金悅海鮮酒家

在討論食咩晚飯既時候. 男朋友提出想打邊爐.同時我地又想去下D我地未去過既地方食下喎.於是上黎OPENRICE一搵.就搵左呢間金悅.雖然食評總數唔算多. 但23個VS1個 都算係咁上下吧??不過呢度既SERVICE真係麻麻地囉.打去BOOK位. 打左2次..第1次. 想問清楚係咪任食火鍋. 點知佢該左我線-.-第2次. 留左位之後. 想firm多次係咪任食.食幾耐. 答完我就即咳我線.真係咁忙咁好生意嗎??-.-但係我地去到又唔覺得好多人幫襯咋喎??神奇係.可能因為太多位剩. 去到同佢講留左位.佢話唔重要. 問我幾多人就比檯我-.-好懷疑其實究竟有冇人mark低到邊個book檯-.-叫左鴛鴦湯底.一邊沙嗲,一邊清湯..不過個waiter係咁冇啦啦走我地加水..-3-都未開始淥野食. 就已經2邊湯底混和成一樣.不過好彩2個湯底都幾好幾好味.所以都還好啦.仲有仲有. 個煲蓋好似爛左.. 超級難拎起個煲蓋..好似有d危險啊!!! 超驚會辣親隻手.食物既選擇的確唔少..不過.叫到既野食.好多都冇黎到..又冇通知.想食午餐肉但冇黎到..男朋友問個待應有冇-.-個waiter竟然答「有就有,冇咪冇囉」…姐係咩意思??之後問過第2個waitress先知真係冇,,不過overall D野食都好新鮮=) 唔錯唔錯!!!個蠔好大隻好新鮮...好味=)正!!!係個肥牛麻麻地. 好似未解哂凍咁???最正係有任飲=)無論係汽水定一JAR JAR既野飲都可以自己任玀.我地2個飲蔗汁.幾甜.不過解喝=)打邊爐飲.PERFECT=D加埋一都係每人$120.. 真係算幾抵下=)想平平地打邊爐.又任食任飲.又唔洗等到9.00pm呢度算係唔錯既選擇…查看更多

半年前食過一次 己經唔錯星期日去食...$108 唔貴 任食任飲 飲既有 各類(氣)水,酒(唔好飲 雜牌),各類糖水 最好都係飲返(氣)水食物!! 唔錯 cow重值得讚下!! 任食黎講 我覺得唔錯 值得入口!!!!同埋 我地 星期日去都好少人.... 一半席滿!! 懷疑佢做唔做到落去= =因為少人既關係 黎野真係好快..... 一定唔會要你吹果隻..... conclude, 食物一般,任飲 ~值 , cow 好食! 少人 唔嘈 服務唔差!一大把朋友又唔想太貴....絕對值得!!9點後好似重平20蚊!!…查看更多

荒廢了這兒都有一段時間，趁現在有些空檔，還是盡力記低一些食評。(聽說新年過後將有不少食店結業，現在不寫以後可能就沒有機會了。)今次寫的是有關幾日前的「莊聚團年火鍋」！這兒就在寶勒巷，平時也沒有留意這裡有間任飲任食的火鍋酒家，首先多謝Obi負責統籌今次的聚會！一行十人帶著聚舊的心態去金悅，其實事先也對這餐的水準沒有多大要求了。點了不少火鍋必吃的配料，例如肥牛、本地肥牛、炸魚皮、魚皮餃、手打丸類、芝士腸、鵝腸、牛柏葉、雲吞、墨魚滑等等，連魚頭都有！選擇上是很大路的。肥牛只屬於中下水準，由於切得較厚身，導致入口較粗糙。別怪我斷章取義，我覺得打邊爐的靈魂就在於肥牛。可能下次有機會試就點要加錢的雪花肥牛吧！本地肥牛質素正常，幾有咬口，份量也不少。炸魚皮也普通，但稍嫌過於細碎。手打丸類和墨魚滑則屬心機之作，起碼叫做自家製，加分呀！魚頭都幾新鮮，亦好少在火鍋裡吃到這配料。(也可能是沒有人點才沒留意到)整過魚頭斬成數件，連魚雲一齊吃，滿足。任飲汽水和竹庶水(限量供應)，沒話好說了，這價錢在尖沙咀來說是很化算的了。部長亦樂意為我們拍照，服務也算不俗了。自從畢業過後，便很少有這種相聚的機會了！希望下次的聚會快些來臨啦。…查看更多

大半年前見這麼多人推介，所以就開始來吃火鍋；頭一次頗滿意，因為有任飲酒水和很多食店沒供應的雞蛋。(雖然沒有至愛的鱔片)但第二次有點出事，肥牛過肥而粗鞋，而且上枱時仍是硬實實的。上月天氣寒凍，再去多次，希望只是偶一為之，今次有所改善，結果與上次一樣。肥牛要肥也不致於肥到七八成是脂肪吧。而且肉質已鞋口到不能接受的地步。因為肉片上的肥膏和肉的部份是完全分開的，吃進口褢完全不像在吃肉，有點似趙植物般。有誠意的食肆怎可以入這樣的貨供人客吃呢？…查看更多

終於試食了好評不少的金悅任飲任食火鍋，火鍋的食物選擇不少，大部份常見的鍋料都不缺少，入座每人送多隻鲜蝦，之前已有食家詳細報了，不再在此贅述，客人可選擇任飲汽水、啤酒、酸梅湯、竹蔗矛根汁，酒樓绝不小家，啤酒是成桶送上，其它飲料也是一揸一揸上，不像有些酒家要客人逐杯逐罐走出走入自取那樣麻煩。 不過除辣醬外其他醬料要收每位十元。不得不提是這兒的雲吞、水餃、韮菜餃都是迷你版，好像是慈禧太后愛吃的珍來餃，吃多了也不怕食滯，又可嚐多幾種口味，也算是這店的特式。要了一客胡椒豬肚湯底，不用等已先有鍋料可食，胡椒味很香濃，又可先喝啖湯才吃，這價錢當然不包象拨蚌這類較貴鍋料，要吃便要加錢了，但在尖沙咀區內算是非常抵食了。…查看更多

上個星期,想打邊爐,見到呢間食評唔錯,就黎試下喇~美國肥牛 - 真係幾肥呀,不過都幾好食~芝士腸 - 比金妹嘅質感較粗,唔知點解第一轉食到有芝士好好味,第二轉就差好遠喇~牛筋丸 - 無牛筋嘅牛筋丸呀~串蝦 - size略細,但幾鮮味~蠔 - 估唔到又幾好食喎~駝鳥肉 - 好滑,正呀~~墨魚滑 - 無咩墨魚味呀~白蘿蔔 - 薄,軟熟,正~~炸魚皮 - 唔會過鹹,幾好~粟米 - 細件,快熟,超甜,好鬼正~~鮮冬菇 - 好細粒,唔好食~佢地剩係提供好鬼鹹嘅豉油,如要其他醬料要加$10,正在猶疑之際,好友諗到張d辣湯底加左落d豉油,嘩~即刻變得好好味呀~~汽水任飲,不過可樂只得百事......有大電視,得8成枱有人坐,唔駛迫餐死~仲有好多野未試呀,過兩個星期又再黎先得~~…查看更多

終於等到秋天,可以去打邊爐啦!! 唔係話夏天唔打得,而係個感覺唔同咗,就會覺得冇咁好味.前幾天約咗一對網上識了很久的同學仔(我地真係同學黎架,不過係從來未相認過). 又由於BF返咗香港,又可以約埋佢出黎識下我的同學仔. 結果4人行去咗係Openrice食評唔錯既金悅. 同學仔早早訂了枱,所以去到不用等位. 我地揀了胡椒豬肚湯同馬啼紅蘿蔔湯. 個豬肚湯越滾越辣,不過好正,叫咗炸枝竹索d湯,真係一樂也.我地仲叫咗:肥牛 ~ 一碟已經好多,但可惜好"un",所以冇再叫.娃娃菜 ~ 好清甜呀!!鯇魚片 ~ 好鮮味!豬潤 ~ 好靚,一d都唔硬!芝士腸 ~ 一碟又係有好多條!!墨魚滑 ~ 好彈呀!魚皮餃,唐生菜,牛丸,炸魚皮,鮮枝竹 ~ ok!魚旦 ~ 好實,唔好味!紅豆糕 ~ 雖然賣相唔靚,但食落又幾香椰汁味喎!!紅豆沙,綠豆水 ~ 水到冇味,唔建議大家叫!雞蛋 ~ 放了出黎任人拎,冇網友所講既情況"要俾錢先有"喎!不過好多都冇,例如生蝦,水餃等.飲品方面:竹庶芧根水 ~ 唔太甜,但好好味!酸梅湯 ~ 我冇飲,但同學話好淡.cream soda ~ 我都冇飲,又係同學仔話好味喎!整體黎講, $108任食任飲係抵! d服務又ok!最後等緊"車立"走時,見到佢幅海報寫住"現場直播 任飲任食火鍋"笑了!…查看更多

一行九人，去幫襯任飲任食火鍋。原來飲品要自取。竹蔗水、酸梅湯要去水吧取，啤酒、汽水就去雪櫃取。都算係幾多野食，肥牛、滑牛、駝鳥肉、牛柏葉、雞子、芝士腸、蝦、蠔、墨魚滑、鯪魚滑、鯪魚球、魚旦、花枝片、鯇魚片、吊桶仔、油麥菜、芋絲、鮮枝竹、秀珍菇、金菇、炸魚皮、白蘿蔔、雲吞、魚皮餃、唐生菜‥‥‥都真係食左好多野，真係幾飽！唯一 no good，係醬料只有好咸的豉油！沒有辣椒、雞蛋、沙嗲醬‥‥‥如果要另外的醬料要加錢！(我話早知頭先上黎之前，係七仔買辣椒醬啦，點知真係有個朋友自動請纓，最後呢個友仔買左xo辣椒醬！)d豉油加左xo醬好好多！天氣凍d ，會同家人再黎過。…查看更多

星期天的早上約了朋友到尖沙咀飲茶，不想去經常去的牡丹庭，先在OR這裹做一輪功課，便決定去這間十八個好評對零劣評的酒樓； 有些朋友說我通常都給正面評級很少有負面評分，其實真相就是我通常都預先做功課篩選一番，都已避免去一些劣級食店，況且差劣的食肆都經不起時間的考驗難以生存下來，所以正常都應該佔小數。今日試過這間酒樓的點心，印証了OR的食評都有相當可信性，除了腸粉皮較厚之外，食物味道相當有水準的，而且座位不算太密集，因為大都份會員都是不為金錢、利益只為和其它網友分享而寫的，因些其實比那些著名食家更為客觀、更有代表性。特別推介圖一所示那個三十四元的點心燒味飯餐，還包一碟清湯灼菜，非常抵食！ 試過Okay 下次一定會再來。…查看更多

琴日我哋7個人去Happy Hour，走咗去食火鍋，呢處D環境都OK啦，職員都幾好禮貌同主動招呼我哋，冷氣都OK夠凍，食物就更加正啦，蔬菜新鮮，蝦夠鮮，蠔又甜，肥牛都幾正，最正都係駝鳥肉，真係好滑，值得推介，我吔其中一個人獨愛食蝦，剩係佢一個人都食咗幾輪蝦，D侍應都保持好有禮貌，總之好多樣食物都幾好味，啤酒汽水又任飲，點嘅食物又快上檯，食物份量又足，但喺唯一唔好處就係D食物實在太大碟，食唔哂好浪費，有D過意唔去。我哋由7點幾食到11點，盡慶而歸，又唔駛下下要睇住隻錶驚食過時，下次一定會再嚟。…查看更多

24/7(四) 2:30pm騰空下午,跟組長相親來頓點心下午茶.兩時許的"金悅",茶客也不少.我們四人坐著倚窗的軟卡座,看著nowTV,吃著價格實惠的點心.大,中,小點為$10.8,$8.8,$6.8;被其低價格迷住,不期然點心把桌面之面積逐漸覆蓋了.鳳爪排骨飯$6.8,小籠包$6.8,菜苗餃$6.8,炸墨魚餅$8.8,蘿蔔糕$8.8,煎腸粉$8.8,叉腸$10.8,灼菜心$10.8,春卷$10.8,燒腩仔瀨粉$10.8,灌湯餃$10.8.大致上點心們的水準均可以,燒腩仔,鳳爪排骨飯,煎腸粉及灌湯餃表現較為出眾.反觀炸墨魚餅及蘿蔔糕的長相及水準教人側目.畢竟價格經濟,以及像樣的環境及服務,值回票價!…查看更多

無論春夏秋冬, 小妹一向對火鍋都是極之熱愛, 但火鍋的食物難以說好不好吃, 只能說新鮮與否而已, 同時湯底的選擇也重要, 會影響味道麻。八時來到, 不用等位, 吉檯還有很多, 眼見幾乎九成的食客都是打邊爐, 還邊吃邊看電視～食物選擇都頗多, 由於我們只有二人關係, 第一輪不敢點太多, 怕份量太大吃不下造成浪費, 所以點了七樣而已。湯底選了芫茜皮蛋湯, 清清地, 無咁熱氣飲品可選擇汽水、啤酒、竹蔗水和酸梅湯。第一輪：美國肥牛、津白、油麥菜、牛柏葉、鯪魚球、花枝片、芝士腸。除了美國肥牛之外，其他都新鮮既，值得推介。(原因：肥牛是雪藏的，上檯還沒解凍，肉質又好韌）食物份量不會太大, 夠二人吃, 還未飽，到第二輪了～第二輪：芋頭片、鮮枝竹、韮菜餃、鲩魚片、菠菜麵、炸魚皮、白蘿蔔、墨魚滑。只有菠菜麵最令人失望, 一咬即散, 一點也不彈牙。其他的沒什麼可挑剔了, 都OK呀(如果愛吃魚的人, 必點鲩魚片, 肉質嫩滑, 但小心有骨)仲有墨魚滑超正, 好彈牙, 食到粒粒墨魚肉TIM我們合二人之力, 終於吃哂, 無食剩, 抵讚, 哈哈!! 飲飽食醉之後, 有糖水甜品贈送(四選一), 我們選了紅豆沙和紅豆桂花糕。 果然沒選錯紅豆桂花糕, 原來是兩種口味, 一半是椰汁紅豆糕, 另一半是桂花糕, 清清甜甜, 好味! 如果紅豆再腍和粉一點會較好。第一次來金悅, 事實上食物質素當然比不上稻香、海港等酒家, 但以$108任飲任食來說, 又不分時段(這個最重要呢), 真的好抵了。最值得一讚是服務, SERVERS態度非常友善, 又定時執檯和加水, 絕對沒有「叫極冇人理」的情況, 食物上檯速度奇快, 很滿意啊!!!所以給笑臉～我會再來的～ …查看更多

開完會, 二時許才可以食lunch, 三個人到了公司附近的金悅酒家飲下午茶。下午二時許, 酒家人客唔多, 因為已經過了食午飯時間了, 所以不需等位, 而且仲有卡位坐o忝, 環境都算舒服。特價食物唔算多款, 我們點了:炒米粉 $6.8 -- 都算大碟, 味不濃, 較清淡, 不油膩, 唔錯!小籠飽 $6.8 -- 一籠三隻, 都幾有肉汁, 不過不失啦!水晶飽 $6.8 -- 兩種餡料( 豆沙和綠豆 ) , 我較喜歡綠豆, 因為較清甜, 不會膩, 而豆沙都ok, 但較甜。鳳爪排骨飯 $6.8 -- 又有鳳爪又有排骨, 無論如何都抵啦, 何況味道都ok!牛腱河 $10.8 -- 大大碗, 好多好多河粉, 食極都食唔完, 牛腱有成10件, 夠焾, 好食呀!茶芥每人收$6元, 連加一, 這餐剛剛100元, 好便宜, 但已經好飽好飽。我覺得這裡的下午茶值得推介!…查看更多

10/5同媽咪提出慶祝Mother's Day 啦!食評話呢間唔錯,咪去try try lor.點知去左間黑店,真係勸大家以後唔好去啦!我 and my family 去食左個8-10人餐,雖然我地得7個人,但人人都ok大食,點知D食物真係比得7人份,真係O嘴lor,你話唔想waste food OK!離譜的是碟翡翠帶子珊瑚蚌,D珊瑚蚌是壞的.碟龍蝦伊麵細到阿媽都唔認得,龍蝦得D骨,D肉數埋一人都無一舊,仲話係一隻龍蝦同比10個人食,10個BB啊?咪玩啦,現家是否7個人唔比叫8-10人餐先?最離譜都唔及D 部長的態度,問多兩句就閃人,send個傳菜人去答你,仲講錯價錢tim,汽水問個時就話10元3罐,好啦要3罐,點知 bill check個時又話8元1罐,真係神又係佢,鬼又係佢.死死氣之下咪要比多佢lor!本來同媽咪慶祝Mother's Day 的好心情都比呢間黑店破壞啦!真係唔好叫我再去呢間到食野啦!…查看更多

表弟亞驅介始的尖沙咀寶勒巷萬事昌廣場2/F的金悅海鮮酒家吃任飲任吃火鍋,順便比幾個男人看波,那兒是沒時間限制的,肥牛只是一般貨色,但~蠔及蝦都幾新鮮,任飲包括汽水,有罐裝百事可樂及橙汁,有啤酒及竹蔗水都有,以成人78元,小童48元一位(另每位20元醬油錢,免湯底)來說,4個成人,1個小童連加一才506元,在尖沙咀區都算不錯的了,不過,開車人士要注意,由於尖沙咀區泊車不易,我們泊在街頭的鐵路大廈,時租每小時25元,現場看波氣氛非常好,可是,當有人入球時,我女兒總說,媽咪,這兒很嘈,哈哈哈~…查看更多