金泰潮

營業中

休息中

質素唔錯，推介青芒炸魚沙律，肉碎蛋飯，馬拉盞通菜。不過位置較為偏僻唔容易搵。嘢食好有鑊氣特別推介肉碎煎蛋牛肉飯有鑊氣又有原汁原味叫咗炸魚沙律，啲魚食極都食唔完正

餐廳安排坐路邊，食塵多過似食飯！生菜包有蟲，唉完全無胃口！啲菜渣擺係隔離，咁臭邊有胃口食野！污糟程度簡直係頂級泰國人都咁難食！無曬胃口，食完仲病左幾日奉勸大家，除非想洗腸胃，否則真係唔好試🙅

🍊 餐廳名稱：金泰潮🐝 味道：9/10環境：7/10整體分數：8/10/💰人均：$100———————————————————由泰國人親身主理既大角咀小店呢間可以話係非常隱世，有時行過你都未必會發現到，可以話係住附近既人先知！泰式乾炒雞肉河粉 $62炒得好乾身好有鑊氣，色相完全表明左有幾好食。泰式香葉豬肉碎煎蛋飯 $65小編大推，基本上無得挑剔，隻流心燶邊蛋係世一！溫提示係唔食得辣既記得講聲小小辣，如果唔係佢就全自動幫你加平時份既辣椒，比得上叫大辣架啦。馬拉盞炒通菜 $65龍眼水 $20主要做晚市的，星期三公休！不過亦有試過想食但無開既情況，所以去之前可以打電話問下先！———————————————————🗺️ 大角咀角祥街91號地舖 🔍#FlavorforToday大角咀🚆 港鐵奧運站B出口, 步行約8分鐘

2021年11月21日星期日我一家3口出旺角行街，我老婆朋友話大角咀金泰潮好食，于是咪去試下，我叫左5樣野：生蝦 海鲜炒粉丝 豬頸肉生菜包，泰色炒菜，椰汁西米糕，開始各得是幾好味但食到豬頸肉生菜包食左一半我老婆發現有隻黑色的蝸牛在生菜里面爬行🥶，頂你個肺即刻想嘔🤮叫事頭婆出来睇下，嘩😠乜野都唔講九秒九收左2碟野走左去當没事發生過😠我地又唔記得影相😞跟住後面炒菜同甜品沒乜胃口食🤢到埋單時我地問：個生菜包唔係仲收錢呀？事頭婆答得好x型：你都食左一半啦條虫你又沒食落肚，更是要比錢啦😡嘩！下我真是想講粗口，我腸胃好頂得住，但我老婆返去屙左3次😫總結来講：是比出邊平少少，但廚房衛生環境差，服務態度做戲，開頭笑臉一出事360度變臉，垃圾😡以后唔會去，搞到我對泰國人的印象都差q埋。

服務態度差到你唔信，而且食物好唔乾淨，叫咗個生菜包，食咗幾個後發現菜上竟然有頭髮嘅，諗住果塊唔食拎走佢就算，點知下面果塊仲要唔止一條頭髮，大佬，我食生菜包唔係髮菜包呀，叫個伙記埋嚟話佢知，佢就二話不說沒收咗份生菜，無錯，佢真係沒收，因為佢一直都唔拎返出嚟比我哋，到我再問佢，仲好唔耐煩咁，掉低返碟菜比我，但明眼人一眼就知根本係同一碟嚟，算！我覺得再留係度佢都唔知會比咩我食，以後唔會再去，建議大家諗清楚，唔怕食污糟野同受得到氣先好去！！

從來冇寫過食評 ，今次第一次，因為真係好嬲 ，諗住系泰國人煮食，過嚟試下，個菜里面有几條頭發都算了， 叫咗個生菜包 食咗兩頁生菜 見到裏面有隻大蝸牛喺度食紧生菜，非常令人作嘔！細聲叫咗老闆娘過嚟睇 佢即刻攞走成碟菜 毀滅證據， 一句聲都冇出， 道歉一句都冇， 亦都冇攞新嘅菜畀我。埋单果時佢要收我果份生菜包原价，无问题。你系唔系應該一早俾反一份干净的生菜，俾我包野食呢，佢无喎，而系黑口黑面講，菜就系有蟲的，唔知佢自己敢唔敢同只蜗牛一起食菜呢？我話你都冇俾反新的我，成盘拿走，为什么要俾你原价，個老板娘串到死，講個菜我拿走佐者，最多我俾顆生菜你拿走，簡直系侮辱，由頭到尾都冇道過歉！！！ 态度非常差！！！

搭車經過經常發現門口坐滿食客，今晚就去試吓，我點了冬陰功、炒肉碎及粉絲沙律最出色，炒通菜我就覺得比較油，價錢比隔離街那間泰菜平少少，老闆娘親切態度，小女兒很乖非常幫得手，由於旁邊的全部都是車房，所以晚上可以舒服的坐在外面，非常適合泊車人士及帶狗狗到來，我也認同上一位食評，應該可以不用到九龍城了，細問之下原來逢星期三放假，經過的不妨試試！

想食正宗泰菜不一定要去九龍城, 大角咀也有間正宗泰國小店, 眼見老闆娘同廚師也是正宗泰國人, 我們一行3人點了好幾個小菜, 龍眼冰入面的龍眼真心要讚, 坊間的最多只有4粒, 這杯龍眼冰起碼有10粒龍眼, 我才覺得自己緊龍眼冰而不是只飲甜水。第一碟生蝦刺身, 連蝦頭都炸埋上碟, 每隻蝦頭都有膏, 一味兩食。冬陰公湯酸辣度適中帶上一陣陣的香茅味,湯內亦有2隻大蝦。蒜蓉包上有一粒粒的蒜蓉, 就知道並唔係Hea的蒜蓉包, 點上冬蔭功湯一齊食就知道好配。炭燒雞全翼不用加任何調味料已經好入味。生菜包份量適中, 每人都可以包到3次。從前都只會食馬拉盞炒通菜/泰式炒通菜,最後我們點了咸魚炒椰菜苗, 椰菜苗的爽口令我差不多吃了2/3碟。雖然價錢不是特別平民價, 但價錢可以反映食物的質素, 如果想吃正宗泰菜, 我也會推介這間小店。

經常駕車經過這條小街見到這小店時常有人等位，於是很想到訪試一試這泰國餐廳。這天晚上刚巧碰到有車位便走到這裡一試味道如何。這小店真的很小，祗有幾張枱，看似是泰國人經營的。先叫啤酒一支伴那個泰國小食生蝦一碟。蝦身有彈力，酸汁味道很好。再叫黃咖哩一客。咖哩汁很有味，豬肉嫩滑。餸飯十分一流。再叫一客馬拉棧炒棷菜苖。這菜色炒得很有火路，份量很適中。整個晚餐都是二佰多元，十分低食。祗可惜週边環境很差，影響了整體晚餐的印象。

老闆同老闆娘都係泰國人，d嘢食幾正宗，最鍾意食飛天通菜（醬料好惹味），明爐燒烏頭魚（魚肉好滑），牛肉碎炒飯（係新鮮現切牛，唔係免治牛，有牛味）。老闆娘都幾好人，成日俾甜品我地試。 收工後晚餐好選擇。

今日放假突然想食韓國菜，就叫🐷🐷揸車去大角咀試間新嘅韓國菜，點知8點幾到咗但冇位，我個壞習慣係唔會等位，唯有去其他睇吓有咩食！過咗2個街口見到間泰國舖，咪入去試吓囉。入到間小店雖然殘舊啲，但總算乾淨，首先叫咗泰式生蝦😋😋（蝦夠新鮮、個汁好正），第二樣食就係生菜包😋😋（我揀咗豬肉，生菜新鮮，超好味），第三樣就係冬蔭公湯😋😋（隻蝦好大隻，湯亦好好味），到第四樣係炒金邊粉（普通咗啲同埋我覺得濕咗啲），第五樣就係馬拉盞炒通菜😮（麻麻地，因為唔夠味，偏淡）。連埋兩個椰青，埋單$348⋯⋯都算抵食不過總括嚟講都幾好食，可以再去👍🏻👍🏻