金寶泰國菜館

營業中

休息中

餐廳位於九龍城，是一間營業到非常夜的一間泰國餐廳，適合我們這些夜鬼人士享用美食。由於九龍城有非常多泰國餐廳，這間開業了非常久的泰國餐廳一定有特別之處才能繼續生存。今次跟朋友到這裏點了不同的菜式，都是十分美味。這間餐廳除了泰式食物，也有越南的食物。今次想介紹的是大家比較少看的甜品，這裏的芒果糯米飯非常好吃，做得跟泰國的味道十分相似，之外這裏還提供不同的糕點，不是一般餐廳能夠吃到的，今次吃了椰汁大菜糕，椰汁味道非常重，口感不像塑膠一般。雖然九龍城交通不便，但非常合適揸車人士。

剛剛從泰國回來，便開始想念泰國的美食，所以這天放工後相約朋友到九龍城吃泰菜！我們當日吃了咖喱鮮牛腩煲、香茅炸豬排及泰式蝦炒飯。我喜歡咖喱牛腩煲的味道，味道偏甜，有豐富的香料味道。牛腩部分，牛肉不會靭，而且牛根很多。我們剛好喜歡牛根，所以大家對咖喱煲都挺滿意。不過其實令我最滿意的是這裡的法包，外脆內軟不在話下，硬脆外殼下的麵包質感還是煙韌的，真的太美味了！豬排方面，略嫌靭，但調味上是合合尺的，而且份量十足。而炒飯味道清淡，蝦是大大隻的，份量亦不少。這次的泰菜味道中規中矩，但價格親民，所以我覺得整體不錯！

與友金子往九龍城食泰菜，記得有同事曾說去過金寶泰國菜館，是很地道泰菜！好！泰式大蝦柚子沙律，大蝦與柚子新鲜，及有脆腰果，和雜菜！味剛好！冬蔭公，用炉上枱，熱騰騰泰式地道上菜，材料新鲜，酸辣適中，好，友人金子是讚好味咖喱炒蟹，一看買相很好，及至食時更是好味，多汁又夠味，蟹份量不小，我與友人也叫了飯伴汁吃，更大快朵颐，吃著咖喱汁的飯，很是滿足！泰式炒通菜，菜嫰又入味，炒得夠火喉！厨藝確不錯，而店也環境好舒適！友金子說要再來啊！我當然赞成

Bad attitudeWhen I was reading the menu outside, the guy kept chasing how many of us. When I said “table for one”, he asked me to go to next door. Still the same restaurant. Then, the waitress there asked how many of us. I said again “table for one”. She then again asked me to go next door. I insisted to go inside because the guy looks like the boss asked me to stay here.I eventually able to order. The guy came in again and asked me to shift to another table. The whole restaurant was only occupi

之前聽到新聞話九龍城呢一帶有可能面臨重建，呢度一直係大家既小泰國，泰菜餐廳已經開到“總有一間係左近”，今次之所以揀金寶，就係因為呢度可以滿足貪心既小朋友，有齊泰菜同越南菜，一次過滿足晒2個願望2個人叫左以下幾款，食到好飽呀！再加大大杯青檸梳打~GUR 晒炒金邊炒~最愛既泰式金邊炒，每次都係必點，較為小小濕身，好入味，再配上半個青檸，香口得黎帶點清新泰式串燒~70蚊一共有6串，雞、牛、豬各2串，每一啖都有炭燒味道，點埋沙嗲醬，令我諗起泰國夜市味道越式拼盆~有炸春卷、蝦餅、蝦卷、粉包，再跟一兜生菜，酸酸甜甜既汁~炸物夠熱夠脆，我就選擇用生菜包住春卷，自我感覺無咁熱氣令我最surprise既係粉包，粉包大大件，入面係滿滿既豬肉，洋蔥，木耳，好爽口，個皮唔會厚，好想再encore香芒椰汁黑糯米飯~又係泰菜既必點既甜品, 糯米飯可以選擇黑/白糯米,個人比較鍾意黑糯米,有D咬口, 配上椰汁,就係最原汁原味既泰式甜品,唯一美中不足就係芒果唔夠甜

呢日中午要出九龍城做野，所以約同事早啲出黎食埋野先開工九龍城我就真係唔算好熟路，反而同事係喺呢區返教會，所以都幾熟悉呢度有咩好野食佢同左我黎呢度雖然寫住係泰國菜館，但餐單上係有埋隔離同名既越南餐館啲菜色架而且同事話呢度唔收加一，所以價錢都唔算貴樣樣都想試下既我就揀左個“越南拼盤”HKd$100，同事就跟手叫左個“菠蘿焗飯”HKd$80同“蒜蓉炒雜菜”HKd$48一齊share食~~越南拼盤有四款食物：鮮蝦凍卷、春卷、蒸粉包同炸蝦餅當中既凍卷包有蝦肉、凍肉薄片、檬粉、香葉同生菜，沾上酸汁食落清新又開胃菠蘿焗飯以半邊菠蘿呈上有三隻大蝦同肉鬆係面，賣相吸引而且分量不少！！！而蒜蓉炒雜菜都幾有鑊氣，唔錯唔錯！同事跟個菠蘿焗飯既餐加16蚊飯三色冰而我就另外散叫左杯青檸梳打HKd$25，爽呀食飽飽又係時候要去開工嚕

老公同朋友今晚突然之間話不如去九龍城食泰國野， 因為好耐無食， 我地就即刻過左去九龍城， 係九龍城遊左陣周圍搵食。 行行下 , 見到金寶， 我地係門口窒一窒， 諗入唔入去， 因為而家d 店出左名就唔好食同服務差。 我地去到時都已經9:00 , 唔多人， 我地入到去服務員態度好好招呼我地， 我地共三人點左生🦐刺身， 半打串燒， 馬拉盞椰菜苗， 咖哩牛腩， 泰式金邊粉。 生🦐刺身好新鮮好正呀， 但呢餐飯我最欣賞係個咖哩牛腩， 牛腩好"林" 好入味， 又唔會太spicy所以可以再去食。

喜愛泰式菜，今日來到九龍城食，不用揀，自然就是食泰式菜了。今日揀了一間在同一街道都有3間的寶泰國菜館。餐廳裝修充滿了泰國色彩之餘，也有時尚氣息。椰青$32先要了2個椰青，清甜又好飲。泰式生菜包沙律$60泰式生菜包沙律，要了牛肉，裏面有青豆、香葉、洋蔥及蒜粒，炒得很香很入味，用生菜包著食，有口感又好味，有別於中國菜式，這就是泰式菜的特別之處。鹽燒烏頭魚$170鹽燒烏頭魚，每次食泰式菜，都很喜愛燒鰂魚或鹽燒烏頭魚，今日就要了鹽燒烏頭魚，因燒需時，所以就先點了。鹽燒烏頭魚外面燒得有少少焦及鹽燒的痕跡，非常吸引，魚肚𥚃有調味料及放了很多的香茅，最喜愛就是點上跟配的泰式帶辣的酸酸甜甜醬汁，很是惹味。馬拉盞炒通菜$55馬拉盞炒通菜，炒得夠鑊氣又入味。

金寶一向係九龍城老字號的泰菜館，估唔到依家做埋越菜，一次過食晒泰國越南菜，就好似新加坡多數夾馬拉菜一樣。泰式海鮮不可不吃。星期五晚上超爆，人很多，所以食物都等得蠻久的。活蝦刺身($95)有7隻，肉質新鮮彈牙，加埋生蒜辣椒，又酸味味，好惹味！泰式大蝦柚子沙律($78)，有蝦子、腰果、青瓜、生菜、蘿蔔絲、炸蒜片，配酸甜醬汁，很開胃，喜歡腰果超脆的。豬肉串賓海($85)越南菜式，用生菜包薄荷葉、豬肉、賓海一起吃，加點魚露醬汁，很健康的食法，很清新，一點都不油膩。蝦羔炒飯($65)拌蝦子和豬肉，蝦羔味好香，炒飯也混入肉碎，不會太鹹，味道剛剛好，配甜味的豬肉片，感覺蠻地道的。

好耐冇食過泰國菜，所以特登搭車入九龍城食晚餐貪呢度啲泰國菜夠多夠正宗嘛～基本上黎九龍城食黎食去都係果三兩間今日就揀你啦 — 金寶泰國菜館！書法見得多 但寫呢4隻字都算幾搞笑😂金寶價錢都算平我地分別叫左個生蝦刺身、生菜包、菠蘿炒飯同埋燒豬頸肉生蝦刺身一碟有8隻($95)個醬汁好足料，蒜頭同辣椒好多好正！生蝦爽口肥美，配埋醬汁好醒神開胃，推介👍🏽生菜包我地叫左跟豬肉($60)生菜爽脆鮮甜，配埋半肥瘦既豬肉碎包埋一齊食中和番個油膩同辣感👐🏼菠蘿炒飯個量好多 兩個女仔差啲食唔晒炒飯入面有火腿、菠蘿肉等，而且仲有三隻大蝦，蝦只有頭尾有殼，好方便！大蝦爽口彈牙 肉鬆撈埋啲飯同菠蘿一齊食，一流燒豬頸肉火喉控制得好好，唔會燶之餘仲有啲肉汁其實已經好好味，不過中意濃味啲既朋友我就十分建議大家點埋佢個醬汁一齊食，醬汁甜甜地，同豬頸肉好夾野飲方面我地叫左一杯珍多冰 都幾有椰香 算係唔錯啦！大家如果去開呢頭既話可以試下呢間泰國菜呀

媽媽一吾返屋企煮飯，就會同爸爸黎呢到撐枱腳，老顧客了。【活蝦剌身】$95必叫呢到既招牌！開始習慣到呢到既辣度，辣到好刺激，好過癮，肉質依舊甘爽脆。【海鮮濕炒河】$60似炒粉皮多d，食落比較煙煙韌韌，先落熱油炒過下粉皮先，鍋氣十足，醬汁多又稠密似湯羹，勁鮮甜！海鮮種類吾系話好多，有墨魚同蝦，都幾大隻。【辣椒膏炒蜆】$80齋個醬汁就餸到一碗飯，甜辣惹味，仲有好陣陣香葉味。蜆好足秤，幾厚肉。【干炒紅咖哩 (牛) 】$60南薑味比較重，食落吾辣，牛肉都幾多下，吾會炒到好乾身好老。【泰式生菜包沙律 (豬) 】$60比較重口味，呢個對個人黎講吾夠辣吾夠鹹，肥瘦比例系幾好既，不過肥肉就大粒左少少。

My partner wanted to have Thai cuisine for our date night, since we were in Kowloon city and he hadn’t been in the district for quite sometime. We didn’t want to go back to the big one (you know which one we were talking about), so we decided to walk around and see which restaurant appeared to be good.Cambo Thai Restaurant consists of 3 restaurants which sort of joined together, so we thought it must somehow be good, and it really is!Once we were seated, we saw this plate with four names and num

路過九龍城點可以唔食泰國嘢，今次試咗🌸金寶泰國菜館🌸。佢隔離有另一間金寶越南餐廳，可以一次過食到泰國野同埋越南野。食泰國嘢就先一定要嗌啲泰式飲品，我哋兩個叫咗一個椰青同埋龍眼冰，泰國感覺即刻出曬嚟 。第一道菜上嘅係酸辣粉絲大蜆煲🍲， 湯底少少酸辣，加埋好重香茅同九層塔味道，勁開胃， 大蜆都夠曬鮮甜。因為朋友病咗所以只可以食啲清淡嘢，咁啱呢度可以嗌越南嘢食，佢就要咗一碗雞翼湯河(走埋䓤)，啱曬佢食。 我就要咗一個海鮮濕炒河🐟。雖然係濕炒河，但係師傅都炒到食落勁有鑊氣， 而且味道啱啱好唔會太鹹，醬汁亦都唔會太杰，yummy yummy😁。 我哋另外仲加咗個凍鮮蝦卷🍤。煙韌嘅粉皮包咗大大隻嘅蝦同粉絲，中間仲夾咗香葉，食落好清新，可以中和其他重口味嘅食物味道。 最後甜品要咗一件拉椰糕，煙煙韌韌甜度啱啱好，都係食泰國野必叫之選，為呢餐畫上完美句號😍。

真係好中意食好開胃既泰菜，今次男朋友揀左食呢間泰菜，覺得好岩佢口味！我地唔係好食得辣，但又想食辣野(ゝ∀･)生菜包爽口美味，肉粒juicy，唔會太肥，炒到粒粒分明，好香既香料味，小小辣但都幾惹味(`・ω・´)！！！冬陰公酸酸辣辣幾好飲(●´ω｀●)ゞ，味道好濃，唔會太重椰奶味，好開胃，而且都幾足料，又有蝦肉又有菇粒，蝦肉大隻彈牙，不過冬蔭公就越飲越辣，我仲用黎點蒜蓉包！蒜蓉包好大份，而且幾香蒜味！(*´з｀*)鮮蝦卷清新，包住蝦肉、米粉、生菜，仲有小小香葉，不過鮮蝦卷冇咩味，要點酸汁食σ(´∀｀*)椒鹽軟殼蟹有小小失望(›´ω`‹ )，因為起初諗住炸到好似元氣咁，不過好彩炸粉幾薄，份量都多，金黃香脆～～最後食埋西米糕做甜品，咁就好完美(｡•ㅅ•｡)♡金寶泰國菜館  地址：九龍城衙前塱道25號 .

非常喜愛泰式越南菜，要數多選擇，非九龍城莫屬，今日就尃程來到。今日揀了一間在同一街道都有3間的金寶泰國菜館。餐廳裝修整潔舒適，牆上的字畫，令餐廳更顯雅致。鹽燒鰂魚$170食泰式越南菜，比較喜愛食鹽燒鰂魚，因燒需時，所以一坐下就點了。鹽燒鰂魚都算大條，外表給鹽燒過的痕跡，很是吸引。鹽燒鰂魚肉質嫩滑多汁，點上跟配的泰式特製酸酸甜甜又帶辣的醬汁，非常好味。香葉炒豬肉$58香葉炒豬肉裏面有青豆、洋蔥、蒜粒及紅辣椒，味道香香辣辣很入味，這個香葉炒豬肉伴飯最配。馬拉盞炒通菜$55馬拉盞炒通菜，馬拉盞味道令通菜顯得很入味，相配得宜，所以食泰式菜我都很喜歡點馬拉盞炒通菜。椰青$32冰冰凍凍清清涼涼的椰青，為今晚的泰式菜加添美味及加分。