＄25好抵，我尤其鍾意食佢嘅燒腩肉，因為真係卜卜脆又唔會咸，另外就會食叉燒。先講佢嘅份量，腩肉大概有六至七舊，叉燒都好多，所以絕對夠飽。另外佢個飯熱辣辣，以＄25嘅晚餐來講佢的確性價比高！…查看更多

今日去粉嶺探朋友，夜晚去咗金港開餐，酒樓有一個吸引嘅package，就係可以一蚊食到半隻雞，咁我哋就一行三人叫咗一蚊雞，一個雜菜煲同埋一個魚頭煲。好快就上菜，半隻雞好足料，熱騰騰咁上枱，隻雞好滑嫩又夠味，配飯一流呢！然後到雜菜煲，我之前以為會係好細個種砂鍋煲嘅size，但黎到見到都好大煲，50幾蚊黎講真係超級抵食，裏面除咗有雜菜、有粉絲、好多蝦魷、魚蟹柳等等好豐富，最後個魚頭煲用左炸粉炸香，所以入口好香脆，同埋加左大量薑蔥所以好入味。 總括我地都覺得抵又有水準！…查看更多