金曼谷泰國餐廳

營業中

休息中

今日嚟到大圍泰國金曼谷餐廳，餐廳分咗室內同室外嘅座位，室內座位方便養小動物嘅朋友🦮🐶菠蘿海鮮飯🍍，菠蘿嘅甜味襯托得成個飯都好嘢未，再配埋海鮮，真係一絕。青咖喱雞🐓，青咖喱汁再加菠蘿海鮮飯，味道好夾，咖喱香滑，啱晒一啲食唔到辣嘅朋友，不過雞嘅數量就少咗啲🙃明爐䱽魚🐟魚，酸酸辣辣好開胃，魚肉爽甜，可惜條魚唔夠大，如果再大條啲咁就正🤣🤣🤣📍 金曼谷泰國餐廳 (大圍)大圍田心村地下264號舖

從來未寫過差評，第一次就差評就比依間垃圾，態度極惡劣，想受氣既快啲試下。野食質素差，上錯野仲要話番你轉頭，仲要大條道理，垃圾餐廳。大家想貼錢賣難受真係要試下🥲

叫咗泰式豬頸肉炒飯，上到黎以為俾漏咗豬頸肉，係飯入面搵極都冇😮問侍應，佢話個兩粒類似肉粒既就係。😰😰😰😰😰我望真啲，嘩，真係有豬頸肉呀，但係得兩粒😚啲蔥粒仲大粒過佢。杯龍眼水又淡🤢之前叫外賣，扎肉雞絲河，已經得幾條雞絲，以為堂食會好啲🥺但發覺成間餐廳都唔老實🥲🥲🥲🥲🥲係到開咗三十年，以前好鐘意食,但經過今次之後永遠唔會再食。

簡直垃圾，入座唔講室內只食個半鐘，夠鐘就趕人走，最重要系根本無人坐滿，去一次就夠，下次免費都唔黎，服務員又九唔搭八，全程唔在乎你幫襯，唔知老闆系乜人 ，總之有機會寧願搵其他食店都唔會再幫襯

係田心村呢間泰菜餐廳食過兩次😛都真係食過返尋味 個氣氛又好 叫埋支泰象啤就一流👏🏻👏🏻但朋友唔係好食得辣 所以都無叫好多野🤍烤餅呢個一定要叫黎點咖喱，就咁食都非常出色🤩酥軟可口🤍燒豬頸肉豬頸肉肥瘦均勻，個汁有少少辣，但又甜甜地，似燒肉汁，好食😋🤍生菜🥬包炒肉碎生菜新鮮爽脆，配埋個炒得香口，又酸酸地既肉碎食，好滿足，好醒胃🤍咖哩炒青口個咖喱🍛唔算辣少少甜，有椰香，配青口都幾夾，後尾仲得登叫左個飯黎撈汁，清晒成碟野🤍泰式魷魚🦑筒飯因為係即整，所以等左陣😛釀左啲糯米飯🍚係入面，點埋個甜酸醬，相當唔錯星期六日黎最好訂位，因為都幾多人，每個時段個半鐘🤣同埋訂左位就可以入去歎冷氣

今晚一家人揸車去田心村尋找美食，看見很多人選擇這一間金曼谷便試一試❤️我們選擇了在室外，不用等位，加一把風扇也不算太熱首先選擇了四串串燒，雞牛豬可選兩種，我們選了雞和豬，味道適中，跟一般串燒無異之後來的是菠蘿炒飯，飯上舖滿肉鬆，內裡混合菠蘿，滿滿裝滿了半個大菠蘿，十分開胃咖哩牛腩配薄餅選擇了黃咖哩小朋友也不覺速，牛腩頗多，點上薄餅，惹味十足金邊粉很小一碟，味道麻麻，可以不叫最後叫了一個芒果糯米飯，芒果頗甜，當然跟在泰國吃的分別甚大，只可解相思之苦

而家五月份雖然已經好熱但係坐室外嘅話空氣比較流通坐喺出邊覺得好熱，嘢食都大致上正常正常唔會好重味道，四個人食$600埋單，一共做咗六碟菜兩杯嘢飲，特別推介蒜蓉包好好食

呢間金曼谷 已經開左好多年， 尋日阿媽突然話想食泰國野， 近近地又好食 當然首選金曼谷。 晚市真係好爆場, 好彩可以電話訂位， 係人潮中見到留位兩個字 去到直接有得坐 真係好開心食泰菜， 最緊要第一時間整番碟生蝦先一黎到已經極速夾哂， 佢既生蝦真係百吃不厭 新鮮 又爽 又彈 仲要夠哂大隻！ 試過係出面食既生蝦 係急凍生蝦 馬拉盞炒椰菜苗 又係每次黎都要叫， 平時都係通菜多 呢間有得叫椰菜苗， 爽 好惹味 好夾！ 媽媽第一次食炒椰菜苗， 不斷話好食冬陰功好足料 夠酸又夠辣酸辣鳳爪就普通啦 吾算太入味 但係d汁好辣青咖哩雞， 配埋蒜蓉包同薄頭餅 yummy菠蘿炒飯好足料， 菠蘿酸酸甜甜好開胃4個人 食到飽一飽， 價錢算係ok啦。 吾算話抵， 正常價錢 不過味道ok，抵佢多人排隊既

#田心 #金曼谷 好食泰國菜，有朋友話仲好食過九龍城泰國菜🤣#飛天通菜 一個唔覺意真係會辣到飛天，一年四季都有通菜食👍#菠蘿炒飯 一般，無話好驚喜，肉鬆同腰果加咗好多分🍍🤤#明爐魚 必食呀!湯底夠辣，夠酸，夠惹味，辟哂啲腥味呀!!!👍味道: 8/10味精: 7/10價錢: 5/10環境: 6/10服務: 6/10

好耐無食呢間了以前有朋友慕名而黎幫襯果陣時我都覺得幾好的然後唔知幾時開始愈黎愈退步咁今次屋企人想叫外賣再試下點左~小食拼盤裡面有魚餅, 春卷, 仲有個忘記左魚餅就好一般好重香芧味春卷就真係麻麻地我地已經外賣黎到即刻食但個春卷唔熱的仲要個皮少少UN~冬陰功湯呢個就正常呀屋企人話偏酸少少我自己就接受到裡面有蝦肉蝦頭同大量秀珍菇~炒貴刁呢個都係正常質素唔係特別好味但講唔上差呀整體黎講搵唔到以前好好食既感覺

幾時都咁多人嘅泰國餐廳,正所謂有麝自然香,整得好食確實係客似雲來,店舖細細哋 但有室內室外, 所以算多位.餐廳附近有得泊車,啱曬三五知己，或者一家大細。因為如果坐火車，在大圍站行過嚟，有少少遠。由於餐廳太受歡迎，所以枱同枱之間，坐得比較近，有心理準備.廚師手勢唔錯，整嘅嘢確實幾好食，先嚟一個冬陰功，夠辣，足料，好味。鍾意食辣嘅朋友一定要試下，D蝦夠彈牙，又新鮮，並配有番茄、草菇等等其他材料，夠曬足料，惹味。炒通菜叫咗小油小鹽，佢真係做到，可以唔使咁鹹但又好好味，佩服。炒貴刁有誠意，有青口、蝦、魚等等材料，味道剛剛好，主食首選.晚市送甜品，椰汁大菜糕，非常好食及清甜。總括來說，㕑藝精湛，一定要來試試。

六點入去食野，五分鐘內落完單，跟住等到六點五十分先有野食黎。餐廳夜晚時段keep住忙搞外賣單，完全唔理堂食………除咗呢樣野之外，其他都幾好。野食好好味，叫咗豬頸肉炒飯，咖哩蝦球，串燒，炒飯份量好多，兩個人食到好飽

冇得去泰國又費事出去九龍城甘遠食飯，是但去雲疊花園附近搵食就算，由於疫情穩定左，周圍都係人，搵左唯一一間嘅泰國餐廳🍴，但我足足等左差唔多20-25分鐘才可以入座！入到去都幾滿座，D待應忙過不停，我哋點左兩枝啤酒、椰青海鮮咖喱、一份簿餅、雞翼河粉，上菜都好快手，加番吾少分！係甘熱又濕嘅天氣飲番杯啤酒🍻好正，解下喝都好椰青海鮮咖喱，好香咖喱味，加左少量檸檬葉個味道當堂覺得提供左，其實都幾足料，又吾係好辣，啱晒D想食D濃味又唔辣得嘅人雞翼湯河，可以選擇清湯、喇沙湯底、冬陰公湯底，我選擇左清湯，清清地就算，不過不失，冇麥特別，但略嫌D雞翼有少少淋左！D餐都抵食二百幾蚊食到飽飽，下次可以再幫襯

服務態度很差！我明明要凍的龍眼茶外賣 但是他們給我熱的龍眼茶還不肯退換！說要下次！如果下次我還會吃嗎？這樣的服務態度很差！連收據都寫着是凍飲，還可以犯這種低級的錯誤！我在附近的其他餐廳試過送錯嘢飲他們會說立刻換給你即使外賣他也會重新送給你因為他們知道這是他們的錯誤！但是同樣的問題在這一間店他們竟然說下次補給你請問如果我不再吃這一間店又怎樣補給我？你們這樣的服務態度又如何再叫人再次惠顧？如果下一次還是送錯了東西難道又要下一次再給？

the staff at this restaurant are really rude and obnoxious, rushing us to leave so they can close more early.not relaxing to eat at all. the food is tastes bad and the presentation  makes you want to not eat it. 1 star only