金寶泰國菜館

營業中

休息中

非常喜愛泰式越南菜，要數多選擇，非九龍城莫屬，今日就尃程來到。今日揀了一間在同一街道都有3間的金寶泰國菜館。餐廳裝修整潔舒適，牆上的字畫，令餐廳更顯雅致。鹽燒鰂魚$170食泰式越南菜，比較喜愛食鹽燒鰂魚，因燒需時，所以一坐下就點了。鹽燒鰂魚都算大條，外表給鹽燒過的痕跡，很是吸引。鹽燒鰂魚肉質嫩滑多汁，點上跟配的泰式特製酸酸甜甜又帶辣的醬汁，非常好味。香葉炒豬肉$58香葉炒豬肉裏面有青豆、洋蔥、蒜粒及紅辣椒，味道香香辣辣很入味，這個香葉炒豬肉伴飯最配。馬拉盞炒通菜$55馬拉盞炒通菜，馬拉盞味道令通菜顯得很入味，相配得宜，所以食泰式菜我都很喜歡點馬拉盞炒通菜。椰青$32冰冰凍凍清清涼涼的椰青，為今晚的泰式菜加添美味及加分。

We went to Cambo in Kowloon city because the ranking on openrice seemed pretty high and Kowloon city is known for its Thai restaurants and food.The menu price is reasonable with dishes ranging from $60-150 and $150-$320 max for seafood dishes. Overall, our experience was average, the food was value for money but the flavours aren’t exactly on point. The vegetables are fresh and the meats are good but the wok dishes aren’t the best (e.g. pad Thai and rice dishes). Our best dish was the satay skew

突然抽起條筋好想食泰國菜，於是嚟左九龍城。行來行去，見到呢間又有越南菜，又有泰國菜，咁就決定入去試下先。因為我地兩個人胃口唔大，我地無叫飯麵，淨係叫左烤雞，炒菜，小食拼盤。份量比想像中大。烤雞，味道唔錯，即叫即烤，脆卜卜。炒菜，獲氣夠，唔錯，但再蒜香重少少會更加惹味！小食拼盤，整體上炸嘅都香脆，至於我最愛嘅蝦餅無得輸，好食！不過價錢就略為貴少少。兩個人食呢度十飽到爆！泰國姐姐好搞笑，教我地泰文叫菜

星期六，泰國菜，試下呢間傳統風味既小店。🌟推介：泰式生蝦！好正！🦐👍🏻（$95 @7隻）佢有好多汁同生蒜，辣椒，淡淡肉都好juicy👍🏻不過價錢都算貴！泰式金邊粉（$65）幾有鍋氣，不過如果有埋花生撈埋一起食仲正，記得襯熱食！🌟沙嗲串（6串雞）（$70）串燒幾大串，不過個汁比較失望，汁唔算好結身，偏椰味，我就鐘意結身d,有花生粒既。馬拉盞通菜（$55）好香，不過偏咸，尤其是個底好多汁，更咸。野飲叫左2樣，菠蘿梳打冰🍍幾好飲，好fresh 又唔會太甜。👍🏻（$25）仲有叫左支泰啤（$28）埋單$338🌟

又黎呢到同爸爸撐枱腳，系屋企附近方便就腳。【辣椒膏炒蜆】$80爸爸吾系好食得辣，點野食都會盡量就返佢，不過有次試左呢個，令佢一試難忘，成日黎呢到食都系為左呢碟炒蜆。用左甜味既辣椒膏，醬汁吾會好辣又惹味，令配菜都好好味，隻隻蜆都幾厚肉鮮甜。【醬爆蝦餅】$96/4粒獨家創意小食，將傳統既蝦餅裡加入左蝦膏，外層香脆又彈牙，蝦膏爆哂汁。【泰式炒金邊炒】$65好有鍋氣，味道好足，雖然有啲甜，左系加左青檸就清新哂。【蝦膏炒飯】$65有蝦有豬肉，米飯粒粒分明但系吾夠鹹香，蝦膏多啲就好。【蒜茸炸牛肉】$65牛肉吾會炸到乾巴巴，配蒜茸一齊食就有啲鹹。

來到九龍城 最出名的當然來食泰國菜成條街都好多泰國菜餐廳 金寶就係我由中學食到衣加既餐廳連住有3個鋪位 平日的話無book檯都可以食到 但假日就一定要book左位先如果唔係有排等今次都食返我平日愛吃的菜式冬蔭公飲完都唔會覺好口渴，好足料馬拉盞通菜雞，牛串燒串燒個醬好好食 一定要沾來食炸蝦餅望落有點似麥樂雞但其實係炸蝦餅蒜頭蔥爆牛肉喜歡食蒜的朋友可以點這道 因為真的有好多蒜頭 燒豬頸肉燒完都唔會好硬 入口好易咬開蝦湯河金邊粉最後甜品點了黑芒果糯米飯上檯時仍暖暖的 食完口更香椰汁味個糯米飯更軟更好食椰汁千層糕 夠q彈 而且椰汁味香濃

外籍朋友到訪， 知道九龍城是個充滿泰式美食的地方， 於是便帶她一試。之前有人介紹，說這間泰式餐廳比較特別， 走到店舖門面和店內發覺裝修非常新派！活蝦刺身鮮蝦爽口彈牙，可見新鮮。蒜蓉辣椒是剁碎的，鋪在生蝦上，配上酸汁，令人齒頰留香。辣椒膏炒大蜆眼看圖片，以為蜆的大小屬普通，當這碟菜送到桌子上，大蜆的大小令我感到驚訝。蜆肉口感厚實，甚為鮮甜，配以辣辣膏，甚為惹味。蒜蓉炒椰菜苗由於不想全餐以濃味為重，故選擇以清淡為主。清炒配以蒜蓉，能帶出椰菜苗的清甜。蒜蓉法包這並不是普通麵包，而是以蒜蓉焗法包。法包帶點咬口，配以牛油蒜蓉，味道不錯。燒蘆筍味道清淡，賣相不俗

泰國菜當然去九龍城，等左陣位，20分鐘到啦～佢有三間舖，好好生意！首先點左個柚子沙律，好開胃，腰果好香口，嫌佢太細碟，唔夠食泰式拼盤，真心不錯，蝦餅最最最好食，春卷內有原條蝦，串燒個醬好正，葉包雞估唔到地好食，雞肉岩岩好，一啲都唔鞋口炒通菜，唔會唔好食，好穩陣既必點等位時見到店員拎住兩個大菠蘿入廚房，好似好正咁，所以我地仲叫左個菠蘿海鮮焗飯，有大大隻蝦，肉鬆又香，添飯添飯！另外仲點左紅豆冰，偏甜但都ok

生日飯想食泰國菜,於是就嚟到素有小泰國之稱嘅九龍城大快朵頤🌝用Openrice訂枱仲送25飛行里數。懷着滿心期待，點知都幾失望，懷着滿心期待點知都幾失望,只能說米之蓮推介嘅十間有八間都係中伏之選🤗重點係，食完之後口渴到第二朝🔥比較好食嘅就係生蝦刺身，材料都新鮮,再加上醬汁調教酸辣得宜，所以當第一道菜係好開始嘅時候，等我仲以為今次冇揀錯啦...點知...🥺最伏選就一定係青咖喱雞肉🔥雞肉有雪味但都尚算嫩滑，可惜個醬真係太恐怖😱人造色素過多都不在話下，最重要係完全冇青咖喱嘅香味，等我哋仲叫咗客法包諗住可以慢慢嘆🤕第二伏就要數辣椒肉碎炒飯😿咸嘅程度真係食多兩啖都勁口渴，而且個飯唔夠乾身，失望！總括而言，廚師係烹調上味道嘅調教真係有待改善👊🏻一係過咸、一係過甜，真係捉唔到路呀！甜品就不過不失啦，價錢其實係九龍城區黎講唔算特別平！重點係我哋一家人食完之後口渴到成晚要不停飲水🔥🔥在我個人而言，呢間無下次！👋🏻

同朋友嚟到九龍城金寶食嘢，最正就係可以喺同一間餐廳入面食到泰菜同越南菜。餐牌上面包羅萬有，一次過滿足晒我想食泰國嘢同越南嘢嘅願望。去金寶食飯，必點嘅就係呢一味：醬爆蝦丸（$98/4粒）呢一味招牌菜好足料，新鮮炸起非常熱辣辣，中間咬開之後有好豐富嘅蝦膏，爆汁添㗎！扎肉蒸粉包（$55）粉包有好多餡料，加上酸汁同扎肉，好開胃。鹹魚炒芥蘭（$55）清清地又唔辣，蔬菜係不能缺少的。雞肉炒河（$60）河粉炒得乾身，本身係有辣嘅，餐廳可以幫我地走辣，難得嘅係炒河粉入面都有蔬菜，都幾健康。蒜蓉牛油雞翼（$39）聞到好香牛油味，食落就好似炸雞翼。汽水（$15）咸檸梳打（$25）

8點後入座，不用排隊。九龍城老字號的泰國菜，門口有蔡瀾簽名。活蝦🦐刺身😋賣相吸引，有好多蒜蓉、辣椒，生蝦好新鮮，有點辣，調味很好。泰啤配泰菜👍👍👍薏米龍眼水🍹好好飲，清甜，好適合配泰菜，整體不會太甜。醬爆蝦餅 $98/4件特色招牌菜，用料足，食得出蝦的含量比例很高😄醬爆的味道特別，有點像蝦膏，比純蝦餅口感更豐富，值得一試。辣椒膏炒蜆 $80好好味，蜆是大隻的，肥美，但只有六隻，份量少了點😅多兩隻感覺會好些。馬拉盞通菜🥗可能是季節不對，通菜好硬，雖然味道好正宗，仍有點失望。忘記了拍照呢～餸菜大都是小碟的，份量不會太多，兩人吃也可以點多幾款，價格大都定在$100以下，所以感覺相對親民，而且沒收加一，性價比算是高。

九龍城出名泰國菜館多，今日在嚟到金寶泰國菜館，已經係第三次幫襯佢😆由於價錢平民化，而且款式多，呢間菜館有泰國菜，又有越南菜， 我自己又鍾意食泰國嘅沙嗲，又鍾意食越南嘅咖喱，金寶可以滿足晒我兩個願望❤️👏🏻👍🏻餐牌上的而且角有好多款可以揀，每次黎到都花都眼亂😍有選擇困難症嘅我，真係唔識點揀😅🤷🏻‍♀️⋯⋯今日，都係交俾我朋友去揀啦🤣由於我唔食唔得太辣，所以每道餸都全部小辣馬拉盞通菜 $55通菜炒得好香，微微嘅小辣，加上用少少蒜頭炒， 好惹味😋咖喱大蝦煲，跟法包 $90椰汁好香，配上微辣，撈飯點包食一流，蝦嘅份量都幾多，起碼有五隻🤤泰式生菜包沙律 $60肉碎好有口感，唔太鹹，少少辣👍🏻串燒沙爹 (豬,牛,雞) $70豬牛雞，各兩串， 個汁最正， d肉唔鞋😝椰汁冰 $25 青檸冰 $25唔太甜，好解喝！再講一次，價錢真係唔貴，係大眾化👏🏻

一班人放咗工去食宵夜，嗌餸的時候幾乎冇睇價錢見到想食就叫，叫完之後心裏面都驚驚地，怕會好貴，最後都係每人70幾蚊，抵食！我哋嗌左避風塘軟殼蟹，金邊粉，生牛肉河，鮮蝦河，米紙卷，甜品拼盤，炒通菜，炒芥蘭，牛肉炒飯。我自己去泰國住過一年，所以對泰國菜嘅要求都幾高，我覺得佢嘅質素都幾好，特別係炒金邊粉，個濕度、酸同咸同甜嘅比例、芽菜嘅份量都啱啱好！我自己再嗌左三色冰，都唔錯！招待嘅姐姐非常好禮貌，抵讚呀！

今晚又去九龍城食泰國菜，今晚試下衙前塱道哩間「金寶」先～ 餐廳一邊係越菜，一邊係泰菜～ 我地去咗食泰菜嗰邊，餐牌都有越式料理可以選擇～ 唔錯👍🏻而且餐廳冇收加一服務費，非常抵食👍🏻泰式生菜包沙律$60我地叫咗豬肉，份量好足👍🏻 肉碎有口感，味道好，唔會太鹹，少少辣，包埋新鮮生菜一齊食，好好味，簡直食唔停口😋👍🏻椰汁青咖哩雞 $60用火鍋上，雞嘅份量好多，青咖喱汁好香，我地點咗蒜蓉包一齊食～ 味道好好，唔算太辣，而且好香～ 推介😋蒜蓉包$25蒜蓉包一籃有兩塊，兩塊都烤得好脆，充滿蒜蓉香，非常香口，正👍🏻 配咖哩食一流😋馬拉盞通菜 $55通菜炒得好香，好腍身，唔錯～泰式炒金邊粉$65金邊粉炒得好香，味道唔算好濃，蝦亦有好多隻，加上青檸汁更好味～招牌甜品拼盤 $80賣相吸引，有芒果糯米飯、椰汁西米糕、椰汁紅豆糕、同椰汁大菜糕～ 芒果香甜多汁，糯米飯係熱辣辣㗎😍 有白色同黑糯米，配埋椰汁整體非常好味😋 另外三款亦甜度適中，口感好好，好味～

一入去金寶泰國餐館見到full哂，打算系出面等陣，點知侍應帶我地去仲隔離果間，見到金寶越南餐館，兩間同一老闆。兩間店廚房互通，睇到隔離店情境。雖然話系越南餐廳，內裹充滿中國風，牆壁掛上毛筆字。上菜快，侍應夠主動，一入去即系斟水比我地。【活蝦刺身】 $95/7隻食泰國菜必點，仲要大大個橫額寫住活蝦刺身，表明活蝦，應該系招牌菜啦呱！黏滑既口感，肉質爽彈，幾新鮮。配呢個酸甜辣多重味覺享受既醬汁，不過個人喜歡自己蘸醬汁，按口味調節。【泰式生菜包辣肉碎沙律】豬 $60生菜包大多數都系供應豬，呢到好多元，有豬、牛同雞揀。生菜size岩岩好，吾會包到好大舊，食到論論盡盡。肉碎吾會炒到好乾身，吾知點解食到白芝麻既香口，但吾見肉碎內有，調味重手啲就更鹹香好味。【鹽燒烏頭魚】$170雖然話要時45分鐘，其實吾洗甘耐。價錢相對附近店黎講系高啲，但質素對得住價錢，至少無血塊，熟得黎又保留到肉汁，juicy，肉質嫩滑，時間火候把握得宜。暫時食過既燒烏頭之最！【椰汁青咖哩牛】$60椰汁香濃，青咖哩汁好多，撈飯一流，個人喜歡泰國晚香料味，呢個青咖哩帶吾出好濃既香料味。